ຫົວ​ຂໍ້ : 55 ບໍລິສັດ ຮັບລາງວັນນັກທຸລະກິດ ດີເດັ່ນ ປະຈຳປີ 2019

ເຜີຍ​ແຜ່​ໂດຍ​: siththiphone rasphone ເວ​ລາ: 17/02/2020 09:47:15 ຈຳ​ນວນ​ຜູ້​ເຂົ້າ​ຢ້ຽມ​ຊົມ 302 ຄັ້ງ

   ສະພາການຄ້າ ແລະ ອຸດສາຫະກໍາແຫ່ງຊາດລາວໄດ້ຈັດພິທີມອບລາງວັນທຸລະກິດຊັ້ນນຳດີເດັ່ນ ປະຈຳປີ 2019 ຂຶ້ນໃນ ວັນທີ 14 ກຸມພາຜ່ານມາ ທີ່ຫໍປະ ຊຸມແຫ່ງຊາດ ໂດຍການເປັນກຽດເຂົ້າຮ່ວມຂອງທ່ານ ສົມດີ ດວງດີ  ຮອງນາຍົກລັດຖະມົນຕີ ລັດຖະມົນຕີກະຊວງການເງິນ.

   ໃນພິທີ, ທ່ານ ດາວວອນ  ພະຈັນທະວົງ  ຮອງປະທານ ສະພາການຄ້າ ແລະ ອຸດສາ ຫະກຳແຫ່ງຊາດລາວໄດ້ກ່າວວ່າ:  ເພື່ອເປັນການຊຸກຍູ້  ແລະ ສົ່ງເສີມບັນດາທຸລະກິດລາວໃຫ້ມີຄວາມ ເຂັ້ມແຂງສາມາດເປັນກຳລັງແຮງໃນການເສີມສ້າງທຸລະກິດທີ່ຍືນຍົງ ພ້ອມທັງໃຫ້ ທຸລະກິດລາວເປັນທີ່ໄວ້ເນື້ອເຊື່ອໃຈແລະ ເປັນທີ່ຮູ້ຈັກທັງພາຍໃນ  ແລະ ຕ່າງປະເທດກ້າວໄກໄປສູ່ພາກ ພື້ນ ແລະ ສາກົນ; ດັ່ງນັ້ນ ພວກ ເຮົາ ຈຶ່ງຈັດໃຫ້ມີພິທີມອບລາງ ວັນໃຫ້ແກ່ນັກທຸລະກິດດີເດັ່ນ ໃນແຕ່ລະປີ, ສະເພາະປີນີ້ໄດ້ຮັບການສະໜັບສະໜູນຈາກ ພາກສ່ວນທຸລະກິດຈໍານວນ 64 ບໍລິສັດ ໃນນີ້ໄດ້ຮັບລາງວັນ 53 ບໍລິສັດທີ່ມີຜົນງານດີເດັ່ນ ໃນການພັດທະນາ ແລະ ຂະ ຫຍາຍທຸລະກິດທີ່ໄດ້ມາດຕະ ຖານ ປະກອບສ່ວນເຂົ້າໃນການເສຍພັນທະໃຫ້ລັດຖະບານທັນຕາມກຳນົດເວລາ.

   ໂອກາດດັ່ງກ່າວ, ທ່ານ  ສົມດີ   ດວງດີ    ໄດ້ສະແດງຄວາມ ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ ໂດຍສະເພາະ 55 ບໍລິສັດທີ່ໄດ້ຮັບລາງວັນຄັ້ງນີ້ ຊຶ່ງໄລຍະຜ່ານມາພັກ-ລັດຖະບານໄດ້ພະ ຍາຍາມປັບປຸງການດຳເນີນທຸ ລະກິດໃຫ້ມີຄວາມສະດວກສະ ບາຍ ເພື່ອເປັນທິດທາງໃນການ ສືບຕໍ່ດຳເນີນທຸລະກິດໃຫ້ມີຄວາມກ້າວໜ້າ, ທ່ານໄດ້ຮຽກ ຮ້ອງມາຍັງບັນດານັກທຸລະກິດ ຈົ່ງໄດ້ສືບຕໍ່ເອົາໃຈໃສ່ພັດທະ ນາທຸລະກິດຂອງຕົນ,  ນຳໃຊ້ທ່າແຮງທີ່ມີເຂົ້າໃນການຈັດຕັ້ງຜັນຂະຫຍາຍແນວທາງນະໂຍ ບາຍຂອງພັກ-ລັດ ເພື່ອສົ່ງເສີມ ການດຳເນີນທຸລະກິດຂະໜາດ ນ້ອຍ-ກາງໃຫ້ທຽບເທົ່າກັບພາກ ພື້ນ ແລະ ສາກົນປະກອບສ່ວນ ໃນການປະຕິບັດພັນທະລະບຽບ ກົດໝາຍຢ່າງເຂັ້ມງວດ.

  (ຂ່າວ: ແສງຈັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110