Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກະ​ຊວງ ຕ​ສ ສະເໜີ ປັບ​ປຸງກົດໝາຍວ່າດ້ວຍໂທລະຄົມມະນາຄົມ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 10/11/2021 15:24:33 ຈຳ​ນວນ​​ຢ້ຽມ​ຊົມ 10161 ຄັ້ງ

 

            ກະຊວງເຕັກໂນໂລຊີ ແລະ ການສື່ສານ (ຕສ) ສະເໜີປັບປຸງບາງເນື້ອໃນຂອງກົດໝາຍ ວ່າດ້ວຍ ໂທລະຄົມມະນາຄົມ ຈຳນວນ 46 ມາດຕາ, ເພີ່ມໃໝ່ 12 ມາດຕາ ແລະ ຮັກສາເນື້ອໃນໄວ້ 4 ມາດຕາ ເພື່ອຄຸ້ມຄອງວຽກງານໂທລະຄົມມະນາຄົມ ໃຫ້ມີປະສິດທິຜົນກວ່າເກົ່າ ແລະ ສາມາດເຊື່ອມໂຍງກັບສາກົນ ໃນການຫັນເປັນດີຈີຕອນຂອງຍຸກອຸດສະຫະກໍາ 4.0 ທີ່ເປັນທ່າອຽງລວມຂອງໂລກ ໃນປັດຈຸບັນ ແລະ ອະນາຄົດ.

            ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງ ຕສ ໄດ້ສະເໜີຮ່າງກົດໝາຍວ່າດ້ວຍໂທລະຄົມມະນາຄົມ ຕໍ່ກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX ໃນຕອນບ່າຍວັນທີ 10 ພະຈິກ ນີ້, ພາຍໃຕ້ການເປັນປະທານຂອງ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ.

      ທ່ານລັດຖະມົນຕີກະຊວງ ຕສ ໄດ້ກ່າວວ່າ: ປັດຈຸບັນ ໂລກໄດ້ເລີ່ມເຂົ້າສູ່ຍຸກເສດຖະກິດ ແລະ ສັງຄົມ ດີຈີຕອນ, ສະພາບການພັດທະນາເຕັກໂນໂລຊີໃໝ່ຂອງໂລກ ມີການຂະຫຍາຍຕົວຢ່າງວ່ອງໄວ ໄດ້ເກີດມີເຕັກໂນໂລຊີ ການສື່ສານທີ່ທັນສະໄໝ ເຊັ່ນ: ລະບົບສື່ສານ 4ຈີ, 5ຈີ (5G), ການໃຫ້ບໍລິການເສີມ (Over The Top, ລະບົບ ປັນຍາປະດິດ (Artificial Inteligence and Data Analysis), ອິນເຕີເນັດຂອງສັບພະສິ່ງ (Internet of thing), ສູນຂໍ້ມູນ (Cloud Computing), ຂໍ້ມູນຂະໜາດໃຫຍ່ (Big Data), ລະບົບອັດຕະໂນມັດ ແລະ ຫຸ່ນຍົນ (Automation and Robotics), ເຕັກໂນໂລຊີ ບລ໊ອກເຊັນ (Blockchain), ການພິມສາມມິຕິ (Three dimensional printing), ການພັດທະນາ ອຸປະກອນດ້ານໂທລະຄົມ ກໍມີການປັບປຸງປ່ຽນແປງຫຼາຍອັນ ແລະ ເພື່ອຕອບສະໜອງຕໍ່ການປ່ຽນແປງຂອງເຕັກໂນໂລຊີ ທີ່ກ່າວມານັ້ນ, ຜູ້ໃຫ້ບໍລິການໂທລະຄົມມະນາຄົມ ກໍໄດ້ມີການພັດທະນາ ການດໍາເນີນທຸລະກິດໃຫ້ມີຫຼາຍຮູບແບບຂຶ້ນ ເຊັ່ນ: ໃຫ້ບໍລິການ ໂດຍບໍ່ມີເຄືອຂ່າຍເປັນຂອງຕົນເອງ (Mobile Virtual Network), ໃຫ້ບໍລິການສະເພາະແຕ່ໂຄງລ່າງພື້ນຖານໂທລະຄົມມະນາຄົມ ແລະ ຮູບແບບອື່ນໆອີກ. ໃນສະພາບແວດລ້ອມສາກົນ, ປັດຈຸບັນນີ້ ສປປ ລາວ ໄດ້ເຂົ້າເປັນສະມາຊິກ ຂອງຫຼາຍອົງການຈັດຕັ້ງສາກົນ ແລະ ເປັນຄູ່ຮ່ວມມືທາງດ້ານເສດຖະກິດ ເຊັ່ນ: ສະຫະພາບໂທລະຄົມມະນາຄົມສາກົນ (International Telecommunication Union), ອົງການໂທລະຄົມມະນາຄົມ ອາຊີ-ປາຊີຟີກ (Asia Pacific Telecommunity), ອົງການການຄ້າໂລກ (World Trade Organization), ສັນຍາຄູ່ຮ່ວມມືທາງເສດຖະກິດຮອບດ້ານລະດັບພາກພື້ນ (Regional Comprehensive Economic Partnership), ຊຶ່ງການເຂົ້າຮ່ວມເປັນສະມາຊິກຂອງບັນດາອົງການຈັດຕັ້ງສາກົນ ແລະ ເປັນຄູ່ຮ່ວມມືທາງດ້ານເສດຖະກິດ ເປັນການເປີດກວ້າງການຮ່ວມມື ແລະ ດຶງດູດການລົງທຶນ.

