Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຄະນະຊ່ຽວຊານແພດໝໍ ຫວຽດນາມ ມາຊ່ວຍແຂວງຄຳມ່ວນກວດຫາເຊື້ອພະຍາດໂຄວິດ-19

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 12/10/2021 13:46:26 ຈຳ​ນວນ​​ຢ້ຽມ​ຊົມ 251 ຄັ້ງ

ວັນທີ 11 ຕຸລາ 2021 ທີ່ຫ້ອງວ່າການແຂວງຄຳມ່ວນ ທ່ານ ບຸນມີ ພິມມະສອນ ປະທານສະພາປະຊາຊົນແຂວງ ຫົວໜ້າຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດພະຍາດໂຄວິດ-19 ຂັ້ນແຂວງ ພ້ອມດ້ວຍຄະນະໄດ້ຮັບຕ້ອນຄະນະປະຕິບັດງານພິເສດກໍຄືຄະນະຊ່ຽວຊານແພດໝໍຈາກແຂວງກວາງບິ່ງ ສສ ຫວຽດນາມ ທີ່ມາເຄື່ອນໄຫວຊ່ວຍເຫຼືອໃນການກວດຫາເຊື້ອພະຍາດໂຄວິດ - 19 ເພື່ອຄວບຄຸມບໍ່ໃຫ້ຂະຫຍາຍໄປສູ່ວົງກວ້າງ ຊຶ່ງນຳໂດຍ ທ່ານ ຫງວຽນແທ໋ງຊວນ ຮອງຫົວໜ້າພະແນກພົວພັນການຕ່າງປະເທດ ແຂວງກວາງບິ່ງ ສສ ຫວຽດນາມ.

ໃນພິທີດັ່ງກ່າວ ທ່ານ ບຸນມີ ພິມມະສອນ ກໍໄດ້ລາຍງານສະພາບລວມການແຜ່ລະບາດຂອງພະຍາດໂຄວິດ-19 ພາຍໃນແຂວງໂດຍສັງເຂບ ຊຶ່ງແຂວງຄຳມ່ວນມີເນື້ອທີ່ທັງໝົດ 16.315 ກິໂລຕາແມັດ, ມີປະຊາກອນທັງໝົດ 439.634 ຄົນ ຍິງ 219.151 ຄົນ, ມີ 10 ຕົວເມືອງ ແລະ ມີ 569 ບ້ານ. ນັບແຕ່ວັນທີ 1 ມັງກອນ 2021 ຮອດວັນທີ 11 ຕຸລາ 2021 ມີຜູ້ຕິດເຊື້ອສະສົມທັງໝົດໃນທົ່ວແຂວງຈຳນວນ 2.618 ຄົນ ຍິງ 1.139 ຄົນ. ໃນນັ້ນປິ່ນປົວຫາຍດີແລ້ວຈຳນວນ 1.985 ຄົນ, ກຳລັງປິ່ນປົວ 632 ຄົນ  ຍິງ 126 ຄົນ. ທົ່ວແຂວງຄຳມ່ວນມີ 7 ສູນປິ່ນປົວ, 4 ສູນກັກກັນຂອງແຂວງ ແລະ 9 ສູນກັກກັນຢູ່ບັນດາເມືອງ, ມີຜູ້ເຂົ້າກັກກັນສະສົມທັງໝົດຈຳນວນ 4.517 ຄົນ  ຍິງ 2.122 ຄົນ, ກັກກັນຄົບກຳນົດ 4.250 ຄົນ ຍັງກັກກັນຢູ່ສູນ 267 ຄົນ ຍິງ 75 ຄົນ, ເສຍຊີວິດສະສົມ 1 ກໍລະນີ. ສຳລັບບ້ານທີ່ຖືກກຳນົດເປັນບ້ານແດງທັງໝົດໃນຜ່ານມາມີ 46 ບ້ານໃນ 6 ຕົວເມືອງ. ມາຮອດປັດຈຸບັນແມ່ນຫຼຸດລົງເຫຼືອ 27 ບ້ານໃນ 4 ຕົວເມືອງ, ມີບ້ານເຫຼືອງ 5 ບ້ານໃນ 3 ຕົວເມືອງ. ກ່ຽວກັບການສັກວັກຊິນແຂວງຄຳມ່ວນໄດ້ຮັບວັກຊິນຈາກສູນກາງ 5 ຄັ້ງຄື: ວັກຊິນຊີໂນຟາມ ຈຳນວນ 157.400 ໂດສ, ແອັດຕຣາເຊນີກາ ຈຳນວນ 75.120 ໂດສ ແລະ ວັກຊິນຈອນສັນແອນຈອນສັນ ຈຳນວນ 62.800 ໂດສ. ໄດ້ສັກໃຫ້ພະນັກງານ, ທະຫານ, ຕຳຫຼວດ, ແມ່ຍິງຖືພາ, ແມ່ຍິງກຳລັງລ້ຽງລູກດ້ວຍນົມ ແລະ ພໍ່ແມ່ປະຊາຊົນ ມາຮອດປັດຈຸບັນເຂັມທີ 1 ມີຈຳນວນ 186.382 ຄົນ ແລະ ເຂັມທີ 2 ມີຈຳນວນ 125.551 ຄົນ. ທຽບໃສ່ພົນລະເມືອງໃນທົ່ວແຂວງ ເຂັມທີ 1 ກວມ 42.4% ແລະ ເຂັມທີ 2 ກວມ 28.6%.

