ຫົວ​ຂໍ້ : ລາວ-ຫວຽດນາມ ສືບຕໍ່ຮັດແໜ້ນການພົວພັນ ຮ່ວມມືສອງຝ່າຍ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 20/02/2020 08:50:00 ຈຳ​ນວນ​ຜູ້​ເຂົ້າ​ຢ້ຽມ​ຊົມ 276 ຄັ້ງ

  ພິທີ​ພົບ​ປະສອງ​ຝ່າຍລະຫວ່າງສະຫາຍ ສະເຫຼີມ​ໄຊ ກົມ​ມະ​ສິດ  ລັດຖະມົນຕີ​ກະຊວງ​ການ​ຕ່າງປະເທດ ແຫ່ງ ສປປ ລາວ ແລະ ສະຫາຍ ຟ້າມ ບິ່ງ ມິງ  ຮອງ​ນາຍົກລັດຖະມົນຕີ  ລັດຖະມົນຕີ​ກະຊວງການຕ່າງປະເທດ ແຫ່ງ ສສ ຫວຽດນາມ ໄດ້ມີຂຶ້ນໃນ​ວັນ​ທີ 19 ກຸມພາ​ນີ້ ທີ່​ນະຄອນຫຼວງ​ວຽງ​ຈັນ ໃນ​ໂອກາດທີ່ສະຫາຍ ຟ້າມ ບິ່ງ ມິງ ພ້ອມດ້ວຍຄະນະເດີນທາງ​ເຂົ້າຮ່ວມ​ກອງ​ປະຊຸມ​ລັດຖະມົນຕີ​ຕ່າງປະເທດແມ່ນ້ຳ​ຂອງ​-​ແມ່ນ້ຳ​ລ້ານຊ້າງ  ຄັ້ງທີ 5 ແລະ ກອງປະຊຸມລັດຖະມົນຕີຕ່າງ ປະເທດອາ​ຊຽ​ນ-​ຈີນ ສະໄໝ​ພິເສດ ໃນ​ລະຫວ່າງ​ວັນ​ທີ 19-21 ກຸມພາ 2020 ທີ່ ສປປ ລາວ ​ເປັນ​ເຈົ້າ​ພາບ.
  ການ​ພົບ​ປະ​ຄັ້ງ​ນີ້, ສອງ​ຝ່າຍໄດ້ຕີ​ລາຄາ​ສູງຕໍ່ສາຍພົວພັນ​ມິດຕະພາບ​ທີ່​ເປັນ​ມູນເຊື້ອ, ຄວາມ​ສາມັກຄີ​ພິເສດ ແລະ ການຮ່ວມ​ມືຮອບດ້ານລະ ຫວ່າງສອງ​ພັກ,  ສອງ​ລັດກໍ​ຄື ສອງ​ກະຊວງ​ການ​ຕ່າງປະເທດ ລາວ​-​ຫວຽດນາມ ທີ່ໄດ້​ຮັບການ ​ເສີມ​ຂະຫຍາຍ​ຢ່າງ​ບໍ່ຢຸດຢັ້ງໃນ ​ທຸກ​ຂົງເຂດ​ວຽກ​ງານ ໂດຍ​ສະ ເພາະ​ແມ່ນ ໄດ້​ມີ​ການ​ແລກປ່ຽນ​ການ​ຢ້ຽມຢາມ​ຂອງ​ການ​ນຳຂັ້ນ ​ສູງ​ສອງ​ປະເທດຢ່າງ​ເປັນ​ປົກ ກະຕິ, ມີ​ການ​ຮ່ວມ​ມື​ຂອງບັນ ດາ​ກະຊວງ​ຂະແໜງການ ແລະ ລະຫວ່າງສອງ​ກະຊວງການ​ ຕ່າງປະເທດ ຊຶ່ງຈະ​ສືບຕໍ່ຮ່ວມ​ ມື​ກັນ​ຢ່າງ​ໃກ້ຊິດ ເພື່ອ​ເປັນ​ເສ ນາ​ທິ​ການ​ໃຫ້​ແກ່​ຂັ້ນ​ເທິງ  ໃນ​ ການ​ຊຸກຍູ້​ການຈັດຕັ້ງປະຕິບັດ ​ບັນດາ​ຂໍ້​ຕົກລົງ​ຕ່າງໆທີ່ສອງ ​ຝ່າຍ​ໄດ້ລົງນາມ​ຮ່ວມ​ກັນກໍຄື ການ​ຊີ້​ນຳ​ຂອງ​ສອງ​ນາຍົກລັດ ຖະມົນຕີ ລາວ​-​ຫວຽດນາມ ໃນ​ໂອກາດກອງ​ປະຊຸມ ຄັ້ງ​ທີ 42 ປະຈຳ​ປີ 2020 ຂອງ​ຄະ​ນະ​ກໍາ​ມະ​ການ​ຮ່ວມ​ມື​ທະວິ​ພາຄີ ລະຫວ່າງ​ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ທີ່ຮ່າ​ໂນ້ຍ ສສ ຫວຽດນາມ ເມື່ອ​ຕົ້ນ​ເດືອນ​ມັງກອນ​ທີ່​ຜ່ານ​ມາ​ໃຫ້​ສໍາ​ເລັດ​ຕາມ​ຄາດໝາຍ​ທີ່​ໄດ້​ວາງ​ໄວ້. ພິເສດ ໃນ​ປີ 2020 ນີ້, ສອງ​ກະຊວງ​ການ​ຕ່າງປະເທດ ລາວ​-​ຫວຽດນາມ ຈະ​ໄດ້​ຮ່ວມ​ກັນ​ສ້າງ​ກິດຈະກຳ ເພື່ອ​ສະເຫຼີມສະຫຼອງ​ວັນ​ສຳຄັນ​ຕ່າງໆເຊັ່ນ:  ວັນ​ສ້າງ ຕັ້ງ​ພັກ​ກອມ​ມູ​ນິດ​ຫວຽດນາມ ຄົບຮອບ 90 ປີ ແລະ ວັນ​ສ້າງ ຕັ້ງ​ພັກ​ປະຊາຊົນ​ປະຕິວັດ​ລາວ ຄົບຮອບ 65 ປີ; ວັນ​​ເກີດ​ຂອງ​ປະທານ​ ໂຮ່​ຈິມິນ ຄົບຮອບ 125  ປີ ແລະ ປະທານ ​ໄກສອນ ຄົບ ຮອບ  100 ປີ;  ວັນຊາດຫວຽດ ນາມ ຄົບຮອບ 75 ປີ; ວັນຊາດ​ລາວ ຄົບຮອບ 45 ປີ ແລະ ວັນ​ປົດ​ປ່ອຍ​ພາກ​ໃຕ້​ຫວຽດນາມ ຄົບຮອບ 45 ປີ.
  ນອກຈາກ​ນີ້, ສອງ​ຝ່າຍຍັງ​ໄດ້ແລກປ່ຽນ​ທັດສະນະກ່ຽວ​ກັບສະພາບ​ການ​ພາກ​ພື້ນ ແລະ ສາກົນທີ່​ສອງ​ຝ່າຍ​ມີ​ຄວາມສົນ ໃຈ;  ມີ​ການ​ປຶກສາ​ຫາລື​ໃນ​ການ​ກະກຽມການ​ເຂົ້າ​ຮ່ວມ​ກອງ ປະຊຸມ​ສຸດ​ຍອດ​ອາ​ຊຽນ​ຕ່າງໆ ແລະ ການ​ຮ່ວມມືໃນ​ການປ້ອງ ​ກັນການ​ແຜ່​ລະບາດ​ຂອງ​ພະ ຍາດ​ອັກເສບ​ປອດຈາກ​ເຊື້ອ​ຈຸ​ລະ​ໂຣກໂຄ​ໂຣ​ນາ ສາຍ​ພັນໃໝ່ (COVID-19) ທີ່​ກຳລັງ​ແຜ່​ລະ ບາດ ໃນ​ຫຼາຍ​ປະເທດ​ໃນ​ໂລກ.