ແຕ່ຕົວຈິງແລ້ວ, ກົດໝາຍວ່າດ້ວຍ ໂທລະຄົມມະນາຄົມ ສະບັບນໍາໃຊ້ປັດຈຸບັນໄດ້ປະກາດໃຊ້ ມາໄດ້ 10 ປີແລ້ວ ແມ່ນບໍ່ສາມາດຕອບສະໜອງ ສະພາບຄວາມເປັນຈິງໃນປັດຈຸບັນ ເປັນຕົ້ນ: ການອະນຸຍາດດໍາເນີນທຸລະກິດ, ການຈັດສັນຊັບພະຍາກອນໂທລະຄົມມະນາຄົມ, ການກໍານົດມາດຕະ ຖານເຕັກນິກ, ການກວດກາຄຸນນະພາບຂອງການບໍລິການ, ການດັດສົມການແຂ່ງຂັນດ້ານໂທລະຄົມມະນາຄົມ ແລະ ຍັງບໍ່ສອດຄ່ອງກັບລະບຽບການຂອງສາກົນໃນບາງກໍລະນີ ເພື່ອສ້າງເງື່ອນໄຂ ແລະ ຄວາມເຊື່ອໝັ້ນໃຫ້ພາກພື້ນ ແລະ ສາກົນ ທີ່ສົນໃຈຈະມາລົງທຶນດ້ານໂທລະຄົມມະນາຄົມ ຢູ່ ສປປ ລາວ. ສະນັ້ນ, ຈຶ່ງມີຄວາມຈໍາເປັນຢ່າງຍິ່ງ ຈະຕ້ອງໄດ້ປັບປຸງຄືນກົດໝາຍວ່າດ້ວຍ ໂທລະຄົມມະນາຄົມ ສະບັບດັ່ງກ່າວ.