ສຳລັບບໍລິສັດທີ່ມີຜູ້ຕິດເຊື້ອຫຼາຍກວ່າໝູ່ແມ່ນ ບໍລິສັດ ລາວຄາຍຢວນ ບໍ່ແຮ່ຈຳກັດ ມີພະນັກງານທັງໝົດ 1.102 ຄົນ ມາຮອດປັດຈຸບັນໄດ້ເກັບຕົວຢ່າງທັງໝົດ 957 ຄົນ, ກວດພົບເຊື້ອ 515 ກໍລະນີ, ຄົນລາວ 305 ກໍລະນີ ແລະ ຄົນຈີນ 210 ກໍລະນີ. ຈຳນວນຜູ້ຕິດເຊື້ອທີ່ເປັນຄົນລາວຈຳນວນ 305 ກໍລະນີ ແມ່ນໄດ້ນຳເຂົ້າສູນປິ່ນປົວຂອງແຂວງແລ້ວ 200 ກວ່າກໍລະນີ ແລະ ກຳລັງສືບຕໍ່ນຳເອົາກໍລະນີຜູ້ຕິດເຊື້ອທີ່ເປັນຄົນລາວເຂົ້າສູນປິ່ນປົວຂອງແຂວງທັງໝົດ. ສ່ວນພະນັກງານ, ກຳມະກອນທີ່ເປັນຄົນຈີນ ແມ່ນປິ່ນປົວຢູ່ບໍລິສັດ.

ສຳລັບການຊ່ວຍເຫຼືອຂອງເພື່ອນຫວຽດນາມໃນໄລຍະຜ່ານມາ ແຂວງຄຳມ່ວນກໍໄດ້ຮັບການຊ່ວຍເຫຼືອຈາກແຂວງກວາງບິ່ງ, ແຂວງຮ່າຕິ່ງ ແລະ ສະຫະບໍລິສັດ COECCO ເປັນເງິນສົດຈຳນວນ 400.000.000 ດົງ (ສະ​ກຸນ​ເງິນ​ຫວຽດ​ນາມ) ແລະ ເປັນວັດຖຸອຸປະກອນຮັບໃຊ້ມູນຄ່າ 2.522.500.000 ດົງ (ສະ​ກຸນ​ເງິນ​ຫວຽດ​ນາມ) ປະກອບມີ: ເຄື່ອງຊ່ວຍຫາຍໃຈ, ເຄື່ອງຈັກຜະລິດອົກຊີ, ເຄື່ອງວັດອຸນຫະພູມ, ເຄື່ອງພົ່ນຢາຂ້າເຊື້ອ, ເຄື່ອງຊຸດ PPE, ຜ້າປິດປາກ, ເຈວລ້າງມື, ນ້ຳຢາຂ້າເຊື້ອ ແລະ ເຄື່ອງບໍລິໂພກ-ອຸປະໂພກເປັນຕົ້ນ.

ສຳລັບການຊ່ວຍເຫຼືອຂອງແຂວງກວາງບິ່ງໃນຄັ້ງນີ້ ນອກຈາກສົ່ງທີມງານມາຊ່ວຍເຫຼືອທາງດ້ານວິຊາການໃນການກວດຫາເຊື້ອພະຍາດໂຄວິດ-19 ແລ້ວ ຍັງໄດ້ນຳເອົາເຄື່ອງກວດ PCR, ຕູ້ປອດເຊື້ອ ຂັ້ນ 2 ແລະ ອຸປະກອນການແພດ ທີ່ກ່ຽວຂ້ອງມາຊ່ວຍເຫຼືອ ເພື່ອແນໃສ່ຈຳກັດການແຜ່ເຊື້ອ ແລະ ກ້າວໄປສູ່ການຄວບຄຸມເຊື້ອພະຍາດໃຫ້ເຂົ້າສູ່ສະພາບປົກະຕິ. ສະນັ້ນ, ການຊ່ວຍເຫຼືອຂອງເພື່ອນຫວຽດນາມ ເວົ້າສະເພາະການຊ່ວຍເຫຼືອຂອງແຂວງກວາງບິ່ງໃນຄັ້ງນີ້ ແມ່ນສະແດງເຖິງນ້ຳໃຈອັນບໍລິສຸດ, ເດັດດ່ຽວ, ຄວາມເປັນຫ່ວງເປັນໃຍ ແລະ ການຮ່ວມຕໍ່ສູ້ຢ່າງຄຽງບ່າຄຽງໄຫຼ່ຂອງເພື່ອນຫວຽດນາມຢ່າງຈິງໃຈ ບໍ່ວ່າຈະຢູ່ໃນສະຖານະການຫຍຸ້ງຍາກ ກໍຄືໄລຍະຕໍ່ສູ້ກັບພະຍາດໂຄວິດ 19 ໃນປັດຈຸບັນ.                              


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com