ຫົວ​ຂໍ້ : ຫວຽດນາມ ຈັດຕັ້ງປະຕິບັດລັດຖະບານເອເລັກໂຕຣນິກ ຢ່າງມີປະສິດທິຜົນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 14/02/2020 09:26:00 ຈຳ​ນວນ​ຜູ້​ເຂົ້າ​ຢ້ຽມ​ຊົມ 429 ຄັ້ງ

  ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ວັນ​ທີ 12 ກຸມພາ​ຜ່ານ​ມາ, ທ່ານ ຫ​ງວຽນ​ຊວັນ​ ຟຸກ​ ນາຍົກລັດຖະມົນຕີ​ຫວຽດນາມ ປະທານ​ຄະນະ​ກຳມະການ​ແຫ່ງ​ຊາດ​ກ່ຽວ​ກັບ​ລັດຖະບານ​ເອ​ເລັກ​ໂຕ​ຣ​ນິກ, ໄດ້​ເປັນ​ປະທານ​ຈັດ​ກອງ​ປະຊຸມ ລະຫວ່າງ ຄະນະ​ກຳມະການ​ແຫ່ງ​ຊາດ​ກ່ຽວ​ກັບ​ລັດຖະບານ​ເອ​ເລັກ​ໂຕ​ຣ​ນິກ​ກັບຄະນະ​ຊີ້​ນຳ​ລັດຖະບານ​ເອ​ເລັກ​ໂຕ​ຣ​ນິກ, ລັດຖະບານ​ມີ​ສິດ​ທາງ​ເອ​ເລັກ​ໂຕ​ຣ​ນິກ​ຂອງ​ກະຊວງ, ຂະແໜງການ ແລະ ທ້ອງ​ຖິ່ນ. 
  ໃນ​ກອງ​ປະຊຸມ, ລັດຖະ ບານ​ຫວຽດນາມ ໄດ້​ຕີ​ລາຄາ​ວ່າ: ໃນ​ໄລຍະ​ທີ່​ຜ່ານ​ມາ, ບັນ ດາ​ກະຊວງ, ຂະແໜງການ, ກຸ່ມ​ບໍລິສັດ, ລັດ​ວິ​ສາ​ຫະ​ກິດ ໄດ້​ປະຕິບັດ​ຫຼາຍ​ໜ້າທີ່​ທີ່​ໄດ້​ວາງ​ອອກ​ໃນ​ມະຕິ​ເລກ​ທີ 17 ຂອງ​ລັດຖະບານ​ກ່ຽວ​ກັບ​ລັດຖະບານ​ເອ​ເລັກ​ໂຕ​ຣ​ນິກ ໃຫ້​ເປັນ​ຢ່າງ​ດີ. ໃນ​ການ​ກໍ່ສ້າງ ແລະ ປະຕິບັດ​ລັດຖະບານ​ເອ​ເລັກ​ໂຕ​ຣ​ນິກ ໄດ້​ມີ​ການ​ຜັນ​ປ່ຽນ​ໂດຍ​ພື້ນຖານ​ໃນ​ການ​ນຳ​ໃຊ້​ເອກະສານ​ເອ​ເລັກ​ໂຕ​ຣ​ນິກ ເຂົ້າ​ໃນ​ການເຄື່ອນໄຫວ​ຂອງ ອົງການ​ລັດ.  ບັນດາ​ກະຊວງ, ຂະແໜງການ, ທ້ອງຖິ່ນ​ບັນລຸ 100% ແມ່ນ​ໄດ້​ມີ​ການ​ເຊື່ອມ​ຕໍ່, ເຊື່ອມ​ຈອດ​ກັນ​ໃນ​ການ ສົ່ງ - ຮັບ ເອກະສານ​ເອ​ເລັກ​ໂຕ​ຣ​ນິກ ດ້ວຍ​ລະບົບ​ຮັບ - ສົ່ງ​ເອກະສານ​ແຫ່ງ​ຊາດ.
  ຂ່າວ​ລະບຸ​ວ່າ: ພ້ອມ​ກັບ​ການ​ພັດທະນາ​ລະບົບ​ພູມ​ປັນຍາ ຫວຽດນາມ​ດີ​ຈີ​ຕອນ ເພື່ອ​ເຊື່ອມ​ຕໍ່, ແບ່ງປັນ​ພູມ​ປັນຍາ​ໃຫ້​ແກ່​ປະຊາຊົນ​ໃນ​ສັງຄົມ​ທຸກ​ຊັ້ນ​ວັນນະ​ໃນ​ຍຸກ​ດີ​ຈີ​ຕອນ. ປີ 2019 ລະບົບ​ພູນ​ປັນຍາ​ຫວຽດນາມ ດີ​ຈີ​ຕອນ ໄດ້​ມີ​ບາດກ້າວ​ພັດທະນາ​ຢ່າງ​ແຮງດ້ວຍ​ກິດ​ຈະ​ກໍາ​ການ​ເປີດ​ສະຫຼອງ​ແຜນທີ່ (Vmap) ມີ​ທີ່ຢູ່​ຫຼາຍ​ກ່​ວາ 24 ລ້ານ​ແຫ່ງ​ໃນ​ຂອບ​ເຂດ​ທົ່ວ​ປະເທດ, ໄດ້​ສ້າງ​ພື້ນຖານ​ແຜນທີ່​ໃຫ້​ແກ່​ບັນດາ​ໂປ​ຣແກ​ຣມ​ຊັອບ​ແວ​ເສດຖະກິດ - ສັງຄົມ, ປະກອບ ສ່ວນ​ເຂົ້າ​ໃນ​ການ​ພັດທະນາ​ການ​ຄ້າ​ເອ​ເລັກ​ໂຕ​ຣ​ນິກ. 
  ໃນ​ກອງ​ປະຊຸມ, ທ່ານ ນາຍົກລັດຖະມົນຕີ ຫວຽດນາມ ຊີ້​ອອກ​ວ່າ: ບັນຫາ​ປ່ຽນແປງ​ໃໝ່​ເຕັກ​ໂນ​ໂລ​ຊີ, ພິເສດ​ແມ່ນ​ບັນຫາ​ການ​ຫັນປ່ຽນ​ດີ​ຈີ​ຕອນ ຂອງ​ວິ​ສາ​ຫະ​ກິດ ແມ່ນ​ໜຶ່ງ​ໃນ​ບັນດາ​ມາດ​ຕະການ​ໜູນ​ຊ່ວຍ​ຂອງ​ລັດ ເພື່ອ​ຮັກສາ​ລະດັບ​ຄວາມ​ໄວ​ໃນ​ການ​ພັດທະນາ​ຂອງ​ບັນດາ​ວິ​ສາ​ຫະ​ກິດ. ນີ້​ແມ່ນ​ບັນຫາ​ທີ່​ມີ​ລັກສະນະ​ສະຖານະ​ການ​ດ້ານ​ການເມືອງ ຖ້າ​ຫາກ​ວ່າ​ພວກ​ເຮົາ​ບໍ່​ປະຕິບັດ​ລັດຖະບານ​ເອ​ເລັກ​ໂຕ​ຣ​ນິກ ກ່ຽວ​ກັບ​ການ​ຊຳລະ, ການ​ຄ້າ​ເອ​ເລັກ​ໂຕ​ຣ​ນິກ, ການ​ຫັນປ່ຽນ​ດີ​ຈີ​ຕອນ ໃຫ້​ແກ່​ວິ​ສາ​ຫະ​ກິດ​ໃນ​ພື້ນຖານ​ເສດ​ຖະກິດ​ດີ​ຈີ​ຕອນ ໄດ້​ເປັນ​ຢ່າງ​ດີ​ນັ້ນ ກໍ່​ຍາກ​ທີ່​ຈະ​ບັນລຸ​ຜົນສຳເລັດ​ໄດ້. ສິ່ງ​ນີ້​ຕ້ອງ​ມີ​ການ​ສູ້​ຊົນ​ຫຼາຍ​ທີ່​ສຸດ​ຂອງ​ທົ່ວ​ລະບົບ​ໃນ​ການ​ສ້າງສາ ແລະ ພັດທະນາ​ລັດຖະບານ​ເອ​ເລັກ​ໂຕ​ຣ​ນິກ ຢູ່​ຫວຽດນາມ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110