ຫົວ​ຂໍ້ : ຟີລິບປິນ ຈະເປັນຜູ້ຊື້ເຂົ້າສານຂະໜາດໃຫຍ່ທີ່ສຸດຂອງໂລກ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 19/02/2020 10:48:50 ຈຳ​ນວນ​ຜູ້​ເຂົ້າ​ຢ້ຽມ​ຊົມ 433 ຄັ້ງ

ຂ່າວສານ​ຫວຽດນາມ​ລາຍ​ງານ​ວ່າ: ຕາມ​ບົດ​ລາຍ​ງານ​ສະບັບ​ຫຼ້າ​ສຸດ​ຂອງ​ອົງການ​ກະສິກຳ​ສາກົນ​ທີ່​ຂຶ້ນ​ກັບ​ກະ ຊວງ​ກະສິກຳ ສ.ອາ​ເມ​ຣິ​ກາ (USDA) ລະບຸ​ວ່າ: ປີ​ນີ້, ຟີ​ລິບ​ປິນ ຈະ​ສືບຕໍ່​ເປັນ​ປະເທດ​ຊື້ເຂົ້າ​ ສານ​ຂະໜາດ​ໃຫຍ່​ທີ່ສຸດ​ຂອງ​ໂລກ.
ຂ່າວ​ລະບຸ​ວ່າ: ຟີ​ລິບ​ປິນ ມີ​ທ່າ​​ອ່ຽງ​ຫຼຸດຜ່ອນ​ການ​ຊື້​ເຂົ້າ​ສານ ໂດຍ​ປີ 2020 ຟີ​ລິບ​ປິນ ຄາດ​ວ່າ: ຈະ​ຊື້​ເຂົ້າສານ​ປະມານ 2,5 ລ້ານ​ໂຕນ, ຫຼຸດ​ລົງ 13,8% ເມື່ອ​ທຽບໃສ່ ປີ 2019. USDA ໄດ້​ປັບ​ຫຼຸດ​ໂຕ​ເລກ​ການ​ນຳ​ເຂົ້າ​ລົງ​ເມື່ອ​ທຽບໃສ່​ໂຕ​ເລກ​ທີ່​ໄດ້​ກຳນົດ​ໄວ້ 2,7 ລ້ານ​ໂຕນ ເນື່ອງ​ຈາກ​ແຫຼ່ງ​ສະໜອງ​ພາຍ​ໃນ​ຂອງ ຟີ​ລິບ​ປິນ ກໍ​ມີ​ຫຼາຍ​ສົມ​ຄວນ. ພ້ອມ​ກັນ​ນັ້ນ, ໄດ້​ປະຕິ​ຮູບ​ກຳລັງ​ການ​ຜະລິດ​ເຂົ້າ​ພາຍ​ໃນ​ປະເທດ​ໃນ​ປີ​ນີ້. ນອກ​ນີ້ USDA ຍັງ​ລະບຸ​ວ່າ: ການ​ແລກປ່ຽນ​ການ​ຄ້າ​ທົ່ວ​ໂລກ​ກ່ຽວ​ກັບ​ປະເພດ​ເຂົ້າ​ຈະ​ຫຼຸດ​ລົງ​ຕ່ຳ​ກວ່າ​ໂຕ​ເລກ​ທີ່​ໄດ້​ກຳນົດ​ໄວ້​ເປັນຕົ້ນ ປະເທດ​ເອ​ຢິບ, ຟີ​ລິບ​ປິນ, ​ກີເນ ແລະ ເຄນ​ຢາ. ສ່ວນ ສປ.ຈີນ ຈະ​ສືບຕໍ່​​ຊື້​ເຂົ້າ​ສານ​ປະມານ 2,3 ລ້ານ​ໂຕນ​ໃນ​ປີ​ນີ້, ຈັດ​ເປັນ​ອັນ​ດັບ 2 ຂອງ​ໂລກ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110