Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເຈົ້າແຂວງເຊກອງ ຊີ້ນໍາມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 17/11/2021 11:13:25 ຈຳ​ນວນ​​ຢ້ຽມ​ຊົມ 1856 ຄັ້ງ

    ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ໄດ້ມີຄໍາເຫັນຊີ້ນໍາ ແລະ ຮຽກຮ້ອງມາຍັງຄະນະສະເພາະກິດຂັ້ນແຂວງ-ເມືອງ ຈົ່ງສືບຕໍ່ປະຕິບັດມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ.

ກອງປະຊຸມສະຫຼຸບຜົນການຈັດຕັ້ງປະຕິບັດວຽກງານ ແລະ ຖອດຖອນບົດຮຽນການເຄື່ອນໄຫວວຽກງານປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໄດ້ຈັດຂຶ້ນຫວ່າງບໍ່ດົນມານີ້ ທີ່ພະແນກສາທາລະນະສຸກແຂວງ ໂດຍການເປັນປະທານຂອງ ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ມີທ່ານ ຄໍາສອນ ກອນເຍີ ຮອງເຈົ້າແຂວງເຊກອງ ຫົວໜ້າຄະນະສະເພາະກິດຂັ້ນແຂວງ ມີຫົວໜ້າ-ຮອງຫົວໜ້າຄະສະເພາະກິດຂັ້ນແຂວງ-ຂັ້ນເມືອງ ແລະ ວິຊາການກ່ຽວຂ້ອງເຂົ້າຮ່ວມ, ໃນໂອກາດນີ້ ທ່ານ ເຫຼັກໄຫຼ ສີວິໄລ ໄດ້ມີຄໍາເຫັນຊີ້ນໍາ ແລະ ຮຽກຮ້ອງມາຍັງຄະນະສະເພາະກິດຂັ້ນແຂວງ-ເມືອງ ຈົ່ງສືບຕໍ່ປະຕິບັດມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ, ໃຫ້ສືບຕໍ່ຈັດທີມຕະລຸມບອນສັກວັກຊິນໃຫ້ໄດ້ 50% ຂອງປະຊາກອນທົ່ວແຂວງ, ສືບຕໍ່ເອົາໃຈໃສ່ປິ່ນປົວຄົນເຈັບທີ່ຕິດເຊື້ອ ໃຫ້ຫາຍດີໂດຍໄວ, ບໍ່ໃຫ້ມີກໍລະນີເສຍຊີວິດເດັດຂາດ, ສືບຕໍ່ປິດເມືອງ ໂດຍສະເພາະບ້ານທີ່ກໍານົດເປັນເຂດແດງ ຕ້ອງໄດ້ຄຸ້ມຄອງຢ່າງເຂັ້ມແຂງ; ສືບຕໍ່ຄວບຄຸມຜູ້ສໍາຜັດໃກ້ຊິດ C1, C2 ໃຫ້ຄຸ້ມຄອງຢ່າງເຂັ້ມງວດ; ຄຸ້ມຄອງຄົນເຂົ້າ-ອອກແຂວງ-ເມືອງ ເປັນປົກກະຕິ ແລະ ຈໍາກັດບໍລິເວນຜູ້ທີ່ມາຈາກເຂດທີ່ມີຄວາມສ່ຽງ; ຖ້າມີການລະບາດເພີ່ມຂຶ້ນ ຕ້ອງໄດ້ຂະຫຍາຍໂຮງໝໍພາກສະໜາມຕື່ມອີກ, ໃຫ້ຈໍາແນກຜູ້ຕິດເຊື້ອທີ່ມີອາຍຸສູງ ແລະ ມີພະຍາດປະຈໍາຕົວ ໃຫ້ເບິ່ງແຍງຢ່າງໃກ້ຊິດຕື່ມ; ຕອບສະໜອງງົບປະມານໃຫ້ພຽງພໍ, ທ່ວງທັນກັບຄວາມຮຽກຮ້ອງຕ້ອງການກັບໜ້າວຽກທີ່ຈໍາເປັນ ແລະ ຮີບດ່ວນ.

