ຫົວ​ຂໍ້ : ສະຫຼອງວັນປະສູດຂອງ ສົມເດັດພະເຈົ້າຈັກກະພັດຍີ່ປຸ່ນ ແລະ ວັນສ້າງຕັ້ງສາຍພົວພັນການທູດ ຍີ່ປຸ່ນ-ລາວ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 20/02/2020 08:43:06 ຈຳ​ນວນ​ຜູ້​ເຂົ້າ​ຢ້ຽມ​ຊົມ 256 ຄັ້ງ

  ທ່ານ ທາ​ເກ​ວະ​ກະ ເຄ​ໂຊ ເອກ​ອັກ​ຄະ​ຣາ​ຊະ​ທູດ​ຍີ່ປຸ່ນ ປະ​ຈໍາ​ລາວ ໄດ້​ຈັດ​ງານ​ລ້ຽງ ເພື່ອສະ ເຫຼີມສະຫຼອງ​ວັນ​ປະສູດ​ຂອງ ສົມເດັດ​ພະ​ເຈົ້າຈັກກະພັດນາ​ຣຸ​ຮິ ໂຕະ ຄົບຮອບ 60 ພັນສາ ທີ່​ກໍາ​ລັງ​ຈະ​ມາ​ເຖິງ ໃນ​ວັນ​ທີ 23 ກຸມພານີ້  ແລະ  ຍັງ​ເປັນ​ການ​ສະ ເຫຼີມສະຫຼອງວັນ​ສ້າງຕັ້ງ​ສາຍ​ພົວພັນ​ທາງ​ການ​ທູດ​ລະຫວ່າງ ຍີ່ປຸ່ນ ແລະ ສປປ ລາວ ຄົບຮອບ 65 ປີ ລວມ​ທັງ​ຄົບຮອບ 5 ປີ ຂອງ​ສາຍ​ພົວພັນ​ຄູ່​ຮ່ວມ​ຍຸດ ທະ ສາດ  ຊຶ່ງ​ເປັນ​ງານ​ລ້ຽງ​ຄັ້ງ​ທໍາ​ອິດ​ຢູ່ ສປປ ລາວ ພາຍ​ໃຕ້​ສະໄໝ ເຣວະ ໃໝ່​ຂອງຍີ່​ປຸ່ນ.
  ພິທີ​ດັ່ງກ່າວ ໄດ້​ຈັດ​ຂຶ້ນ​ໃນ​ ວັນ​ທີ 18 ກຸມພາ​ນີ້ ທີ່​ເຮືອນ​ພັກ​ຂອງ​ທ່ານ​ທູດ​ຍີ່ປຸ່ນ  ປະຈຳ ສປປ ລາວ ໂດຍ​ມີ​ທ່ານ  ສະເຫຼີມໄຊ ກົມ​ມະ​ສິດ   ລັດຖະມົນຕີ​ກະ ຊວງ​ການຕ່າງປະເທດ, ທ່ານ​ນາງ ແສງ​ເດືອນ ຫຼ້າ​ຈັນທະບູນ ລັດຖະມົນຕີ​ກະຊວງ​ສຶກສາ​ທິ​ການ ແລະ  ກິລາ  ປະທານສະມາ ຄົມ​ມິດຕະພາບ ​ລາວ-​ຍີ່ປຸ່ນ ພ້ອມ​ດ້ວຍ​ບັນດາ​ລັດຖະມົນຕີ, ຮອງ​ລັດຖະມົນຕີ,  ທູຕານຸທູດ ແຂກ​ຖືກເຊີນເຂົ້າ​ຮ່ວມ.
  ທ່ານ ທາ​ເກ​ວະ​ກະ ໄດ້​ກ່າວ​ບົດ​ປາ​ໄສ​ເພື່ອ​ເປັນການ ລະນຶກ​ເຖິງ​ຜົນ​ສໍາ​ເລັດ​ພາຍໃຕ້ ສາຍ​ພົວພັນ​ການ​ຮ່ວມມືທີ່ເຂັ້ມ ແຂງ​ລະຫວ່າງຍີ່ປຸ່ນ ແລະ ສປປ ລາວ ໃນ​ຫຼາຍ​ຂົງເຂດ ຊຶ່ງ​ທັງ​ສອງ​ຝ່າຍ​ໄດ້​ມີການພົບປະກັນ​ຢ່າງ​ເລິກເຊິ່ງ​ໃນ​ຫຼາຍລະດັບ ລວມ​ທັງ​ໃນ​ລະດັບນາຍົກລັດ ຖະມົນຕີໄດ້​ມີ​ການ​ເພີ່ມ​ທະວີ​ ສາຍ​ພົວພັນ​ທາງ​ດ້ານ​ເສດຖະ ກິດ ແລະ ການ​ແລກປ່ຽນ​ໃນຂົງ ເຂດ​ຊາວ​​ໜຸ່ມ ແລະ ກິລາ ແລະ ກ່າວ​ຢໍ້າ​ເຖິງ​ຄວາມ​ຕັ້ງໃຈ​ຂອງ​ຍີ່ປຸ່ນທີ່​ຈະ​ເປັນ​ຄູ່​ຮ່ວມ​ມື​ທີ່​ໝັ້ນ ຄົງ ແລະ ເຊື່ອ​ຖື​ໄດ້​ຂອງ  ສປປ ລາວ.
