Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ແຫຼ່ງທ່ອງທ່ຽວ 4.000 ຂຸມ ບ້ານທ່າຄັນຊຸມຊົວ ໜ້າທ່ຽວຊົມ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 17/11/2021 15:26:24 ຈຳ​ນວນ​​ຢ້ຽມ​ຊົມ 5357 ຄັ້ງ

 

                                                                              ໂດຍ: ສິດຕາ ເພັດວົງສາ

  ເມືອງລະຄອນເພັງ ກໍເປັນອີກເມືອງໜຶ່ງຂອງແຂວງສາລະວັນ ທີ່ເປັນເມືອງໜ້າທ່ຽວຊົມ ແລະ ມີຄວາມສົນໃຈຫຼາຍຂອງແຂກຕ່າງບ້ານ, ຕ່າງເມືອງ, ຕ່າງແຂວງ ແລະ ຕ່າງປະເທດ ເພາະວ່າແຫຼ່ງທ່ອງທ່ຽວ 4.000 ຂຸມ ບ້ານທ່າຄັນຊຸມຊົວ ນີ້ແມ່ນເປັນເຂດແຫຼງທ່ອງທ່ຽວທີ່ມີການເຊື່ອມຕໍ່ກັບປະເທດໄທ, ດັ່ງນັ້ນ, ສະຖານທີ່ທ່ອງທ່ຽວແຫ່ງດັ່ງກ່າວນີ້ຈຶ່ງເປັນໜຶ່ງໃນສະຖານທີ່ທ່ອງທ່ຽວຂອງເມືອງທີ່ແຂກຕ່າງບ້ານ ຕ່າງເມືອງ ແລະ ຕ່າງປະເທດໃຫ້ຄວາມສົນໃຈ ແລະ ຢາກໄປສຳຜັດໃກ້ຊິດ ເບິ່ງ ແລະ ຊົມຄວາມງາມຂອງຂອງທຳມະຊາດ, ປະຫັວດຄວາມເປັນມາຕ່າງໆຂອງບ້ານ ແລະ ປະຫວັດຂອງວັດໃນບ້ານນີ້.

4000 ຂຸມ ແມ່ນຂຸມຫີນ ຫຼື ໂບກຫີນທີ່ເກີດຂຶ້ນ ໂດຍທໍາມະຊາດ ຊຶ່ງອາດຈະແມ່ນການເຊາະເຈື່ອນຂອງນໍ້າຂອງ ຄວາມແຮງຂອງກະແສນໍ້າທີ່ໄຫຼຜ່ານ, ສະຖານທີ່ນັ້ນແມ່ນຢູ່ທິດຕາເວັນຕົກເຂດບ້ານທ່າ ຊາຍແດນລາວ-ໄທ ຊຶ່ງມີມາແຕ່ຫຼາຍປີກ່ອນ, ແຕ່ມາຮອດປີ 2009 ໄດ້ມີນັກສໍາຫຼວດຈາກປະເທດໄທ 3 ທ່ານ ໂດຍຮ່ວມມືກັບອໍານາດການປົກຄອງແຂວງ, ເມືອງ ແລະ ບ້ານ ກໍຄືຊາວບ້ານທ່າຄັນຊຸມຊົວ ໄດ້ລົງເຄື່ອນໄຫວສໍາຫຼວດເປັນເທື່ອທໍາອິດ ໄດ້ພົບເຫັນຫີນທີ່ຖືກນໍ້າເຊາະເຈື່ອນເປັນຮູບຮ່າງລັກສະນະຕ່າງໆນາໆ ແລະ ຊາວບ້ານກໍເອີ້ນຕາມສິ່ງທີ່ເປັນລັກສະນະຕ່າງໆເຊັ່ນ: 4.000 ຂຸມ, ໄມ້ເປັນຫີນ, ຂົວນາງນີ, ຖໍ້າພວງ ບ່ອນພະຍານາກຈໍາສິນ, ງູຊວງ ແລະ ປ່າໄມ້ 1.000 ປີ ແລະ ໄດ້ເປີດເປັນສະຖານທີ່ທ່ອງທ່ຽວ ໃນລະຫວ່າງວັນທີ 12-20 ເມສາ 2009 ຊຶ່ງໃນນັ້ນມີຄົນໄທເຂົ້າມາທ່ຽວທັງໝົດ 109 ຄົນ/52ຄົນ ແລະ ສ້າງລາຍຮັບ 3.815 ບາດ (ສະກຸນເງິນໄທ).

