Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກະ​ຊວງ​ພາຍ​ໃນ ສະເໜີຮ່າງກົດໝາຍວ່າດ້ວຍການສຳຫຼວດວັດແທກ ແລະ ສ້າງແຜນທີ່ ໃຫ້​ສະ​ພາ​ພິ​ຈາ​ລະ​ນາ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 11/11/2021 13:10:24 ຈຳ​ນວນ​​ຢ້ຽມ​ຊົມ 531 ຄັ້ງ

 

          ກະຊວງພາຍໃນ ສະເໜີຮ່າງກົດໝາຍວ່າດ້ວຍການສຳຫຼວດວັດແທກ ແລະ ສ້າງແຜນທີ່ ຊຶ່ງເປັນກົດໝາຍສ້າງໃໝ່ ຊຶ່ງພາຍຫຼັງກົດໝາຍສະບັບນີ້ ຖືກຮັບຮອງ ແລະ ປະກາດໃຊ້ຢ່າງເປັນທາງການແລ້ວ, ຈະສາມາດແກ້ໄຂບັນຫາ ທີ່ຍັງບໍ່ທັນເປັນລະບົບ ເປັນເອກະພາບ ໃນຂອບເຂດທົ່ວປະເທດ ແລະ ເປັນຂໍ້ມູນຍຸດທະສາດສໍາຄັນ ທີ່ພົວພັນເຖິງຄວາມລັບ, ຄວາມປອດໄພ ແລະ ຄວາມໝັ້ນຄົງຂອງຊາດ.

          ກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX ໃນຕອນເຊົ້າວັນທີ 11 ພະຈິກ ນີ້, ພາຍໃຕ້ການເປັນປະທານຂອງ ທ່ານ ພົນໂທ ສຸວອນ ເລືອງບຸນມີ ຮອງປະທານສະພາແຫ່ງຊາດ. ທ່ານ ທອງຈັນ ມະນີໄຊ ລັດຖະມົນຕີກະຊວງພາຍໃນ ໄດ້ສະເໜີຮ່າງກົດໝາຍວ່າດ້ວຍການສຳຫຼວດວັດແທກ ແລະ ສ້າງແຜນທີ່ ໃຫ້ສະມາຊິກສະພາແຫ່ງຊາດພິຈາລະນາ.

      ທ່ານ ທອງຈັນ ມະນີໄຊ ກ່າວວ່າ: ໃນຊຸມປີ 1980 ລັດຖະບານ ໄດ້ຂໍການຊ່ວຍເຫຼືອຈາກອະດີດສະຫະພາບໂຊວຽດ ເພື່ອສໍາຫຼວດວັດແທກ, ຖ່າຍພາບທາງອາກາດ ແລະ ສ້າງແຜນທີ່ພູມສັນຖານມາດຕາສ່ວນ 1:100.000 (ໜຶ່ງສ່ວນແສນ) ຊຶ່ງກວມເອົາທົ່ວປະເທດ ແລະ ມາດຕາສ່ວນ 1:10.000 ແລະ 1:25.000 ຢູ່ບາງບໍລິເວນຂອງປະເທດ, ຫຼັງຈາກນັ້ນ ລັດຖະບານກໍໄດ້ຍາດແຍ່ງການຊ່ວຍເຫຼືອຈາກບັນດາປະເທດເພື່ອນມິດ ເຊັ່ນ: ສສ ຫວຽດນາມ, ສປ ຈີນ, ຍີ່ປຸ່ນ, ສ ເກົາຫຼີ, ແຟງລັງ ມາດໍາເນີນການສໍາຫຼວດວັດແທກ ແລະ ສ້າງແຜນທີ່ ມາດຕາສ່ວນ 1:100.000, 1:50.000 ຊຶ່ງກວມເອົາທົ່ວປະເທດ ແລະ ມາດຕາສ່ວນ 1:10.000, 1:5.000, 1:2.000 ທີ່ກວມເອົາບາງບໍລິເວນຂອງປະເທດເຮົາ. ພ້ອມນັ້ນ, ລັດຖະບານ ສປປ ລາວ ກໍໄດ້ສະໜອງງົບປະມານຈໍານວນໜຶ່ງ ເພື່ອດໍາເນີນການສໍາຫຼວດວັດແທກ ແລະ ສ້າງແຜນທີ່ພູມສັນຖານ ມາດຕາສ່ວນ 1:10.000 ກວມເອົາບາງພື້ນທີ່ຈຸດສຸມ ຂອງການພັດທະນາເສດຖະກິດ ແລະ ບັນດາຕົວເມືອງໃຫຍ່ ເພື່ອແນໃສ່ໃຫ້ມີຂໍ້ມູນໃໝ່ຮັບໃຊ້ແກ່ການວາງແຜນພັດທະນາເສດຖະກິດ-ສັງຄົມຂອງຊາດ, ວຽກງານປ້ອງກັນຊາດ-ປ້ອງກັນຄວາມສະຫງົບ, ການຄຸ້ມຄອງ ແລະ ຕິດຕາມກວດກາ ຊັບພະຍາກອນທໍາມະຊາດ ແລະ ສິ່ງແວດລ້ອມ.

