Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມສຸດຍອດທຸລະກິດ ອິນໂດ-ອາຊຽນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 08/10/2021 15:17:32 ຈຳ​ນວນ​​ຢ້ຽມ​ຊົມ 890 ຄັ້ງ

ວັນທີ 8 ຕຸລາ ນີ້, ທ່ານ ຄໍາແພງ ໄຊສົມແພງ ລັດຖະມົນຕີກະຊວງອຸດສາຫະກໍາ ແລະ ການຄ້າ (ອຄ) ທັງເປັນລັດຖະມົນຕີເສດຖະກິດອາຊຽນຂອງ ສປປ ລາວ ໄດ້ນໍາພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມສຸດຍອດທຸລະກິດ ອິນໂດ-ອາຊຽນ ແລະ ງານວາງສະແດງ (Indo-ASEAN Business Summit and Expo) ຜ່ານກອງປະຊຸມທາງໄກ ພາຍໃຕ້ຫົວຂໍ້ “ການສ້າງຕ່ອງໂສ້ການສະໜອງທີ່ເຂັ້ມແຂງ ໂດຍຜ່ານການຮ່ວມມືດ້ານການຄ້າ ແລະ ການລົງທຶນ ຢ່າງເລິກເຊິ່ງ”.

ກອງປະຊຸມຄັ້ງນີ້, ຈັດຂຶ້ນໂດຍ ສະຫະພັນອຸດສະຫາກໍາ ອິນເດຍ ຮ່ວມກັບ ກະຊວງການຕ່າງປະເທດ ແລະ ກະຊວງການຄ້າ-ອຸດສາຫະກໍາ, ແຜ່ນແພ-ຜູ້ຊົມໃຊ້ ແລະ ອາຫານ-ຈໍາໜ່າຍ ອິນເດຍ ພາຍໃຕ້ການເປັນປະທານຂອງ ທ່ານ ປີຢາສ ໂກເຢລ (PiyushGoyal) ລັດຖະມົນຕີກະຊວງການຄ້າ-ອຸດສາຫະກໍາ, ແຜ່ນແພ-ຜູ້ຊົມໃຊ້ ແລະ ອາຫານ-ຈໍາໜ່າຍ ຂອງປະເທດອິນເດຍ ໂດຍມີບັນດາລັດຖະມົນຕີເສດຖະກິດອາຊຽນ ແລະ ຜູ້ຕາງໜ້າຈາກປະເທດອາຊຽນເຂົ້າຮ່ວມ.

ກອງປະຊຸມໄດ້ແລກປ່ຽນທັດສະນະຄໍາເຫັນກ່ຽວກັບ ການເສີມຂະຫຍາຍການພົວພັນ ດ້ານການຄ້າ ແລະ ການລົງທຶນ ລະຫວ່າງ ອາຊຽນ ແລະ ອິນເດຍ ເຂົ້າສູ່ລວງເລິກ ເພື່ອເຮັດໃຫ້ຕ່ອງໂສ້ການສະໜອງຂອງພາກພື້ນໄດ້ຮັບການຟື້ນຟູ ພາຍຫຼັງຜົນກະທົບຈາກການລະບາດຂອງພະຍາດໂຄວິດ-19. ກອງປະຊຸມດັ່ງກ່າວ, ຍັງເປັນໂອກາດທີ່ດີ ສໍາລັບອິນເດຍ ແລະ ອາຊຽນ ໃນການສົ່ງເສີມການຮ່ວມມືທາງດ້ານເສດຖະກິດດ້ວຍການສ້າງຕ່ອງໂສ້ການສະໜອງທີ່ເຂັ້ມແຂງ.

