ຫົວ​ຂໍ້ : ອັດຕະປື ຫຼໍ່ສຽນສົມເດັດ ພະເຈົ້າໄຊຍະເຊດຖາທິລາດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 19/02/2020 11:02:51 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1475 ຄັ້ງ

ງານເທ​ທອງເຫຼືອງ ຫຼ່ໍ​ສຽນ ສົມເດັດ ພະ​ເຈົ້າໄຊ​ຍະເຊ​ດຖາ ​ທິ​ລາດ ທີ່​ວັດ​ທາດພະໄຊ ເມືອງ ໄຊ​ເຊ​ດ​ຖາ ແຂວງອັດຕະ​ປື ນັບ​ແຕ່​ເລີ່ມຕົ້ນ​ເປີດຮັບ​ບໍລິຈາກ​ລະ ດົມ​ທຶນ ເພື່ອການກຸສົນ​ເປັນຕົ້ນ​ມາ,  ໄດ້​ມີ​ພາກສ່ວນ​ພຸດ​ທະບໍລິ ສັດທັງ​ພາກ​ລັດ​-​ເອກະ​ຊົນ ທັງ​ພາຍໃນ ແລະ ຕ່າງປະເທດ​ໄດ້​ ໃຫ້ການ​ປະກອບສ່ວນຕາມສັດ ທາ,  ບໍ່​ວ່າທາງ​ດ້ານ​ວັດ​ຖຸຸຸ  ແລະ ຈິດໃຈເປັນຈຳນວນຫຼວງ​ຫຼາຍ.  ສິ່ງ​ທີ່​ໄດ້​ຈາກ​ການ​ສັດທາແມ່ນ ການ​ປະກອບສ່ວນອັນ​ເປັນມຸງ​ຄຸນມະຫາ​ກຸສົນຢ່າງຫາອັນ​ ປຽບ ​ບໍ່​ໄດ້ເຂົ້າໃນ​ການຕົ້ມທອງຫຼ່ໍສຽນ ​ພະ​ເຈົ້າ​ໄຊຍະ​ເຊດ​ຖາ​ທິ​ລາດ  ໃນ​ຮູບ​ປັ້ນ​ຊົງປະທັບຫຼັງ​ຊ້າງທີ່​ຈະ​ໄດ້​ນຳໄປສະຖິດໄວ້ເປັນອະ ນຸສາວະລີທີ່ສ່ວນອຸທິຍານສາ​ ທາລະນະ  ໃນດິນແດນບ້ານ​ຫາດ​ຊາຍ​ຂາວ  ເມືອງ​ໄຊເຊດ ​ຖາແຫ່ງ​ນີ້  ຊຶ່​ງໄລຍະວັນທີ 1-6 ກຸມພາ 2020 ຜ່ານ​ມາສາມາດ ລະດົມ​ທຶນຜ່ານທະນາຄານ ການ​ຄ້າ​ຕ່າງປະເທດ​ລາວມະ ຫາຊົນໄດ້​ທັງ​ໝົດ 400 ລ້ານ ກວ່າກີບ,    ລວມພາກສ່ວນເຂົ້າ​ ຮ່ວມ​ລະດົມ​ທຶນ​ໄດ້​ທັງ​ໝົດ 1.103 ພາກສ່ວນ ແລະ ສາມາດ ​ໄດ້​ຈຳນວນ​ທອງ​ຫຼ່ໍ​ທັງ​ໝົດ 8.105,5 ກິໂລ, ນັບວ່າໄດ້ຕອບ ​ສະໜອງ​ຄວາມມຸ່ງ​ມາດ​ປາຖະ ໜາ​ຂອງຊາວພຸດທະສາສະນິ ກະຊົນ​ທີ່ເປັນ​ເຈົ້າ​ແຫ່ງ​ສັດທາ ໃນການສ້າງອະນຸສາວະລີ​ ສວນ​ອຸທິຍານສາທາລະນະປູຊະ ນີຍະສະຖານລະນຶກ​ຄຸນງາມ ຄວາມດີບັນພະ​ບູ​ລຸດຂອງສົມ ເດັດ​ເຈົ້າ​ໄຊ​ຍະ​ເຊ​ດ​ຖາ​ທິ​ລາດທີ່​ໄດ້​ອຸທິດ​ຊີວິດ  ​ເພື່ອຊາດສະ ໄໝ​ອານາຈັກ​ລາວ​ລ້ານຊ້າງ   ຊຶ່ງຈະ ​ໄດ້​ສະຖິດໄວ້​ທີ່​ເມືອງໄຊເຊ​ດ ຖານັ້ນໃຫ້ກາຍເປັນ​ສະຖານທີ່​ ທ່ອງ​ທ່ຽວວັດທະນະທຳ​ຕິດພັນ​ກັບ​ປະຫວັດສາດດຶງ​ດູດ​ແຂກ​ທ່ອງ​ທ່ຽວ​ມາ​ຢ້ຽມຢາມໃຫ້​ເຕັມ​ໄປ​ດ້ວຍ​ມູນເຊື້ອ​ວັດທະນະທຳ ນັບ​ມື້​ນັບ​ຫຼາຍ​ຂຶ້ນ.
ເລີ່ມ​ແຕ່ວັນ​ທີ 6 ເດືອນ ກຸມພາ 2020 ເປັນຕົ້ນ​ໄປອຳ ນາດ​ການ​ປົກຄອງ​ແຂວງອັດ​ຕະ​ປືຍັງ​ໄດ້​ສືບຕໍ່ເປີດຮັບການ ​ລະດົມ​ທຶນ​ ໂດຍ​ຜ່ານລະບົບທະ ນາຄານ​ການ​ຄ້າຕ່າງປະເທດ​ລາວ​ມະຫາຊົນ  ໂດຍບັນດາເຈົ້າ​ ສັດທາ​ທັງ​ພາຍ​ໃນ  ແລະ  ຕ່າງ ປະເທດສາມາດໂອນເງິນ​ຜ່ານ ​ເຄົາ​ເຕີ້​ທະນາຄານໄດ້ທຸກສາ ຂາເຊັ່ນ:  ບີຊີເອລວັນ, ໄອ​ແບັງ ແລະ ຕູ້ເອທີເອັມໝາຍເລກບັນ ຊີ 080110001698102001 ສົມເດັດ​ພະ​ເຈົ້າໄຊ​ຍະ​ເຊດຖາ​ທິ​ລາດ ຫຼື ວ່າ ​ທ່ານ​ໃດຫາກມີ​ຄວາມ​ສະດວກແມ່ນ​ສາມາດ ​ເຂົ້າ​ມາ​ປະກອບສ່ວນດ້ວຍຕົວ​ ທ່ານ​ເອງຜ່ານ​ລະບົບທະນາ ຄານ​ການ​ຄ້າ​ຕ່າງປະເທດ​ລາວ ທຸກ​ສາຂາ ຈົນ​ກວ່າໂຄງການ​ກໍ່ ສ້າງ​ສຳເລັດ ດັ່ງນັ້ນ, ຈຶ່ງ​ຂໍ​ເຊີນ​ທຸກ​ທ່ານ​ຜູ້​ໃຈ​ບຸນ​ທົ່ວ​ສັງຄົມທັງ ​ພາຍ​ໃນ,  ຕ່າງ​ແຂວງ  ແລະ ຕ່າງ ປະເທດທີ່​ມີ​ຈິດໃຈ​ຮ່ວມທຳບຸນ​ ກຸສົນ​ເຂົ້າ​ໂຄງການ​ກໍ່ສ້າງອະ ນຸສາວະລີຮູບປັ້ນສົມເດັດເຈົ້າ ໄຊຍະ​ເຊ​ດ​ຖາ​ທິ​ລາດມະ​ຫາ​ລາດ  ຊົງ​ປະທັບຊ້າງມີນຳ້ໜັກ ທັງ​ໝົດ 18 ໂຕນ, (ມູນ​ຄ່າ​ທອງ ເຫຼືອງ 1 ກິໂລ ​ເທົ່າ​ກັບ 50.000 ກີບ) ໃຫ້​ເປັນ​ຮູບ​ປະທຳ ແລະ ສຳເລັດ​ໄປ​ຕາມ​ເວລາ​ກຳນົດ​ໄວ້. 
    (ຂ່າວ-​ພາບ: ມາລາ​ທິບ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110