Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ລົດໄຟຂະບວນລ້ານຊ້າງ ມາຮອດສະຖານີນະຄອນຫຼວງວຽງຈັນ ແລະ ມອບ-ຮັບຢ່າງເປັນທາງການ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 16/10/2021 16:17:44 ຈຳ​ນວນ​​ຢ້ຽມ​ຊົມ 819 ຄັ້ງ

ຂປລ. ລົດໄຟຂະບວນລ້ານຊ້າງ ຫລື ຂະບວນລົດໄຟ EMU ເດີນທາງມາຮອດສະຖານີນະຄອນຫຼວງວຽງຈັນ ແລະ ໄດ້ສົ່ງມອບໃຫ້ ບໍລິສັດ ທາງລົດໄຟລາວ-ຈີນ ຈຳກັດ ຢ່າງເປັນທາງການແລ້ວ ໃນວັນທີ 16 ຕຸລາ 2021 ນີ້, ເຊິ່ງຂະບວນລົດໄຟດັ່ງກ່າວ ຈະຖືກນຳມາທົດລອງແລ່ນ ແລະ ກວດກາເຕັກນິກກ່ອນຈະນຳໃຊ້ຕົວຈິງ ຄາດວ່າຈະເປີດດຳເນີນການໃນວັນຊາດທີ 2 ທັນວາ 2021 ທີ່ຈະມາເຖິງນີ້, ເຂົ້າຮ່ວມພິທີມອບຮັບໃນຄັ້ງນີ້, ມີທ່ານ ຈຽງໄຈ່ຕົງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປ ຈີນ ປະຈຳ ສປປ ລາວ ແລະ ທ່ານ ວຽງສະຫວັດ ສີພັນດອນ ລັດຖະມົນຕີກະຊວງ ໂຍທາທິການ ແລະ ຂົນສົ່ງ ພ້ອມດ້ວຍ ພາກສ່ວນກ່ຽວຂ້ອງ ເຂົ້າຮ່ວມ ເປັນສັກຂີພິຍານ.

ລົດໄຟ EMU ຂະບວນນີ້ ຜະລິດຮ່ວມໂດຍ ບໍລິສັດ ຫົວຈັກລົດໄຟ ແລະ ຕູ້ລົດໄຟ ຊິງຕາວ ສື້ຟາງ ຫຸ້ນສ່ວນ ຈຳກັດ ເເລະ ບໍລິສັດ ຫົວລົດຈັກ ແລະ ຕູ້ລົດໄຟ ຕ່າລຽນ ຫຸ້ນສ່ວນ ຈຳກັດ ທັງສອງບໍລິສັດ ເເມ່ນຂຶ້ນກັບ ກຸ່ມ ບໍລິສັດ CRRC ຂອງຈີນ. ຂະບວນລົດໄຟ EMU ມີຕູ້ລົດໄຟທີ່ຂັບ ເຄື່ອນໄດ້ເອງ (motor car) ລາກແກ່ຕູ້ລົດໄຟທີ່ບໍ່ມີລະບົບຂັບເຄື່ອນ(trailer car) ສາມາດຂັບເຄື່ອນໄດ້ທັງສອງທິດທາງ, ສາມາດແລ່ນດ້ວຍຄວາມໄວສູງສຸດເຖິງ 160 ກມ/ຊມ, ປະກອບມີ 9 ຕູ້ ເຊິ່ງລວມມີຕູ້ລົດໄຟທີ່ຂັບເຄືື່ອນໄດ້ເອງ 1 ຕູ້, ຕູ້ລົດໂດຍສານຊັ້ນ 1 ແລະ ຕູ້ຫ້ອງອາຫານ 1 ຕູ້, ຕູ້ລົດໂດຍສານຊັ້ນສອງ 6 ຕູ້ ເຊິ່ງທັງໝົດສາມາດບັນຈຸໄດ້ 720 ຄົນ ແລະ ສາມາດເຊື່ອມຕໍ່ສອງຂະບວນລົດໄຟໄດ້ໃນເວລາທີ່ຕ້ອງການ.

