ຫົວ​ຂໍ້ : WHO ຕັ້ງຊື່ໄວຣັດ ໂຄໂຣນາ COVID-19

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 14/02/2020 09:24:28 ຈຳ​ນວນ​ຜູ້​ເຂົ້າ​ຢ້ຽມ​ຊົມ 427 ຄັ້ງ

  ຂ່າວ​ຕ່າງປະເທດ​ລາຍ​ງານ​ໃນ​ວັນ​ທີ 11 ກຸມພາ​ຜ່ານ​ມາ, ທ່ານ ເທ​ໂດ​ຣສ ອັດ​ດາ​ນົມ ເກ​ເບ​ຣ​ເຢ​ຊຸສ ຜູ້ອຳນວຍການ​ອົງການ​ອະນາໄມ​ໂລກ (WHO) ໄດ້​ຖະແຫຼງການ​ວ່າ: WHO ແລະ ຄະນະ​ກຳມາ​ທິ​ການ​ນາໆ​ຊາດ​ດ້ານ​ການ​ຈັດ​ຫາ​ໝວດ​ຂອງ​ເຊື້ອ​ໄວ​ຣັດ (ICTV) ມີ​ມະຕິ​ເຫັນ​ດີ​ເປັນ​ເອກະສັນ​ກັນ ກຳນົດ​ຊື່​ຢ່າງ​ເປັນ​ທາງ​ການ​ໃຫ້​ກັບ​ໄວ​ຣັດ​ໂຄ​ໂຣ​ນາ​ສາຍ​ພັນ​ໃໝ່ ຊຶ່ງ​ກຳເນີດ​ຂຶ້ນ​ທີ່​ເມືອງ​ອູ​ຮັ້ນ​ແຂວງ​ຫູ​ເປີ​ຍ​ຂອງ​ຈີນ ວ່າ​ເຊື້ອ​ໄວ​ຣັດ “COVID-19”.
  ຂ່າວ​ລະບຸ​ວ່າ: ຄວາມ​ໝາຍ Co ຫຍໍ້​ມາ​ຈາກ Corona, Vi ຫຍໍ້​ມາ​ຈາກ Virus ແລະ D ຫຍໍ້​ມາ​ຈາກ Disease ຊຶ່ງ​ແປ​ວ່າ; “ໂຣ​ກ-19”. ປີ 2019 ຊຶ່ງ​ເປັນ​ປີ​ທີ່ WHO ໄດ້​ຮັບ​ຮູ້​ຢ່າງ​ເປັນ​ທາງ​ການ​ຈາກ​ຈີນ​ກ່ຽວ​ກັບ​ເຊື້ອ​ໄວ​ຣັດ​ດັ່ງກ່າວ ເມື່ອ​ວັນ​ທີ 31 ທັນວາ​ທີ່​ຜ່ານ​ມາ. ອີກ​ຢ່າງ​ໜຶ່ງ, WHO ເອີ້ນ​ຊື່​ເຊື້ອ​ໂຣກ​ນີ້​ວ່າ; “ເຊື້ອ​ໄວ​ຣັດ​ໂຄ​ໂຣ​ນາ​ສາຍ​ພັນ​ໃໝ່ 2019”. ຂະນະ​ທີ່​ຄະ​ນະ​ກໍາ​ມາ​ທິ​ການ​ສາທາລະນະ​ສຸກ​ແຫ່ງ​ຊາດ​ຂອງ​ຈີນ ເອີ້ນ​ອາການ​ປ່ວຍ​ທີ່​ເກີດ​ຈາກ​ເຊື້ອ​ໂຣກ​ອັນ​ດຽວ​ກັນ​ນີ້​ວ່າ; “ພະຍາດ​ອັກເສບ​ປອດ​ຈາກ​ເຊື້ອ​ຈຸ​ລະ​ໂຣກ”.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110