ໂອກາດເຂົ້າຮ່ວມ, ທ່ານ ຄໍາແພງ ໄຊສົມແພງ ໄດ້ມີຄໍາເຫັນໂດຍເນັ້ນເຖິງຄວາມສໍາຄັນໃນການຮ່ວມມືລະຫວ່າງອາຊຽນ ແລະ ອິນເດຍ ໃນການຟື້ນຟູເສດຖະກິດ ພາຍຫຼັງທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ເພື່ອພ້ອມກັນກ້າວໄປສູ່ການແກ້ໄຂບັນດາສິ່ງທ້າທາຍ ເພື່ອໃຫ້ກັບຄືນສູ່ສະພາບປົກກະຕິໂດຍໄວ; ການຄ່ອງຕົວຂອງລະບົບຕ່ອງໂສ້ການສະໜອງ ຈະຊ່ວຍຫຼຸດຜ່ອນຄວາມສ່ຽງ, ຫຼຸດຜ່ອນຄວາມບໍ່ແນ່ນອນທາງດ້ານລະບຽບການ ແລະ ຂໍ້ກໍານົດຕ່າງໆ, ຫຼຸດຜ່ອນຜົນກະທົບ ຈາກການຢຸດສະງັກຂອງການຈໍລະຈອນສິນຄ້າ ແລະ ບໍລິການ, ຫຼຸດຕົ້ນທຶນການຂົນສົ່ງສິນຄ້າ ແລະ ເພີ່ມຂີດຄວາມສາມາດດ້ານການແຂ່ງຂັນໃນລະດັບພາກພື້ນ. ອິນເດຍ ເປັນຄູ່ຄ້າ ແລະ ເປັນແຫຼ່ງການລົງທຶນໃຫຍ່ອັນດັບທີ 7 ຂອງບັນດາປະເທດຄູ່ເຈລະຈາອາຊຽນ ໃນປີ 2020 ແລະ ສປປ ລາວ ເປັນປະເທດໜຶ່ງທີ່ມີທ່າແຮງອັນໃຫຍ່ຫຼວງ ສໍາລັບນັກລົງທຶນ ແລະ ຜູ້ປະກອບການ ລວມທັງນັກລົງທຶນ ຈາກປະເທດອິນເດຍ. ພ້ອມກັນນັ້ນ, ກໍໄດ້ເນັ້ນເຖິງຄວາມສໍາຄັນ ເພື່ອສົ່ງເສີມການສ້າງຕ່ອງໂສ້ການສະໜອງທີ່ເຂັ້ມແຂງ ໂດຍສະເພາະການນໍາໃຊ້ລະບົບດີຈີຕອນ ແລະ ເຕັກໂນໂລຊີຂໍ້ມູນ-ຂ່າວສານ ເຂົ້າໃນຕ່ອງໂສ້ການສະໜອງຂອງພາກພື້ນ ເພື່ອຫຼຸດຜ່ອນຜົນກະທົບຈາກການຢຸດຊະງັກຂອງລະບົບເສດຖະກິດ ແນໃສ່ຮັບປະກັນການຈໍລະຈອນສິນຄ້າ ແລະ ການບໍລິການທີ່ຈໍາເປັນໃຫ້ມີຄວາມຕໍ່ເນື່ອງ; ການຮັບປະກັນໃນການຫຼຸດຜ່ອນການສ້າງສິ່ງກີດຂວາງຕໍ່ການຄ້າ, ການຊຸກຍູ້ສົ່ງເສີມໃຫ້ຜູ້ປະກອບການ ແລະ ພາກທຸລະກິດ ນໍາໃຊ້ຜົນປະໂຫຍດຈາກສັນຍາການຄ້າເສລີອາຊຽນ-ອິນເດຍ ຢ່າງເຕັມສ່ວນ; ການເປີດຕະຫຼາດຊຶ່ງກັນ ແລະ ກັນ ໃຫ້ມີຄວາມສະດວກ, ການເພີ່ມທະວີການມີສ່ວນຮ່ວມຂອງພາກທຸລະກິດອາຊຽນ ແລະ ອິນເດຍ ໂດຍສະເພາະໃນຂົງເຂດວິສາຫະກິດຂະໜາດນ້ອຍ ແລະ ກາງ, ການພັດທະນາຢາປົວພະຍາດໂຄວິດ-19 ທີ່ທຸກຄົນສາມາດເຂົ້າເຖິງໄດ້ ແລະ ຄວາມສໍາຄັນຂອງລະບົບການຄ້າຫຼາຍຝ່າຍ ໃນການຂັບເຄື່ອນເສດຖະກິດ ພາຍຫຼັງການເເຜ່ລະບາດຂອງພະຍາດໂຄວິດ-19.

ຂ່າວ-ພາບ: ສຸກສະຫວັນ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com