ລົດໄຟ EMU ຂະບວນ “ລ້ານຊ້າງ” ຮູບຊົງພາຍນອກຂອງຕົວລົດ ປະກອບດ້ວຍລວດລາຍທີ່ນຳໃຊ້ສີທຸງຊາດ ລາວ “ສີເເດງ, ສີຟ້າ, ສີຂາວ” ເຊິ່ງຖືກເອີ້ນວ່າ “ຄວາມສວຍງາມຂອງທຸງຊາດ”.ການຕົບແຕ່ງພາຍໃນຂອງຂະບວນລົດໄຟ EMU ແມ່ນໃຊ້ເເນວຄວາມຄິດ “ກິ່ນຫອມມີສະເໜ່ດອກຈໍາປາ” ແລະ “ຄວາມງາມຂອງຜືນແຜ່ນດິນລາວ” ເປັນແຮງບັນດານໃຈ. ການຕົບເເຕ່ງພາຍໃນລົດດ້ວຍເເນວຄິດ “ກິ່ນຫອມມີສະເໜ່ດອກຈໍາປາ” ເຫັນໄດ້ດອກຈໍາປາເເຕ່ລະດອກກໍາລັງເບີກບານ, ຖືເອົາລວດລາຍສີສັນຂອງດອກຈຳປາເປັນສີພື້ນ ເຊິ່ງມີຄວາມໝາຍສະເເດງເຖິງ ວິໄສທັດການດຳລົງຊີວິດຂອງປະຊາຊົນ ເເລະ ມິດຕະພາບອັນມີກຽດສັກສີ, ສູງສົ່ງ ແລະ ເສຍສະຫລະຂອງ ປະຊາຊົນສອງ ຊາດ ລາວ-ຈີນ. ສ່ວນການຕົບເເຕ່ງພາຍໃນດ້ວຍ “ຄວາມງາມຂອງຜືນແຜ່ນດິນລາວ” ເເມ່ນຖືເອົາສີຂອງຜ້າໄໝລາວ ເປັນສີພື້ນ ຮວບຮວມວັດທະນະທຳ, ຄວາມສວຍງາມ, ສາດສະໜາ ຂອງສອງຊາດ ລາວ-ຈີນ ເຂົ້າກັນ.

