ຫົວ​ຂໍ້ : ທ່ານ ອາຊາງ ລາວລີ ໂອ້ລົມພະນັກງານຫຼັກແຫຼ່ງແຂວງຊຽງຂວາງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 11/02/2020 09:50:27 ຈຳ​ນວນ​ຜູ້​ເຂົ້າ​ຢ້ຽມ​ຊົມ 318 ຄັ້ງ

ທ່ານ ອາ​ຊາງ​ ລາວ​ລີ ທີ່​ປຶກສາ​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ X ພ້ອມດ້ວຍ​ ຄະນະ ໄດ້​ຢ້ຽມຢາມເຮັດ​ວຽກຢູ່​ ແຂວງ​ຊຽງ​ຂວາງ ແລະ ໄດ້ໂອ້​ລົມ​ພະນັກງານ​ຫຼັກ​ແຫຼ່ງ​ຂອງ ​ແຂວງ ໃນ​ວັນ​ທີ 6 ກຸມພາ ​ຜ່ານ​ມາ ທີ່​ຫ້ອງ​ວ່າການ​ແຂວງ ຊຶ່ງ​ທ່ານ ບົວ​ສອນ ສີ​ນວນ​ທອງ ຮອງ​ເຈົ້າແຂວງໆ​ຊຽງ​ຂວາງ ກໍ​ໄດ້​ລາຍ​ງານການພັດທະນາ​ເສດຖະ​ກິດ​-​ສັງຄົມ ເປັນຕົ້ນ​ແມ່ນວຽກ​ງານ​ແກ້​ໄຂ​ຄວາມທຸກ​ຍາກ, ການ​ລົງ​ກໍ່ສ້າງ​ຮາກ​ຖານ​ການເມືອງ, ການ​ກະກຽມ ແລະ ດຳເນີນ​ກອງ​ປະຊຸມ​ໃຫຍ່, ການ​ກະກຽມ​ຈັດ​ງານມະ ຫະ​ກຳ​ກິລາ​ແຫ່ງ​ຊາດ​ຄັ້ງ​ທີ 11 ໂອກາດ​ດັ່ງ ກ່າວ ທ່ານ ອາ​ຊາງ​ ລາວລີ ກໍ​ໄດ້​ມີ​ຄຳ​ເຫັນໂອ້ລົມຕໍ່ພະນັກ ງານ​ຫຼັກ​ແຫຼ່ງ​ຂອງແຂວງ​ຊຽງ ​ຂວາງ ຊຶ່ງ​ທ່ານ​ໄດ້​ເນັ້ນ​ໜັກ​ໃຫ້​ເອົາໃຈໃສ່​ວຽກ​ງານປ້ອງກັນ ຊາດ​-​ປ້ອງ​ກັນ​ຄວາມ​ສະຫງົບ ໃຫ້​ເຂັ້ມແຂງ, ສືບຕໍ່​ຫັນ​ລົງ​ກໍ່ສ້າງ​ຮາກ​ຖານ​ການເມືອງ ປັບປຸງແກ້​ໄຂ​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃຫ້​ດີ​ຂຶ້ນ ທັງ​ເປັນ​ການ​ກໍ່ສ້າງ​ພະນັກງານ ສຶກສາ​ອົບຮົມ​ວຽກ​ງານ​ການ ເມືອງ​ແນວ​ຄິດ, ປັບປຸງກໍ່ສ້າງ​ໜ່ວຍ​ພັກ​ບ້ານ​ໃຫ້​ເຂັ້ມແຂງ ລົງ​ເຜີຍແຜ່​ບັນດາ​ເອກະສານ​ຕ່າງໆ​ຕໍ່​ປະຊາຊົນ, ຕ້ອງກຳໄດ້​ແນວຄິດຂອງປະຊາຊົນເປັນ ຕົ້ນ​ແມ່ນ​ໄວ​ໜຸ່ມ, ຫັນ​ເອົາ ​ຄວາມ​ຮູ້​ທາງ​ກົດໝາຍເຕັກນິກ ​ການ​ປູກ​-​ການລ້ຽງ​ລົງ​ສູ່​ປະຊາ ຊົນ, ສ້າງ​ຄອບຄົວ​ຕົວ​ແບບ ພ້ອມ​ປົກ​ປັກ​ຮັກສາ ແລະ ເສີມ ​ຂະຫຍາຍ, ຮັກສາ​ຄວາມສາ ມັກຄີ​ເປັນ​ປຶກ​ແຜ່ນ,  ຮູ້​ຈຳແນກ, ມີ​ຄວາມເປັນເອກະ​ພາບ​ພາຍ​ໃນ​ໜ່ວຍ​ພັກ, ສະມາຊິກ​ພັກ​ຕ້ອງ​ເປັນ​ແບບຢ່າງ​ທີ່​ດີ​ແກ່ມະ ຫາຊົນ ໂອກາດ​ທີ່​ທ່ານ​ມາຢ້ຽມ ຢາມ​ແຂວງ​ຊຽງ​ຂວາງ​ໃນ​ຄັ້ງນີ້ ທ່ານ​ ອາ​ຊາງ ​ລາວ​ລີ ກໍ​ໄດ້​ໄປ​ ກວດກາ​ສະໜາມກິລາເປີດ​-​ປິດ, ຟາ​ມ​ງົວ​ຂອງ​ບໍລິສັດ​ພັດ ທະນາ​ກະສິກຳ​ລາວ​-​ຍີ​່ປຸ່ນ​ຊຽງ​ຂວາງ​ຈຳກັດ, ວັດ​ໄຫ​ຫີນ​ ເພື່ອ​ເບິ່ງ​ພະ​ເຈົ້າ​ອົງ​ຫຼວງ​ປະທານ​ພອນ ທີ່​ກຳລັງ​ກໍ່ສ້າງ​ໃກ້​ຈະ​ສຳເລັດ​ແລ້ວ. 
(ຂ່າວ: ບຸນ​ມີ ແສງ​ທຸມ​ມີ) 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110