ຫົວ​ຂໍ້ : ກອງທຶນຮ່ວມໃຈມອບເງິນ 100 ລ້ານກີບ ໃຫ້ກອງທຶນ ໄຊສົມບູນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 19/02/2020 09:47:17 ຈຳ​ນວນ​ຜູ້​ເຂົ້າ​ຢ້ຽມ​ຊົມ 337 ຄັ້ງ

   ກອງ​ທຶນ​ຮ່ວມ​ໃຈ (ທະນາ ຄານ​ຮ່ວມ​ພັດທະນາ) ໄດ້​ມອບ​ເງິນ ຈໍາ​ນວນ 100 ລ້ານ​ກີບ  ເພື່ອ​ສົມທົບ​ທຶນໃຫ້​ກອງ​ທຶນ ໄຊ​ສົມບູນ ຂອງ​ທະນາຄານ​ແຫ່ງ ສປປ​ ລາວ ເພື່ອ​ພັດທະ ນາສັງຄົມ ໃນ​ແຂວງ​ໄຊ​ສົມ ບູນ,  ເນື່ອງ​ໃນ​ໂອກາດວັນ​ສະເຫຼີມສະຫຼອງ ຄົບຮອບ 30 ປີ ວັນ​ສ້າງຕັ້ງທະນາຄານ​ຮ່ວມ​ພັດທະນາ, ພິທີ​ດັ່ງກ່າວ​ໄດ້​ຈັດ​ຂຶ້ນ​ໃນ​ຫວ່າງບໍ່​ດົນ​ຜ່ານ ​ມາ  ທີ່​ໂຮງແຮມ​ແລນມາກ ນະຄອນຫຼວງ​ວຽງ​ຈັນ, ມອບ​ໂດຍທ່ານ ເອກະ​ພັນ ພະ​ພິທັກ ປະທານ​ສະພາ​ບໍລິຫານທະ ນາຄານ​ຮ່ວມ​ພັດທະນາ ແລະ ຮັບ​ໂດຍ ທ່ານ ນາງ ວັດທະນາ ດາລາ​ລອຍ ຮອງ​ຜູ້​ວ່າການ ທະນາຄານ​ແຫ່ງ ສປປ ລາວ.
   ທະນາຄານ​ຮ່ວມ​ພັດທະ ນາ ໄດ້​ຊ່ວຍເຫຼືອວຽກງານ​ການ ພັດທະນາ​ຊັບພະຍາກອນ​ມະນຸດ ແລະ ການ​ຊ່ວຍເຫຼືອ​ດ້ານ​ມະນຸດ​ສະ​ທໍາເປັນ​ວຽກ​ງານ​ທີ່​ສໍາ​ຄັນ ເພື່ອ​ເປັນ​ການ​ປະກອບສ່ວນ​ທີ່​ສໍາ​ຄັນ ໃນ​ການ​ສ້າງສາ​ພັດທະນາ ປະເທດ ຊາດ​ໃຫ້​ມີ​ຄວາມ​ຮຸ່ງເຮືອງ​ສີ​ວິ​ໄລ.
   ທະນາຄານ​ຮ່ວມ​ພັດທະ ນາ ເປັນ​ທະນາຄານບໍລິການ ດ້ວຍ​ມາດຕະຖານ​ສາກົນ ISO 9001:2015 ບໍລິການ​ທາງ​ດ້ານ​ການ​ເງິນ​ແບບ​ຄົບ​ວົງ​ຈອນ ໃຫ້​ແກ່​ປະຊາຊົນ ໃນ​ທົ່ວ​ປະເທດ ໄດ້​ມີ​ຄວາມ​ສະດວກ​ສະບາຍ​ໃນ​ການ​ເຂົ້າ​ຫາ​ແຫຼ່ງ​ທຶນທີ່​ໝັ້ນຄົງ ແລະ ການ​ບໍລິການ​ທີ່​ມີ​ຄວາມ​ໝັ້ນຄົງ, ໂປ່​ງ​ໃສ, ທະນາຄານ​ຮ່ວມ​ພັດທະນາມີ​ ແຫຼ່ງ​ທຶນ​ພຽງພໍ​ທີ່​ຈະ​ຕອບສະ ໜອງ ໃຫ້​ແກ່​ລູກ​ຄ້າ​ເພື່ອ​ສະ ໜັບສະໜູນທຸລະ​ກິດ​ໃຫ້​ມີ​ຄວາມ​ເຕີບ​ໃຫ່​ຍ​ຂະຫຍາຍຕົວ​ຂຶ້ນ​ໄປ​ເລື້ອຍໆ, ສົມ​ກັບ​ຄຳ​ຂວັນ ທີ່​ວ່າ “ ເຕີບ​ໃຫຍ່​ໄປ​ພ້ອມ​ກັນ”.  

(ຂ່າວ : ຄໍາ​ຕົ້ນ ວໍລະ​ຈັກ)

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110