ຫົວ​ຂໍ້ : ພະແນກແຜນການ ແລະ ການລົງທຶນແຂວງສາລະວັນ ປາຖະກະຖາ ວັນສ້າງຕັ້ງກຳມະບານ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 17/02/2020 09:27:34 ຈຳ​ນວນ​ຜູ້​ເຂົ້າ​ຢ້ຽມ​ຊົມ 250 ຄັ້ງ

ຫວ່າງ​ບໍ່​ດົນ​ຜ່ານ​ມາ ພະ​ແນ​ກ​ແຜນການ ແລະ​ ການລົງ ທຶນ ​ແຂວງສາລະ​ວັນ ​ໄດ້​ຈັດພິ ທີ​ປາ​ຖະ​ກະຖາ​ວັນ​ສ້າງຕັ້ງ​ກຳ ມະບານ​ລາວ ​ຄົບຮອບ  64  ປີ   (1 ມັງກອນ 1956-1 ມັງກອນ 2020)  ທີ​່ຫ້ອງ​ປະຊຸມ​ຂອງ​ພະ​ແນ​ກ​ໃຫ້​ກຽດ​ເຂົ້າ​ຮ່ວມ​ໂດຍ​ທ່ານຮອງ​ຫົວໜ້າ​ພະ​ແນກ, ຫົວ ໜ້າ​ຂະ​ແໜງ​-​ຮອງ​ຂະແໜງ ແລະ​ ພະນັກງານ ​ລັດຖະກອນ ແລະ ​ສະມາຊິກ​ກຳມະບານ​ພາຍ​ໃນ​ພະ​ແນ​ກ​ເຂົ້າ​ຮ່ວມ.
ທ່ານ  ບຸນ​ທະວີ  ພີ​ມ​ມະ​ສານ ຮອງ​ປະທານ​ສະຫະພັນ​ກຳມະບານ​ແຂວງກໍໄດ້ບັນ ຍາຍ ແລະ ​ຍົກ​ໃຫ້​ເຫັນ​ເຖິງ ການ​ກຳເນີດ ແລະ ​ເຕີບໃຫຍ່ ຂະຫຍາຍຕົວ​ຂອງ​ອົງການ​ ຈັດ​ຕັ້ງ​ກຳມະບານ​ລາວກ່ອນ ​ປົດ​ປ່ອຍ ແລະ​ ຫຼັງ​ປົດ​ປ່ອຍ, ພ້ອມ​ດ້ວຍ​ມູນເຊື້ອ​ອັນ​ດີງາມ​ໃນ​ໄລຍະ​ຜ່ານ​ມາ​ຂອງ​ອົງ ການ​ຈັດ​ຕັ້ງ​ກຳມະບານ​ລາວ ໂດຍ​ສະເພາະ​ກໍແມ່ນການປະ ກອບສ່ວນ​ໃນ​ການ​ປົກ​ປັກ​ຮັກ ສາ ແລະ ​ພັດທະນາ​ສ້າງສາປະ ເທດ​ຊາດ,  ຍາມ​ໃດ​ກົມການ ເມືອງ​ສູນ​ກາງ​ພັກ,  ຄະນະ​ເລຂາທິການ​ສູນ​ກາງ​ພັກ​ກໍໄດ້​ເອົາໃຈໃສ່​ຢ່າງ​ໃກ້ຊິດຕິດແທດ ແລະ​ ຕີ​ລາຄາ​ສູງ​ຕໍ່​ການຈັດຕັ້ງ​ເຄື່ອນ​ໄຫວ​ວຽກ​ງານ​ຂອງອົງ ການ​ຈັດ​ຕັ້ງ​ກຳມະບານ​ລາວໃນ​ ນາມ​ທີ່​ເປັນຕົວແທນແຫ່ງ ​ການ​ປົກ​ປ້ອງ​ສິດຜົນ​ປະໂຫຍດ​ອັນ​ ຊອບ​ທຳ​ຂອງ​ຊົນ​ຊັ້ນ​ກຳມະ ກອນ ແລະ ​ຊາວ​ຜູ້​ອອກແຮງ​ງານ​ລາວ ເພື່ອ​ເຮັດ​ໃຫ້​ສໍາ​ເລັດ​ຕາມ​ຄາດໝາຍ​ສູ້​ຊົນ​ໃນ​ແຕ່​ລະໄລຍະ ໂດຍ​ສະເພາະ​ກໍ​ແມ່ນ​ການ​ປະຕິບັດ​ຕາມ​ມະຕິ​ກອງ​ປະຊຸມ​ໃຫຍ່​ຄັ້ງ​ຕ່າງໆ​ຂອງ​ພັກ​ ປະຊາຊົນ​ ປະຕິວັດ​ລາວ​ໃນ​ແຕ່​ລະ​ໄລຍະ  ແລະ​ແຜນ​ພັດທະນາ​ເສດ​ຖະ​ກິດ​-​ສັງຄົມ 5 ປີ​ຕໍ່ໜ້າ ເພື່ອ​ເຮັດ​ໃຫ້​ປະ​ຊາ​ຊົນ​ຫຼຸດ​ພົ້ນ​ອອກຈາກ ​ຄວາມທຸກ​ຍາກ​ໄດ້​ເທື່ອ​ລະ ກ້າວຕາມ​ແນວທາງ​ຂອງ​ພັກ-​ ລັດ​ວາງອອກ​ໃນຕໍ່ໜ້າ  ຊຶ່ງ​ຍາມ​ໃດ​ສະ​ມາ​ຊິກ​ກໍາ​ມະ​ບານ​ລາວ, ກຳມະກອນ ແລະ ​ຊາວ​ຜູ້​ອອກແຮງ​ງານ​ລາວ​ໃນ​ທົ່ວ​​ປະເທດກໍໄດ້​ປະກອນ​ສ່ວນ​ໂດຍ​ກົງ​ໃນ​ການ​ພັດທະນາ​ເສດ​ຖະ​ກິດ​-​ສັງຄົມ ໃຫ້​ມີ​ການ​ເຕີບ​ໃຫຍ່​ຂະຫຍາຍຕົວ​ເປັນ​ກ້າວໆ ພ້ອມ​ທັງ​ສ້າງ​ຄວາມ​ຮັ່ງມີ​ເຂັ້ມແຂງ​ໃຫ້​ແກ່​ປະເທດ​ຊາດ, ໃນ​ການ​ຄຸ້ມ​ຄອງ​ລັດ, ຄຸ້ມ​ຄອງ​ເສດ​ຖະ​ກິດ​-​ສັງຄົມ  ແລະ​ທັງ​ເປັນ​ຜູ້​ສ້າງ​ລາຍ​ໄດ້​ຕົວ​ຈິງ​ໃຫ້​ແກ່​ຕົນ​ເອງ   ທັງ​ນີ້​ກໍເພື່ອ​ເປັນ​ການ​ສ້າງ​ຊົນ​ຊັ້ນ​ກຳມະກອນ ແລະ ​ຊາວ​ຜູ້​ອອກແຮງ​ງານ​ລາວ​ໃຫ້​ມີ​ຄວາມ​ຮູ້, ຄວາມ​ສາ ມາດ​ທຽບ​ທັນ​ກັບ​ທ່າ​ອ່ຽງ​ຂອງ​ຍຸກ​ສະໄໝ  ເພື່ອ​ພັດທະນາ ແລະ​ ສ້າງສາ​ປະເທດ​ຊາດ​ໃຫ້​ເຕີບ​ໃຫຍ່​ຂະຫຍາຍຕົວ​ຂຶ້ນ​ໄປ​ເລື້ອຍໆ.
( ພາບ​-​ຂ່າວ:  ສິດ​ຕາ ເພັດ​ວົງສາ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110