ໜັງສືພິມ ປະຊາຊົນ

ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ IX ຈະດຳເນີນແຕ່ວັນທີ 1 ຫາ 17 ພະຈິກ

ເຜີຍແຜ່ໂດຍ: ທ່ານ ທອງດຳ ມິໂຍລາ ເວລາ: 29/10/2021 12:40:22 ຈຳນວນຢ້ຽມຊົມ 810 ຄັ້ງ

ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ IX ຈະເປີດຂຶ້ນໃນວັນທີ 1 ພະຈິກນີ້ ແລະ ຈະດຳເນີນໄປ ຈົນເຖິງວັນທີ 17 ພະຈິກ ຊຶ່ງຈະ ໄດ້ພິຈາລະນາແລະຮັບຮອງເອົາຫຼາຍບັນຫາສຳຄັນຂອງຊາດ.

ທ່ານ ນາງ ປິ່ງຄຳ ລາຊະສິມມາ ເລຂາທິການສະພາແຫ່ງຊາດ ຕາງໜ້າໃຫ້ຄະນະປະຈຳສະ ພາແຫ່ງຊາດຖະແຫຼງຂ່າວຕໍ່ສື່ມວນຊົນ ໃນວັນທີ 28 ຕຸລານີ້ທີ່ສະພາແຫ່ງຊາດວ່າ: ກອງປະ ຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ IX ຈະໄດ້ເປີດຂຶ້ນໃນວັນທີ 1 ພະຈິກ 2021 ແລະ ຈະດຳເນີນໄປເຖິງ ວັນທີ 17 ພະຈິກ 2021 ທີ່ຫ້ອງ ປະຊຸມໃຫຍ່ສະພາແຫ່ງຊາດ, ນະຄອນຫຼວງວຽງຈັນ ຊຶ່ງຈະໃຊ້ເວລາດຳເນີນກອງປະຊຸມ ທັງໝົດ 15 ວັນ, ເນື່ອງຈາກສະ ພາບການລະບາດຂອງພະຍາດໂຄວິດ-19 ຍັງສືບຕໍ່ແຜ່ລະບາດໃນຊຸມຊົນ, ກອງປະຊຸມຄະນະປະຈຳສະພາແຫ່ງຊາດ ຈຶ່ງຕົກ ລົງຫຼຸດເວລາຈາກ 20 ວັນ ມາເປັນ 15 ວັນ.

ກອງປະຊຸມຄັ້ງນີ້ ຈະໄດ້ພິ ຈາລະນາ ແລະ ຮັບຮອງເອົາບັນ ຫາສຳຄັນພື້ນຖານຂອງປະເທດຊາດຄື:

1. ວຽກງານຂອງລັດຖະບານ

(1). ບົດລາຍງານໂດຍສັງ ເຂບຂອງທ່ານນາຍົກລັດຖະ ມົນຕີກ່ຽວກັບການຈັດຕັ້ງປະຕິ ບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງ ລັດ ປະຈຳປີ 2021 ແລະ ແຜນ ການປະຈຳປີ 2022;

(2). ບົດລາຍງານຂອງລັດ ຖະບານກ່ຽວກັບການຈັດຕັ້ງປະ ຕິບັດແຜນພັດທະນາເສດຖະກິດ-ສັງຄົມ ປະຈຳປີ 2021 ແລະ ແຜນການ ປະຈຳປີ 2022;

(3). ບົດລາຍງານຂອງລັດ ຖະ ບານກ່ຽວກັບການຈັດຕັ້ງປະ ຕິບັດແຜນງົບປະມານແຫ່ງລັດ ແລະ ແຜນເງິນຕາ ປະຈຳປີ 2021 ແລະ ແຜນການ ປະຈຳປີ 2022;

(4). ບົດລາຍງານຂອງລັດ ຖະບານກ່ຽວກັບແຜນພັດທະ ນາພະລັງງານໄຟຟ້າຂອງ ສປປລາວ (2021-2030) ແລະ ແຜນພັດທະນາພະລັງງານໄຟຟ້າແລະ ບໍ່ແຮ່ 5 ປີ (2021-2025);

(5). ບົດລາຍງານຂອງລັດ ຖະບານກ່ຽວກັບວິໄສທັດ 20 ປີ (2021-2040), ຍຸດທະສາດ 10 ປີ (2021-2030) ແລະ ແຜນພັດທະນາເສດຖະກິດດີຈີຕອນແຫ່ງຊາດ 5 ປີ (2021-2025).