ທ່ານ ຄໍາໄຫຼ ສັນຕິພູມ ຫົວໜ້າພະແນກສາທາລະນະສຸກແຂວງ ຮອງຫົວໜ້າຄະນະສະເພາະກິດຂັ້ນແຂວງໄດ້ລາຍງານວ່າ: ໄດ້ສໍາເລັດຮ່າງຄໍາສັ່ງແນະນໍາ ແຈ້ງການໃນນາມເຈົ້າແຂວງ, ຮອງເຈົ້າແຂວງ (ປະທານຄະນະສະເພາະກິດຂັ້ນແຂວງ) ກ່ຽວກັບມາດຕະການຄວບຄຸມປ້ອງກັນ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ມີ 5 ສະບັບ, ອອກໜັງສືຮັບຮອງໃຫ້ກຸ່ມຄົນ ແລະ ບໍລິສັດເດີນທາງເຂົ້າແຂວງເຊກອງ 12 ສະບັບ, ຮ່າງໃບສະເໜີ 60 ສະບັບ, ແຜນງົບປະມານມີ 30 ກິດຈະກໍາ, ໜັງສືແຈ້ງຕອບ 30 ສະບັບ ແລະ ສະຫຼຸບລາຍງານປະຈໍາວັນ 13 ຄັ້ງ; ມາຮອດວັນທີ 14 ພະຈິກ 2021 ທົ່ວແຂວງ ມີຜູ້ຕິດເຊື້ອສະສົມທັງໝົດ 296 ຄົນ, ຕິດເຊື້ອໃໝ່ 10 ຄົນ; ມາຮອດວັນທີ 15 ພະຈິກ 2021 ມີຜູ້ປິ່ນປົວຫາຍດີລວມທັງໝົດ 42 ຄົນ; ການກວດວິເຄາະສະສົມທັງໝົດ 2.987 ຕົວຢ່າງ, ພົບເຊື້ອສະສົມ 296 ກໍລະນີ ແລະ ໄດ້ກວດວິເຄາະແບບໄວ (ລາປີແຕັດ) ແຕ່ວັນທີ 2-14 ພະຈິກ 2021 ໄດ້ກວດທັງໝົດ 1.028 ຕົວຢ່າງ, ຜົນກວດວິເຄາະທັງໝົດ ພົບຜູ້ຕິດເຊື້ອ 31 ຄົນ;  ຮອດປັດຈຸບັນແຂວງ ໄດ້ຮັບວັກຊິນທັງໝົດ 10 ຮອບ, ຈໍານວນ 138.466 ໂດສ, ສັກເຂັມທີ 1 ທັງໝົດ 64.857 ຄົນ ເທົ່າກັບ 49%, ເຂັມທີ 2 ທັງໝົດ 42.116 ຄົນ ເທົ່າກັບ 31,9%, ວັກຊິນສັກແລ້ວທັງໝົດ 91.164 ໂດສ, ຍັງສືບຕໍ່ສັກ 47.302 ໂດສ (ເປົ້າໝາຍອາຍຸ 18-60 ປີ) ແລະ ໄດ້ເກັບກໍາຂໍ້ມູນປະຊາກອນອາຍຸ 12-17 ປີ ເພື່ອສະເໜີຂໍວັກຊິນຈາກສູນກາງຕື່ມ; ພ້ອມນີ້ໄດ້ຄົ້ນຄ້ວາ, ສ້າງແຜນຄວາມຕ້ອງການຢາປົວພະຍາດ, ອຸ ປະກອນການແພດ, ເຄື່ອງຮັບໃຊ້, ພາຫະນະ ແລະ ສິ່ງຈໍາເປັນອື່ນໆເພື່ອສະເໜີຂັ້ນເທິງພິຈາລະນາ, ໄດ້ຄົ້ນຄ້ວາສູນປິ່ນປົວຈໍານວນ 8 ສູນໃນແຂວງ.