ແຕ່ການສໍາຫຼວດວັດແທກ ແລະ ສ້າງແຜນທີ່ ທີ່ກ່າວມາຂ້າງເທິງນັ້ນ ບັນດາຂະແໜງການຕ່າງໆທີ່ກ່ຽວຂ້ອງແມ່ນນໍາໃຊ້ລະບົບອ້າງອີງ ທຽບຖານຂອງໜ່ວຍໂລກທີ່ແຕກຕ່າງກັນ ເປັນຕົ້ນ ລະບົບພິກັດ ແລະ ລະບົບລະດັບສູງທຽບຖານກັບລະດັບໜ້ານໍ້າທະເລປານກາງ ຊຶ່ງມີຄວາມຫຍຸ້ງຍາກໃນການນໍາໃຊ້, ການແລກປ່ຽນຂໍ້ມູນ ຊຶ່ງກັນ ແລະ ກັນ. ນອກນັ້ນ, ການອອກແບບ, ຕົບແຕ່ງແຕ້ມ ແລະ ພິມແຜນທີ່ ຂອງຂະແໜງການຕ່າງໆທີ່ກ່ຽວຂ້ອງ ບໍ່ໄດ້ຜ່ານການກວດກາບາງເນື້ອໃນຂອງແຜນທີ່ ເປັນຕົ້ນແມ່ນເສັ້ນຊາຍແດນແຫ່ງຊາດ, ເຂດແດນການປົກຄອງ, ຊື່ພູມີປະເທດ, ຈຸດທີ່ຕັ້ງ                ບ້ານ, ເມືອງ ແລະ ອື່ນໆ ຊຶ່ງເປັນຂໍ້ມູນທີ່ສໍາຄັນ ແລະ ຈໍາເປັນຢ່າງຍິ່ງຕ້ອງໃຫ້ມີຄວາມຖືກຕ້ອງເພື່ອເປັນຂໍ້ມູນ. ການດໍາເນີນການສໍາຫຼວດວັດແທກ ແລະ ສ້າງແຜນທີ່ໃນໄລຍະຜ່ານມາ ເຫັນວ່າບໍ່ລວມສູນ ແລະ ນໍາໃຊ້ລະບົບເຄົ້າການສໍາຫຼວດວັດແທກ ແລະ ສ້າງແຜນທີ່ ທີ່ແຕກຕ່າງກັນ, ບາງຄັ້ງຍັງມີການດໍາເນີນການສໍາຫຼວດວັດແທກ ແລະ ສ້າງແຜນທີ່ຊໍ້າຊ້ອນກັນ ຊຶ່ງເຮັດໃຫ້ສິ້ນເປືອງເວລາ, ແຮງງານ ແລະ ງົບປະມານຂອງລັດໂດຍບໍ່ຈໍາເປັນ.    

ໃນໄລຍະຜ່ານມາ ລັດຖະບານ ໄດ້ປະກາດໃຊ້ນິຕິກໍາຈໍານວນໜຶ່ງເພື່ອເປັນບ່ອນອີງ ເຮັດໜ້າທີ່ຄຸ້ມຄອງລັດໃນການຈັດຕັ້ງປະຕິບັດວຽກງານດັ່ງກ່າວ ເປັນຕົ້ນໄດ້ການປະກາດໃຊ້ດໍາລັດ ສະບັບເລກທີ 73/ນຍ, ລົງວັນທີ 20/9/1995 ວ່າດ້ວຍວຽກງານສໍາຫຼວດວັດແທກ, ຖ່າຍພາບທາງອາກາດ ແລະ ສ້າງແຜນທີ່ໃນດິນແດນ ສປປ ລາວ ແລະ ໄດ້ປັບປຸງ 2 ຄັ້ງ ແຕ່ກໍຍັງບໍ່ຄົບຖ້ວນສົມບູນ ແລະ ຮັດກຸມ.

ຕໍ່ບັນຫາດັ່ງກ່າວ ກະຊວງພາຍໃນ ຈຶ່ງເຫັນໄດ້ຄວາມຈໍາເປັນຈະຕ້ອງໄດ້ຄົ້ນຄວ້າສ້າງຮ່າງກົດໝາຍ ວ່າດ້ວຍການສໍາຫຼວດວັດແທກ ແລະ ສ້າງແຜນທີ່ໃຫ້ມີເນື້ອໃນຮັດກຸມ, ຄົບຖ້ວນ ແລະ ສາມາດຈັດຕັ້ງປະຕິບັດໄດ້ແຕ່ສູນກາງຈົນຮອດທ້ອງຖິ່ນ ເພື່ອນໍາສະເໜີຕໍ່ ລັດຖະບານ ແລະ ສະພາແຫ່ງຊາດພິຈາລະນາຮັບຮອງ ຊຶ່ງກົດໝາຍສະບັບນີ້ ປະກອບມີ 10 ພາກ, 16 ໝວດ ແລະ 92 ມາດຕາ.

      ທ່ານລັດຖະມົນຕີກະຊວງພາຍໃນ ກ່າວຕື່ມວ່າ: ພາຍຫຼັງກົດໝາຍສະບັບນີ້ ໄດ້ຖືກຮັບຮອງ ແລະ ປະກາດໃຊ້ຢ່າງເປັນທາງການແລ້ວ, ຈະເປັນບ່ອນອີງທີ່ໜັກແໜ້ນໃນການເຄື່ອນໄຫວ ແລະ ການຈັດຕັ້ງປະຕິບັດ ກ່ຽວກັບວຽກງານສໍາຫຼວດວັດແທກ ແລະ ສ້າງແຜນທີ່ ເຮັດໃຫ້ສາມາດແກ້ໄຂບັນຫາທີ່ຍັງບໍ່ທັນເປັນລະບົບເອກະພາບ ໃນຂອບເຂດທົ່ວປະເທດ ແລະ ເປັນຂໍ້ມູນຍຸດທະສາດສໍາຄັນ ທີ່ພົວພັນເຖິງຄວາມລັບ, ຄວາມປອດໄພ ແລະ ຄວາມໝັ້ນຄົງຂອງຊາດ; ມີນິຕິກໍາທີ່ເປັນເຄື່ອງມືທີ່ສໍາຄັນໃຫ້ແກ່ການຄຸ້ມຄອງລັດ ທັງຂັ້ນສູນກາງ ແລະ ທ້ອງຖິ່ນ ໃນການຄຸ້ມຄອງການເຄື່ອນໄຫວວຽກງານສໍາຫຼວດວັດແທກ, ຖ່າຍພາບ ແລະ ສ້າງແຜນທີ່ຖືກຕ້ອງຕາມແນວທາງນະໂຍບາຍ, ລັດຖະທໍາມະນູນ, ລະບຽບກົດໝາຍ ແລະ ນິຕິກໍາຕ່າງໆ ທີ່ພັກ-ລັດ ວາງອອກ; ສາມາດຄຸ້ມຄອງການເຄື່ອນ ໄຫວວຽກງານດັ່ງກ່າວຂອງບຸກຄົນ, ນິຕິບຸກຄົນ ແລະ ການຈັດຕັ້ງທັງພາຍໃນ ແລະ ຕ່າງປະເທດຢ່າງມີປະສິດທິຜົນດີກວ່າເກົ່າ, ເຮັດໃຫ້ການສ້າງ ແລະ ນໍາໃຊ້ຂໍ້ມູນແຜນທີ່ມີຄວາມເປັນເອກະພາບ, ນໍາໃຊ້ມາດຕະຖານເຕັກນິກດ້ວຍຮູບແບບ ແລະ ຄຸນນະພາບດຽວກັນ, ເຮັດໃຫ້ມີຄວາມສະດວກໃນການຄຸ້ມຄອງກວດກາ, ນໍາໃຊ້ ແລະ ແລກປ່ຽນຂໍ້ມູນຊຶ່ງກັນ ແລະ ກັນ, ສະດວກໃນການປັບປຸງ, ການສະ                      ໜອງຂໍ້ມູນ; ຫຼີກລ່ຽງໄດ້ການຈັດຕັ້ງປະຕິບັດວຽກງານສໍາຫຼວດວັດແທກ, ຖ່າຍພາບ ແລະ ສ້າງແຜນທີ່ ທີ່ຊໍ້າຊ້ອນກັນ.

(ຂ່າວ: ສຸກສະຫວັນ, ພາບ: ສໍານານ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com