1. ວຽກງານຂອງອົງການກວດສອບແຫ່ງລັດ ແລະ ອົງ ການກວດກາແຫ່ງລັດ

1). ບົດລາຍງານຂອງອົງ ການກວດສອບແຫ່ງລັດກ່ຽວກັບການຈັດຕັ້ງປະຕິບັດແຜນ ການເຄື່ອນໄຫວວຽກງານປະຈຳປີ 2021 ແລະ ແຜນການ ປະຈຳປີ 2022;

2). ບົດລາຍງານຜົນການກວດສອບບົດສະຫຼຸບຂາດຕົວ ການຈັດຕັ້ງປະຕິບັດແຜນງົບປະ ມານແຫ່ງລັດ ປະຈໍາປີ 2020 ຂອງອົງການກວດສອບແຫ່ງລັດ;

3). ບົດລາຍງານຂອງອົງ ການກວດກາແຫ່ງລັດກ່ຽວກັບ ການຈັດຕັ້ງປະຕິບັດແຜນການ ເຄື່ອນໄຫວວຽກງານ ປະຈຳປີ 2021 ແລະ ແຜນການ ປະຈຳ ປີ 2022;

4). ບົດລາຍງານການ ກວດກາຕາມຜົນການກວດສອບບົດສະຫຼຸບຂາດຕົວການ ຈັດຕັ້ງປະຕິບັດແຜນງົບປະມານ ແຫ່ງລັດປະຈຳປີ 2019.

2. ວຽກງານຂອງສານປະ ຊາຊົນສູງສຸດ ແລະ ອົງການໄອຍະການປະຊາຊົນສູງສຸດ

(1). ບົດລາຍງານຂອງສານປະຊາຊົນສູງສຸດກ່ຽວກັບ ການຈັດຕັ້ງປະຕິບັດແຜນການ ເຄື່ອນໄຫວວຽກງານປະຈຳປີ 2021 ແລະ ແຜນການປະຈຳປີ 2022;

(2). ບົດລາຍງານຂອງອົງ ການໄອຍະການປະຊາຊົນສູງ ສຸດກ່ຽວກັບການຈັດຕັ້ງປະຕິ ບັດແຜນການເຄື່ອນໄຫວວຽກງານປະຈຳປີ 2021 ແລະ ແຜນ ການປະຈຳປີ 2022;

(3). ພິຈາລະນາ, ຮັບຮອງ ເອົາການສະເໜີແຕ່ງຕັ້ງສະມາ ຊິກສະພາຜູ້ພິພາກສາຂອງສານ ປະຊາຊົນສູງສຸດ.

3. ວຽກງານຂອງສະພາແຫ່ງຊາດ

ບົດລາຍງານຂອງສະພາແຫ່ງຊາດກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານປະຈຳປີ 2021 ແລະ ແຜນການປະຈຳປີ 2022.

4. ພິຈາລະນາ, ຮັບຮອງເອົາການສ້າງ ແລະ ປັບປຸງກົດ ໝາຍ ຈຳນວນ11ສະບັບ ໃນນີ້:

4.5.1. ຮ່າງກົດໝາຍສ້າງໃໝ່ 4 ສະບັບຄື:

(1). ຮ່າງກົດໝາຍ ວ່າດ້ວຍຍານພາຫະນະທາງບົກ;

(2). ຮ່າງກົດໝາຍ ວ່າດ້ວຍຊາຍແດນແຫ່ງຊາດ;

(3). ຮ່າງກົດໝາຍ ວ່າດ້ວຍເຕັກໂນໂລຊີລະດັບສູງ;

(4). ຮ່າງກົດໝາຍ ວ່າດ້ວຍການສຳຫຼວດວັດແທກ ແລະ ສ້າງ ແຜນທີ່.

4.2. ກົດໝາຍປັບປຸງ 7 ສະ ບັບຄື:

(1). ກົດໝາຍ ວ່າດ້ວຍລັດ ຖະບານ;

(2). ກົດໝາຍ ວ່າດ້ວຍງົບ ປະມານແຫ່ງລັດ;

(3). ກົດໝາຍ ວ່າດ້ວຍການສ້າງນິຕິກຳ;

(4). ກົດໝາຍ ວ່າດ້ວຍການປະຕິບັດຄຳຕັດສິນຂອງສານ;

(5). ກົດໝາຍ ວ່າດ້ວຍການຄວບຄຸມຢາສູບ;

(6). ກົດໝາຍ ວ່າດ້ວຍໂທ ລະຄົມມະນາຄົມ;

(7). ກົດໝາຍ ວ່າດ້ວຍມໍລະ ດົກແຫ່ງຊາດ;

5. ມະຕິກອງປະຊຸມສະ ພາແຫ່ງຊາດ ລວມມີ 22 ສະບັບ

1). ມະຕິກອງປະຊຸມສະ ພາແຫ່ງຊາດ ວ່າດ້ວຍການຮັບ ຮອງເອົາບົດລາຍງານຂອງລັດ ຖະບານກ່ຽວກັບການຈັດຕັ້ງປະ ຕິບັດແຜນພັດທະນາເສດຖະກິດ-ສັງຄົມ ປະຈຳປີ 2021 ແລະ ແຜນການ ປະຈຳປີ 2022;

2). ມະຕິກອງປະຊຸມສະ ພາແຫ່ງຊາດ ວ່າດ້ວຍການຮັບ ຮອງເອົາບົດລາຍງານຂອງລັດ ຖະບານກ່ຽວກັບການຈັດຕັ້ງປະ ຕິບັດແຜນງົບປະມານແຫ່ງລັດ, ແຜນເງິນຕາປະຈຳປີ 2021 ແລະ ແຜນການປະຈຳ ປີ 2022;

