Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເຈົ້າແຂວງວຽງຈັນ ລົງເຄື່ອນໄຫວຢ້ຽມຢາມ ແລະ ຊີ້ນຳວຽກຢູ່ເມືອງກາສີ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 05/11/2021 14:28:16 ຈຳ​ນວນ​​ຢ້ຽມ​ຊົມ 668 ຄັ້ງ

 

ທ່ານ ຄຳພັນ ສິດທິດຳພາ ເຈົ້າແຂວງວຽງຈັນ ພ້ອມດ້ວຍຄະນະ ໄດ້ລົງພົບປະຢ້ຽມຢາມ ແລະ ໂອ້ລົມພະນັກງານຫຼັກແຫຼ່ງ, ພະນັກງານການນຳ ຂອງເມືອງກາສີ ຫວ່າງ​ບໍ່ດົນ​ມານີ້. ພິທີດັ່ງກ່າວໄດ້ຈັດຂຶ້ນທີ່ສະໂມສອນຂອງເມືອງກາສີ, ໃນໂອກາດດັ່ງກ່າວ ທ່ານ ສີທົນ ແສງພະຈັນ ເຈົ້າເມືອງກາສີ ໄດ້ຂຶ້ນລາຍງານໂດຍຫຍໍ້ ກ່ຽວກັບການຈັດຕັ້ງປະຕິບັດໜ້າທີ່ວຽກງານ ໃນໄລຍະ 9 ເດືອນ, ຈຸດສຸມ 3 ເດືອນທ້າຍປີ 2021 ແລະ ແຜນການປີ 2022 ຊຶ່ງຍົກໃຫ້ເຫັນເຖິງດ້ານດີ-ດ້ານອ່ອນ ແລະ ສິ່ງທ້າທາຍຕ່າງໆທີ່ເກີດຂຶ້ນ, ຫຼັງຈາກນັ້ນ ຕາງໜ້າບັນດາພະແນກການຂອງແຂວງກໍໄດ້ຂຶ້ນປະກອບຄຳເຫັນ ຕໍ່ບາງວຽກງານ ເປັນຕົ້ນແມ່ນວຽກງານກະສິກຳ ແລະ ປ່າໄມ້, ວຽກງານແຜນການ ແລະ ການລົງທຶນ,  ວຽກງານການປ້ອງກັນ, ຄວບຄຸມ, ສະກັດກັ້ນ ແລະ ປ້ອງກັນພະຍາດໂຄວິດ-19.