ໂອກາດດັ່ງກ່າວ, ທ່ານ ວຽງສະຫວັດ ສີພັນດອນ ໄດ້ກ່າວສະແດງຄວາມຊົມເຊີຍຕໍ່ບໍລິສັດທາງລົດໄຟລາວ-ຈີນຈຳກັດ ແລະກຸ່ມລັດວິສາຫະກິດລົດໄຟແຫ່ງຊາດຈີນ (CRRC) ທີ່ໄດ້ປະກອບສ່ວນໃນການອອກແບບ ແລະ ຜະລິດລົດໄຟ EMU ຈົນສຳເລັດ. ໂຄງການກໍ່ສ້າງທາງລົດໄຟລາວ-ຈີນ ເເມ່ນໂຄງການຮ່ວມມືທາງດ້ານຍຸດທະສາດຕາມນະໂຍບາຍ “ໜຶ່ງເເລວ ໜຶ່ງເສັ້ນທາງ” ຂອງ ສປ ຈີນ ເເລະ ຍຸດທະສາດ “ຫັນປ່ຽນປະເທດທີ່ບໍ່ມີຊາຍແດນຕິດກັບທະເລ ໃຫ້ເປັນປະເທດເຊື່ອມຈອດ” ຂອງ ສປປ ລາວ ເຊິ່ງ ຜົນສຳເລັດຂອງການກໍ່ສ້າງໂຄງການ ເເມ່ນມີຄວາມໝາຍຄວາມສຳຄັນອັນຍິ່ງໃຫຍ່ໃນອານາຄົດຂ້າງໜ້າ ກໍຄື ໄດ້ຖືກຈື່ຈຳ ໃນປະຫວັດສາດອັນຍາວໄກ, ການອອກແບບ ແລະ ການຜະລິດ ລົດໄຟ EMU ແມ່ນວຽກພາກສ່ວນໜຶ່ງສຳຄັນຂອງໂຄງການກໍ່ສ້າງທາງລົດໄຟລາວ-ຈີນ ເຊິ່ງ ລັດຖະບານລາວ ໄດ້ໃຫ້ຄວາມສຳຄັນສູງ, ໃນນັ້ນ ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ເເຫ່ງ ສປປ ລາວ ກໍໄດ້ກວດກາຮັບຮອງເເບບລົດໄຟ EMU ດ້ວຍຕົນເອງ ແລະທ່ານພັນຄຳ ວິພາວັນ ນາຍົກລັດຖະມົນຕີ ເເຫ່ງ ສປປ ລາວ ໄດ້ຮັບຮອງການຕັ້ງຊື່ຂະບວນລົດໄຟດ້ວຍຕົນເອງ. ລົດໄຟ EMU ຂະບວນ “ລ້ານຊ້າງ” ເເມ່ນຜົນສຳເລັດທີ່ສະເເດງເຖິງຄວາມຮູ້ ເເລະ ເຫື່ອແຮງຂອງປະຊາຊົນສອງຊາດລາວ-ຈີນ ເເລະ ກໍຈະເປັນສັນຍາລັກໃໝ່ໃນການສ້າງສາປະເທດຊາດໃຫ້ມີຄວາມຮັ່ງມີ ເເລະ ເຂັ້ມເເຂງ, ເຮັດໃຫ້ຊີວິດການເປັນຢູ່ຂອງປະຊາຊົນດີຂຶ້ນ.

ທ່ານ ວຽງສະຫວັດ ສີພັນດອນ ໃຫ້ຮູ້ອີກວ່າ: ລັດຖະບານລາວ ໄດ້ກຳນົດຢ່າງຊັດເຈນໃຫ້ທາງລົດໄຟໄດ້ເປີດດຳເນີນການໃນວັນຊາດທີ່ 2 ທັນວາ 2021 ທີ່ຈະມາເຖິງນີ້, ລົດໄຟ EMU ຂະບວນ “ລ້ານຊ້າງ” ທີ່ໄດ້ມອບ-ຮັບສຳເລັດຢ່າງຈົບງາມ ຈະເປັນເຄື່ອງໝາຍຊີ້ໃຫ້ເຫັນໄດ້ວ່າ ໂຄງການກໍ່ສ້າງທາງລົດໄຟລາວ-ຈີນ ແມ່ນໄດ້ກ້າວເຂົ້າສູ່ຂັ້ນຕອນການກວດກາຮັບຮອງ ແບບໄດນາມິກ ເຊິ່ງເປັນຂັ້ນຕອນທີ່ສຳຄັນ, ຕໍ່ຈາກນັ້ນ, ເສັ້ນທາງລົດໄຟລາວ-ຈີນ ຈະປ່ຽນຈາກຊ່ວງໄລຍະການກໍ່ສ້າງ ຫັນເຂົ້າສູ່ຊ່ວງໄລຍະດຳເນີນການຢ່າງເປັນທາງການ, ເຊິ່ງເປັນການປະກາດໃຫ້ຮູ້ຢ່າງທົ່ວເຖິງວ່າ ສປປ ລາວ ກຳລັງກ້າວເຂົ້າສູ່ຍຸກສະໄໝເເຫ່ງການຂົນສົ່ງທາງລົດໄຟ, ປະຊາຊົນລາວ ຈະພົບກັບຍຸກສະໄໝໃໝ່ເເຫ່ງການປ່ຽນເເປງດ້ານການຂົນສົ່ງ.

ຂ່າວ: ທະນູທອງ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com