Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສະເຫຼີມສະຫຼອງວັນສ້າງຕັ້ງຄະນະກວດກາສູນກາງພັກ ອົງການລັດຖະບານ ຄົບຮອບ 38 ປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 19/02/2020 09:37:49 ຈຳ​ນວນ​​ຢ້ຽມ​ຊົມ 3113 ຄັ້ງ

   ຄະນະ​ກວດກາສູນກາງ​ ພັກ ແລະ ອົງການ​ກວດກາ​ ລັດຖະບານ ຈັດ​ພິທີ​ສະເຫຼີມ ສະຫຼອງ​ວັນ​ສ້າງຕັ້ງ​ອົງການ ກວດກາ​ພັກ​-​ລັດ​ ຄົບຮອບ 38 ປີ (16/2/1982-16/2/2020) ພ້ອມ​ທັງ​ຍ້ອງຍໍ​ຜົນງານ​ຄະນະ​ສະເພາະ​ກິດ ແລະ ພະນັກງານ​ກວດກາ​ສູນ​ກາງ​ພັກ ປະ​ຈໍາ​ປີ 2019 ຂຶ້ນໃນ​ຕອນ​ເຊົ້າ​ຂອງ​ວັນ​ທີ 18 ກຸມພາ​ນີ້ ທີ່​ຄະນະ​ກວດກາສູນ​ກາງ​ພັກ ໂດຍ​ການ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ທອງ​ລຸນ ສີ​ສຸ​ລິດ ກໍາ​ມະ​ການ​ກົມການເມືອງສູນກາງ​ພັກ ນາຍົກລັດຖະມົນຕີ; ​ທ່ານ ບຸນ​ທອງ ຈິດ​ມະນີ ກໍາ​ມະ​ການ​ກົມ​ການເມືອງ​ສູນ​ກາງ​ພັກ  ຄະ​ນະເລຂາທິການ​ສູນ​ກາງ​ພັກ  ຮອງ​ນາຍົກລັດຖະມົນຕີ ປະທານ​ຄະນະ​ກວດກາ​ສູນກາງ ​ພັກ ແລະ ອົງການ​ກວດກາ​ລັດຖະບານ ຫົວໜ້າ​ອົງການ​ຕ້ານ​ການ​ສໍ້​ລາດ​ບັງ​ຫຼວງ​ຂັ້ນ​        ສູນ​ກາງ; ມີ​ການ​ນຳ​ຂອງ​ບັນດາ​ ກະ​ຊວງ​-​ອົງການ ແລະ ທ້ອງຖິ່ນ, ບັນດາຮອງ​ປະທານ​ຄະນະ​ກວດກາ​ສູນ​ກາງ​ພັກ ແລະ ອົງການ​ກວດກາ​ລັດຖະບານ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.
   ໃນ​ພິທີ ທ່ານ ສີ​ໃນ ມຽງ​ລາ​ວັນ ຮອງ​ປະທານ​ຄະນະ​ກວດກາ​ສູນ​ກາງ​ພັກ ແລະ ອົງການ​ກວດກາ​ລັດຖະບານ ຮອງ​ຫົວໜ້າ​ອົງການ​ຕ້ານ​ການ​ສໍ້​ລາດ​ບັງ​ຫຼວງ​ຂັ້ນ​ສູນ​ກາງ ໄດ້​ກ່າວ​ວ່າ: ສູນ​ກາງ​ພັກ, ຄະນະ​ປະ​ຈໍາ​ສະພາ​ປະຊາຊົນ​ສູງ​ສຸດ ແລະ ສະພາ ລັດຖະມົນຕີ ແຫ່ງ ສປປ ລາວ ໄດ້​ຮ່ວມອອກ ດຳລັດ​ເລກ​ທີ 02, ລົງວັນທີ 16 ກຸມພາ 1982, ກໍາ​ນົດ​ໃຫ້​ສ້າງຕັ້ງຄະ​ນະ​ກໍາ​ມະ​ການ​ກວດກາ​ພັກ​-​ລັດ​ຂຶ້ນ​ທັງ​ຢູ່​ຂັ້ນ​ສູນ​ກາງ, ແຂວງ ແລະ ເມືອງ. ອີງ​ໃສ່​ດໍາ​ລັດ​ດັ່ງກ່າວ ໃນ​ປີ 2012 ກົມ​ການເມືອງ​ສູນ​ກາງ​ພັກ ໄດ້​ມີມະຕິ​ຕົກລົງ​ຮັບຮອງ​ເອົາ  ວັນ​ທີ 16 ກຸມພາ 1982 ເປັນ ​ວັນສ້າງ​ຕັ້ງອົງການ​ກວດກາ ພັກ-​ລັດ ແຫ່ງ ສປປ ລາວ ຢ່າງ​ເປັນ​ທາງ​ການ. ນັບ​ແຕ່​ກອງ​ປະຊຸມ​ໃຫຍ່​ຂອງ​ພັກ​ຄັ້ງ​ທີ III ປີ 1982 ເປັນຕົ້ນ​ມາ ອົງການ​ກວດກາ​ພັກ​-​ລັດ​ແຕ່​ລະ​ຂັ້ນ ໄດ້​ຮັບ​ການ​ສ້າງຕັ້ງ​ເປັນ​ເອກະລາດ ທີ່​ຂຶ້ນ​ໂດຍ​ກົງ​ກັບ​ຄະນະ​ພັກ​-​ອົງການ​ປົກຄອງ​ຂັ້ນ​ຕົນ ແລະ ໄດ້​ປັບປຸງ​ໄປ​ຕາມ​ສະໄໝ​ກອງ​ປະຊຸມ​ໃຫຍ່​ຂອງ​ພັກ ແລະ ຕາມ​ຄວາມ​ຮຽກຮ້ອງ​ຕ້ອງການ​ຕົວ​ຈິງ ຂອງ​ໜ້າທີ່​ການເມືອງ​ແຕ່​ລະ​ໄລຍະ; ມາ​ຮອດ​ປັດຈຸບັນ ພວກ​ເຮົາ​ມີ​ລະບົບ​ກົງຈັກ​ການຈັດຕັ້ງ, ມີ​ພະນັກງານ​ທີ່​ເຮັດ ວຽກ​ງານ​ກວດກາ ຢູ່​ທຸກ​ກະ​ຊວງ​-​ອົງການ, ທ້ອງຖິ່ນ ແລະ ຮາກ​ຖານ​ພັກ ທີ່​ເປັນ​ເສນາ​ທິ​ການ ໃນ​ວຽກ​ງານ​ກວດກາ                               ​ພັກ​-​ລັດ​ໃຫ້​ແກ່​ຄະນະ​ພັກ. 
   ຕະຫຼອດ​ໄລຍະ​ທີ່​ຜ່ານ​ມາ​ອົງການ​ກວດກາ​ພັກ​-​ລັດ ແຕ່​ລະ​ຂັ້ນ​ໄດ້​ຕັ້ງໜ້າ​ປະຕິບັດສິດ, ໜ້າທີ່​ຄວາມ​ຮັບຜິດຊອບ​ຢ່າງ​ຕັ້ງໜ້າ ສາມາດ​ຍາດ​ໄດ້ຜົນ​ງານ​ຫຼາຍ​ດ້ານ​ໃນ​ວຽກ​ງານ​ຕິດຕາມ, ກວດກາ​ພັກ, ຕິດຕາມ, ກວດກາ​ລັດ, ການ​ສະກັດ​ກັ້ນ ແລະ ຕ້ານ​ການ​ສໍ້​ລາດ​ບັງ​ຫຼວງ ອັນ​ພົ້ນ​ເດັ່ນ ໄດ້​ຈັດ​ຕັ້ງ​ຄະນະ​ກວດກາ​ສະເພາະ​ກິດ (ພິເສດ) ດຳເນີນ​ການ​ກວດກາ ໂຄງການ​ບໍ່​ມີ​ຕົວ​ຕົນ ຢູ່​ແຂວງ​ອຸດົມ​ໄຊ ​ແລະ ຫຼວງ​ນຳ້​ທາ, ໂຄງການ​ຈ່າຍ​ເກີນ ແລະ ຈ່າຍ​ຊ້ຳ​ຊ້ອນ ຢູ່​ບັນດາ​ກະ​ຊວງ​-​ອົງການ ແລະ ບັນດາ​ແຂວງ​-​ນະຄອນຫຼວງ ຊຶ່ງ​ໄດ້​ພົບ​ເຫັນ​ຜົນ​ເສຍ​ຫາຍ 857 ຕື້​ກວ່າ​ກີບ, ໃນ​ນີ້​ໄດ້​ເກັບ​ກູ້​ຄືນໃຫ້​ລັດ 229 ຕື້​ກວ່າ​ກີບ, 12 ລ້ານ​ກວ່າ​ບາດ ແລະ 622 ພັນ​ກວ່າ​ໂດ​ລາ; ພົວພັນ​ນໍາ​ພະນັກງານ​ຂອງ​ລັດ ແລະ ຜູ້​ປະກອບ​ການ​ທັງ​ໝົດ 228 ຄົນ, ໄດ້​ຖືກ​ປະຕິບັດ​ວິໄນ​ທັງ​ໝົດ 182 ຄົນ, ໃນ​ນີ້​ຖືກ​ດຳເນີນ​ຄະດີ 48 ຄົນ; ໄດ້​ສໍາ​ເລັດ​ການ​ກວດກາ ແລະ ດຳເນີນ​ການ​ສືບ​ສວນ​-​ສອບ​ສວນ​ສາເຫດ​ຄູ​ກັນ​ນຳ້ ເຂື່ອນ​ໄຟຟ້າ​ເຊ​ປຽນ​-​ເຊ​ນຳ້​ນ້ອຍ ແຕກ​ພັງ​ພ້ອມ​ທັງ​ດຳເນີນ ການ​ປັບປຸງ​ແກ້​ໄຂ​ບັນຫາ​ນີ້​ກັບ​ບໍລິສັດ​ຜູ້​ລົງທຶນ ສຳເລັດຕາມ​ການ​ຊີ້​ນຳ​ຂອງ​ຂັ້ນ​ເທິງ ຊຶ່ງ​ເປັນ​ການ​ປະກອບສ່ວນ ໃນ​ການ​ແກ້​ໄຂ​ສະພາບ​ຫຍໍ້ທໍ້​ການ​ລະເມີດ​ລະບຽບ ກົດໝາຍ ທີ່​ເກີດ​ຂຶ້ນ​ໃນ​ໂຄງການ​ລົງທຶນຂອງ​ລັດ ແລະ ຜົນງານ​ອື່ນໆ​ອີກ​ຫຼາຍ​ດ້ານ.
   ໃນ​ພິທີ​ຍັງ​ໄດ້​ຍ້ອງຍໍຜົນ ງານ​ຂອງ​ຄະນະ​ສະເພາະ​ກິດ ແລະ ພະນັກງານ​ຂອງ​ຄະນະ​ກວດກາ​ສູນ​ກາງ​ພັກ ທີ່​ມີຜົນ ງານ​ໃນ​ການ​ປະກອບສ່ວນ​ທາງ​ດ້ານ​ເຫື່ອແຮງ ແລະ ສະຕິປັນ ຍາ ໃນ​ການ​ກວດກາ​ຄູ​ກັນ​ນໍ້າ ເຂື່ອນ​ເຊ​ປຽນ​-​ເຊ​ນໍ້າ​ນ້ອຍແຕກ ແລະ ປະກອບສ່ວນ​ທາງ​ດ້ານ​ເຫື່ອແຮງ ແລະ ສະຕິປັນຍາ ກວດກາ​ກະຊວງ, ແຂວງ ຈໍາ​ນວນ​ໜຶ່ງ​ທີ່​ດໍາ​ເນີນໂຄງການ​ບໍ່​ຖືກຕ້ອງ​ຕາມ​ກົດໝາຍ ແລະ ລະບຽບ​ການ​ໃນ​ໄລຍະ​ຜ່ານ​ມາ ໃນ​ນີ້​ໄດ້​ຮັບຫຼຽນ​ໄຊ​ແຮງ​ງານ ຊັ້ນ I ມີ 41 ທ່ານ, ຫຼຽນ​ໄຊ​ແຮງ​ງານ ຊັ້ນ II ມີ 104 ທ່ານ, ຫຼຽນ​ໄຊ​ແຮງ​ງານ ຊັ້ນ III ມີ 53 ທ່ານ, ຫຼຽນ​ກາ​ແຮງ​ງານ ມີ 47 ທ່ານ ແລະ ມອບ​ໃບ​ຍ້ອງຍໍ​ຂອງ​ລັດຖະບານ ມີ 30 ທ່ານ. 
      ໂອກາດ​ນີ້ ທ່ານ ທອງ​ລຸນ ສີ​ສຸ​ລິດ ໄດ້​ໃຫ້​ກຽດ​ໂອ້​ລົມ ແລະ ໃຫ້​ທິດ​ຊີ້​ນຳ ໂດຍ​ເນັ້ນ​ໜັກ​ໃຫ້ ເອົາໃຈໃສ່​ບາງ​ບັນຫາ​ດັ່ງນີ້: 
1. ຄົ້ນຄວ້າກໍາແໜ້ນ​ມະຕິ, ຄໍາ​ສັ່ງ, ຂໍ້​ກໍາ​ນົດ, ກົດ​ລະບຽບ​ຂອງ​ພັກ, ນະໂຍບາຍ, ກົດໝາຍ, ລະບຽບ​ການ, ແຜນ​ພັດທະນາ​ເສດ​ຖະ​ກິດ​-​ສັງຄົມ ຂອງ​ລັດ​ໃນ​ແຕ່​ລະ​ໄລຍະ ແລ້ວ​ຜັນ​ຂະຫຍາຍ, ຫັນ​ເປັນ​ນິຕິ​ກຳ, ກົນ​ໄກ, ລະບຽບ​ການ ອັນ​ລະອຽດ​ກ່ຽວ​ກັບ​ວຽກ​ກວດກາ ແລະ ຕິດຕາມ​ກວດກາ​ເລີ່ມ​ແຕ່​ຫົວທີ ຕໍ່​ການຈັດຕັ້ງ ແລະ ພະນັກງານ; ກໍ​ໃຫ້​ກຳ​ໄດ້​ສະ ພາບ​ຢູ່​ແຕ່​ລະ​ການຈັດຕັ້ງ ເພື່ອ​ຊ່ວຍ​ໃຫ້​ຄະນະ​ພັກ, ການ​ນໍາ​ຢູ່​ບ່ອນ​ນັ້ນ ສະກັດ​ກັ້ນ ແລະ ແກ້​ໄຂ​ປະກົດ​ການ​ຫຍໍ້ທໍ້​ແຕ່​ຫົວທີ, ບໍ່​ໃຫ້​ກາຍເປັນ​ການ​ລະເມີດ ທີ່​ຕ້ອງ​ລົງ​ວິໄນ ໃສ່​ໂທດ. ພ້ອມ​ກັນ​ນີ້ ກໍຕ້ອງ​ຄົ້ນຄວ້າ​ກ່ຽວ​ກັບ​ນະໂຍບາຍ​ໃຫ້​ແກ່​ຄະນະ​ກວດກາ ແລະ ພະນັກງານເຮັດ​ ວຽກ​ກວດການໍາ​ສະເໜີ​ຂັ້ນ ເທິງ​ທີ່​ມີ​ສິດ​ຮັບຮອງ​ປະກາດ​ໃຊ້​ໃຫ້​ໄວ ເພື່ອ​ເຮັດ​ໃຫ້​ມີ​ການ ເຄື່ອນໄຫວວຽກ​ງານ​ກວດກາ ແຂງແຮງ​ຕໍ່​ເນື່ອງ ແລະ ມີ​ປະ ສິດ​ທິ​ຜົນ. 
