ຫົວ​ຂໍ້ : ສວສຊ ປາຖະກະຖາວັນສ້າງຕັ້ງກຳມະບານ ຄົບຮອບ 64 ປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 11/02/2020 09:48:05 ຈຳ​ນວນ​ຜູ້​ເຂົ້າ​ຢ້ຽມ​ຊົມ 248 ຄັ້ງ

   ກໍາ​ມະ​ບານ​ສະ​ຖາ​ບັນວິ ທະຍາສາດ​ສັງຄົມ​ແຫ່ງຊາດ (ສວສຊ) ໄດ້​ຈັດ​ພິທີ​ປາຖະກະ ຖາ​ວັນ​ສ້າງ​ຕັ້​ງກໍາ​ມະ​ບານລາວ​ຄົບຮອບ 64 ປີ (1/2/1956- 1/2/ 2020)  ໃນ​ວັນທີ  7 ກຸມພາ​ຜ່ານ​ມາ ທີ່​ຫ້ອງ​ປະຊຸມຂອງ​ສະ​ຖາ​ບັນ​ດັ່ງ​ກ່າວ. ພາຍ​ໃຕ້​ການ​ເປັນ​ປະທານ​ຂອງ​ທ່ານ ນາງ ອໍາ​ໄພ​ວັນ ຄໍາ​ສີວິໄລ ຮອງ​ປະທານ​ສະ​ຖາ​ບັນ​ວິທະຍາສາດ​ສັງຄົມ​ແຫ່ງ​ຊາດ ສວສຊ, ມີ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ.
ທ່ານ ກົງແກ້ວ ອານຸພາບ ປະ​ທານ​ກໍາ​ມະ​ບານ​ຮາກ​ຖານ ສວສຊ ໄດ້​ຍົກ​ໃຫ້​ເຫັນ​ການ​ກຳ​ເນີດ ແລະ ການ​ເຕີບ​ໃຫຍ່​ຂະຫຍາຍຕົວ​ຂອງ​ສະຫະພັນ​ກຳມະບານ​ລາວ​ຕະຫຼອດ 64 ປີ​ທີ່​ຜ່ານ​ມາ ຊຶ່ງ​ໄດ້ຜ່ານຂະ ບວນ​ວິວັດ​ແຫ່ງ​ການ​ຕໍ່ສູ້ພາຍ​ໃຕ້​ຄັນ​ທຸງ​ເອກະລາດ ແລະ ປະຊາທິປະໄຕ​ຂອງ​ພັກ, ຂອງ​ຊາດ, ອົງການ​ຈັດ​ຕັ້​ງກໍາ​ມະ​ບານ​ລາວ ນັບ​ແຕ່​ໄດ້​ຮັບ​ການ​ສ້າງຕັ້ງ​ຂຶ້ນ ໄດ້​ຕັ້ງໜ້າ​ເຄື່ອນ​ໄຫວ, ກໍ່ສ້າງ, ປັບປຸງ​ບູລະນະ​ການຈັດຕັ້ງ​ຂອງ​ຕົນໃຫ້​ມີ ຄວາມເຕີບ​ໃຫຍ່​ເຂັ້ມແຂງ​ບໍ່​ຢຸດ​ຢັ້ງ, ປັດຈຸບັນຊົນ​ຊັ້​ນກໍາມະ ກອນ ແລະ ຊາວ​ຜູ້​ອອກແຮງ ງານລາວໄດ້​ເຕີບໃຫຍ່ຂະຫຍາຍ ຕົວ ແລະ ເປັນ​ກໍາ​ລັງແຮງຫຼັກ ​ແຫ່ງ​ການ​ຜະລິດ​ຂອງ​ລະບອບ​ ໃໝ່ ຊຶ່ງ​ພວກ​ເຮົາ​ໄດ້​ມີ​ໝາກ ຜົນ​ທີ່​ປະຈັກ​ຕາ​ໃນ​ຫຼາຍ​ດ້ານເປັນ ຕົ້ນ​ແມ່ນຜົນ​ສໍາ​ເລັດ​ຂອງ​ວຽກ​ງານ​ໂຄສະນາ​ສຶກສາ​ອົບຮົມ ການ​ເມືອງ​-​ແນວ​ຄິດສະຫະ​ພັນ​ກໍາ​ມະ​ບານ​ແຕ່​ລະ​ຂັ້ນໄດ້​ຖື​ເປັນ​ວຽກ​ງານ​ທີ່​ສໍາ​ຄັນ, ເປັນ​ວຽກ​ງານ​ກົກ ແຫ່ງ​ການ​ນໍາ​ພາ​ຂອງ​ພັກ​ຕໍ່​ທຸກ​ຂົງເຂດ​ວຽກ​ງານ​ຂອງ​ສັງຄົມ, ໄດ້​ສຶກສາ​ອົບຮົມ​ໃຫ້​ແກ່​ຖັນ​ແຖວ​ພະນັກງານ, ສະ​ມາ​ຊິກ​ກໍາ​ມະ​ບານ, ກໍາ​ມະກອນ ແລະ ຊາວ​ຜູ້​ອອກແຮງ​ງານ​ລາວ ໃຫ້​ເຂົ້າໃຈ, ເຊື່ອມ​ຊຶມ​ກໍາ​ແໜ້ນ, ປະຕິບັດ​ແນວທາງ​ນະໂຍບາຍ​ຂອງ​ພັກ,  ກົດໝາຍ​ຂອງ​ລັດ ໃຫ້​ກາຍເປັນ​ອັນ​ລະອຽດ ໃນ​ພາກ​ປະຕິບັດ​ຕົວ​ຈິງ ໂດຍ​ສອດຄ່ອງ​ກັບ​ກົດເກນ​ພາວະ​ວິໄສ​ແຕ່​ລະ​ໄລຍະ,ເພີ່ມ​ທະວີ​ພັດທະນາ​ຊົນ​ຊັ້​ນກໍາ​ມະກອນດ້ານ​ສີມື​ແຮງ​ງານ, ວິທະຍາສາດ, ເຕັກ​ໂນ​ໂລ​ຊີ ທີ່​ກໍາ​ລັງ​ຂະຫຍາຍຕົວ ຕິດ​ພັນ​ກັບ​ການ​ເຕີບ​ໃຫຍ່​ຂະຫຍາຍ​ຕົວ​ກໍາ​ລັງ​ການ​ຜະລິດ​ຂອງ​ຊາດ, ຍົກ​ສູງ​ລະດັບ​ຄວາມ​ຮູ້, ຄວາມ​ສາມາດ ຂອງ​ສະ​ມາ​ຊິກ​ກໍາ​ມະ​ບານ,  ກໍາ​ມະກອນ ແລະ ຊາວ​ຜູ້​ອອກແຮງ​ງານ​ໃຫ້​ສູງ​ຂຶ້ນ ໃຫ້​ສາມາດ​ປະກອບ​ເຂົ້າ​ໃນ​ຕໍາ​ແໜ່​ງ​ງານ​ຕ່າງໆ​ເພີ່ມ​ຂຶ້ນ​ຫຼາຍ​ກວ່າ​ເກົ່າ.  (ຂ່າວ: ແສງ​ຈັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110