ຫົວ​ຂໍ້ : JDB ມອບເງິນ 50 ລ້ານກີບ ຊ່ວຍເຫຼືອເມືອງອູຮັ້ນ ສປ ຈີນ

ເຜີຍ​ແຜ່​ໂດຍ​: siththiphone rasphone ເວ​ລາ: 18/02/2020 08:22:54 ຈຳ​ນວນ​ຜູ້​ເຂົ້າ​ຢ້ຽມ​ຊົມ 242 ຄັ້ງ

   ເມື່ອ​ບໍ່​ດົນ​ຜ່ານ​ມາ ຢູ່​ທີ່​ ໂຮງແຮມ​ແລນມາກ ນະຄອນ ຫຼວງ​ວຽງ​ຈັນ ທະນາຄານ​ຮ່ວມ​ພັດທະນາ (JDB) ໄດ້​ມອບ​ເງິນ ຈໍາ​ນວນ 50 ລ້ານ​ກີບ  ເພື່ອ​ເປັນ​ການ​ປະກອບສ່ວນ​ຊ່ວຍເຫຼືອ​ຊາວ ​ເມືອງ​ອູ​ຮັ້ນ ຕ້ານ​ການ​ແຜ່​ລະບາດ​ຂອງ​ພະຍາດ​ອັກເສບ​ປອດ ສາຍ​ພັນ​ໃໝ່ ໂຄ​ໂຣນາ. ເນື່ອງ​ໃນ​ໂອກາດ​ສະເຫຼີມສະຫຼອງ ຄົບຮອບ 30 ປີ ວັນ​ສ້າງຕັ້ງ ທະນາຄານ​ຮ່ວມ​ພັດທະນາ, ມອບ​ໂດຍ ທ່ານ ເອກະ​ພັນ ພະ​ພິທັກ ປະທານ​ສະພາ​ບໍລິຫານ ທະນາຄານ​ຮ່ວມ​ພັດທະນາ ແລະ ເປັນ​ກຽດ​ຮັບ​ໂດຍ: ທ່ານ ສົມ​ດີ ດວງດີ ຮອງ​ນາຍົກລັດຖະມົນຕີ ລັດຖະມົນຕີ ກະຊວງ​ການ​ເງິນ ທັງ​ເປັນ​ຫົວໜ້າ​ຄະນະ​ສະເພາະ​ກິດ​ເພື່ອ​ປ້ອງ​ກັນ​ຄວບ​ຄຸມ ແລະ ແກ້​ໄຂ​ການ​ລະບາດ​ຂອງ​ພະຍາດ​ໄວ​ຣັດ​ໂຄ​ໂຣ​ນາ. ເງິນ​ທີ່​ມອບ​ໃນ​ຄັ້ງ​ນີ້ ຈະ​ໄດ້​ສົ່ງ​ໄປ​ປະກອບສ່ວນ​ຊ່ວຍເຫຼືອ ປະຊາຊົນ​ທີ່​ເມືອງ​ອູ​ຮັ້ນ ສປ ​ຈີນ ທີ່​ມີ​ການ​ລະບາດ ຂອງ​ພະຍາດ​ອັກເສບ​ປອດ ສາຍ​ພັນ​ໃໝ່ ໂຄ​ໂຣ​ນາ.
   ກອງ​ທຶນ​ຮ່ວມ​ໃຈ​ຂອງ​ທະນາຄານ​ຮ່ວມ​ພັດທະນາ ໄດ້​ສ້າງຕັ້ງ​ຂຶ້ນ​ໂດຍ ທ່ານ ເອ ກະ​ພັນ ພະ​ພິທັກ ປະທານ​ສະພາ​ບໍລິຫານ ທະນາຄານ​ຮ່ວມ​ພັດທະນາ ເພື່ອ​ຊ່ວຍເຫຼືອ​ສັງຄົມ ກໍຄື​ນໍາ​ໄປ​ຊ່ວຍເຫຼືອ​ການ​ປຸກ​ສ້າງ​ໂຮງຮຽນ ໃນ​ເຂດ​ຊົນນະບົດ​ຫ່າງ​ໄກ​ສອກ​ຫຼີກ ທີ່​ມີ​ຄວາມທຸກ​ຍາກ​ຂາດເຂີນ ອາຄານ​ຮຽນ, ອຸປະກອນ ການ​ສຶກສາ , ໄພພິບັດ , ໂ​ຣກລະບາດ ແລະ ເຫດການ​ອື່ນໆ. 
    (ຂ່າວ : ຄໍາ​ຕົ້ນ ວໍລະ​ຈັກ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110