ຫົວ​ຂໍ້ : LXML ສະໜັບສະໜູນ ວຽກງານການຕອບໂຕ້ກັບພະຍາດປອດອັກເສບສາຍພັນໃໝ່

ເຜີຍ​ແຜ່​ໂດຍ​: siththiphone rasphone ເວ​ລາ: 18/02/2020 17:20:37 ຈຳ​ນວນ​ຜູ້​ເຂົ້າ​ຢ້ຽມ​ຊົມ 280 ຄັ້ງ

   ໃນ​ວັນ​ທີ 14 ກຸມ​ພາ 2020, ບໍ​ລິ​ສັດ ລ້ານ​ຊ້າງ ມີ​ເນ​ໂຣນ​ ລີ​ມິ​ເຕັດ (LXML) ບໍ່​ຄຳ-ທອງ​ເຊ​ໂປນ ຕາງ​ໜ້າ​ໂດຍ ທ່ານ ຈັນ​ທອນ ເນົາ​ວະ​ລາດ, ຫົວ​ໜ້າ​ສາຍ​ງານ​ພົວ​ພັນ​ລັດ​ຖະ​ບານ ໄດ້​ມອບ​ເງິນ $15.000 ໃຫ້​ແກ່ກະ​ຊວງ​ພະ​ລັງ​ງານ ແລະ ບໍ່​ແຮ່ ຕາງ​ໜ້າ​ໂດຍ ​ທ່ານ ເພັດ​ສະ​ຫວັນ ລັດ​ຕະ​ນະ​ວົງ​ໄຊ, ຫົວ​ໜ້າ​ຫ້ອງ​ການ ທີ່ ກະ​ຊວງ​ພະ​ລັງ​ງານ ແລະ ບໍ່​ແຮ່. ການ​ປະ​ກອບ​ສ່ວນ​ຄັ້ງ​ນີ້ ຈະ​ໄດ້​ໂຮມ​ເຂົ້າ​ກັບທຶນ​ທີ່ທາງ​ສະ​ມາ​ຄົມ​ມິດ​ຕະ​ພາບ​ລາວ-ຈີນ ຮ່ວມ​ກັບນະ​ຄອນຫຼວງວຽງ​ຈັນ​ໄດ້​ຈັດ​ຂຶ້ນ ເພື່ອ​ລະ​ດົບ​ທຶນ​ໄປ​ຊ່ວຍ​ເຫຼືອ​ປະ​ຊາ​ຊົນ​ຜູ້​ປະ​ສົບ​ເຄາະ​ຮ້າຍ​ຈາກ​ພະ​ຍາດ​​ປອດ​ອັກ​ເສບ​ສາຍ​ພັນ​ໃໝ່ໂຄ​ໂຣ​ນາ​ໄວ​ຣັ​ດ (Covid-19) ຢູ່ ສ​ປ ຈີນ.

   ນັບ​ຕັ້ງ​ແຕ່​ການ​ລະ​ບາດ​ຂອງ​ ໂຄ​ໂຣ​ນາ​ໄວ​ຣັ​ສ ທີ່ ເມືອງ ອູ​ຮັ້ນ ໃນ​ເດືອນ​ທັນ​ວາ 2019, ພະ​ຍາດ​ດັ່ງ​ກ່າວ​ກໍ​ໄດ້​ລະ​ບາດ​ຢ່າງ​ໄວ​ວາ ໃນ​ທົ່ວ​ ສ​ປ ຈີນ ແລະ ​ໃນຫຼາຍກວ່າ 20 ປະ​ເທດ​ໃນ​ໂລກ. ໃນ​ວັນ​ທີ 30 ມັງ​ກອນ 2020, ​ອົງ​ການ​ອະ​ນາ​ໄມ​ໂລກ​ໄດ້​ປະ​ກາດ ການ​ລະ​ບາດ​ດັ່ງ​ກ່າວ ໃຫ້​ເປັນ ເຫດ​ການ​ສຸກ​ເສີນ​ດ້ານ​ສາ​ທາ​ລະ​ນະ​ສຸກ​ລະ​ດັບ​ໂລກ ເຊິ່ງ ຮຽກ​ຮ້ອງ​ໃຫ້​ມີ​ການ​ປະ​ສານ​ງານ​ຢ່າງກວ້າງ​ຂວາງ ແລະ ແໜ້ນ​ແຟ້ນ​ຂຶ້ນ ເພື່ອ ຮັບ​ມື​ກັບ ການ​ລະ​ບາດ​ດັ່ງ​ກ່າວ.

( ແຫຼ່ງ​ຂ່າວ: ບໍ​ລິ​ສັດ​ LXML )

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110