   2. ຈັດ​ຕັ້ງ​ການ​ໂຄສະນາ​ເຜີຍແຜ່ ຢ່າງ​ແຂງແຮງ, ກວ້າງ ຂວາງ ໃຊ້​ຫຼາຍ​ຮູບ​ການ, ຫຼາຍ​ວິທີ​ການ ໃຫ້​ທຸກ​ການຈັດຕັ້ງ​ພັກ​-​ລັດ, ການຈັດຕັ້ງ​ເສດ​ຖະ​ກິດ​-​ສັງຄົມ, ສະມາຊິກ​ພັກ, ພະນັກງານ, ທະຫານ, ຕຳຫຼວດ ແລະ ພົນລະເມືອງ ຮັບ​ຮູ້​ເຂົ້າໃຈ​ຜົນ​ຮ້າຍ ແລະ ໄພ​ອັນຕະລາຍ​ຂອງ ພະຍາດ​ອາດຍາ​ສິດ, ແນວ​ ຄິດ​ເອກະ​ຊົນ, ການ​ສໍ້ລາດບັງ​ຫຼວງ ແລະ ປະກົດ​ການ​ຫຍໍ້ທໍ້​ຕ່າງໆ ເພື່ອ​ສ້າງ​ສະຕິ​ໃຫ້​ເຂົາ ເຈົ້າເຂົ້າ​ຮ່ວມ​ເຮັດວຽກງານ ​ກວດກາ, ສ່ອງ​ແສງ​ສະພາບ ​ປະກົດການ​ຫຍໍ້ທໍ້ໃຫ້ແກ່ອົງ ການ​ກວດກາ​ຮູ້​ໄວ ເພື່ອ​ຕິດ ຕາມ ກໍາ​ໄດ້ ແລະ ສະເໜີ​ຕໍ່​ ພາກສ່ວນກ່ຽວຂ້ອງ​ທີ່​ມີ​ສິດ ​ແກ້​ໄຂ. 
   3. ຕ້ອງ​ໄດ້​ເອົາໃຈໃສ່ປັບ ປຸງ​ກົງຈັກ​ການ​ຈັດຕັ້ງ ຄະນະ​ກວດກາ​ແຕ່​ລະ​ຂັ້ນ​ໃຫ້​ມີ ຄວາມປອດ​ໃສ, ໜັກ​ແໜ້ນ, ເຂັ້ມແຂງ ສົມ​ຄູ່​ກັບ​ຄວາມ​ຮັບ ຜິດຊອບ​ການເມືອງ, ເພີ່ມ ​ທະວີ​ການ​ກໍ່​ສ້າງ​-ບໍາ​ລຸງ​ພະ ນັກງານ, ກວດກາ​ດ້ານ​ຄຸນ​ທາດ​ການເມືອງ, ຄຸນສົມບັດ​ສິນ​ທໍາ​ປະຕິວັດ, ຈັນ​ຍາ​ບັນ, ຄວາມ​ຮູ້ດ້ານວິຊາ​ການ ແລະ ຄວາມ​ສາມາດ​ໃນ​ການ​ກວດກາ​ຕົວຈິງ; ການ​ກວດກາ​ຕ້ອງ​ຮັບປະກັນ​ຄວາມ​ຖືກຕ້ອງ, ຊັດ​ເຈນ, ທ່ຽງ​ທໍາ, ພາວະ​ວິໄສ, ມີ​ໄຫວ​ພິບ, ຄ່ອງ​ແຄ້ວ, ນີ້ມ​ນວນ, ທັນ​ເວລາ ແລະ ມີ​ຄວາມ​ສັກ​ສິດ. 
   4. ກ່ຽວ​ກັບ​ການ ກວດກາ​ໃນຕໍ່ໜ້າ ໃຫ້​ສຸມ​ໃສ່​ການ​ກະກຽມ ແລະ ການ​ດຳເນີນ​ກອງ​ປະຊຸມ​ໃຫຍ່​ຄັ້ງ​ທີ XI ຂອງ​ພັກ, ກອງ​ປະຊຸມ​ໃຫຍ່​ພັກ​ຂັ້ນ​ແຂວງ ແລະ ກະ​ຊວງ​-​ອົງການ, ໃນ​ນັ້ນ​ໃຫ້​ເອົາໃຈໃສ່​ກວດກາ​ເກັບ​ກໍາ​ຂໍ້​ມູນ​ຄະນະ​ພັກ​ແຕ່​ລະ​ຂັ້ນ ເພື່ອ​ຮັບ​ໃຊ້​ດໍາ​ເນີນ​ຊີວິດ​ການເມືອງ​ໃຫ້​ເລິກເຊິ່ງ ແລະ ກຳ​ແໜ້ນ​ບຸກ​ຄະລາ​ກອນ​ຈະ​ສະໝັກ​ຄະນະ​ພັກ​ຊຸດ​ໃໝ່ ໃຫ້​ຮັບປະກັນ​ຕາມ​ມາດຖານ, ເງື່ອນໄຂ​ທີ່​ສູນ​ກາງ​ໄດ້​ກໍາ​ນົດ​ໄວ້; ສືບຕໍ່​ສຸມໃສ່​ກວດກາ​ໂຄງການ​ລົງທຶນຂອງ​ລັດ ເລີ່ມ​ແຕ່​ຫົວທີ, ໂຄງການ​ກໍ່ສ້າງ​ທາງ​ລົດໄຟ ລາວ​-​ຈີນ, ບັນດາ​ໂຄງການ​ລົງທຶນ​ຂອງ​ລັດ ທີ່​ບໍ່​ຖືກຕ້ອງ​ຕາມ​ລະບຽບ ກົດໝາຍ ແລະ ບັນດາ​ເປົ້າ​ໝາຍ​ທີ່​ພວມ​ດໍາ​ເນີນ​ກວດກາ​ຜ່ານ​ມາ​ຍັງ​ບໍ່​ທັນ​ສໍາ​ເລັດ; ກວດກາ​ພຶດຕິ​ກຳ​ເປັນ​ການ​ສໍ້​ລາດບັງ​ຫຼວງ ຢູ່​ໃນ​ກົງຈັກ​ການຈັດຕັ້ງ​ລັດ ແລະ ບັນດາ​ລັດ​ວິ​ສາ​ຫະ​ກິດ- ການ​ກວດກາ ຕ້ອງ​ຊອກ​ໃຫ້​ເຫັນ​ບັນດາ​ປັດ​ໄຈ ທີ່​ພາໃຫ້​ເກີດ​ປະກົດ​ການ​ຫຍໍ້ທໍ້ ແມ່ນຍ້ອນ​ສາເຫດ​ອັນ​ໃດ, ແມ່ນ​ຄວາມ​ຮັບຜິດຊອບ​ຂອງ​ໃຜ, ຈະ​ແກ້​ໄຂ​ແນວໃດ, ອັນ​ໃດ​ຄວນ​ແກ້​ໄຂ​ທາງ​ບໍລິຫານ, ອັນ​ໃດ​ຄວນ​ດໍາ​ເນີນ​ຄະດີ​ຕາມ​ກົດໝາຍ ໃຫ້​ສັກສິດ ແລະ ເຂັ້ມ​ງວດ. 
   5. ຕ້ອງ​ເປັນ​ເຈົ້າ​ການ ພົວພັນ​ຮ່ວມ​ມື ກັບ​ອົງການ​ກວດກາ​ພັກ, ກວດກາ​ລັດ ແລະ ອົງການ​ຕ້ານ​ການ​ສໍ້​ລາດ​ບັງ​ຫຼວງ ຂອງ​ບັນດາ​ປະເທດ​ເພື່ອນ​ມິດ ແລະ ການຈັດຕັ້ງ​ສາກົນ​ໃຫ້​ເປັນ​ປົກກະຕິ, ໂດຍ​ສະເພາະ​ແມ່ນ​ຊອກ​ຮູ້​ບົດຮຽນ ກ່ຽວ​ກັບ ການ​ສະກັດ​ກັ້ນ ແລະ ຕ້ານ​ການ​ສໍ້ ລາດ​ບັງ​ຫຼວງ ຂອງ​ສະຫາຍ​ຈີນ ແລະ ສະຫາຍ​ຫວຽດນາມ ເພື່ອ​ມາ​ໝູນ​ໃຊ້​ເຂົ້າ​ໃນ​ການ​ປະຕິບັດ​ວຽກ​ງານ​ກວດກາ ຢູ່​ປະເທດ​ພວກ​ເຮົາ; ອອກແຮງ​ໂຄສະນາ​ເຜີຍແຜ່​ໃຫ້​ອົງການ ສາກົນ ແລະ ປະເທດ​ເພື່ອນ​ມິດ​ຮັບ​ຮູ້​ເຂົ້າໃຈ​ແນວທາງ, ນະໂຍບາຍ ໃນ​ການ​ສະກັດ​ກັ້ນ ແລະ ຕ້ານ​ການ​ສໍ້​ລາດ​ບັງ​ຫຼວງ​ຂອງ​ພັກ ແລະ ລັດ​ເຮົາ.
(ຂ່າວ: ກວດກາ​ສູນ​ກາງ, ພາບ: ພູ​ວຽງ​ຄຳ)

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com