Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສະ​ພາ ພິ​ຈາ​ລະ​ນາ ກົດໝາຍວ່າດ້ວຍຊາຍແດນແຫ່ງຊາດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 15/11/2021 15:57:29 ຈຳ​ນວນ​​ຢ້ຽມ​ຊົມ 1022 ຄັ້ງ

      ກະຊວງການຕ່າງປະເທດ ສະເໜີກົດໝາຍວ່າດ້ວຍຊາຍແດນແຫ່ງຊາດ ຊຶ່ງເປັນກົດໝາຍສ້າງໃໝ່ ເພື່ອເຮັດໃຫ້ການຄຸ້ມຄອງ, ປົກປ້ອງ ແລະ ຕິດຕາມ ກວດກາ ວຽກງານຊາຍແດນແຫ່ງຊາດ ມີຄວາມເປັນເອກະພາບ, ມີປະສິດທິພາບ ແລະ ປະສິດທິຜົນສູງຂຶ້ນກວ່າເກົ່າ ທັງຮັບປະກັນໃຫ້ການປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດໄວ້ໃຫ້ໝັ້ນຄົງ.

       ກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX, ດໍາເນີນໃນຕອນບ່າຍວັນທີ 15 ພະຈິກ ນີ້ ໂດຍການເປັນປະທານຂອງ ທ່ານ ພົນໂທ ສຸວອນ ເລືອງບຸນມີ ຮອງປະທານສະພາແຫ່ງຊາດ.  ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ໄດ້ສະເໜີຮ່າງກົດໝາຍໝາຍວ່າດ້ວຍຊາຍແດນແຫ່ງຊາດ ໃຫ້ສະມາຊິກສະພາຫ່ງຊາດ () ພິຈາລະນາ ປະກອບຄຳເຫັນ ໃສ່ຮ່າງກົດໝາຍດັ່ງກ່າວ ເພື່ອໃຫ້ມີຄວາມຄົບຖ້ວນສົມບູນ, ຮັດກຸມ, ສອດຄ່ອງກັບກົດໝາຍສາກົນ ແລະ ສົນທິສັນຍາກ່ຽວກັບຊາຍແດນ ທີ່ ສປປ ລາວ ແລະ ປະເທດໃກ້ຄຽງເປັນພາຄີ.

      ທ່ານ ສະເຫຼີມໄຊ ກົມມະສິດ ກ່າວວ່າ: ສປປ ລາວ ມີຊາຍແດນຕິກຈອດກັບ 5 ປະເທດ ຊຶ່ງຕະຫຼອດໄລຍະ 4 ທົດສະວັດ ທີ່ຜ່ານມາ, ພວກເຮົາໄດ້ສໍາເລັດການກໍານົດ ແລະ ປັກຫຼັກໝາຍຊາຍແດນສໍາເລັດ ກັບ 3 ປະເທດ ຄື: ກັບ ສສ ຫວຽດນາມ ທີ່ມີຄວາມຍາວທັງໝົດ 2.337 ກິໂລແມັດ ແລະ ມີຫຼັກໝາຍທັງໝົດ 1.002 ຫຼັກ; ກັບ ສປ ຈີນ ມີຄວາມຍາວທັງໝົດ 508 ກິໂລແມັດ ແລະ ມີຫຼັກໝາຍທັງໝົດ 104 ຫຼັກ; ກັບ ມຽນມາ ມີຄວາມຍາວທັງໝົດ 230 ກິໂລແມັດ ແລະ ມີຫຼັກໝາຍຄູ່ທັງໝົດ 172 ຫຼັກ (ເບື້ອງລະ 86 ຫຼັກໝາຍ) ໂດຍໄດ້ສ້າງສົນທິສັນຍາ ກ່ຽວກັບ ການກໍານົດເສັ້ນຊາຍເເດນ ແລະ ລະບຽບການຄຸ້ມຄອງຊາຍແດນ ກັບສາມປະເທດດັ່ງກ່າວ ເພື່ອເປັນບ່ອນອີງໃຫ້ແກ່ການຄຸ້ມຄອງ ແລະ ປົກປັກຮັກສາຊາຍແດນຮ່ວມກັນ ກໍຄື ການປົກປັກຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ ຕາມຊາຍແດນຮ່ວມກັນ. ພ້ອມດຽວກັນນີ້, ພວກເຮົາກໍກໍາລັງດໍາເນີນການເຈລະຈາກໍານົດເສັ້ນຊາຍແດນ ແລະ ປັກຫຼັກໝາຍຊາຍແດນ ກັບ ຣາຊະອານະຈັກໄທ ທີ່ມີຄວາມຍາວທັງຫມົດ 1.835 ກິໂລແມັດ (ໃນນີ້ທາງນໍ້າ 1.100 ກິໂລແມັດ ແລະ ທາງບົກ 735 ກິໂລແມັດ, ປັດຈຸບັນສໍາເລັດແລ້ວ 37% ຂອງຊາຍແດນທັງໝົດ ໂດຍມີ 211 ຫຼັກໝາຍ; ກັບ ຣາຊະອານະຈັກກໍາປູເຈຍ ມີຊາຍແດນຮ່ວມກັນທັງໝົດປະມານ 535 ກິໂລແມັດ ຊຶ່ງປັດຈຸບັນ ສໍາເລັດແລ້ວ 86% ສາມາດປັກຫຼັກໝາຍ ໄດ້ແລ້ວ 121 ຫຼັກ;

