ຫົວ​ຂໍ້ : ນັກກິລາດຶງເຊືອກເຍົາວະຊົນລາວ ກຽມຮ່ວມຊີງແຊັມ ຢູ່ປະເທດໄທ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 18/02/2020 08:59:40 ຈຳ​ນວນ​ຜູ້​ເຂົ້າ​ຢ້ຽມ​ຊົມ 855 ຄັ້ງ

  ທ່ານ ອຸໄທ ບັນ​ນາ​ວົງ ຮອງ​ປະທານ​ສະຫະ​ພັນ​ກິລາ​ດຶງເຊືອກ​ແຫ່ງ​ຊາດ​ລາວ ເປີດເຜີຍ​ຕໍ່​ນັກ​ຂ່າວ​ຜ່ານ​ມານີ້​ວ່າ: ສະຫະ​ພັນ​ກິລາ​ດຶງ ເຊືອກ​ແຫ່ງ​ຊາດ​ລາວ ໄດ້​ຮັບ​ການ​ເຊື້ອ​ເຊີນ​ຈາກ​ສະມາຄົມ​ດຶງເຊືອກ​ແຫ່ງ​ປະເທດ​ໄທ ໃຫ້​ເຂົ້າ​ຮ່ວມ​ການ​ແຂ່ງຂັນ​ດຶງເຊືອກຊີງ​ແຊັມ ສພຖ ຈອມ​ພະລັງ 93 ສະໜາມ​ທີ 1 ຢູ່​ແຂວງ​ມຸກດາ​ຫານ ປະເທດ​ໄທ ລະຫວ່າງ​ວັນ​ທີ 3-6 ເມສາ 2020 ໂດຍ​ສະຫະພັນ​ກຽມ​ສົ່ງ​ທີ​ມ​ນັກ​ກິລາ​ນັນ​ຮຽນ​ເຂົ້າ​ຮ່ວມ 2 ປະເພດຄື: ຮຸ່ນ​ອາຍຸ​ບໍ່​ເກີນ 15 ປີ ແລະ ອາຍຸ​ບໍ່​ເກີນ 17 ປີ.
  ການ​ແຂ່ງຂັນ​ຄັ້ງ​ນີ້ ຈະ​ມີ​ທີ​ມ​ນັກຮຽນ​ເຈົ້າພາບ ໄທ ຈຳນວນ 21 ທີມ, ນັກຮຽນ​ລາວ 4 ທີ​ມ, ​ນັກຮຽນ​ກຳປູເຈຍ 4 ທີມ, ສະເພາະ​ທີ​ມ​ນັກຮຽນ​ລາວ ຈະ​ລົງ​ແຂ່ງຂັນ​ຮຸ່ນ​ອາຍຸ 15 ປີ ປະເພດ​ທີ​ມ​ຊາຍ 8 ຄົນ ນ້ຳໜັກ 500 ກິໂລ, ປະເພດ​ທີ​ມ​ຍິງ 8 ຄົນ ນ້ຳໜັກ 440 ກິໂລ ສ່ວນ​ໃນ​ຮຸ່ນ​ອາຍຸ 17 ປີ ປະເພດ​ທີ​ມ​ຊາຍ 8 ຄົນ ນ້ຳໜັກ 540 ກິໂລ (ແຊັມ​ເກົ່າ ປີ 2019 ຢູ່​ແຂວງ​ມຸກດາ​ຫານ) ແລະ ປະເພດ​ທີມ​ຍິງ ນ້ຳໜັກ 460 ກິ​ໂລ.
  ປັດຈຸບັນ ທີ​ມ​ນັກ​ກິລາ​ນັກຮຽນ​ລາວ ຊາຍ​-​ຍິງ ກຳລັງ​ເກັບ​ຕົວ​ຝຶກ ຊ້ອມ​ມາ​ຕັ້ງແຕ່​ຕົ້ນ​ເດືອນ​ມັງກອນ 2020 ເປັນຕົ້ນ​ມາ ຢູ່​ໂຮງຮຽນ ມສ ວຽງ​ຈັນ ພ້ອມ​ແລ້ວ​ທີ່​ຈະ​ເຂົ້າ​ຮ່ວມ​ແຂ່ງຂັນ​ລາຍການ​ດັ່ງກ່າວ ໂດຍ​ສະໜາມ​ທຳອິດ ຈະ​ຈັດ​ຂຶ້ນ​ຢູ່​ແຂວງ​ມຸກດາ​ຫານ ປະເທດ​ໄທ ປະກອບ​ມີ 3 ຮຸ່ນ​ຄື: ອາຍຸ 13 ປີ, 15 ປີ ແລະ 17 ປີ.
 (ຂ່າວ: ວົງ​ຈອນ​ກິລາ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110