ໜັງສືພິມ ປະຊາຊົນ

ກະຊວງ ຮສສ ປະກາດການຈັດຕັ້ງ ຂັ້ນຮອງລັດຖະມົນຕີ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 12/02/2020 10:10:56 ຈຳນວນຢ້ຽມຊົມ 1253 ຄັ້ງ

ກະຊວງແຮງງານ ແລະ ສະຫວັດດີການສັງຄົມ(ຮສສ)ໄດ້ຈັດພິທີປະກາດແຕ່ງຕັ້ງຮອງ ລັດຖະມົນຕີກະຊວງ ຮສສ ຂຶ້ນໃນວັນທີ 11 ກຸມພາ ທີ່ກະຊວງດັ່ງກ່າວ ໂດຍມີທ່ານ ຄຳແພງ ໄຊສົມແພງ ລັດຖະມົນຕີກະ ຊວງແຮງງານ ແລະ ສະຫວັດ ດີການສັງຄົມ ພ້ອມດ້ວຍພະ ນັກງານນຳພາເຂົ້າຮ່ວມ.

ທ່ານ ຄຳຂານ ພິນສະຫວັນ ຫົວໜ້າກົມຈັດຕັ້ງ ແລະ ພະນັກ ງານກະຊວງ ຮສສ ໄດ້ຂຶ້ນຜ່ານ ດຳລັດຂອງນາຍົກລັດຖະມົນຕີ ວ່າດ້ວຍການແຕ່ງຕັ້ງຮອງລັດຖະ ມົນຕີ, ສະບັບເລກທີ 25/ນຍ, ລົງວັນທີ 15 ມັງກອນ 2020. ແຕ່ງຕັ້ງທ່ານ ປະເດີມພອນ ສົນທະນີ ເປັນຮອງລັດຖະມົນຕີກະຊວງ ຮສສ.

ໃນໂອກາດດັ່ງກ່າວ ທ່ານ ຄຳແພງ ໄຊສົມແພງ ໄດ້ໂອ້ລົມ ໃນພິທີວ່າ: ການປະກາດການ ຈັດຕັ້ງຕຳແໜ່ງຮອງລັດຖະ ມົນຕີກະຊວງ ຮສສ ແມ່ນການ ມອບໝາຍໜ້າທີ່ ແລະ ຄວາມຮັບຜິດຊອບວຽກງານຂອງພັກ-ລັດຖະບານ ເວົ້າລວມ ເວົ້າສະ ເພາະກໍຄືຂອງຄະນະພັກ ແລະ ຄະນະນຳກະຊວງ ຮສສ ໃນການຊີ້ນຳ-ນຳພາຈັດຕັ້ງຜັນຂະຫຍາຍ ແລະ ປະຕິບັດແນວ ທາງນະໂຍບາຍຂອງພັກ - ລັດ, ຄວາມຮັບຜິດຊອບຕໍ່ວຽກງານຄຸ້ມຄອງມະຫາພາກ ດ້ານແຮງງານ ແລະ ສະຫວັດດີການສັງ ຄົມ, ວຽກງານພັດທະນາສີມືແຮງງານ ແລະ ຈັດຫາງານ, ວຽກງານປະກັນສັງຄົມ, ວຽກງານສັງຄົມສົງເຄາະ, ວຽກງານ ນະໂຍບາຍຕໍ່ຜູ້ມີຜົນງານ, ພິ ການ, ຜູ້ສູງອາຍຸ, ວຽກງານເກັບກູ້ລະເບີດບໍ່ທັນແຕກ ແລະ ວຽກງານອື່ນໆ.(ຂ່າວ: ບຸນອຸ້ມ)