Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສະພາ ຮັບຮອງເອົາຫຼາຍບົດລາຍງານ ແລະ ຮ່າງກົດໝາຍ ທີ່ນຳມາພິຈາລະນາ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 16/11/2021 17:45:14 ຈຳ​ນວນ​​ຢ້ຽມ​ຊົມ 1063 ຄັ້ງ

      ກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX ໃນວັນທີ 16 ພະຈິກ ນີ້ໂດຍການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ. ກອງປະຊຸມ ໄດ້ຮັບຟັງການລາຍງານການປັບປຸງເນື້ອໃນຂອງບົດລາຍງານຕ່າງໆ ແລະ ບັນດາຮ່າງກົດໝາຍ ທີ່ໄດ້ສະເໜີສ້າງ, ສະເໜີປັບປຸງ ຕໍ່ກອງປະຊຸມ ແລະ ໄດ້ພ້ອມກັນລົງຄະແນນສຽງຮັບຮອງ ແຕ່ລະບົດລາຍງານ ແລະ ແຕ່ລະຮ່າງກົດໝາຍ.

ກອງປະຊຸມຄັ້ງນີ້, ໄດ້ຮັບຟັງການປັບປຸງເນື້ອໃນຂອງຮ່າງມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບແຜນພັດທະນາພະລັງງານໄຟຟ້າ ຂອງ ສປປ ລາວ (2021-2030), ແຜນພັດທະນາພະລັງງານໄຟຟ້າ ແລະ ບໍ່ແຮ່ 5 ປີ (25021-2025) ຕາມຄຳເຫັນຂອງສະມາຊິກສະພາແຫ່ງຊາດ (ສສຊ) ແລະ ໄດ້ລົງຄະແນນສຽງ 2 ຄັ້ງ ເພື່ອຮັບຮອງເອົາ 2 ແຜນວຽກດັ່ງກ່າວ ດ້ວຍຄະແນນສຽງເຫັນດີເປັນສ່ວນຫຼາຍ.

      ຕໍ່ກັບການປັບປຸງເນື້ອໃນຂອງຮ່າງມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບວິໄສທັດ 20 ປີ (2021-2040, ຍຸດທະສາດ 10 ປີ (2021-2030) ແລະ ແຜນພັດທະນາເສດຖະກິດດີຈີຕອນ ແຫ່ງຊາດ 5 ປີ (2021-2025) ຕາມຄໍາເຫັນຂອງ ສສຊ ຊຶ່ງພາຍຫຼັງຮັບຟັງການລາຍງານ ທີ່ປະຊຸມໄດ້ມີການລົງຄະແນນສຽງຮັບຮອງເອົາບົດລາຍງານດັ່ງກ່າວ ດ້ວຍຄະແນນສຽງເຫັນດີເປັນສ່ວນຫຼາຍ.

      ກອງປະຊຸມ ຍັງໄດ້ໃຫ້ ສສຊ ປະກອບຄຳຄິດຄຳເຫັນໃສ່ ວຽກງານຂອງອົງການກວດກາແຫ່ງລັດ ແລະ ອົງການກວດສອບແຫ່ງລັດ ກ່ອນຈະມີການລົງຄະແນນສຽງຮັບຮອງເອົາ ຮ່າງມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານຂອງອົງການກວດກາແຫ່ງລັດ ກ່ຽວກັບການຈັດຕັ້ງປະຕິບັດ ແຜນການເຄື່ອນໄຫວວຽກງານປະຈຳປີ 2021 ແລະ ແຜນການປະຈຳປີ 2022; ການກວດກາຕາມຜົນການກວດສອບ ປີ 2019. ຮ່າງມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງບົດລາຍງານຂອງອົງການກວດສອບແຫ່ງລັດ ກ່ຽວກັບການຈັດຕັ້ງປະຕິບັດ ແຜນການເຄື່ອນ ໄຫວວຽກງານ ປະຈຳປີ 2021 ແລະ ແຜນການ ປະຈຳປີ 2022; ຜົນການກວດສອບບົດສະຫຼຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2020 ຊຶ່ງທີ່ປະຊຸມໄດ້ລົງຄະແນນສຽງຮັບຮອງແຕ່ລະບົດລາຍງານ ດ້ວຍຄະແນນສຽງເຫັນດີເປັນສ່ວນຫຼາຍ.

