ຫົວ​ຂໍ້ : ສກອ ສະຫຼຸບຜົນງານ 1 ປີ ທ່ົວປະເທດ ມີໂຮງຮຽນເອກະຊົນ 800 ກວ່າແຫ່ງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 17/02/2020 09:17:40 ຈຳ​ນວນ​ຜູ້​ເຂົ້າ​ຢ້ຽມ​ຊົມ 364 ຄັ້ງ

ກອງ​ປະຊຸມສະມາຄົມ​ການ​ສຶກສາ​ພາກ​ເອກະ​ຊົນ (ສກອ) ທົ່ວ​ປະເທດ ໄດ້​ຈັດ​ຂຶ້ນ​ເມື່ອ​ວັນ​ທີ 14 ກຸມພາຜ່ານ​ມາ​ ທີ່​ໂຮງແຮມ​ດອນ​ຈັນ​ພາ​ເລດ ພາຍ​ໃຕ້​ການ​ເປັນ​ປະທານ​ຂອງ​ທ່ານ  ບົວ​ລານ  ສີ​ລິ​ປັນຍາ  ຮອງ​ລັດຖະມົນຕີ​ກະຊວງ​ສຶກສາ​ທິ​ການ ແລະ ກິລາ; ທ່ານ ຄຳ​ແສນ ສີສະ​ວົງ  ປະທານ​ສະມາຄົມ​ການ​ສຶກສາ​ພາກ​ເອກະ​ຊົນ;  ມີ​ຫົວໜ້າ​ຫ້ອງການ​ສົ່ງເສີມ​ການ​ສຶກສາ​ພາກ​ເອກະ​ຊົນ  ພ້ອມ​ດ້ວຍ​ສະມາຊິກ​ສະມາຄົມ​ການ​ສຶກສາ​ພາກ​ເອກະ​ຊົນ​ເຂົ້າ​ຮ່ວມ.
ໃນ​ກອງ​ປະຊຸມ  ທ່ານ ຄຳ​ແສນ ສີສະ​ວົງ ໄດ້​ຜ່ານ​ບົດ​ສະ​ຫຼຸບ​ການຈັດຕັ້ງ​ປະຕິບັດ​ປະຈຳ​ສົກ​ປີ 2018-2019 ໂດຍຜ່ານ​​ການ​ປະຕິບັດ 5 ຫຼັກ​ມູນ​ພື້ນ ຖານ​ຂອງ​ການ​ສຶກສາ​ໄປ​ຄຽງ​ຄູ່​ກັບ 3 ຂໍ້​ແຂ່ງຂັນ​ຂອງກະຊວງ​ສຶກສາ​ທິ​ການ ແລະ ກິລາວາງ​ອອກຄື: ສອນ​ດີ, ຮຽນ​ເກັ່ງ, ຕ້ານ ແລະ ສະກັດ​ກັ້ນ​ປະກົດການ​ຫຍໍ້ທໍ້​ພາຍ​ໃນ​ໂຮງຮຽນສ້າງ​ໂຮງຮຽນ​ໃຫ້​ມີສະພາບ​ແວດລ້ອມທີ່​ດີ.  ຜ່ານ​ການຈັດຕັ້ງ​ປະຕິບັດໜຶ່ງປີ​ ທີ່​ຜ່ານ​ມາ​ເຫັນ​ວ່າ​ມີ​ຜົນສຳເລັດ​ ຫຼາຍ​ດ້ານ​ທີ່​ພົ້ນ​ເດັ່ນ ​ເປັນຕົ້ນ​ການແກ້ໄຂບັນຫາຕ່າງໆທີ່ເກີດ ​ຂຶ້ນ​ໃຫ້​ທັນ​ກັບ​ສະພາບ​ການ ປັບປຸງ​ຮ່າງ​ກົງຈັກ​ການຈັດຕັ້ງ 5 ແຂວງ ແລະ 2 ແຂວງພາກ​ ກາງ ແລະ ​ໃນ​ນັ້ນ​ໄດ້​ມີການ​ ປະ ກອບສ່ວນ​ໃນການຊ່ວຍເຫຼືອ​ ອຸປະກອນ​ການ​ຮຽນ​ການ​ສອນ ແລະ​ ເຄື່ອງ​ກິລາ​ຈຳນວນ​ໜຶ່ງ​ໃຫ້​ແກ່​ໂຮງຮຽນ​ນ້ຳ​ໂອ ເມືອງ​ວຽງ​ພູ​ຄາ  ແຂວງ​ຫຼວງ​ນ້ຳ​ທາ,  ໄດ້ສຳ ເລັດ​ການ​ສ້າງຕັ້ງສະມາຄົມຂັ້ນ​ ແຂວງ,  ຂັ້ນ​ເມືອງຢູ່​ໃນ​ນະຄອນ ຫຼວງ​ວຽງ​ຈັນ ໂດຍ​ມີ​ຄະນະຮັບ ຜິດຊອບ ສກອ ຢູ່​ທັງ​ໝົດ​ມີ 14 ແຂວງ ແລະ 7 ເມືອງໃນນະຄອນ ຫຼວງ​ວຽງ​ຈັນ. ປັດຈຸ​ບັນ​ໂຮງຮຽນ​ພາກ​ເອກະ​ຊົນ​ໃນ​ຂອບ​ເຂດ​ທົ່ວ​ປະເທດ​ມີ​ທັງ​ໝົດ 802 ແຫ່ງ ແລະ​ໄດ້​ເຂົ້າ​ເປັນ​ສະມາຊິກ​ສະ ມາຄົມ​ການ​ສຶກສາ​ພາກ​ເອກະ​ຊົນ​ແລ້ວ 437 ແຫ່ງ.
ພ້ອມ​ນັ້ນ ​ໃນ​ກອງ​ປະຊຸມ​ຍັງ​ໄດ້​ມອບ​ໃບ​ຍ້ອງຍໍ​ຂັ້ນ​ກະ ຊວງ​ ໃຫ້​ຄະນະ 5 ທ່ານ; ໃບຍ້ອງ ຍໍ​ຂັ້ນ​ຫ້ອງການ​ສົ່ງເສີມ​ການ​ສຶກ ສາ​ພາກ​ເອກະ​ຊົນ 17 ທ່ານ ແລະ  ໃບ​ຊົມເຊີຍ​ຂັ້ນ​ສະມາຄົມ​ໃຫ້​ແກ່​ບຸກຄົນ​ດີເດັ່ນ​ໂຮງຮຽນ​ດີເດັ່ນ​ປະ​ຈໍາ​ປີ 2019 ຈໍາ​ນວນ 160 ໂຮງ​ຮຽນ. (ຂ່າວ: ຍຸ​ພິນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110