ຫົວ​ຂໍ້ : ກຳມະບານ ສະຫວັນນະເຂດ ປະຕິບັດນະໂຍບາຍຕໍ່ສະມາຊິກກອງທຶນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 17/02/2020 09:30:38 ຈຳ​ນວນ​ຜູ້​ເຂົ້າ​ຢ້ຽມ​ຊົມ 276 ຄັ້ງ

ສະຫະພັນ​ກຳມະບານ​ແຂວງ​ສະຫວັນ​ນະ​ເຂດ ໄດ້ຈັດ​ ກອງ​ປະຊຸມ ເພື່ອ​ຄົ້ນຄວ້າ​ປຶກ ສາ​ຫາລື​ກ່ຽວ​ກັບການ​ເພີ່ມ ເງິນນະ ໂຍບາຍ​ເຈັບເປັນ, ຜ່າຕັດ ແລະ ເສຍ​ຊີວິດຂອງສະມາຊິກກອງ​ ທຶນ​ໄດ້ຈັດຂຶ້ນ​​ຫວ່າງ​ແລ້ວນີ້  ທີ່ ຫ້ອງປະຊຸມຂອງ​ຕົນໂດຍການ ເຂົ້າ​ຮ່ວມ​ຂອງ​ທ່ານ ບຸນ​ລ້ຽງ ຈັນວັນເພັງ  ປະທານ​ຄະນະບໍ ລິຫານງານສະຫະພັນ​ກຳມະ ບານ​ແຂວງ, ມີ​ຄະນະ​ປະທານ, ຄະນະ​ບໍລິຫານ​ງານອ້ອມຂ້າງ ​ແຂວງ   ພ້ອມ​ດ້ວຍ​ຜູ້​ຮັບຜິດ ຊອບ​ວຽກ​ງານ​ກອງ​ທຶນຂັ້ນ​ແຂວງ​ເຂົ້າ​ຮ່ວມ.
ໃນ​ກອງ​ປະຊຸມ, ທ່ານ ນາງ  ພົມມາ ທອງ​ເພັງ ຮອງປະທານ ຄະນະ​ບໍລິຫານ​ງານ​ສະຫະພັນ​ກຳມະບານ​ແຂວງ ທັງ​ເປັນປະ ທານ​ກອງ​ທຶນ ຂັ້ນແຂວງໄດ້ຂຶ້ນ​ ກ່າວຈຸດປະສົງ ແລະ ອະທິບາຍ ​ຕໍ່​ກັບ​ສະພາບເງື່ອນໄຂໃນ​ການ​ເພີ່ມ​ເງິນນະໂຍບາຍເຈັບເປັນ,  ຜ່າຕັດ ແລະ ເສຍ​ຊີວິດຂອງ ສະມາຊິກ​ກອງທຶນ  ເພື່ອນຳ ມາຄົ້ນຄວ້າປັບປຸງ​ເຮັດໃຫ້​ມີ​ຄວາມແທດເໝາະ​ກັບ​ສະພາບ​ການ​ຂະຫຍາຍຕົວ​ຂອງ​ເສດ ຖະກິດ-ສັງຄົມ  ​ໃນແຕ່ລະໄລ ຍະ  ຊຶ່ງຜ່ານການ​ຄົ້ນຄວ້າ ປຶກສາ​ຫາລືຜູ້ເຂົ້າຮ່ວມ​ໄດ້ຕົກ ລົງເຫັນດີເປັນເອກະ​ພາບ​ກັນ​ເພີ່ມເງິນນະໂຍບາຍ​ເຈັບເປັນ,  ຜ່າຕັດ​ເພີ່ມ​ຂຶ້ນ  10%  ພ້ອມ​ທັງ ​ເພີ່ມ​ຂັ້ນ​ນະໂຍບາຍດັ່ງກ່າວ ຂຶ້ນຕື່ມອີກ  1 ຂັ້ນ ແລະ ນະໂຍ ບາຍເງິນເສຍຊີວິດແມ່ນຈະ ໄດ້​ເພີ່ມ​ຂຶ້ນ​​ສະເລ່ຍ 10,16%  ພ້ອມທັງ​ເພີ່ມ​ຂັ້ນ​ນະໂຍບາຍ ຂອງ​ການ​ເສຍ​ຊີວິດ​ຂຶ້ນ​ຕື່ມ​ອີກ  2  ຂັ້ນຕາມ ​ອາຍຸ​ການ​ຂອງ​ສະມາຊິກ ໂດຍ​ຕາໍ່​ສຸດ​ແມ່ນ  20  ລ້ານ​ກີບ ແລະ ສູງ​ສຸດ 48 ລ້ານ​ກີບ, ສ່ວນ​ການ ຈັດຕັ້ງ​ປະຕິບັດ​ແມ່ນ​ຈະ​ໄດ້​ ເລີ່ມ​ແຕ່​ວັນ​ທີ 1 ເມສາ ປີ 2020 ນີ້​ ເປັນຕົ້ນ​ໄປ.  (ພາບ​-​ຂ່າວ: ວັນ ນະ​ເລດ ມະນີ​ວົງ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110