Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ທະນາຄານໂລກ ປັບຫຼຸດການຂະຫຍາຍຕົວເສດຖະກິດຂອງ ສປປ ລາວ ປີ​ນີ້ ຢູ່ທີ່ 2,2%

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 11/10/2021 12:01:26 ຈຳ​ນວນ​​ຢ້ຽມ​ຊົມ 863 ຄັ້ງ

ທະນາຄານໂລກ ປະ​ເມີນການຟື້ນຟູເສດຖະກິດຢູ່ພາກພື້ນອາຊີຕາເວັນອອກ ແລະ ປາຊີຟິກ ຊ້າ​ລົງຈາກບັນຫາການແຜ່ລະບາດຂອງພະຍາດໂຄ ວິດ-19 ສາຍພັນເດວຕ້າ ສົ່ງ​ຜົນໃຫ້ຄົວເຮືອນ ແລະ ວິສາຫະກິດ ຍັງສືບຕໍ່​ປະເຊີນ​ກັບຄວາມຫຍຸ້ງຍາກ.

ນອກຈາກ​ນີ້, ທະຄານໂລກຍັງປັບຫຼຸດການຂະຫຍາຍຕົວຂອງເສດຖະກິດ ສປປ ລາວ ໃນປີ 2021 ຈາກ 4,0% ຂອງການຄາດໃນເດືອນເມສາ ມາເປັນ 2,2% ຈາກການຄາດຄະເນຄັ້ງຫຼ້າສຸດ (ເດືອນກັນຍາ) ຈາກຜົນກະທົບຂອງການແຜ່ລະບາດຂອງພະຍາດໂຄວິດ-19 ຮອບໃໝ່. ແຕ່ປີ 2022 ທະນາຄານໂລກຄາດວ່າເສດຖະກິດ ຈະຂະຫຍາຍຕົວ 4,5% ເພີ່ມຂຶ້ນຈາກ 4,0% ຂອງການຄາດຄະເນໃນເດືອນເມສາ.

ທ່ານ ມານູແອວລາ ເຟີໂຣ (Manuela Ferro) ຮອງປະທານທະນາຄານໂລກ ທີ່ີຮັບຜິດຊອບພາກພື້ນອາຊີຕາເວັນອອກ ແລະ ປາຊີຟິກ ກ່າວວ່າ: ບັນຫາການລະບາດຂອງພະຍາດໂຄວິດ-19 ເຮັດ​ໃຫ້​ມີ​ຜູ້​ຕິດ​ເຊື້ອເພີ່ມສູງຂຶ້ນໃນປີ 2021 ໄດ້ສົ່ງ​ຜົນ​ໃຫ້​ການຂະຫຍາຍຕົວຂອງເສດຖະກິດພາກພື້ນນີ້ຫຼຸດລົງ. ຢ່າງໃດກໍຕາມ, ພາກພື້ນອາ​ຊີ​ຕາ​ເວັນ​ອອກ ແລະ ປາ​ຊີ​ຟິກ ເຄີຍຜ່ານພົ້ນວິກິດຕ່າງໆໃນໄລຍະຜ່ານມາໄດ້ຢ່າງເຂັ້ມແຂງມາກ່ອນ, ສະນັ້ນ ດ້ວຍນະໂຍບາຍທີ່ຖືກຕ້ອງ, ພາກພື້ນນີ້ ຈະສາມາດຟື້ນຕົວໄດ້ອີກຄັ້ງ.

ບົດ​ລາຍ​ງານ​ດັ່ງ​ກ່າວ​ຍັງ​ລະ​ບຸວ່າ: ຄວາມເສຍຫາຍທີ່ເກີດຈາກການເພີ່ມຂຶ້ນ ແລະ ການສືບຕໍ່ລະບາດຂອງພະຍາດໂຄວິດ-19 ມີຄວາມເປັນໄປໄດ້ສູງທີ່ຈະກະທົບຕໍ່ການຂະຫຍາຍຕົວທາງດ້ານເສດຖະກິດ ແລະ ເຮັດໃຫ້ຄວາມບໍ່ສະເໝີພາບໃນສັງຄົມເພີ່ມສູງຂຶ້ນໃນໄລຍະຍາວ. ໃນ​ຂະ​ນະ​ທີ່ວິສາຫະກິດ​ຈຳ​ນວນ​ບໍ່​ໜ້ອຍບໍ່ສາມາດດໍາເນີນທຸລະກິດໄດ້ ສົ່ງຜົນເຮັດໃຫ້ເກີດການສູນເສຍຊັບສິນທີ່ມີຄຸນຄ່າ. ສ່ວນວິສາຫະກິດທີ່ຢູ່ລອດກໍພາກັນເລື່ອນການລົງທຶນໃສ່ການຜະລິດ. ສໍາລັບວິສາຫະກິດຂະໜາດນ້ອຍ ແມ່ນພາກສ່ວນທີ່ຖືກກະທົບໜັກທີ່ສຸດ. ຂະນະທີ່, ວິສາຫະກິດຫຼາຍແຫ່ງປະເຊີນຄວາມຫຍຸ້ງຍາກ, ວິສາຫະກິດຂະໜາດໃຫຍ່​ກໍຈະປະເຊີນກັບຍອດຂາຍ ຫຼື ລາຍໄດ້ຫຼຸດ​ລົງ ແລະ ເປັນໄປໄດ້ສູງທີ່​ວິ​ສາ​ຫະ​ກິດ​ເຫຼົ່າ​ນັ້ນຈະໝູນໃຊ້ເຕັກໂນໂລຊີທີ່ທັນສະໄໝ ແລະ ໄດ້ຮັບການຊ່ວຍເຫຼືອຈາກລັດຖະບານ.

