Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຮອງເຈົ້າເມືອງປາກລາຍ ຊີ້ນຳວຽກງານຮອບດ້ານ 9 ເດືອນ ຂອງບ້ານຕາກແດດ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 13/10/2021 10:48:40 ຈຳ​ນວນ​​ຢ້ຽມ​ຊົມ 606 ຄັ້ງ

 

          ເມື່ອບໍ່​ດົນ​ມານີ້ ຢູ່ຫໍປະຊຸມບ້ານຕາກແດດ ເມືອງປາກລາຍ ແຂວງໄຊຍະບູລີ ທ່ານ ບຸນຫຼາຍ ວົງດາລາ ຮອງເຈົ້າເມືອງ ພ້ອມດ້ວຍຄະນະ ໄດ້ລົງຊີ້ນຳວຽກງານຮອບດ້ານ 9 ເດືອນ ແລະ ທິດທາງແຜນການ 3 ເດືອນທ້າຍປີ 2021 ຂອງບ້ານຕາກແດດ, ໃນໂອກາດນີ້ ທ່ານ ສິງ ວົງມະນີ ນາຍບ້ານຕາກແດດ ກໍໄດ້ຜ່ານບົດສະຫຼຸບລາຍງານການຈັດຕັ້ງປະຕິບັດວຽກງານຮອບດ້ານ 9 ເດືອນ ແລະ ທິດທາງແຜນການ 3 ເດືອນທ້າຍປີ 2021 ໂດຍໄດ້ກ່າວວ່າ: ບ້ານຕາກແດດ  ມີເນື້ອທີ່ທັງໝົດ 7.420 ເຮັກຕາ, ຫ່າງຈາກເທດສະບານເມືອງ ປະມານ 14  ກມ, ປະກອບມີ 275 ຄອບຄົວ, ມີ 27 ໜ່ວຍຄຸ້ມຄອງພົນລະເມືອງ, ພົນລະເມືອງທັງໝົດ 1.018 ຄົນ ຍິງ 599 ຄົນ ປະຊາຊົນສ່ວນໃຫຍ່ປະກອບອາຊີບ ປູກຝັງ ແລະ ລ້ຽງສັດ ແລະ ການບໍລິການຄ້າຂາຍ ໃນໄລຍະຜ່ານມາອົງການປົກຄອງບ້ານໄດ້ນໍາເອົາບັນດາເອກະສານ, ມະຕິ, ຄໍາສັ່ງ, ກົດລະບຽບຂອງພັກ, ກົດໝາຍ, ລະບຽບການຕ່າງໆຂອງລັດ ຂອງຂັ້ນເທິງ ມາເຜີຍແຜ່ເຊື່ອມຊຶມໃຫ້ສະມາຊິກພັກ, ຂະແໜງການຂອງບ້ານ  ແລະ ປະຊາຊົນໃຫ້ຮັບຮູ້ ແລະ ເຂົ້າໃຈ, ຜ່ານການຈັດຕັ້ງປະຕິບັດຄືດັ່ງກ່າວ ເຫັນວ່າສະພາບແນວຄິດຂອງສະມາຊິກພັກ, ຂະແໜງການ ແລະ ປະຊາຊົນມີແນວຄິດທັດສະນະຫຼັກໝັ້ນ, ຈໍາແນກໄດ້ມິດ-ສັດຕູຈະແຈ້ງ, ດ້ານເສດຖະກິດໄດ້ນຳພາສ້າງລາຍຮັບໃຫ້ຄອບຄົວຫຼາຍຂຶ້ນ ໂດຍການປຸກລະດົມປະຊາຊົນປູກຝັງ, ລ້ຽງສັດ ແລະ ດໍາເນີນທຸລະກິດເພື່ອພັດທະນາຊີວິດການເປັນຢູ່ຂອງປະຊາຊົນດີຂຶ້ນເທື່ອລະກ້າວ ແລະ ແກ້ໄຂຄວາມທຸກຍາກຂອງຄອບຄົວ, ເຮັດໃຫ້ຄອບຄົວມີລາຍຮັບຫຼາຍຂຶ້ນ, ສາມາດລຶບລ້າງຄອບຄົວທຸກຍາກໄດ້ 100%, ໄດ້ຊຸກຍູ້ປະຊາຊົນປູກພືດລະດູຝົນ ທົ່ວບ້ານມີເນື້ອທີ່ປູກພືດທັງໝົດ 4.831,91 ເຮັກຕາ ໃນນີ້ນາປີເນື້ອທີ່ 645,12ເຮັກຕາ, ເນື້ອທີ່ໄຮ່ 25,4 ເຮັກຕາ, ເນື້ອທີ່ປູກສາລີ 996,33 ເຮັກຕາ, ເນື້ອທີ່ປູກມັນຕົ້ນ 2.986,12ເຮັກຕາ, ເນື້ອທີ່ໝາກເດືອຍ 87,45 ເຮັກຕາ, ເນື້ອທີ່ປູກສາລີຫວານ 15,94 ເຮັກຕາ, ເນື້ອທີ່ປູກຖົ່ວດິນ,ຖົ່ວແດງ 8,84 ເຮັກຕາ ແລະ ພືດອຶ່ນໆ 66,71 ເຮັກຕາ  ສຳເລັດການເກັບລາຍຮັບເຂົ້າງົບປະມານຕາມໂຕເລກມອບເໝົາຂອງເມືອງມີ 246.402.000 ກີບ, ມາຮອດປັດຈຸບັນປະຕິບັດໄດ້ແລ້ວ 203.408.000 ກີບ ເທົ່າກັບ 82,55%, ເພື່ອຮັບປະກັນໃນການນຳພາວຽກງານມີຜົນສຳເລັດໃນແຕ່ລະດ້ານທາງອົງການປົກຄອງບ້ານຕາກແດດ ຈຶ່ງໄດ້ກຳນົດທິດທາງແຜນການ 3 ເດືອນທ້າຍປີ 2021 ເຊັ່ນ: ສືບຕໍ່ສຶກສາອົບຮົມດ້ານການເມືອງ-ແນວຄິດໃຫ້ສະມາຊິກພັກ, ຂະແໜງການ ແລະ ພໍ່ແມ່ປະຊາຊົນພາຍໃນບ້ານໃຫ້ຮັກບ້ານເກີດເມືອງນອນ, ເຊື່ອໝັ້ນຕໍ່ການນຳພາຂອງພັກ-ຕໍ່ອົງການປົກຄອງບ້ານ ແລະ ຊ່ວຍເຫຼືອກັນສ້າງສາພັດທະນາບ້ານຕາກແດດໃຫ້ກ້າວຂຶ້ນໄປເລື້ອຍໆ, ສືບຕໍ່ຮ່ວມມືກັບຕຳຫຼວດກຸ່ມບ້ານຂຶ້ນບັນຊີ ແລະ ຕິດຕາມເປົ້າໝາຍເຄື່ອນໄຫວບໍ່ດີເຊັ່ນ: ຂີ້ລັກ, ງັດແງະ, ຫຼິ້ນການພະນັນ, ມົ້ວສຸມສິ່ງເສບຕິດ ແລະ ອື່ນໆ ພ້ອມທັງສຶກສາອົບຮົມໃຫ້ພໍ່ແມ່ປະຊາຊົນທຸກຊັ້ນຄົນ ເປັນຫູເປັນຕາຊ່ວຍເຈົ້າໜ້າທີ່ເພື່ອເຮັດໃຫ້ວຽກງານ ປກຊ - ປກສ ກາຍເປັນຂອງທົ່ວປວງຊົນ ແລະ ເຂົ້າຮ່ວມໃນການປ້ອງກັນເວນຍາມບ້ານໃຫ້ເປັນປົກກະ   ຕິ, ສືບຕໍ່ສູ້ຊົນຈັດເກັບລາຍຮັບ 3 ເດືອນທ້າຍປີ 2021 ໃຫ້ບັນລຸຕາມໂຕເລກທີ່ຍັງຄົງຄ້າງ ແລະ ສຸມໃສ່ວຽກງານອື່ນໆຕໍ່ກັບການພັດທະນາພື້ນຖານໂຄ່ງລ່າງຂອງບ້ານໃຫ້ມີໂສມໜ້າໃໝ່.