ປັດຈຸບັນນີ້ສະຖານທີ່ທ່ອງທ່ຽວດັ່ງກ່າວບັນດາທ່ານການນຳແຕ່ລະຂັ້ນກໍໄດ້ເອົາໃຈໃສ່ໃນການບູລະນະພັດທະນາຈຸດ ແລະ ສະຖານທີ່ທ່ອງທ່ຽວດັ່ງກ່າວ ເປັນຕົ້ນກໍແມ່ນການບໍລິການຕ່າງໆເພື່ອເຮັດໃຫ້ປະຊາ ຊົນມີລາຍຮັບ, ລາຍໄດ້ຈາກແຂກທີ່ເຂົ້າມາທ່ຽວຊົມ, ພ້ອມທັງມີການພັດທະນາບ້ານ ແລະ ພັດທະນາຊີວິດການເປັນຢູ່ໃຫ້ດີຂຶ້ນເທື່ອລະກ້າວ, ຖືກຕ້ອງຕາມແນວທາງຂອງພັກ-ລັດວາງອອກ, ບ້ານທ່າຄັນຊຸມຊົວ ໄດ້ສ້າງບ້ານຂຶ້ນໃນປີ 1624 ໂດຍແມ່ນປະຊາຊົນເມືອງຜອງ (ແຂວງສະຫັວນນະເຂດ ໃນປັດຈຸບັນ) ແລະ ອີກສ່ວນໜຶ່ງແມ່ນມາຈາກບ້ານຫ້ວຍມ່ວງ ພາກອີ່ສານ ຂອງປະເທດໄທ ໃນປັດຈຸບັນ ຊຶ່ງມີ 7 ຄອບຄົວ ໂດຍແມ່ນພໍ່ໃຫຍ່ພານເພັງ ເປັນຜູ້ນໍາພາມາຕັ້ງ ເນື່ອງຈາກວ່າ ພໍ່ໃຫຍ່ພານເພັງ ເປັນນາຍພານລ່າເນື້ອ ແຕ່ກ່ອນດິນແດນແຫ່ງນີ້ເປັນບ່ອນທີ່ອຸດົມສົມບູນໄປດ້ວຍສັດປ່ານາໆຊະນິດເຊັ່ນ: ແຮດ, ເມີຍ, ຊ້າງ ແລະ ສັດອື່ນໆ, ສະນັ້ນ, ພໍ່ໃຫຍ່ພານເພັງ ຈຶ່ງມາຕັ້ງຢ້າວປຸກເຮືອນຢູ່ດິນແດນແຫ່ງນີ້ ເພາະເຫັນວ່າເປັນທົ່ງພຽງທີ່ອຸດົມສົມບູນໃນການສ້າງຢູ່ທໍາກິນ.

