ຫົວ​ຂໍ້ : ທະນາຄານຮ່ວມພັດທະນາມອບເງິນ 1 ຕື້ກີບ ໃຫ້ກອງທຶນຮ່ວມໃຈ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 17/02/2020 09:18:50 ຈຳ​ນວນ​ຜູ້​ເຂົ້າ​ຢ້ຽມ​ຊົມ 202 ຄັ້ງ

ທະນາຄານ​ຮ່ວມ​ພັດທະ ນາ (JDB) ໄດ້​ມອບ​ເງິນ ຈໍານວນ 1 ຕື້​ກີບໃຫ້ກອງທຶນຮ່ວມ​ໃຈ ເມື່ອ​ວັນ​ທີ 7 ກຸມພາຜ່ານມາ ທີ່​ໂຮງແຮມແລນມາກ  ນະຄອນ ຫຼວງ​ວຽງ​ຈັນ,  ເນື່ອງໃນໂອກາດ ສະເຫຼີມສະຫຼອງ ຄົບຮອບ 30 ປີ ວັນ​ສ້າງຕັ້ງທະນາຄານ​ຮ່ວມ​ພັດທະນາ    (1989-2019),  ມອບ​ໂດຍທ່ານ   ວິໄລ  ສີ​ພະ​ພອນ   ຜູ້​ອໍານວຍການໃຫຍ່ທະນາຄານ​ຮ່ວມພັດທະນາ ແລະ ເປັນ​ກຽດ​ຮັບ​ ໂດຍທ່ານ  ເອກະ​ພັນ  ພະພິທັກ  ປະທານກອງທຶນຮ່ວມໃຈ ທັງ ​ເປັນ​ປະທານ​ສະພາ​ບໍລິຫານ ທະນາຄານ​ຮ່ວມ​ພັດ​ທະ​ນາ.  
ເງິນ​ທີ່​ມອບ​ໃນ​ຄັ້ງ​ນີ້,  ແມ່ນ ​ເປັນ​ການ​ສົມທົບ​ທຶນ​ໃຫ້​ກອງ​ທຶນ​ຮ່ວມ​ໃຈ  ເພື່ອ​ເປັນການປະ ກອບສ່ວນ​ຊ່ວຍເຫຼືອ​ສັງຄົມ​ກໍຄື​ນໍາ​ໄປ​ຊ່ວຍເຫຼືອການ​ປຸກ​ສ້າງ​ໂຮງຮຽນ   ໃນ​ເຂດຊົນນະບົດຫ່າງ​ ໄກ​ສອກ​ຫຼີກທີ່ມີ​ຄວາມທຸກຍາກ ​ຂາດເຂີນອາຄານ​ຮຽນ,  ອຸປະ ກອນ​ການ​ສຶກສາ, ໄພພິບັດ, ໂຣກ ລະບາດ ແລະ ເຫດການ​ອື່ນໆ. 

ໃນ​ໄລຍະ​ຜ່ານ​ມາ, ທະນາ ຄານ​ຮ່ວມ​ພັດທະນາໄດ້​ຊ່ວຍ​ເຫຼືອວຽກ​ງານ​ການ​ພັດທະນາ​ຊັບພະຍາກອນ​ມະນຸດເປັນວຽກ ​ງານ​ທີ່​ສໍາ​ຄັນ  ເພື່ອ​ເປັນ​ການປະ ກອບສ່ວນດ້ານ​ການ​ສຶກສາ​ໃຫ້​ແກ່​ລູກ​ຫຼານ   ຊຶ່ງເປັນ​ອ​ະ​ນາຄົດ ​ຂອງ​ຊາດ​ຮຸ່ນ​ສືບ​ທອດໃຫ້ມີ​ບ່ອນ​ ສຶກສາ​ຮາໍ່​ຮຽນທີ່​ດີ  ແລະ ກາຍ​ເປັນ​ສ່ວນ​ປະກອບ​ທີ່​ສໍາ​ຄັນ ໃນ​ການ​ສ້າງສາ​ພັດທະນາ​ປະເທດ​ຊາດ​ໃຫ້​ມີ​ຄວາມ​ຮຸ່ງເຮືອງ​ສີ​ວິ​ໄລ.
ທະນາຄານ​ຮ່ວມ​ພັດທະ ນາເປັນ​ທະນາຄານບໍລິການ ດ້ວຍ​ມາດຕະຖານ​ສາກົນ  ISO 9001:2015  ບໍລິການ​ທາງ​ດ້ານ​ການ​ເງິນ​ແບບ​ຄົບ​ວົງ​ຈອນໃຫ້​ແກ່​ປະຊາຊົນ  ໃນ​ທົ່ວ​ປະເທດ ໄດ້​ມີ​ຄວາມ​ສະດວກ​ສະບາຍ​ໃນ​ການ​ເຂົ້າ​ຫາ​ແຫຼ່ງ​ທຶນ​ທີ່ໝັ້ນ ຄົງ  ແລະ  ການ​ບໍລິການ​ທີ່ມີ​ຄວາມ ​ໝັ້ນຄົງ,  ໂປ່​ງ​ໃສ,  ທະນາ ຄານ​ຮ່ວມ​ພັດທະນ ມີ​ແຫຼ່ງ​ທຶນ​ພຽງພໍ​ທີ່​ຈະ​ຕອບ​ສະໜອງໃຫ້​ແກ່​ລູກ​ຄ້າ​  ເພື່ອ​ສະໜັບສະໜູນທຸລະ​ກິດ​ລູກ​ຄ້າ​ຂອງ​ຕົນໃຫ້​ມີ​ຄວາມ​ເຕີບ​ໃຫຍ່​ຂະຫຍາຍຕົວ​ຂຶ້ນ​ໄປ​ເລື້ອຍໆ,   ສົມ​ກັບ​ຄຳ​ຂວັນທີ່ວ່າ “ເຕີບ​ໃຫຍ​່ໄປ​ພ້ອມ​ກັນ”.
( ຂ່າວ​-​ພາບ: ຄໍາ​ຕົ້ນ ວໍລະ​ຈັກ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110