ຫົວ​ຂໍ້ : ເມືອງເງິນ ແຂ່ງຂັນສອບເສັງນັກຮຽນເກ່ັງ ແລະ ຖາມ-ຕອບ ຄວາມຮູ້ວິທະຍາສາດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 17/02/2020 09:28:43 ຈຳ​ນວນ​ຜູ້​ເຂົ້າ​ຢ້ຽມ​ຊົມ 890 ຄັ້ງ

ເພື່ອ​ເປັນ​ການ​ສ້າງ​ໂອ ກາດ​ໃຫ້​ນັກຮຽນ​ໄດ້​ສະແດງ​ອອກ​ທາງ​ດ້ານ​ຄວາມ​ຮູ້​-​ຄວາມ​ສາມາດ, ພອນ​ສະຫວັນ, ຫົວ ຄິດ​ປະດິດ​ສ້າງ​ຂອງ​ຕົນເອງ ທັງ​ເປັນ​ການ​ປັບປຸງ​ຄຸນ​ນະ​ພາບ​ການ​ສຶກສາ​ໃຫ້​ນັບ​ມື້​ນັບດີຂຶ້ນ ເມື່ອ​ທ້າຍ​ອາທິດຜ່ານມາ​   ທີ່ສະ ໂມສອນຂອງເມືອງເງິນ ແຂວງ ​ໄຊ​ຍະ​ບູ​ລີ ໄດ້ແຂ່ງຂັນສອບເສັງ ນັກຮຽນເກັ່ງ ແລະ ຖາມ​-​ຕອບ ຄວາມ​ຮູ້​ວິທະຍາສາດສາຍ​ສາ ມັນ​ສຶກສາ ຊັ້ນ ປ5, ມ4 ແລະ ມ 7, ພາຍ​ໃຕ້​ການ​ເປັນ​ປະທານ​ຂອງ​ທ່ານ  ບຸນ​ລົດ  ສີ​ຖາວອນ  ຮອງ​ຫົວໜ້າ​ຫ້ອງການ​ສຶກສາ​ທິ​ການ  ແລະ ກິລາເມືອງ ເຂົ້າຮ່ວມ​ເປັນ​ກຽດມີ​ທ່ານ ສີ​ທະ​ນົນ​ໄຊ ທອງ​ເທພາ  ຮອງ​ເຈົ້າເມືອງ  ແລະ ຕົວ ແທນ​ນັກຮຽນ​ເກັ່ງເຂົ້າ​ຮ່ວມ.
ການ​ສອບເສັງ​ແຂ່ງຂັນນັກ ຮຽນ​ເກັ່ງ​ໃນ​ຄັ້ງ​ນີ້, ມີ 3 ຊັ້ນ​ຮຽນ ​ຄື:  ປ5, ມ4  ແລະ  ມ7  ຊຶ່ງ​ເປັນ ​ຕົວ​ແທນ​ນັກຮຽນ​ເກັ່ງຈາກ 25 ໂຮງຮຽນ​ທົ່ວ​ເມືອງ, ມີ​ນັກຮຽນ​ເກັ່ງ​ເຂົ້າ​ຮ່ວມ​ສອບເສັງ​ທັງ​ໝົດ 113 ຄົນ ຍິງ 65 ຄົນ ແລະ ມີ​ທີມ​ ຖາມ​-​ຕອບຄວາມ​ຮູ້​ວິທະຍາ ສາດ ຈຳນວນ 29 ທີມ  ໃນ​ນີ້​ປະ ຖົມ 19 ທີມ, ມັດທະຍົມ​ຕອນ​ຕົ້ນ 6 ທີມ ແລະ ຕອນ​ປາຍ 4 ທີ​ມ  ສຳລັບ​ຊັ້ນ​ປະຖົມ​ສຶກສາ​ແມ່ນ​ມີ 3 ວິຊາ​ສອບເສັງຄື: ວິຊາ ​ພາສາ​ລາວ,  ຄະນິດສາດ, ໂລກ​ ອ້ອມ​ຕົວ.  ຊັ້ນ​ມັດທະຍົມສຶກສາ ​ຕອນ​ຕົ້ນ​-​ຕອນ​ປາຍ ມີ 4 ວິຊາ​ຄື:  ວິຊາພາສາ​ລາວ​-​ວັນນະຄະ ດີ,  ຄະນິດສາດ,  ຟີ​ຊິກ​ສາດ, ແລະ ເຄ​ມີ​ສາດ. 
 ສຳລັບ​ຜົນ​ການ​ແຂ່ງຂັນ ຖາມ​-​ຕອບຄວາມ​ຮູ້​ວິທະຍາ ສາດຊະນະ​ເລີດ  ຊັ້ນ​ປະຖົມ​ສຶກ ສາແມ່ນ​ໂຮງຮຽນ​ປະຖົມສົມ ບູນນາ​ງົວ,  ຊະນະ​ເລີດ​ຊັ້ນ​ມັດ ທະຍົມ​ສຶກສາແມ່ນ​ໂຮງຮຽນ ມ.ຕົ້ນນ້ຳ​ເງິນ,  ຜົນ​ການແຂ່ງຂັນ ສອບເສັງ​​ນັກຮຽນເກັ່ງສາມາດ​ຄັດ​ເລືອກ​ໄດ້​ຕົວ​ແທນນັກຮຽນ​ເກັ່ງ​ຊັ້ນ​ປະຖົມ​ສຶກສາ ຈຳນວນ 3 ຄົນ, ຊັ້ນ​ມັດທະຍົມ​ຕອນ​ຕົ້ນ ແລະ ຕອນ​ປາຍ ຈຳນວນ 8 ຄົນ   ລວມ​ເປັນ   11   ຄົນທີ່​ໄດ້ອັນດັບ​ ທີ  1  ແຕ່ລະວິຊາ   ເພື່ອ​ເປັນຕົວ​ ແທນຂອງ​ເມືອງເຂົ້າ​ຮ່ວມ​ແຂ່ງ ຂັນ​ນັກຮຽນ​ເກັ່ງ​ລະດັບແຂວງ ໃນ​ວັນ​ທີ 26-28 ກຸມພາ 2020 ທີ່​ຈະ​ມາ​ເຖິງ​ນີ້. 
(ຂ່າວ​-​ພາບ:   ອິນ​ແປງ ແຫວນ​ຄຳ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110