ໃນໂອກາດທີ່ມີຄວາມໝາຍຄວາມສໍາຄັນນີ້ ທ່ານຮອງເຈົ້າເມືອງກໍໄດ້ມີຄຳເຫັນໂອ້ລົມຊີ້ນຳຕໍ່ການຈັດຕັ້ງອຳນາດການປົກຄອງບ້ານ ນໍາເອົາຄວາມຢ້ຽມຢາມຖາມຂ່າວອັນອົບອຸ່ນ ແລະ ຄວາມສາມັກຄີຮັກແພງອັນສະໜິດສະໜົມ, ຄວາມເປັນຫ່ວງເປັນໃຍມາຍັງຄະນະພັກ, ອົງການປົກຄອງບ້ານ ແລະ ພໍ່ແມ່ປະຊາຊົນ, ຊັ້ນຄົນຕ່າງໆພາຍໃນບ້ານ, ສະແດງຄວາມຍ້ອງຍໍ, ຊົມເຊີຍຕໍ່ຄະນະພັກ, ອົງການປົກຄອງບ້ານ ພ້ອມດ້ວຍພໍ່ແມ່ປະຊາຊົນທີ່ໄດ້ພ້ອມກັນຍາດໄດ້ຜົນງານຫຼາຍດ້ານທີ່ພົ້ນເດັ່ນໃນການປະກອບສ່ວນພັດທະນາພື້ນຖານໂຄງລ່າງຂອງບ້ານໄດ້ຮັບການພັດທະນາດີຂຶ້ນເລື່ອຍໆ ແຕ່ຄ່ຽງຄູ່ຜົນງານຍາດມາໄດ້ນັ້ນສະຫາຍຮອງເລຂາພັກເມືອງຍັງໄດ້ເນັ້ນໜັກບາງບັນຫາຕື່ມໃນການແກ້ໄຂບາງຈຸດອ່ອນໃນການນໍາພາຂອງບ້ານຜ່ານມາ ແລະ ທັງແມ່ນບັນຫາທີ່ຕ້ອງໄດ້ເອົາໃຈໃສ່ປັບປຸງແກ້ໄຂໃນຕໍ່ໜ້າ ເພື່ອສືບຕໍ່ນໍາພາບ້ານໃຫ້ກາຍເປັນຕົວເມືອງນ້ອຍໃນຊົນນະບົດ ແລະ ກາຍເປັນບ້ານທີ່ສະອາດສວຍງາມໃນອະນາຄົດ ຕ້ອງໄດ້ເອົາໃຈໃສ່ບາງບັນຫາດັ່ງນີ້ ຕັ້ງໜ້າປັບປຸງແບບແຜນວິທີນໍາພາ, ແບບແຜນວິທີເຮັດວຽກຂອງຄະນະໜ່ວຍພັກ, ອົງການປົກຄອງບ້ານ, ໄປຕາມພາລະບົດບາດ, ສິດ ແລະ ໜ້າທີ່ຂອງອົງການປົກຄອງບ້ານ ໂດຍສະເພາະແມ່ນເປົ້າໝາຍປັບປຸງ 5 ໜ່ວຍງານ 17 ຈຸງານຂອງບ້ານໃຫ້ມີຄວາມເຂັ້ມແຂງ ໃຫ້ຮູ້ເຄື່ອນໄຫວປະຕິບັດໜ້າທີ່ຂອງຕົນຕາມລະບຽບກົດໝາຍທີ່ວາງໄວ້ຢ່າງເຕັມສ່ວນ. ເພີ່ມທະວີນໍາພາແກ້ໄຂບັນຫາທີ່ຍັງເປັນຈຸດອ່ອນໃຫ້ໝົດໄປເທື່ອລະກ້າວ, ເອົາໃຈໃສ່ກວດກາ-ປັບປຸງມາດຖານນາມມະຍົດຂອງຄອບຄົວ, ບ້ານເປັນແບບຢ່າງດ້ານຕ່າງໆຊຶ່ງໄດ້ປະກາດຮັບຮອງໄປແລ້ວ ໃຫ້ມີຄຸນນະພາບດີຂຶ້ນເລື້ອຍໆໃຫ້ໜັກ                 ແໜ້ນ ແລະ ຮັບປະກັນມີຄວາມຍືນຍົງແກ້ໄຂບັນຫາຢາເສບຕິດ, ປະກົດການຫຍໍ້ທໍ້ຂອງບ້ານທີ່ເກີດຂຶ້ນໃຫ້ໝົດໄປ, ເພີ່ມທະວີການເອົາໃຈໃສ່ວຽກງານເຜີຍແຜ່ຂໍ້ມູນຂ່າວສານເພື່ອພ້ອມກັນຕ້ານສະກັດກັ້ນພະຍາດຕ່າງໆທີ່ຈະລະບາດຕາມລະດູການ ໂດຍສະເພາະໃຫ້ເອົາໃຈໃສ່ສືບຕໍ່ຈັດຕັ້ງປະຕິບັດໜ້າທີ່ເວນຍາມກວດກາຄົນເຂົ້າ-ອອກບ້ານເພື່ອສະກັດກັ້ນການແຜ່ລະບາດຂອງພະຍາດໂຄວິດ-19 ບໍ່ໃຫ້ຂະຫຍາຍເປັນວົງກວ້າງ.

                        ຂ່າວ-ພາບ: ດາວປະດິດ ເສດຖາລາດ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com