ຕະຫຼອດໄລຍະທີ່ຜ່ານມາ, ການຄຸ້ມຄອງເສັ້ນຊາຍແດນ ແລະ ປົກປັກຮັກສາຫຼັກໝາຍຊາຍແດນ ແມ່ນພວກເຮົາອີງໃສ່ກົດໝາຍສາກົນ ກໍຄື ສົນທິສັນຍາ ແລະ ອະນຸສັນຍາ ກ່ຽວກັບ ຊາຍແດນ ທີ່ ສປປ ລາວ ແລະ ບັນດາປະເທດໃກ້ຄຽງ ເປັນພາຄີ ຊຶ່ງຜ່ານມາກໍຖືວ່າ ໄດ້ຮັບໝາກຜົນເປັນຢ່າງດີ ແຕ່ກໍບໍ່ປາສະຈາກໄດ້ ປະກົດການຫຍໍ້ທໍ້ຕ່າງໆ ທີ່ເກີດຂຶ້ນຕາມເສັ້ນຊາຍແດນ ແລະ ບໍລິເວນຊາຍແດນ ກໍຍ້ອນຄວາມບໍ່ເຂົ້າໃຈ ຫຼື ມີເຈດຕະນາຂອງກຸ່ມຄົນທີ່ບໍ່ຫວັງດີ ແລະ ຄວາມບໍ່ເຂົ້າໃຈຂອງປະຊາຊົນຈໍານວນໜຶ່ງ ຕໍ່ກັບບັນຫາຊາຍແດນ ກໍຄື ພັນທະຂອງຕົນ ໃນການປົກປັກຮັກສາຫຼັກໝາຍຊາຍແດນ. ອີກສາເຫດໜຶ່ງ, ກໍແມ່ນຍ້ອນບໍ່ທັນມີນິຕິກໍາສະເພາະ ທີ່ຄຸ້ມຄອງຊາຍແດນເເຫ່ງຊາດ ແລະ ຫຼັກໝາຍຊາຍແດນ ເພື່ອເປັນບ່ອນອີງທີ່ຊັດເຈນ, ການແບ່ງປັນຄວາມຮັບຜິດຊອບ ຂອງຂະ                     ແໜງການຕ່າງໆ ກໍຄື ລະຫວ່າງສູນກາງ ແລະ ທ້ອງຖິ່ນ ຍັງບໍ່ທັນມີບ່ອນອີງຢ່າງຈະແຈ້ງ, ມີການເອື່ອຍອີງ ແລະ ຖີ້ມຄວາມຮັບຜິດຊອບໃຫ້ກັນບາງຄັ້ງຄາວ, ສ່ວນງົບປະມານ ທີ່ຈະນໍາໃຊ້ເຂົ້າໃນການເຄື່ອນໄຫວປະຕິບັດວຽກງານຊາຍແດນແຫ່ງຊາດ ກໍຍັງເອື່ອຍອີງໃສ່ແຕ່ການຂຶ້ນງົບປະມານຂອງສູນກາງ; ການພັດທະນາເສດຖະກິດ-ສັງຄົມ ຢູ່ບໍລິເວນຊາຍແດນໃນໄລຍະຜ່ານມາ ບາງຄັ້ງຄາວ ຍັງບໍ່ໄດ້ຄໍານຶງເຖິງບໍລິເວນຊາຍແດນທີ່ເປັນເຂດຍຸດທະສາດ ຊຶ່ງຈໍາເປັນສໍາລັບວຽກງານປ້ອງກັນຊາດ-ປ້ອງກັນຄວາມສະຫງົບ ທີ່ຕ້ອງສະຫງວນໄວ້ ແລະ ຍັງບໍ່ທັນມີບ່ອນອີງທີ່ເປັນເອກະພາບກັນ ໃນການອະນຸມັດບາງໂຄງການຢູ່ບໍລິເວນດັ່ງກ່າວ. ດ້ວຍເຫດຜົນເຫຼົ່ານີ້, ຈຶ່ງມີຄວາມຈໍາເປັນຈະຕ້ອງມີກົດໝາຍສະເພາະ ຊຶ່ງກົດໝາຍທີ່ຈະສ້າງໃໝ່ນີ້ ມີ IX ພາກ, 2 ໝວດ ແລະ 61 ມາດຕາ ໂດຍໄດ້ກໍານົດຫຼັກການພື້ນຖານຂອງວຽກງານຊາຍແດນແຫ່ງຊາດ ກໍຄື ການຄຸ້ມຄອງຊາຍແດນແຫ່ງຊາດ ແລະ ຫຼັກໝາຍຊາຍແດນ ລວມທັງພັນທະ-ໜ້າທີ່ຂອງພາກສ່ວນຕ່າງໆ ແຕ່ສູນກາງລົງຮອດທ້ອງຖິ່ນ ລວມທັງ ພົນລະເມືອງລາວ ແລະ ກໍານົດວ່າ ວຽກງານຊາຍແດນແຫ່ງຊາດແມ່ນວຽກງານຂອງໝົດທຸກຄົນ.

