ຫົວ​ຂໍ້ : ອາເມຣິກາເອີຣົບ ຊຸກຍູ້ການເຈລະຈາ ນະໂຍບາຍການຕ່າງປະເທດ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 12/02/2020 08:56:50 ຈຳ​ນວນ​ຜູ້​ເຂົ້າ​ຢ້ຽມ​ຊົມ 288 ຄັ້ງ

  ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ທ່ານ ໂຈ​ເຊບ ໂບ​ແຣວ ຜູ້ຕາງໜ້າ​ຂັ້ນ​ສູງ​ກ່ຽວ​ກັບ​ນະໂຍບາຍ​ການ​ຕ່າງປະເທດ ແລະ ຄວາມ​ໝັ້ນຄົງ​ຂອງ​ສະຫະພາບ​ເອີ​ຣົບ (ອີ​ຢູ) ທີ່​ພວມ​ມີ​ການ​ຢ້ຽມຢາມ ອາ​ເມ​ຣິ​ກາ ແນໃສ່​ຊອກ​ຫາ​ກາລະ​ໂອກາດ​ຊຸກຍູ້​ການ​ເຈ ລະຈາ​ດ້ານ​ນະໂຍບາຍ​ການ​ຕ່າງປະເທດ​ລະຫວ່າງ 2 ຝ່າຍ.
  ຂ່າວ​ລະບຸ​ວ່າ: ນີ້​ແມ່ນ​ການ​ຢ້ຽມຢາມ ອາ​ເມ​ຣິ​ກາ ຄັ້ງ​ທຳອິດ ຂອງ ທ່ານ ໂບ​ແຣວ ໃນ​ຖານະ​ເປັນ​ຜູ້ຕາງໜ້າ​ຂັ້ນ​ສູງ​ກ່ຽວ​ກັບ​ນະໂຍບາຍ​ຕ່າງປະເທດ ແລະ ຄວາມ​ໝັ້ນຄົງ​ຂອງ ອີ​ຢູ. ໃນ​ການ​ຢ້ຽມຢາມ ອາ​ເມ​ຣິ​ກາ​ນັ້ນ, ທ່ານ ໂບ​ແຣວ ໄດ້​ມີ​ການ​ພົບ​ປະ​ກັບ​ທ່ານ ໄມພອມ​ແພວ ລັດຖະມົນຕີ​ການ​ຕ່າງປະເທດ ອາ​ເມ​ຣິ​ກາ. 2 ຝ່າຍ​ໄດ້​ປຶກສາ​ຫາລື​ກ່ຽວ​ກັບສັນຕິພາບ​ຢູ່​ຕາ ເວັນ​ອອກ​ກາງ, ການ​ພົວພັນ​ດ້ານ​ການ​ຄ້າ ລະຫວ່າງ ອາ​ເມ​ຣິ​ກາ - ອີ​ຢູ. ເນື້ອ​ໃນ​ການ​ປຶກສາ​ຫາລື ລວມ​ມີ​ການ​ສະໜັບສະໜູນ​ຂໍ້​ຕົກລົງ​ຢຸດ​ຍິງ​ໄລຍະ​ຍາວ ແລະ ກັບ​ຄືນ​ສູ່​ຂະບວນ​ວິວັດ​ດ້ານ​ການເມືອງ​ຢູ່ ລີ​ບີ ແລະ ຊີ​ຣີ, ການ​ຮ່ວມ​ມື ລະຫວ່າງ ອາ​ເມ​ຣິ​ກາ - ອີ​ຢູ ໃນ​ບັນຫາ ອູ​ແກ​ຣນ ແລະ ສະໜັບສະໜູນ​ຂະບວນ​ວິວັດ​ປະຊາທິປະໄຕ​ຢູ່ ເວ​ເນ​ຊູ​ເອ​ລາ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110