 

ທ່ານ ອາດິດຢາ ມັດທູ (Aaditya Mattoo) ຫົວໜ້ານັກເສດຖະສາດ ທະນາຄານໂລກປະຈໍາພາກພື້ນອາຊີຕາເວັນອອກ ແລະ ປາຊີຟິກ ກ່າວວ່າ: ການເລັ່ງສັກວັກຊິນ ແລະ ການກວດຫາເຊື້ອ ເພື່ອຄວບຄຸມການຕິດຕໍ່ຂອງພະຍາດໂຄວິດ-19 ຈະສາມາດຟື້ນຟູກິດຈະກໍາເສດຖະກິດໃຫ້ແກ່ບັນດາປະເທດ ທີ່ກໍາລັງ​ປະເຊີນສະພາບຄວາມຫຍຸ້ງຍາກທາງເສດຖະກິດໄດ້ໄວສຸດພາຍໃນ 6 ເດືອນຕົ້ນປີຂອງປີ 2022 ແລະ ສາມາດເຮັດໃຫ້ອັດຕາການຂະຫຍາຍຕົວຂອງເຂດຖະກິດ ເພີ່ມເປັນສອງເທົ່າໄດ້ໃນປີໜ້າ”.

ທ່ານຍັງໄດ້ກ່າວຕື່ມອີກ່ວາ: ແຕ່ໃນໄລຍະຍາວ, ມີພຽງແຕ່ການປະຕິຮູບລວງເລິກເທົ່ານັ້ນ ທີ່ຈະສາມາດປ້ອງກັນບໍ່ໃຫ້ເກີດສະພາບເສດຖະກິດຂະຫຍາຍຕົວຊ້າ ແລະ ບໍ່ໃຫ້ຄວາມສະເໝີພາບໃນສັງຄົມເພີ່ມຂຶ້ນ, ເຊິ່ງເປັນຮູບການປະສົມປະສານການປະຕິຮູບແບບແກ້ໄຂບັນຫາສອງສົ້ນ ທີ່ຍັງບໍ່ທັນປະກົດໃຫ້ເຫັນເທື່ອຢູ່ໃນພາກພື້ນນີ້”.

 

ຢ່າງໃດກໍຕາມ, ພາກພື້ນດັ່ງກ່າວ ຍັງຈະຕ້ອງເພີ່ມຄວາມພະຍາຍາມຢ່າງເອົາຈິງເອົາຈັງໃນສີ່ດ້ານ ເພື່ອແກ້ໄຂພະຍາດໂຄວິດ-19 ໃນໄລຍະຍາວຄື:

1). ແກ້ໄຂບັນຫາຄວາມຫຼັ່ງເລບໍ່ໄປສັກວັກ​ຊິນ ແລະ ແກ້ທຸກຂໍ້ຈໍາກັດດ້ານຄວາມສາມາດກະຈາຍວັກ​ຊິນໃຫ້ທົ່ວເຖິງ ເພື່ອປ້ອງກັນບໍ່ໃຫ້ເກີດສະພາບທີ່ບໍ່ສາມາດເພີ່ມຂອບເຂດການປົກຄຸມຂອງການສັກວັກ​ຊິນໄດ້;

2). ປັບປຸງການກວດຫາເຊື້ອ, ການຕິດຕາມ ແລະ ການແຍກປ່ຽວ ເພື່ອຄວບຄຸມການຕິດເຊື້ອ;

3). ເພີ່ມການຜະລິດວັກຊິນພາຍໃນພາກພື້ນ ເພື່ອຫຼຸດຜ່ອນການເອື່ອຍອີງໃສ່ການນໍາເຂົ້າວັກຊິນຈາກພາກພື້ນອື່ນ;

4). ສ້າງຄວາມເຂັ້ມແຂງໃຫ້ລະບົບສາທາ​ລະ​ນະ​ສຸກ ເພື່ອໃຫ້ສາມາດຮັບມືກັບການລະ​ບາດຂອງພະຍາດດັ່ງກ່າວ. ຈໍາເປັນຕ້ອງມີການຊ່ວຍເຫຼືອຈາກສາກົນ ເພື່ອສະໜັບສະໜູນຄວາມພະຍາຍາມຂອງພາຍໃນປະເທດ ໃນທັງສີ່ຂົງເຂດທີ່ໄດ້ກ່າວມານັ້ນ, ເວົ້າສະເພາະການຊ່ວຍເຫຼືອສາກົນໃຫ້ບັນດາປະເທດທີ່ມີຄວາມສາມາດຈໍາກັດ.

ຂ່າວ: ທະນາຄານໂລກ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com