  ໂອກາດ​ດຽວ​ກັນ ທ່ານ ​ສະເຫຼີມ​ໄຊ ກົມ​ມະ​ສິດ ລັດຖະ ມົນຕີ​ກະຊວງ​ການ​ຕ່າງປະເທດ ຕາງໜ້າ​ພັກ​-​ລັດຖະບານ ແລະ ຄຳ​ອວຍພອນ​ໄຊຂອງ​ທ່ານ    ບຸນ​ຍັງ ວໍລະ​ຈິດ ປະທານ​ປະ ເທດ​ແຫ່ງ ສປປ ລາວ ຕໍ່​ສົມເດັດ​ພະ​ເຈົ້າ​ຈັກກະພັດ ນາ​ຣຸ​ຮິ​ໂຕະ ແຫ່ງ​ປະເທດ​ຍີ່ປຸ່ນ  ນອກ​ນັ້ນ ຍັງ​ມີ​ການ​ເປີດເຜີຍ​ສັນຍາ​ລັກ​ໃໝ່ ທີ່​ໄດ້​ສະແດງ​ເຖິງ​ການ​ສະ ເຫຼີມສະຫຼອງ​ສາຍ​ພົວພັນ​ການ​ທູດ​ທັງ​ສອງ​ຝ່າຍ​ຄົບຮອບ 65 ປີ ລວມ​ທັງ 5 ປີ ຂອງສາຍພົວ ພັນ​ຄູ່​ຮ່ວມ​ຍຸດທະສາດນຳ​ອີກ. ສັນຍາ​ລັກ​ດັ່ງກ່າວ​ປະກອບ​ດ້ວຍ​ຮູບ​ຫົວ​ຊ້າງ ແລະ ດອກຊາ​ ກຸ​ຣະ ເປັນ​ຮູບ​ໂຕ​ເລກ 65 ເພື່ອ​ ສະແດງ​ອອກ​ໃຫ້ເຫັນ​ເຖິງມິດ ຕະພາບ​ທີ່​ເຂັ້ມແຂງ​ລະຫວ່າງ ຍີ່ປຸ່ນ ແລະ ສປປ ລາວ ທີ່​ມີ​ມາ​ຢ່າງ​ຍາວ​ນານ.
  ໂອກາດ​ງານ​ລ້ຽງ​ນີ້, ທ່ານ​ທູດໄດ້​ມອບ​ໃບ​ຍ້ອງຍໍໃຫ້ກັບ ທ່ານ ທະວີ​ໄຊ ໄຊ​ທິ​ລາດ ເພື່ອ ​ຊົມເຊີຍຜົນງານ​ການ​ປະກອບ ສ່ວນ​ຊ່ວຍ​ເສີມ​ສ້າງ​ຄວາມ​ເຂົ້າ ໃຈ ແລະ ມິດຕະພາບ​ຊຶ່ງ​ກັນ ແລະ ກັນ​ລະຫວ່າງ ຍີ່ປຸ່ນ ແລະ ສປປ ລາວ ບັນດາ​ຕົວ​ແທນ​ຈາກ​ບໍລິສັດ​ຍີ່ປຸ່ນ ແລະ ອົງການ​ທີ່​ບໍ່​ສັງກັດ​ລັດຖະບານ  (NGOs) ທີ່​ກໍາ​ລັງ​ດໍາ​ເນີນ​ກິດຈະການ​ໃນ ສປປ ລາວ ພ້ອມ​ຮ່ວມວາງ ສະແດງ​ຮູບ​ພາບ​ກິດ​ຈະ​ກໍາ ແລະ ຜົນງານ​ຂອງ​ພວກ​ເຂົາ.
   (ຂ່າວ-ພາບ: ສຸກ​ສະຫວັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110