      ການປັບປຸງກົດໝາຍສະບັບນີ້, ແມ່ນໃຫ້ສອດຄ່ອງກັບແນວທາງນະໂຍບາຍຂອງພັກ ແລະ ລັດ, ແຜນພັດທະນາເສດຖະກິດ-ສັງຄົມ ຂອງປະເທດເຮົາໃນໄລຍະໃໝ່, ສອດຄ່ອງກັບລະບຽບການຂອງສາກົນ, ສົນທິສັນຍາ ແລະ ສັນຍາສາກົນ ທີ່ ສປປ ລາວ ເປັນພາຄີ, ໃຫ້ສາມາດຄຸ້ມຄອງ ເຕັກໂນໂລຊີ ແລະ ຮູບແບບການດໍາເນີນທຸລະກິດ, ສົ່ງເສີມ ແລະ ດຶງດູດການລົງທຶນ ເພື່ອຂະຫຍາຍຕາໜ່າງການບໍລິການໂທລະຄົມມະນາຄົມໃຫ້ທົ່ວເຖິງ; ສາມາດຄຸ້ມຄອງ ການດໍາເນີນທຸລະກິດ ໂທລະຄົມມະນາຄົມ, ການຈັດສັນຊັບພະຍາກອນໂທລະຄົມ, ການແຂ່ງຂັນດ້ານໂທລະຄົມ, ການປົກປ້ອງຜູ້ໃຫ້ ແລະ ຜູ້ໃຊ້ບໍລິການ, ການກໍານົດມາດຕະຖານເຕັກນິກ, ການກວດກາຄຸນນະພາບຂອງການບໍລິການ, ການຕິດຕັ້ງ ແລະ ນໍາໃຊ້ພື້ນຖານໂຄງລ່າງໃຫ້ມີປະສິດທິພາບ, ປະສິດທິຜົນຫຼາຍຂຶ້ນ ແລະ ທຽບເທົ່າກັບສາກົນໄດ້ ຊຶ່ງໃນກົດໝາຍວ່າດ້ວຍການໂທລະຄົມມະນາຄົມ ສະບັບປັບປຸງນີ້ປະກອບມີທັງໝົດ XII ພາກ, 5 ໝວດ ແລະ 59 ມາດຕາ ສະເໜີປັບປຸງເນື້ອໃນ ຈໍານວນ 46 ມາດຕາ, ເພີ່ມ                            ໃໝ່ 12 ມາດຕາ ຄື: ມາດຕາ 9, 10, 20, 21, 26, 27, 29, 30, 31, 32, 33, 34 ແລະ ຮັກສາເນື້ອໃນໄວ້ 4 ມາດຕາ.

      ທ່ານຍັງໄດ້ກ່າວຕື່ມວ່າ: ພາຍຫຼັງ ທີ່ກົດໝາຍວ່າດ້ວຍການໂທລະຄົມະນາຄົມ (ສະບັບປັບປຸງ) ສໍາເລັດ ແລະ ປະກາດໃຊ້ແລ້ວ ຈະກາຍເປັນນິຕິກໍາພື້ນຖານໃຫ້ແກ່ການຄຸ້ມຄອງວຽກງານໂທລະຄົມມະນາຄົມໃຫ້ມີປະສິດທິຜົນກວ່າເກົ່າ ແນໃສ່ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ແລະ ວິໃສທັດ ແລະ ຍຸດທະສາດ ການພັດທະນາເຕັກໂນໂລຊີ ແລະ ການສື່ສານຂອງປະເທດເຮົາໃຫ້ປະກົດຜົນເປັນຈິງ. ເມື່ອທຽບໃສ່ກົດ                 ໝາຍສະບັບເກົ່າ, ກົດໝາຍສະບັບປັບປຸງຈະໄດ້ຮັບຜົນປະໂຫຍດຕົ້ນຕໍ ກໍຄືມີກົນໄກການຄຸ້ມຄອງ ການດໍາເນີນທຸລະກິດ ເປັນຕົ້ນແມ່ນການອະນຸຍາດດໍາເນີນທຸລະກິດ, ການຄຸ້ມຄອງຊັບພະຍາກອນໂທລະຄົມະນາຄົມ, ການນໍາເຂົ້າ ແລະ ສົ່ງອອກອຸປະກອນໂທລະຄົມມະນາຄົມ, ການຢັ້ງຢືນມາດຕະ ຖານ ແລະ ຄຸນນະພາບ ຈະມີຄວາມຊັດເຈນຂຶ້ນກ່ອນເກົ່າ; ກົດຫມາຍສະບັບນີ້, ຍັງເປັນພື້ນຖານອັນສໍາຄັນໃຫ້ແກ່ການຮ່ວມມືກັບຕ່າງປະເທດ ດ້ານໂທລະຄົມມະນາຄົມ ໃນກອບສອງຝ່າຍ, ພາກພື້ນ, ສາກົນ ແລະ ການເຂົ້າເປັນພາຄີຂອງສົນທິສັນຍາສາກົນອີກດ້ວຍ.

(ຂ່າວ: ສຸກສະຫວັນ, ພາບ: ສໍານານ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com