ທ່ານລັດຖະມົນຕີກະຊວງການຕ່າງປະເທດ ກ່າວຕື່ມວ່າ: ພາຍຫຼັງທີ່ກົດໝາຍສະບັບນີ້ ຖືກຮັບຮອງ ແລະ ປະກາດໃຊ້, ສປປ ລາວ ຈະມີກົດໝາຍສະເພາະ ທີ່ຈະເປັນບ່ອນອີງໃນການຄຸ້ມຄອງ ແລະ ປົກປັກຮັກສາຊາຍແດນແຫ່ງຊາດ ຢ່າງເປັນລະບົບຄົບຊຸດ ໂດຍສອດຄ່ອງກັບກົດໝາຍສາກົນ ແລະ ສົນທິສັນຍາ ກ່ຽວກັບ ຊາຍແດນ ທີ່ ສປປ ລາວ ແລະ ປະເທດໃກ້ຄຽງເປັນພາຄີ, ທັງເປັນບ່ອນອີງດ້ານກົດໝາຍທີ່ໜັກແໜ້ນ ໃຫ້ແກ່ການເຄື່ອນໄຫວວຽກງານຊາຍແດນແຫ່ງຊາດ ໃຫ້ມີຄວາມເປັນເອກະພາບ, ມີປະສິດທິພາບ ແລະ ປະສິດທິຜົນສູງຂຶ້ນກວ່າເກົ່າ; ຈະເປັນບ່ອນອີງທີ່ສໍາຄັນ ເພື່ອກໍານົດແຜນຍຸດທະສາດ, ແຜນການ, ແຜນງານ ແລະ ໂຄງການ ແລະ ຂຶ້ນງົບປະມານ ເພື່ອພັດທະນາບໍລິເວນຊາຍແດນ ໃຫ້ມີຄວາມເຂັ້ມແຂງຮອບດ້ານ ເຮັດໃຫ້ການຮ່ວມມື ແລະ ປະສານງານ ລະຫວ່າງ ພາກສ່ວນທີ່ກ່ຽວຂ້ອງຢູ່ຂັ້ນສູນກາງ, ລະຫວ່າງສູນກາງ ແລະ ທ້ອງຖິ່ນ ກໍຄື ລະຫວ່າງພາກສ່ວນທີ່ກ່ຽວຂ້ອງ ຢູ່ທ້ອງຖິ່ນກົມກຽວ ແລະ ໂລ່ງລ່ຽນ, ເປັນເອກະພາບ ແລະ ມີປະສິດທິພາບດີຂຶ້ນກວ່າເກົ່າ ເຮັດໃຫ້ພົນລະເມືອງລາວ, ນິຕິບຸກຄົນ ແລະ ການຈັດຕັ້ງຂອງ ສປປ ລາວ ມີຄວາມຮັບຮູ້ ແລະ ເຂົ້າໃຈຢ່າງຈະແຈ້ງກ່ຽວກັບ ຄວາມສໍາຄັນຂອງຊາຍແດນແຫ່ງຊາດ ແລະ ວຽກງານຊາຍແດນແຫ່ງຊາດ, ເຫັນໄດ້ໜ້າທີ່ ແລະ ພັນທະຂອງຕົນໃນການປະກອບສ່ວນເຂົ້າໃນການຄຸ້ມຄອງ ແລະ ປ້ອງກັນຊາຍແດນແຫ່ງຊາດ.

(ຂ່າວ: ສຸກສະຫວັນ, ພາບ: ສໍານານ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com