ຫົວ​ຂໍ້ : ປະທານ ສນຊ ພົບປະໂອ້ລົມຄະນະນຳ ພະນັກງານແຂວງຫົວພັນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 14/02/2020 09:20:11 ຈຳ​ນວນ​ຜູ້​ເຂົ້າ​ຢ້ຽມ​ຊົມ 397 ຄັ້ງ

   (ຂປລ). ວັນ​ທີ 11-13 ກຸມ​ພາ​ນີິ້, ທ່ານ ໄຊ​ສົມພອນ ພົມວິຫານ ກຳມະການ​ກົມ​ ການເມືອງ​ສູນ​ກາງ​ພັກ ປະ ທານ​ສູນ​ກາງ​ແນວ​ລາວ​ສ້າງ​ຊາດ (ສນຊ) ຫົວໜ້າ​ອະນຸ​ກຳມະການ​ໂຄສະນາ ແລະ ຂະບວນ​ການ ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ​ຄັ້ງ​ທີ XI ຂອງ​ພັກ ພ້ອມ​ດ້ວຍ​ຄະນະ​ໄດ້​ລົງ​ເຄື່ອນ​ໄຫວ​ຢ້ຽມຢາມ​ແຂວງ​ຫົວພັນ ເພື່ອ​ຊຸກຍູ້​ຂະບວນ​ການ​ກະກຽມ ແລະ​ ດຳເນີນ​ກອງ​ປະຊຸມ​ໃຫຍ່​ສາມ​ຂັ້ນຂອງ​ພັກ ເພື່ອ​ກ້າວ​ເຂົ້າ​ສູ່​ການ​ກະ​ກຽມ ແລະ ດຳ​ເນີນ​ກອງ​ປະຊຸມ​ໃຫຍ່​ຜູ້​ແທນ​ທົ່ວ​​ປະເທດ​ຄັ້ງ​ທີ XI, ການຈັດຕັ້ງ​ຜັນ​ຂະຫຍາຍ​ມະຕິ​ກອງ​ປະຊຸມ​ໃຫຍ່​ຄັ້ງ​ທີX ຂອງ​ພັກ ກໍ່​ຄື​ແຜນ​ພັດທະນາ​ເສດ​ຖະ​ກິດ​-​ສັງຄົມ ແຫ່ງ​ຊາດ 5 ປີ​ຄັ້ງ​ທີ8 ໃນ​ໄລຍະ​ທ້າຍ​ສະໄໝ ໃຫ້​ມີ​ບັນຍາກາດ​ຟົດ​ຟຶ້ນ ແລະ ມີ​ຜົນສຳເລັດ​ໃໝ່.
   ໃນໂອກາດ​ພົບ​ປະ​ຄະນະ​ພັກ, ຄະນະ​ນຳ ແລະ ພະນັກ ງານຫຼັກ​ແຫຼ່ງ​ຂອງ​ແຂວງ​ຫົວ ພັນ ໃນ​ວັນ​ທີ 13 ກຸມພາ 2020, ພາຍຫຼັງ​ໄດ້ຮັບຟັງການ​ລາຍ ​ງານ​ຈາກ​ທ່ານ ຄຳ​ຜິວ ວົງ​ສະ ຫວັນ ຮອງ​ເລຂາ​ພັກ​ແຂວງ, ປະທານ​ແນວ​ລາວ​ສ້າງ​ຊາດ​ແຂວງ​ຫົວພັນ ກ່ຽວ ກັບ​ສະພາບ​ການ​ພັດທະນາ​ເສດ​ຖະ​ກິດ​-​ສັງຄົມ ກໍ​ຄື​ຂະບວນ​ການຈັດຕັ້ງ​ກອງ​ປະຊຸມ​ໃຫຍ່ສາມຂັ້ນ, ການພັດທະນາ​ຊົນນະບົດ ແລະ ແກ້​ໄຂຄວາມທຸກ​ຍາກ​ຢູ່​ແຂວງ​ໂດຍ​ສັງເຂບແລ້ວ, ປະທານ ສນຊ ກໍໄດ້​ມີ​ຄຳ​ໂອ້​ລົມສະແດງ​ຄວາມ​ຊົມເຊີຍ​ບັນດາ​ຜົນສຳເລັດ​ຂອງ ແຂວງ​ຫົວພັນ​ຍາດ​ມາ​ໄດ້, ພ້ອມ​ທັງ ໄດ້​ຮຽກຮ້ອງໃຫ້​ສືບຕໍ່​ເອົາໃຈ ໃສ່ສູ້​ຊົນ​ປະຕິບັດ​ມະຕິກອງ​ປະຊຸມ​ໃຫຍ່​ຄັ້ງ​ທີ X ຂອງ​ພັກ; ແຜນ​ພັດທະນາ​ເສດ​ຖະ​ກິດ​-​ສັງຄົມ ແຫ່ງ​ຊາດ; ມະຕິ​ຂອງ​ສະພາ​ແຫ່ງ​ຊາດ ກໍຄື​ມະຕິ​ກອງ​ປະຊຸມພັກ​ແຂວງ; ແຜນ​ພັດທະນາ​ເສດ​ຖະ​ກິດ​-​ສັງຄົມ​ຂອງ​ແຂວງ​ໃຫ້​ບັນລຸ​ຜົນສຳເລັດ​ຕາມ​ແຜນ; ສືບ​ຕໍ່​ດຳເນີນ​ກອງ​ປະຊຸມ​ໃຫຍ່​ແຕ່​ລະ​ຂັ້ນ​ໃຫ້​ສຳ ເລັດ​ຕາມ​ຄາດໝາຍ ໂດຍ​ເອົາໃຈໃສ່​ບັນຫາ​ເນື້ອ​ໃນ​ຂອງ​ບົດ​ລາຍງານ​ການເມືອງ​ໃຫ້​ເປັນ​ຍຸດທະສາດ​ກວ້າງ​ໄກ,ມີ​ ລັກສະນະ​ຕໍ່​ເນື່ອງ​ຜົນງານ​ຜ່ານມາ; ສືບຕໍ່​ຖື​ສຳຄັນ ແລະ ເອົາໃຈ ໃສ່​ການ​ສຶກສາ​ອົບ ຮົມ​ການເມືອງ​ແນວ​ຄິດ​ໃຫ້​ກວ້າງຂວາງ, ເລິກເຊິ່ງ; ສືບ​ຕໍ່​ເອົາໃຈໃສ່​ເຮັດ​ໃຫ້​ແຂວງ​ມີ​ຄວາມ​ສະຫງົບ ແລະ ເປັນ​ລະບຽບ​ຮຽບຮ້ອຍ, ມີ​ຄວາມ​ສາມັກຄີ​ເປັນ​ປຶກ​ແຜ່ນ​ແໜ້ນ ໜາ; ຊຸກຍູ້​ໃຫ້ປະຊາຊົນ​​​ຜະ ລິດ​ກະສິກຳ​ເປັນ​ສິນຄ້າ​ເພື່ອ​ສ້າງ​ລາຍ​ຮັບ​ແກ້​ໄຂຄວາມທຸກ​ຍາກ​ຂອງ​ປະຊາຊົນ​ໃຫ້​ບັນລຸ​ຜົນ;  ສືບຕໍ່​ສ້າງ​ຂະບວນ​ການ​ຕ້ອນຮັບ​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ​ຄັ້ງ​ທີXI ຂອງ​ພັກ, ວັນ​ສຳຄັນ​ຂອງ​ຊາດ ຂອງ​ພັກ​ໃຫ້​ມີ​ຄວາມ​ຄຶກ​ຄື້ນ.
   ໃນ​ໂອກາດ​ເຄື່ອນ​ໄຫວ​ຊຸກຍູ້​ການ​ສ້າງ ຂະບວນ​ການ ກະກຽມ​ໃຫ້​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ​ຄັ້ງ​ທີ XI ຂອງ​ພັກ ຢູ່​ແຂວງ​ຫົວພັນ, ປະທານ ສນຊ ຍັງ​ໄດ້​ນຳ​ເອົາ​ຄອມ​ພິວ​ເຕີ ແລະ​ເຄື່ອງຮັບ​ໃຊ້​ວິຊາ​ການ​ຈຳນວນ​ໜຶ່ງ ມອບ​ໃຫ້​ແຂວງ​ນຳ​ໃຊ້​ເຂົ້າ​ໃນ​ວຽກ​ງານ, ພ້ອມ​ທັງ​ໄດ້​ລົງ​ເຄື່ອນ​ໄຫວ​ຢ້ຽມຢາມ ແລະ ເຮັດ​ວຽກ​ຢູ່​ເມືອງ​ສົບ​ເບົາ, ຊຽງ​ຄໍ້, ວຽງ​ໄຊ ແລະ ພື້ນ ຖານ​ການ​ຜະລິດ, ການ​ພັດທະ ນາຂອງ​ເມືອງ ແລະ ແຂວງ ຈຳນວນ​ໜຶ່ງ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110