ຫົວ​ຂໍ້ : ກອງປະຊຸມສຸດຍອດອາຟຣິກາ ດ້ວຍຫົວຂໍ້ ບໍ່ມີສຽງປືນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 12/02/2020 08:58:15 ຈຳ​ນວນ​ຜູ້​ເຂົ້າ​ຢ້ຽມ​ຊົມ 263 ຄັ້ງ

  ວິທະຍຸ​ກະຈາຍສຽງຫວຽດ ນາມ​ລາຍ​ງານ​ວ່າ: ກອງ​ປະ ຊຸມ​ສຸດ​ຍອດ​ປະຈຳ​ປີ ຂອງ ສະຫະພາບ ອາ​ຟຣິ​ກາ (AU) ໄດ້​ເປີດ​ຂຶ້ນ​ໃນ​ວັນ​ທີ 9 ກຸມພາ​ຢູ່​ນະຄອນຫຼວງ​ອາ​ດິສ ອາ​ເບ​ບາ ປະເທດ​ເອ​ທີ​ໂອ​ປີ ດ້ວຍ​ຫົວຂໍ້; “ບໍ່​ມີ​ສຽງ​ປືນ”.
  ກອງ​ປະຊຸມ​ໄດ້​ດຶງ​ດູດ​ການ​ເຂົ້າ​ຮ່ວມ​ຂອງ​ການ​ນຳ​ບັນດາ​ປະເທດ​ອາ​ຟຣິ​ກາ ເພື່ອສຸມ​ໃສ່​ປຶກສາ​ຫາລື ແລະ ຊອກ​ຫາ​ວິທີ​ການ​ຜັນ​ຂະຫຍາຍ​ບົດບາດນຳ​ພາ​ຂອງ ສະຫະພາບ​ອາ​ຟຣິ​ກາ ຕໍ່​ບັນດາ​ປະເທດ​ໃຫ້​ດີ​ທີ່​ສຸດ ເພື່ອ​ແກ້​ໄຂ​ບັນດາ​ການ​ປະ​ທະ​ກັນ​ທີ່​ພວມ​ແຜ່​ລາມ​ໃນ​ທົ່ວ​ອາ​ຟຣິ​ກາ.
ກ່າວ​ຄຳ​ເຫັນ​ທີ່​ກອງ​ປະຊຸມ​ສຸດ​ຍອດ, ທ່ານ ມູ​ຊາ ຟາ​ກິ ປະທານ​ຄະນະ​ກຳມະ ການສະຫະພາບ AU ໃຫ້​ຮູ້​ວ່າ: AU ຄັດຄ້ານ ແຜນການ​ສ້າງສັນ​ຕິ​ພາບ​ຢູ່​ຕາເວັນ​ອອກ​ກາງຂອງ​ທ່ານ ໂດ​ໂນ ທຣໍາ ປະທານາທິບໍດີ​ອາ​ເມ​ຣິ​ກາ ກ່ຽວ​ກັບ​ການ​ຢຸດ​ຕິ​ການ​ປະ​ທະ​ກັນ ລະຫວ່າງ ອິ​ສຣາ​ແອນ ແລະ ປາ​ແ​ລັສ​ຕິ​ນ. ທ່ານ ມູ​ຊາ ຟາ​ກິ ກໍ​ເວົ້າເຖິງ​ບັນດາ​ບັນຫາ​ທີ່​ບັນດາ​ປະເທດ​ອາ​ຟຣິ​ກາ ໄດ້​ປະ​ເຊີນ​ໜ້າ​ໃນ​ປັດຈຸບັນ​ຄື: ການ​ກໍ່​ການ​ຮ້າຍ, ການ​ປະ​ທະ​ກັນ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110