3). ມະຕິກອງປະຊຸມສະ ພາແຫ່ງຊາດ ວ່າດ້ວຍການຮັບ ຮອງເອົາບົດລາຍງານຂອງລັດ ຖະບານກ່ຽວກັບແຜນພັດທະນາ ພະລັງງານໄຟຟ້າຂອງ ສປປລາວ (2021-2030) ແລະ ແຜນພັດທະນາພະລັງງານໄຟຟ້າແລະ ບໍ່ແຮ່ 5 ປີ (2021-2025);

4). ມະຕິກອງປະຊຸມສະ ພາແຫ່ງຊາດ ວ່າດ້ວຍການຮັບ ຮອງເອົາບົດລາຍງານຂອງລັດ ຖະບານກ່ຽວກັບວິໄສທັດ 20 ປີ (2021-2040), ຍຸດທະສາດ 10 ປີ (2021-2030) ແລະ ແຜນ ພັດທະນາເສດຖະກິດດີຈີຕອນແຫ່ງຊາດ 5 ປີ (2021-2025);

5). ມະຕິກອງປະຊຸມສະ ພາແຫ່ງຊາດ ວ່າດ້ວຍການຮັບ ຮອງເອົາບົດລາຍງານຂອງອົງ ການກວດສອບແຫ່ງລັດກ່ຽວ ກັບການຈັດຕັ້ງປະຕິບັດແຜນ ການເຄື່ອນໄຫວວຽກງານປະຈຳປີ 2021 ແລະ ແຜນການປະຈຳປີ 2022; ຜົນການກວດສອບບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2020;

6). ມະຕິກອງປະຊຸມສະ ພາແຫ່ງຊາດ ວ່າດ້ວຍການຮັບ ຮອງເອົາບົດລາຍງານຂອງອົງ ການກວດກາແຫ່ງລັດກ່ຽວກັບ ການຈັດຕັ້ງປະຕິບັດແຜນການ ເຄື່ອນໄຫວວຽກງານປະຈຳປີ 2021 ແລະ ແຜນການປະຈຳປີ 2022; ການກວດກາຕາມຜົນ ການກວດສອບບົດສະຫຼຸບຂາດ ຕົວການຈັດຕັ້ງປະຕິບັດແຜນ ງົບປະມານແຫ່ງລັດປະຈຳປີ 2019;

7). ມະຕິກອງປະຊຸມສະ ພາແຫ່ງຊາດ ວ່າດ້ວຍການຮັບ ຮອງເອົາບົດລາຍງານຂອງສານ ປະຊາຊົນສູງສຸດກ່ຽວກັບການ ຈັດຕັ້ງປະຕິບັດແຜນການເຄື່ອນ ໄຫວວຽກງານປະຈຳປີ 2021 ແລະ ແຜນການປະຈຳປີ 2022;

8). ມະຕິກອງປະຊຸມສະ ພາແຫ່ງຊາດ ວ່າດ້ວຍການຮັບ ຮອງເອົາການສະເໜີແຕ່ງຕັ້ງສະມາຊິກສະພາຜູ້ພິພາກສາ ຂອງສານປະຊາຊົນສູງສຸດ;

9). ມະຕິກອງປະຊຸມສະ ພາແຫ່ງຊາດ ວ່າດ້ວຍການຮັບ ຮອງເອົາບົດລາຍງານຂອງອົງ ການໄອຍະການປະຊາຊົນສູງ ສຸດກ່ຽວກັບການຈັດຕັ້ງປະຕິ ບັດແຜນການເຄື່ອນໄຫວວຽກງານປະຈຳປີ 2021 ແລະ ແຜນ ການ ປະຈຳປີ 2022;

10). ມະຕິກອງປະຊຸມສະ ພາແຫ່ງຊາດ ວ່າດ້ວຍການຮັບ ຮອງເອົາບົດລາຍງານຂອງສະ ພາແຫ່ງຊາດກ່ຽວກັບການຈັດ ຕັ້ງປະຕິບັດແຜນການເຄື່ອນ ໄຫວວຽກງານປະຈຳປີ 2021 ແລະ ແຜນການປະຈຳປີ 2022;

11). ມະຕິກອງປະຊຸມສະ ພາແຫ່ງຊາດ ວ່າດ້ວຍການຮັບ ຮອງເອົາກົດໝາຍຈຳນວນ 12 ສະບັບ.

ຄະນະເລຂາທິການສະພາ ແຫ່ງຊາດໄດ້ຈັດຕັ້ງໜ່ວຍງານຮັບຜິດຊອບໂທລະສັບສາຍດ່ວນ ເພື່ອຮັບເອົາຄຳຄິດຄຳເຫັນ ແລະ ຄຳສະເໜີໂດຍກົງຈາກປະຊາ ຊົນທີ່ຈະສົ່ງໄປຍັງກອງປະຊຸມ: ບັນດາທ່ານສາມາດສົ່ງຄຳຄິດຄຳເຫັນ ແລະ ຄຳສະເໜີໄປຍັງກອງປະຊຸມໄດ້ຕາມວິທີລຸ່ມນີ້: