​ຫວ່າງບໍ່​ດົນ​ມາ ທີ່ຫ້ອງການ-ການເງິນເມືອງຫົງສາ ແຂວງໄຊຍະບູລີ ໄດ້ຈັດກອງປະຊຸມ ການສ້າງແຜນກຳນົດພະນັກງານນຳພາ-ຄຸ້ມຄອງ ຂອງສ່ວຍສາອາກອນ ແລະ ຄັງເງິນປະຈຳເມືອງ ພາຍໃຕ້ການເປັນປະທານຂອງ​ ທ່ານ​ ພົມມາ ພົມມະຫານ ຄະນະປະຈໍາພັກເມືອງ ຫົວໜ້າຄະນະ ຈັດຕັ້ງເມືອງ, ມີທ່ານ ປະຖົມ ບຸນຍາວົງ ຫົວໜ້າຂະແໜງບໍລິຫານ-ຈັດຕັ້ງ ພະແນກການເງິນແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

            ທ່ານ​ ພົມມາ ພົມມະຫານ ກ່າວວ່າ: ຈຸດປະສົງໃນການສ້າງແຜນກໍນົດພະນັກງານນໍ​າພາ-ຄຸ້ມຄອງ ຂອງສ່ວຍສາອາກອນ ແລະ ຄັງເງິນປະຈຳເມືອງຫົງສາ, ພ້ອມນັ້ນ ທ່ານ​ ຫຸມວິໄລ ມາໄລຄໍາ ຫົວໜ້າຂະ  ແໜງກໍ່ສ້າງພັກ-ພະນັກງານ ຄະນະ​ຈັດຕັ້ງແຂວງໄຊຍະບູລີ ກໍໄດ້ຜ່ານຂໍ້ຕົກລົງຂອງທ່ານເຈົ້າແຂວງໄຊຍະ ບູລີ ສະບັບເລກທີ 1278/ຈຂ ຊຍ.  ວ່າດ້ວຍການແຕ່ງຕັ້ງຄະນະຮັບຜິດຊອບລົງສົມທົບຂັ້ນເມືອງ ເພື່ອດຳເນີນການຂຶ້ນແຜນກຳນົດພະນັກງານນຳພາ-ຄຸ້ມຄອງ ແລະ ຂໍ້ຕົກລົງຂອງທ່ານເຈົ້າເມືອງຫົງສາ ສະບັບເລກທີ 608/ຈມ ຫສ. ວ່າດ້ວຍການແຕ່ງຕັ້ງດໍາເນີນແຜນກຳນົດພະນັກງານນໍາພາ-ຄຸ້ມຄອງ ຂອງສ່ວຍສາອາກອນ ແລະ ຄັງເງິນປະຈຳເມືອງ,  ຮັບຟັງການເຊື່ອມຊຶມເອກະສານທີ່ສຳຄັນເຊັ່ນ:  ມະຕິຂອງກົມການເມືອງສູນກາງພັກ ສະບັບເລກທີ 032/ກມສພ  ວ່າດ້ວຍການສ້າງແຜນພະນັກ ງານນໍາພາ-ຄຸ້ມຄອງ, ຄໍາແນະນໍາຂອງຄະນະຈັດຕັ້ງສູນກາງພັກ ສະບັບເລກທີ 292/ຄຈສພ ວ່າດ້ວຍມາດຕະຖານຂອງພະນັກ ງານນໍາພາ-ຄຸ້ມຄອງ, ຜ່ານຂໍ້ຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄັງເງິນແຫ່ງຊາດ ແລະ ວ່າດ້ວຍການຈັດຕັ້ງເຄື່ອນໄຫວຂອງສ່ວຍສາອາກອນ. ພ້ອມນັ້ນ ກໍໄດ້ຜ່ານມາດຕະຖານລວມ ແລະ ມາດຕະຖານສະເພາະຂອງພະນັກງານນໍາພາ-ຄຸ້ມຄອງຂອງສ່ວຍສາອາກອນ ແລະ ຄັງເງິນ.

            ກອງປະຊຸມຄັ້ງນີ້ ຍັງໄດ້ພ້ອມກັນຄົ້ນຄວ້າລາຍຊື່ເປົ້າໝາຍເຂົ້າໃນບັດທາບທາມຢັ່ງ​ຫາງສຽງ-ລົງຄະແນນສຽງໃນຮອບ 1, ຮອບ 2 ແລະ ຮອບ 3 ແລະ ເພື່ອພ້ອມກັນຄົ້ນຄວ້າເປັນເອກະພາບ-ຮັບຮອງເອົາແຜນກຳນົດພະນັກງານນຳພາ-ຄຸ້ມຄອງຂອງວຽກງານສ່ວຍສາອາກອນ ແລະ ຄັງເງິນ, ເພື່ອເຮັດໃຫ້ວຽກງານນຳພາ-ຄຸ້ມຄອງຂອງສ່ວຍສາອາກອນ ແລະ ຄັງເງິນຢູ່ເມືອງຫົງສາມີຄວາມ​ເຂັ້ມແຂງ​ ແລະ​ ກ້າວ​ໜ້າ​.

ຂ່າວ-ພາບ: ເມືອງຫົງສາ