ບ້ານທ່າຄັນຊຸມຊົວ ໃນເມື່ອກ່ອນເອີ້ນວ່າ: ບ້ານທ່າຄໍາປາກດີ ຊຶ່ງຕັ້ງຢູ່ຫ້ວຍໝາກຈອກ, ມາຮອດປີ 1632 ຍ້າຍມາຕັ້ງຢູ່ ບຸ່ງອີແຍ້ ເອີ້ນວ່າ: ບ້ານທ່າຄັນຊຸມດີ, ມາຮອດປີ 1838 ໄດ້ຍ້າຍມາຕັ້ງຢູ່ໃຕ້ ຍ້າຍມາຕັ້ງຢູ່ແກ້ງບຸ່ງວັງປາກ ແລ້ວເອີ້ນວ່າ: ບ້ານທ່າຄັນຊຸມຊົວ ຈົນມາຮອດປັດຈຸບັນ. ການດໍາລົງຊີວິດຂອງຊາວບ້ານຜ່ານມາແມ່ນຂຶ້ນກັບທໍາມະຊາດ ທໍາມາຫາກິນຕາມພູຜາປ່າດົງ ເປັນການລ້ຽງຊີບໃນແຕ່ລະວັນ ມີການເຊື່ອຖືງົມງວາຍ ເວລາເຈັບປ່ວຍກໍວ່າແມ່ນຍ້ອນເປົ້າໂພງຜີ ຕ້ອງໄດ້ກາບຫວ້າຍ ເປົ່າຜົ່ນ ເປັນການປິ່ນ, ເພາະສະໄໝນັ້ນແມ່ນບໍ່ໄດ້ປິ່ນປົວຢູ່ໂຮງໝໍ ໄລຍະທາງກໍຫ່າງໄກ ເສັ້ນທາງກໍບໍ່ສະດວກ ການດໍາລົງຊີວິດຂອງປະຊາຊົນສະໄໝນັ້ນແມ່ນພົບກັບຄວາມຫຍຸ້ງຍາກຫຼາຍ.

ຕົກມາຮອດປີ 1975 ເມື່ອປະເທດຊາດໄດ້ຮັບການປົດປ່ອຍ ພັກ ແລະ ລັດຖະບານ ໄດ້ນໍາແນວທາງນະໂຍບາຍມາເຜີຍແຜ່ໃຫ້ປະຊາຊົນຮັບຮູ້ເຂົ້າໃຈຢ່າງເລິກເຊິ່ງ ແລ້ວພ້ອມກັນເດີນຕາມແນວທາງອັນສະຫຼາດສ່ອງໃສ ເພິ່ນໄດ້ເອົາໃຈໃສ່ໃນວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ຮັກສາສຸຂະພາບເປັນຫຼັກ, ເອົາວຽກງານພັດທະນາເສດຖະກິດ-ສັງຄົມ ເປັນສໍາຄັນ, ບ້ານທ່າຄັນຊຸມຊົວ ແມ່ນຕັ້ງຢູ່ທາງທິດຕາເວັນຕົກ ຂອງເມືອງລະຄອນເພັງ ແຂວງສາລະວັນ, ຫ່າງຈາກຕົວເມືອງລະຄອນເພັງ ແລະ ເສັ້ນທາງຫຼວງເລກທີ 13 ໄປທາງທິດຕາເວັນຕົກ 30 ກິໂລແມັດ, ທິດເໜືອຕິດກັບບ້ານດອນໝາກເກືອ ເມືອງລະຄອນເພັງ, ທິດໃຕ້ຕິດກັບບ້ານພູກາສີ ເມືອງລະຄອນເພັງ, ທິດຕາເວັນອອກຕິດກັບປ່າສະຫງວນ ແລະ ບ້ານພູສີແກ້ວ, ທິດຕາເວັນຕົກຕິດກັບແມ່ນໍ້າຂອງ ຊາຍແດນລາວ-ໄທ.

ບ້ານທ່າຄັນຊຸມຊົວ ມີເນື້ອທີ່ທັງໝົດ 1.931 ຮຕ, ປະກອບມີ 1 ຊົນເຜົ່າ ຄື: ຊົນເຜົ່າລາວລຸ່ມ ອາຊີບເຮັດນາເປັນຫຼັກ, ອາຊີບເສີມແມ່ນການປູກ, ການລ້ຽງ ແລະ ຄ້າຂາຍ, ນາມມະຍົດທີ່ບ້ານໄດ້ຮັບ:ບ້ານພັດທະນາ, ບ້ານສາທາລະນະສຸກແບບຢ່າງ, ບ້ານວັດທະນະທໍາ, ບ້ານປອດຄະດີ, ບ້ານແມ່ຍິງ 3 ດີ, ບ້ານຕົວແບບຊາວໜຸ່ມ 4 ບຸກ, ບ້ານຈົບຊັ້ນປະຖົມ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com