Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ທ່ານ ພົນ​ຕີ ກົງ​ທອງ ພົງວິ​ຈິດ ຕອບຄຳຖາມເຈາະຈີ້ມຕໍ່ຄວາມສົນໃຈຂອງ ສສຊ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 08/11/2021 16:04:51 ຈຳ​ນວນ​​ຢ້ຽມ​ຊົມ 1584 ຄັ້ງ

ທ່ານ ພົນ​ຕີ ກົງ​ທອງ ພົງວິ​ຈິດ ຮອງ​ລັດ​ຖະ​ມົນ​ຕີ​ກະ​ຊວງ​ປ້ອງ​ກັນ​ຄວາມ​ສະ​ຫງົບ ໄດ້​ຕອບ​ຄຳ​ຖາມເຈາະ​ຈີ້ມ​ຂອງ​ສະ​ມາ​ຊິກ​ສະ​ພາ​ແຫ່ງ​ຊາດ ໃນ​ກອງ​ປະ​ຊຸມ​ສະ​ໄໝ​ສາ​ມັນ​ເທື່ອທີ 2 ຂອງສະພາແຫ່ງຊາດຊຸດທີ IX ໃນຮູບແບບທາງໄກ ເມື່ອ​ວັນ​ທີ 8 ພະ​ຈິກ, ພາຍໃຕ້ການເປັນປະທານຂອງທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ ໂດຍການເຂົ້າຮ່ວມຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ.

ທ່ານ ພົນ​ຕີ ກົງ​ທອງ ພົງວິ​ຈິດ ​ໄດ້​ຕອບ​ຄຳ​ຖາມກ່ຽວ​ກັບສະ​ພາບ​ການ​ຈັດ​ຕັ້ງ​ປະ​ຕິ​ບັດ​ສິດ ແລະ ໜ້າ​ທີ່ຂອງ​ຫົວ​ໜ້າ​ອົງ​ການ​ສືບ​ສວນ-ສອບ​ສວນຕາມ​ມາດ​ຕາ 53 ຂອງກົດໝາຍວ່າດ້ວຍການດຳເນີນຄະດີອາຍາສະບັບປີ 2017 ມີດ້ານດີ ແລະ ຂໍ້ຄົງຄ້າງໃນການຈັດຕັ້ງປະຕິບັດກົດໝາຍເປັນຕົ້ນກົນໄກການປະສານງານ ລະຫວ່າງອົງການສືບສວນ-ສອບສວນ ກັບອົງການໄອຍະການປະຊາຊົນຕາມມາດຕາ 53 ຂໍ້ 8 ກ່ຽວກັບການສະເໜີຂໍຄຳສັ່ງຈັບຕົວ, ກັກຂັງພາງ, ກວດຄົ້ນເຄຫະສະຖານ, ປົດໜ້າທີ່ ຫຼື ຕຳແໜ່ງ, ການຕໍ່ກຳນົດເວລາການສືບສວນ-ສອບສວນ ແລະ ຕໍ່ກຳນົດເວລາກັກຂັງພາງຈາກຫົວໜ້າໄອຍະການປະຊາຊົນ ຕໍ່ຄຳຖາມເຈາະຈີ້ມຂອງສະພາແຫ່ງຊາດ: ນີ້ສະທ້ອນໃຫ້ເຫັນຄວາມເປັນຫ່ວງ, ເປັນໃຍຕໍ່ຊີວິດ, ສຸຂະພາບ, ສິດເສລີພາບ ແລະ ຊັບສິນຂອງພົນລະເມືອງ ທັງສະແດງໃຫ້ເຫັນຄວາມເອົາໃຈໃສ່ຕໍ່ການຄຸ້ມຄອງລັດດ້ວຍກົດໝາຍ ແລະ ນໍາເອົາຄວາມຍຸຕິທຳມາສູ່ສັງຄົມລາວ ຕໍ່ບັນຫາດັ່ງກ່າວ: ກະຊວງປ້ອງກັນຄວາມສະຫງົບໃນຖານະເປັນຜູ້ຊີ້ນຳ-ນໍາພາ ແລະ ຮັບຜິດຊອບໂດຍກົງຕໍ່ອົງການສືບສວນ-ສອບສວນຂອງເຈົ້າໜ້າທີ່ຕຳຫຼວດ ກໍເຫັນໄດ້ຄວາມໝາຍ-ຄວາມສຳຄັນຂອງບັນຫານີ້ ໄດ້ເອົາໃຈໃສ່ຊີ້ນຳໆພາອົງການສືບສວນ-ສອບສວນຈັດຕັ້ງປະຕິບັດສິດ ແລະ ໜ້າທີ່ຂອງຕົນຢ່າງຈິງຈັງໄດ້ເຮັດສຳເລັດໜ້າທີ່ການເມືອງຂອງຕົນເປັນຢ່າງດີ ເພື່ອຮັບປະກັນທາງດ້ານການເມືອງ, ກົດໝາຍ ແລະ ຫຼັກວິຊາສະເພາະຊຶ່ງສະແດງອອກດັ່ງນີ້:

ການຕໍ່ກຳນົດເວລາສືບສວນ-ສອບສວນ: ອົງການສືບສວນ-ສອບສວນ ຂອງເຈົ້າໜ້າທີ່ຕຳຫຼວດແມ່ນໄດ້ປະຕິບັດຕາມມາດຕາ 92 ຂອງກົດໝາຍວ່າດ້ວຍການດຳເນີນຄະດີອາຍາໄດ້ເປັນຢ່າງດີ ເພາະມັນເປັນບ່ອນອີງທີ່ສຳຄັນໃນການຈັດຕັ້ງປະຕິບັດບາດກ້າວການສືບສວນ-ສອບສວນຄະດີເພື່ອຮັບປະກັນໃນການມ້າງລາຍຄະດີ, ວິທີການສືບສວນ-ສອບສວນຕົວຈິງ ແລະ ການນໍາໃຊ້ມາດຕະການສະກັດກັ້ນໃຫ້ຖືກຕ້ອງຕາມກົດໝາຍ, ກັບດ້ານວິຊາສະເພາະໃນໄລຍະທີ່ກົດໝາຍໄດ້ກຳນົດໄວ້,  ການສະເໜີຂໍຄຳສັ່ງຈັບຕົວ, ອົງການສືບສວນ-ສອບສວນຂອງເຈົ້າໜ້າທີ່ຕຳຫຼວດຖືເປັນບັນຫາທີ່ສຳຄັນ ແລະ ລະອຽດອ່ອນເພາະມັນແຕະຕ້ອງກັບສິດເສລີພາບຂອງພົນລະເມືອງ. ສະນັ້ນ, ການຈັດຕັ້ງປະຕິບັດຕົວຈິງໃນໄລຍະຜ່ານມາແມ່ນຖືກຕ້ອງຕາມມາດຕາ 139 ຂອງກົດ ໝາຍວ່າດ້ວຍການດຳເນີນຄະດີອາຍາ, ຖືກຕ້ອງຕາມຄວາມເປັນຈິງຂອງຄະດີ, ຮັບປະກັນບໍ່ໃຫ້ລ່ວງລະເມີດສິດ ແລະ ເສລີພາບຂອງພົນລະເມືອງທີ່ໄດ້ກຳນົດໄວ້ໃນມາດຕາ 12 ຂອງກົດໝາຍ, ການສະເໜີິຂໍຄຳສັ່ງຈັບຕົວນີ້ເພື່ອເປັນການສະກັດກັ້ນການກະທຳຜິດ ບໍ່ໃຫ້ຜູ້ກະທຳຜິດໄປກະທຳຜິດຮອບໃໝ່, ເອົາຕົວຫຼົບໜີ, ທຳລາຍຫຼັກຖານ, ຂົ່ມຂູ່ພະຍານຜູ້ຖືກເສຍຫາຍ ແລະ ອື່ນໆ. ສະນັ້ນ, ຫົວໜ້າອົງການສືບສວນ-ສອບສວນຂອງເຈົ້າໜ້າທີ່ຕຳຫຼວດຈຶ່ງໄດ້ສະເໜີຄຳສັ່ງຈັບຕົວໄປຫາອົົົງການໄອຍະການຕາມຂັ້ນຕອນຂອງກົດໝາຍ ຍົກເວັ້ນການກະທຳຜິດໃນກໍລະນີເຊິ່ງໜ້າ ແລະ ຮີບດ່ວນ, ການຕໍ່ກຳນົດເວລາກັກຂັງພາງ: ອົງການສືບສວນ-ສອບສວນຂອງເຈົ້າໜ້າທີ່ຕຳຫຼວດ ແຕ່ລະຂັ້ນສາມາດຈັດຕັ້ງປະຕິບັດໄດ້ຖືກຕ້ອງຕາມມາດຕາ 111 ຂອງກົດໝາຍວ່າດ້ວຍການດຳເນີນຄະດີອາຍາ ວ່າດ້ວຍການຂໍຕໍ່ກຳນົດເວລາກັກຂັງພາງ ຕາມສະຖານການກະທຳຜິດຂອງຜູ້ຖືກຫາຕາມກົດໝາຍທີ່ໄດ້ກຳນົດ, ໃນໄລຍະຜ່ານມາອົງການໄອຍະການປະຊາຊົນກໍໄດ້ໃຫ້ການຮ່ວມມືເປັນຢ່າງດີ, ການກວດຄົ້ນເຄຫະສະຖານ: ອົງການສືບສວນ-ສອບສວນເຈົ້າໜ້າທີ່ຕຳຫຼວດໄດ້ປະສານສົມທົບ ກັບ ອົງການໄອຍະການຂໍຄຳສັ່ງກວດຄົ້ນ ແລະ ໄດ້ຮັບການຮ່ວມມືເປັນຢ່າງດີ, ການປົດໜ້າທີ່ ຫຼື ຕຳແໜ່ງ: ແມ່ນໄດ້ດຳເນີນຄະດີຕໍ່ຜູ້ຖືກຫາທີ່ເປັນພະນັກງານ, ມີໜ້າທີ່, ມີຄວາມຮັບຜິດຊອບ ແຕ່ໄດ້ກະທຳຜິດໂດຍສະເພາະແມ່ນການສໍ້ລາດບັງຫຼວງ, ໃນໄລຍະຜ່ານມາເຈົ້າໜ້າທີ່ສືບສວນ-ສອບສວນບໍ່ໄດ້ດຳເນີນໂດຍກົງເພາະບໍ່ໄດ້ນອນຢູ່ໃນສິດ ແລະ ໜ້າທີ່ ແຕ່ໄດ້ຮ່ວມມືປະສານສົມທົບກັບກະຊວງ ຫຼື ອົງການ ທີ່ຜູ້ກະທໍາຜິດໄດ້ສັງກັດຢູ່.