   ນອກນີ້ ໄດ້ກໍານົດພື້ນທີ່ໆມີຄວາມສ່ຽງ, ຈັດກໍາລັງລົງຕິດຕາມເວນຍາມເຂດລະບາດ, ເຂດແດງ, ເຂດເຫຼືອງ ເພື່ອວາງກອງກໍາລັງໃຫ້ພຽງພໍກັບຄວາມຮຽກຮ້ອງຕ້ອງການທົ່ວແຂວງ;  ປັດຈຸບັນທົ່ວແຂວງ ມີໂຮງຮຽນທັງໝົດ 305 ແຫ່ງ, ໂຈະການຮຽນ-ການສອນ 173 ແຫ່ງ, ມີພະນັກງານ, ຄູສອນ ແລະນັກຮຽນຕິດເຊື້ອໂຄວິດ-19 ທັງໝົດ 72 ຄົນ, ຍິງ 39 ຄົນ, ພະນັກງານ ແລະ ຄູສອນ ໄດ້ຮັບວັກຊິນແລ້ວ 1.828 ຄົນ ຍິງ 706 ຄົນ, ໄດ້ນໍາໃຊ້ສະຖານການສຶກສາເປັນສູນກັກກັນ ແລະ ໂຮງໝໍສະ                ໜາມ ຈໍານວນ 6 ແຫ່ງ; ໄດ້ເອົາໃຈໃສ່ຕິດຕາມ ແລະ ຄຸ້ມຄອງແຮງງານນໍາເຂົ້າຈາກພາຍໃນ ແລະ ຕ່າງປະເທດ ໃຫ້ເຂົ້າສູນຈໍາກັດບໍລິເວນຕາມລະບຽບການ, ປັດຈຸບັນມີແຮງງານນໍາເຂົ້າທັງໝົດ 9 ຄົນ ຢູ່ເມືອງທ່າແຕງ, ກະລຶມ ແລະ ດາກຈຶງ; ໄດ້ເອົາໃຈໃສ່ຄຸ້ມຄອງສິນຄ້າພາຍໃນແຂວງ ໃຫ້ຖືກຕ້ອງຕາມລະບຽບການ, ກວດກາການນໍາເຂົ້າ-ສົ່ງອອກສິນຄ້າ ພ້ອມທັງຜັນຂະຫຍາຍ ແລະ ອອກນິຕິກໍາໃຫ້ບັນດາເມືອງ ເພື່ອເປັນບ່ອນອີງໃນການຈັດຕັ້ງປະຕິບັດການຕິດຕາມ, ກວດກາ, ການສະໜອງ ແລະ ຄຸ້ມຄອງລາຄາສິນຄ້າ; ໄດ້ເອົາໃຈໃສ່ໃນການໂຄສະນາປະຊາສໍາພັນ, ເກັບຂ່າວ-ອອກຂ່າວ ປະຈໍາວັນທາງວິທະຍຸ-ໂທລະພາບ ແລະ ສື່ອອນລາຍຕ່າງໆ, ຕອບໂຕ້ແກ້ຂ່າວທີ່ບໍ່ມີມູນຄວາມຈິງ ລວມທັງຖະແຫຼງຂ່າວປະຈໍາວັນຂອງທາງຄະນະສະເພາະກິດ ລວມເປັນໂຕເລກຂ່າວ 21 ຂ່າວ ສົ່ງອອກຜ່ານສື່ວິທະຍຸ-ໂທລະພາບ ພ້ອມທັງໂຄສະນາປະຊາສໍາພັນຂໍ້ມູນຂ່າວສານ ຈາກນິຕິກໍາຕ່າງໆ ກ່ຽວກັບມາດຕະການປ້ອງກັນ, ຄວບຄຸມ ສະກັດກັ້ນພະຍາດໂຄວິດ-19 ທັງໝົດ 110 ເທື່ອຄັ້ງ ໃນ 24 ລາຍການຂອງສະຖານີ, ອອກສະປອດໂຄສະນາກ່ຽວກັບການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ທັງໝົດ 20 ຄັ້ງຕໍ່ວັນ.

(ຂ່າວ-ພາບ: ພຸດທະສອນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com