      ສສຊ ໄດ້ພ້ອມກັນລົງຄະແນນສຽງເຫັນດີເປັນສ່ວນຫຼາຍ ຮັບຮອງເອົາຮ່າງມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາ ບົດລາຍງານຂອງສານປະຊາຊົນສູງສຸດ ກ່ຽວກັບການຈັດ ຕັ້ງປະຕິບັດແຜນ ການເຄື່ອນໄຫວວຽກງານ ປະຈຳປີ 2021 ແລະ ແຜນການ ປະຈຳປີ 2022. ພ້ອມນີ້, ກໍໄດ້ລົງຄະແນນສຽງເຫັນດີ ຮັບຮອງເອົາຮ່າງມິຕິກອງປະຊຸມສະພາແຫ່ງຊາດ ວ່າດ້ວຍການຮັບ ຮອງເອົາບົດລາຍງານຂອງອົງການໄອຍາການປະຊາຊົນສູງສຸດ ກ່ຽວກັບການຈັດຕັ້ງປະຕິບັດແຜນການ ເຄື່ອນໄຫວວຽກງານ ປະຈຳປີ 2021 ແລະ ແຜນການປະຈຳປຮ 2022. ຈາກນັ້ນທີ່ປະຊຸມ, ກໍໄດ້ລົງຄະແນນສຽງເຫັນດີ ຮັບ ຮອງເອົາການແຕ່ງຕັ້ງສະມາຊິກສະພາຜູ້ພິພາກສາຂອງສານປະຊາຊົນສູງສຸດ ໂດຍມີ ທ່ານ ນາງ ວຽງທອງ ສີພັນດອນ ປະທານສານປະຊາຊົນສູງສຸດ ເປັນ ປະທານສະພາຜູ້ພິພາກສາສານປະຊາຊົນສູງສຸດ.

      ຕໍ່ກັບວຽກງານຂອງສະພາແຫ່ງຊາດ, ສສຊ ໄດ້ລົງຄະແນນສຽງເຫັນດີຮ້ອຍເປີເຊັນເຕັມ ໃນການຮັບຮອງເອົາ ມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາ ບົດສະຫຼຸບການຈັດຕັ້ງປະຕິບັດແຜນການເຄື່ອນໄຫວວຽກງານ ປະຈໍາປີ 2021 ແລະ ແຜນການ ປະຈຳປີ 2022 ຂອງສະພາແຫ່ງຊາດ.

      ຈາກນັ້ນ, ກອງປະຊຸມ ໄດ້ຮັບຟັງການປັບປຸງເນື້ອໃນຂອງບັນດາຮ່າງກົດໝາຍຕ່າງໆ ຈາກພາກສ່ວນກ່ຽວຂ້ອງ ຕາມຄຳເຫັນຂອງ ສສຊ ແລະ ກ່ອນລົງຄະແນນສຽງຮັບຮອງແຕ່ລະຮ່າງກົດໝາຍ ທີ່ໄດ້ນໍາມາສະເໜີຕໍ່ກອງປະຊຸມຄັ້ງນີ້.

      ໃນວາລະຕອນບ່າຍ, ກອງປະຊຸມ ດຳເນີນໂດຍການເປັນປະທານຂອງ ທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ. ກອງປະຊຸມ ໄດ້ສືບຕໍ່ຮັບຟັງການປັບປຸງບາງເນື້ອໃນຂອງບັນດາກົດໝາຍ ຈາກພາກສ່ວນກ່ຽວຂ້ອງ ຕາມຄຳເຫັນຂອງ ສສຊ ແລະ ກອງປະຊຸມໃຫ້ໄດ້ ສສຊ ມີຄໍາເຫັນ ກ່ອນລົງຄະແນນສຽງຮັບຮອງແຕ່ລະຮ່າງກົດໝາຍ ຊຶ່ງໃນຕອນບ່າຍໄດ້ລົງຄະແນນສຽງເຫັນດີເປັນສ່ວນຫຼາຍ ຮັບຮອງເອົາກົດໝາຍຈຳນວນ 4 ສະບັບ (ໃນນີ້, ປັບປຸງມີ 2 ສະບັບ ຄື: ກົດໝາຍວ່າດ້ວຍການຄວບຄຸມຢາສູບ, ກົດໝາຍວ່າດ້ວຍມໍຣະດົກແຫ່ງຊາດ; ກົດໝາຍສ້າງໃໝ່ 2 ສະບັບ ຄື: ກົດໝາຍວ່າດ້ວຍການສໍາຫຼວດວັດແທກ ແລະ ສ້າງແຜນທີ່; ກົດໝາຍວ່າດ້ວຍຊາຍແດນແຫ່ງຊາດ).

      ສ່ວນກົດໝາຍວ່າດ້ວຍງົບປະມານແຫ່ງລັດ (ສະບັບປັບປຸງ) ແລະ ກົດໝາຍວ່າດ້ວຍການປະຕິ ບັດຄຳຕັດສິນຂອງສານ (ສະບັບປັບປຸງ) ແມ່ນຈະມີການພິຈາລະນາ ລົງຄະແນນສຽງຮັບຮອງເອົາໃນວັນທີ 17/11/2021 ນີ້.

 (ຂ່າວ: ສຸກສະຫວັນ, ພາບ: ສໍານານ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com