ເຖິງຈະມີດ້ານດີ ແຕ່ກໍຍັງມີຂໍ້ຄົງຄ້າງໂດຍສະເພາະການຕໍ່ກໍານົດເວລາການສືບສວນ-ສອບສວນນໍາອົງການໄອຍະການ ນໍາການດຳເນີນຄະດີຕົວຈິງ ຍັງມີເຈົ້າໜ້າທີ່ສືບສວນ-ສອບສວນຈຳນວນໜຶ່ງບໍ່ທັນຈັດຕັ້ງປະຕິບັດໄດ້ດີ  ແລະ ບັນຫາອື່ນໆ ໃນຕໍ່ໜ້າ ກະຊວງປ້ອງກັນຄວາມສະຫງົບ ຈະໄດ້ເອົາໃຈໃສ່ຊີ້ນຳໆພາສຶກສາອົບຮົມການເມືອງແນວຄິດໃຫ້ແກ່ອົງການສືບສວນ-ສອບສວນ ເຈົ້າໜ້າທີ່ຕຳຫຼວດ ແລະ ຄ້າຍຄຸມຂອງດັດສ້າງແຕ່ສູນກາງລົງຮອດທ້ອງຖິ່ນໃຫ້ຮັບຮູ້ເຂົ້າໃຈ ແລະ ມີຄວາມຮັບຜິດຊອບສູງໃນການຄຸ້ມຄອງລັດດ້ວຍກົດໝາຍ, ການດຳເນີນຄະດີອາຍາຕ້ອງຮັບປະກັນທາງດ້ານການເມືອງ, ກົດໝາຍ ແລະ ຫຼັກວິຊາສະເພາະຢ່າງເຂັ້ມງວດ

ເພື່ອນໍາເອົາຄວາມຍຸຕິທຳມາສູ່ສັງຄົມ.

(ຂ່າວ: ພູວັນ, ພາບ: ສຳນານ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com