ຫົວ​ຂໍ້ : ປະທານ ສນຊ ໂອ້ລົມພະນັກງານຫຼັກແຫຼ່ງ ແຂວງຊຽງຂວາງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 12/02/2020 10:12:24 ຈຳ​ນວນ​ຜູ້​ເຂົ້າ​ຢ້ຽມ​ຊົມ 339 ຄັ້ງ

ທ່ານ  ໄຊ​ສົມ​ພອນ  ພົມວິ ຫານ   ກຳມະການ​ກົມ​ການ ເມືອງ​ສູນ​ກາງ​ພັກ  ປະທານ​ສູນ​ກາງ​ແນວ​ລາວ​ສ້າງ​ຊາດ  (ສນຊ) ພ້ອມ​ດ້ວຍ​ຄະນະ ໄດ້​ຢ້ຽມຢາມ​ແຂວງ​ຊຽງ​ຂວາງ   ພ້ອມ​ນີ້,  ກໍໄດ້​ໂອ້​ລົມ​ພະນັກງານ​ຫຼັກ​ແຫຼ່ງ​ແຂວງ​ຊຽງ​ຂວາງ​ ໃນ​ວັນ​ທີ 10 ກຸມພາ​ຜ່ານ​ມາ​   ທີ່​ຫ້ອງ​ວ່າການ​ແຂວງ ໂດຍ​ມີ​ທ່ານ  ບົວ​ສອນ  ສີ​ນວນ​ທອງ   ຮອງ​ເລຂາ​ພັກ​ແຂວງ  ຮອງ​ເຈົ້າແຂວງໆ​ຊຽງ​ຂວາງຕ້ອນຮັບ ແລະ ລາຍງານ ​ການ​ພັດທະນາ​ເສດ​ຖະ​ກິດ​-​ສັງ ຄົມ​ຂອງ​ແຂວງ ໃນ​ໄລຍະ​ຜ່ານ​ມາ ເປັນຕົ້ນ​ແມ່ນວຽກ​ງານ​ພັດ ທະນາ​ຊົນນະບົດການ​ແກ້​ໄຂ​ຄວາມ​ທຸ​ກຍາກ, ການ​ກະກຽມ ແລະ  ດຳເນີນ​ກອງ​ປະຊຸມ​ໃຫຍ່, ການ​ກະກຽມ​ເປັນ​ເຈົ້າພາບ​ທີ່​ດີ​ໃນ​ງານ​ມະຫະ​ກຳ​ກິລາ​ແຫ່ງ​ຊາດ ​ຄັ້ງ​ທີ 11. ນອກນີ້, ບັນດາ​ພະແນກການກໍໄດ້ລາຍ ​ງານການ​ປະຕິບັດ​ຕາມ​ທິດຊີ້​ ນຳ​ຂອງ​ແຂວງ  ໃນ​ການ​ແຮກ ສ່ຽວ​ກັບ​ບັນດາ​ບ້ານ​ທີ່​ທຸກ​ຍາກ ແລະ ຢູ່​ຫ່າງ​ໄກ​ສອກ​ຫຼີກ ເພື່ອ​ຊ່ວຍ​ບ້ານ​ໃນ​ການ​ພັດທະນາ, ວາງ​ແຜນ,  ປັບປຸງ​ກົງຈັກ​ຂັ້ນ​ບ້ານການ​ຮ່າງ​ເອກະສານ​ຕ່າງໆ ຜ່ານ​ການຈັດຕັ້ງ​ປະຕິບັດ​ເຫັນ​ວ່າ ມີ​ການ​ປ່ຽນແປງ​ດີ​ຂຶ້ນ​ຫຼາຍ.
ໂອກາດ​ນີ້,  ທ່ານ  ໄຊ​ສົມ​ພອນ  ພົມວິຫານ  ກໍໄດ້​ເນັ້ນໃຫ້​ ຄະນະ​ນຳ​ແຂວງ ເອົາໃຈໃສ່​ປະ ຕິບັດ​ມະຕິ​ຕິ​ກອງ​ປະຊຸມ​ໃຫຍ່​ຂອງ​ພັກ,  ສືບຕໍ່​ລົງ​ກໍ່ສ້າງ​ຮາກ​ຖານ​ການເມືອງ,  ຍູ້​ແຮງ​ການ​ຜະລິດ,   ການທ່ອງທ່ຽວ ຕິດ​ພັນ​ກັບ​ການ​ສ້າງ​ຄອບຄົວ​ຕົວ​ແບບ​ຕາມ​ຈຸດ​ພິເສດ​ຂອງ​ທ້ອງ​ຖິ່ນ,  ສູ້​ຊົນ​ພັດທະນາ​ເສດຖະກິດ​ຂອງ​ແຂວງ​ໃຫ້​ຂະຫຍາຍຕົວ​ຂຶ້ນ, ສູ້​ຊົນ​ພັດທະນາ​ຊົນນະບົດ  ແລະ ແກ້​ໄຂ​ຄວາມທຸກ​ຍາກໂດຍສຸມ​ ໃສ່​ບັນດາ​ເປົ້າ​ໝາຍ, ຈັດ​ຕັ້ງ​ກອງ​ທຶນຊຸກຍູ້​ປະຊາຊົນ​ເຂົ້າ​ ເຖິງ​ທະນາຄານ, ສືບຕໍ່​ປັບປຸງ​ກຳລັງ​ປ້ອງ​ກັນ​ຊາດ​-​ປ້ອງ​ກັນ​ຄວາມ​ສະ​ຫງົ​ບ​ໃຫ້ມີຄວາມໜັກ​ ແໜ້ນ​ທາງ​ດ້ານ​ການເມືອງ, ມີ​ຄວາມ​ເຂັ້ມແຂງ​ທາງ​ດ້ານການ ຈັດຕັ້ງ ແລະ ວິຊາ​ສະເພາະ, ເອົາ ໃຈໃສ່​ກະກຽມ  ແລະ  ດຳເນີນ ​ກອງ​ປະຊຸມໃຫຍ່ 3 ຂັ້ນໃຫ້ມີ​ຜົນ ສຳເລັດ​ຕາມລະດັບຄາດໝາຍ, ສຶກສາ​ອົບຮົມ ແລະ ເຕົ້າໂຮມ​ຄວາມ​ສາມັກຄີບັນດາເຜົ່າໃຫ້ ແໜ້ນ​ແຟ້ນ​ຂຶ້ນ​ເລື້ອຍໆ. ໂອ ກາດ​ນີ້, ທ່ານປະທານ ສນຊ ຍັງ​ ໄດ້​ມອບ​ຄອມ​ພິວ​ເຕີ ຈຳນວນ 8 ຊຸດ​ໃຫ້​ແນວ​ລາວ​ສ້າງ​ຊາດ​ແຂວງ  ເພື່ອ​ນຳໄປ​ມອບ​ຕໍ່ໃຫ້​​ເມືອງ​ຕ່າງໆ.
(ຂ່າວ​-​ພາບ: ບຸນ​ມີ ແສງ​ທຸມ​ມີ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110