      ໃນໂອກາດດັ່ງກ່າວ ທ່ານເຈົ້າແຂວງໄດ້ໃຫ້ກຽດໂອ້ລົມ ຊຶ່ງກ່ອນອື່ນທ່ານໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ຄະນະພັກ, ຄະນະນຳຂອງເມືອງທີ່ສາມາດຊີ້ນຳໆພາເຮັດໃຫ້ເມືອງກາສີມີຜົນສຳເລັດຫຼາຍດ້ານໃນໄລຍະຜ່ານມາ. ນອກນັ້ນ ທ່ານຍັງຍົກໃຫ້ເຫັນສະພາບການທີ່ພົ້ນເດັ່ນທີ່ກຳລັງເກີດຂຶ້ນໃນພາກພື້ນ ແລະ ສາກົນ ເວົ້າລວມ, ເວົ້າສະເພາະກໍແມ່ນບັນຫາທ້າທາຍຕ່າງໆທີ່ເກີດຂຶ້ນຢູ່ແຂວງວຽງຈັນຂອງພວກເຮົາ ໂດຍສະເພາະແມ່ນການແຜ່ລະບາດຂອງພະຍາດໂຄວິດ-19 ແລະ ບັນຫາປະກົດການຫຍໍ້ທໍ້ຕ່າງໆ, ພ້ອມດຽວກັນນີ້ທ່ານເຈົ້າແຂວງຍັງເນັ້ນໜັກໃຫ້ຄະນະນຳຂອງເມືອງ ຈົ່ງພ້ອມກັນສືບຕໍ່ເພີ່ມທະວີເອົາໃຈໃສ່ບາງບັນຫາດັ່ງນີ້: (1) ສືບຕໍ່ປັບປຸງກຳລັງ ປກຊ-ປກສ ໃຫ້ໃຫ້ມີຄວາມໜັກແໜ້ນເຂັ້ມແຂງ ກຽມພ້ອມສູ້ຮົບຢູ່ຕະຫຼອດເວລາ ບຳລຸງກໍ່ສ້າງກຳລັງ ປກຊ-ປກສ ໃຫ້ກາຍເປັນຂອງທົ່ວປວງຊົນ ເພື່ອພ້ອມກັນແກ້ໄຂບັນຫາປະກົດການຫຍໍ້ທໍ້ຕ່າງໆ ທີ່ເກີດຂຶ້ນຢູ່ພາຍໃນເມືອງໃຫ້ໝົດໄປຢ່າງສິ້ນເຊີງ ເປັນຕົ້ນການບຸກລຸກຖາງປ່າເຮັດກໄຮ່, ການລັກລອບຂຸດຄົ້ນໄມ້, ການຄ້າຂາຍ-ເສບຢາເສບຕິດ, ການຫຼິ້ນການພະນັນສິ່ງທີ່ຜິດກົດໝາຍຕ່າງໆ ພ້ອມນັ້ນກໍຕ້ອງເອົາໃຈໃສ່ຕິດຕາມການເຂົ້າ-ອອກຂອງພົນລະເມືອງທັງພາຍໃນ ແລະ ພາຍນອກ ເພື່ອກຳໃຫ້ໄດ້ເປົ້າໝາຍບຸກຄົນ-ກຸ່ມຄົນທີ່ບໍ່ຫວັງດີ ໃນການສ້າງຄວາມບໍ່ສະຫງົບຢູ່ພາຍໃນເມືອງ; (2) ສຸມໃສ່ຊຸກຍູ້ດ້ານການຜະລິດກະສິກຳ ການປູກ-ການລ້ຽງ ໃຫ້ນັບມື້ນັບແຂງແຮງຕາມເງື່ອນໄຂ ແລະ ທ່າແຮງທີ່ມີຢູ່ ໂດຍການນຳໃຊ້ຫຼັກການວິທະຍາສາດ ແລະ ເຕັກໂນໂລຊີເຂົ້າໃນການຜະລິດໃຫ້ນັບມື້ນັບທັນສະໄໝ ເພື່ອຜະລິດສິນຄ້າສົ່ງອອກທັງພາຍໃນ ແລະ ຕ່າງປະເທດ; (3) ດ້ານວຽກງານກໍ່ສ້າງຮາກຖານ ກໍໃຫ້ເອົາໃຈໃສ່ຢ່າງເຄັ່ງຄັດ ໂດຍຖືເອົາວຽກງານກໍ່ສ້າງຮາກຖານກາຍເປັນວຽກງານຍຸດທະສາດອັນຍາວນານ ພ້ອມນັ້ນກໍຕ້ອງຫັນເອົາພະນັກງານທີ່ມີຄວາມຮູ້ຄວາມສາມາດ ລົງກໍ່ສ້າງຮາກຖານຢ່າງຮອບດ້ານ ແລະ ຕໍ່ເນື່ອງ ໂດຍໃຫ້ຕິດພັນກັບ 4 ເນື້ອໃນ 4 ຄາດໝາຍ ເພື່ອຮັບປະກັນໃຫ້ຮາກຖານມີສະຖຽນລະພາບ ທາງດ້ານການເມືອງຢ່າງໜັກແໜ້ນ, ສ່ວນວ່າການກໍ່ສ້າງພັກ-ພະນັກງານ ກໍໃຫ້ມີການປະເມີນກໍ່ສ້າງພະນັກງານສືບທອດປ່ຽນແທນຢ່າງເປັນລະບົບຕໍ່ເນື່ອງ, ເພີ່ມທະວີການກວດກາໃນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ໃຫ້ນັບມື້ນັບເພີ່ມຂຶ້ນ ພ້ອມທັງຮັບປະກັນໃຫ້ໄດ້ທັງປະລິມານ ແລະ ຄຸນນະພາບໄປຄຽງຄູ່ກັນ; (4) ເອົາໃຈໃສ່ເພີ່ມທະວີວຽກງານປ້ອງກັນ ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ໂດຍການສຶກສາອົບຮົມປຸກລະດົມໃຫ້ພໍແມ່ປະຊາຊົນ ຕ້ອງມີຄວາມຮັບຮູ້ເຂົ້າໃຈ ໃນການປະຕິບັດມາດຕະການທີ່ຂັ້ນເທິງວາງອອກຢ່າງເຂັ້ມງວດ, ຫັນປ່ຽນການດຳລົງຊີວິດແບບເກົ່າ ໄປສູ່ການດຳລົງຊີວິດແບບໃໝ່, ປຸກລະດົມໃຫ້ປະຊາຊົນມາຮັບວັກຊິນກັບພະຍາດໂຄວິດ-19 ໃຫ້ໄດ້ຕາມລະດັບຄາດໝານທີ່ກຳນົດໃວ້.

      ໃນຕອນທ້າຍ ທ່ານເຈົ້າເມືອງກາສີ ກໍໄດ້ຕາງໜ້າໃຫ້ຄະນະພັກ, ອຳນາດການປົກຄອງເມືອງກ່າວສະແດງຄວາມຮູ້ບຸນຄຸນ ແລະຂອບອົກຂອບໃຈຕໍ່ທ່ານເຈົ້າແຂວງວຽງຈັນ ທີ່ເປັນຫ່ວງເປັນ​ໃຍ ຊີ້ທິດເຍືອງທາງໃຫ້ແກ່ຄະນະພັກ, ຄະນະນຳຂອງເມືອງ ແລະ ກໍຈະຂໍນຳເອົາທຸກຄຳເວົ້າຂອງທ່ານໄປຈັດຕັ້ງປະຕິບັດຜັນຂະຫຍາຍຊີ້ນຳໆພາ ເຂົ້າໃນທຸກຂົງເຂດວຽກງານຢູ່ໃນເມືອງກາສີໃຫ້ເກີດເປັນຮູບປະທຳຢ່າງສູງ.

(ຂ່າວ-ພາບ: ເມືອງກາສີ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com