  ໃນ​ໂອກາດ​ດັ່ງກ່າວ, ສະຫາຍ ສະເຫຼີມ​ໄຊ ກົມ​ມະ​ສິດ ໄດ້ສະແດງ​ຄວາມ​ຍິນດີ ແລະ ປິ​ຕິ​ຊົມຊື່ນເປັນ​ຢ່າງ​ຍິ່ງທີ່ໄດ້​ ຕ້ອນຮັບສະຫາຍ ຟ້າມ ບິ່ງ ມິງ ພ້ອມ​ດ້ວຍ​ຄະນະ ໃນໂອກາດ​ເດີນທາງ​ມາ​ເຂົ້າ​ຮ່ວມ​ກອງປະ ຊຸມ​ດັ່ງກ່າວ  ພ້ອມ​ທັງ​ສະແດງ​ ຄວາມ​ຊົມເຊີຍຕໍ່ຜົນສຳເລັດ ​ໃນ​ການ​ເຮັດ​ວຽກ​ຮ່ວມ​ກັນ ໃນ​ ໄລຍະ​ຜ່ານ​ມາ ໂດຍ​ສະເພາະ ແມ່ນ​ການສຳເລັດການເຂົ້າຮ່ວມ ກອງ​ປະຊຸມ​ຕ່າງໆທີ່ ສສ ຫວຽດນາມ ຊຶ່ງ​ໄດ້​ຮັບ​ຜົນສຳເລັດ​ຢ່າງ​ຈົບ​ງາມ  ພ້ອມ​ນັ້ນໃນ​ເດືອນ​ມີນາ 2020 ທີ່​ຈະ​ມາ​ເຖິງ​ນີ້ ສປປ ລາວ ຈະ​ໄດ້​ເປັນ​ເຈົ້າພາບຈັດ​ກອງ​ປະຊຸມ​ສຸດ​ຍອດແມ່​ນໍ້າ​ຂອງ​-​ແມ່​ນໍ້າ​ລ້ານ​ຊ້າງ  (LMC) ຄັ້ງ​ທີ 3; ກອງ​ປະຊຸມ​ສຸດ​ຍອດ​ຍຸດທະສາດ​ການ​ຮ່ວມ​ມື​ດ້ານ​ເສດຖະກິດແມ່​ນໍ້າ​ອີ​ຣະ​ວະ​ດີ​-​ແມ່​ນໍ້າ​ເຈົ້າ​ພະ​ຍາ​-​ແມ່​ນໍ້າ​ຂອງ (ACMECS) ຄັ້ງ​ທີ 9; ກອງ​ປະ ຊຸມ​ສຸດ​ຍອດຂອບ​ການຮ່ວມມື ກໍາ​ປູ​ເຈຍ​-​ລາວ​-​ມຽນ​ມາ​-​ຫວຽດ ນາມ (CLMV) ຄັ້ງ​ທີ 10 ແລະ ກອງ​ປະຊຸມສຸດ ຍອດ ກໍາ​ປູ​ເຈຍ​-​ລາວ​-​ຫວຽດນາມ (CLV) ຄັ້ງ​ທີ 11 ທີ່ນະຄອນຫຼວງ​ວຽງ​ຈັນ ຊຶ່ງ​ລັດຖະບານ ແຫ່ງ ສປປ ລາວ ມີ​ຄວາມ​ຍິນດີທີ່​ຈະໄດ້ຕ້ອນຮັບ ສະຫາຍ ຫ​ງວຽນ ຊວັນ ຟຸກ ນາ ຍົກລັດຖະມົນຕີແຫ່ງ ສສ ຫວຽດ ນາມ  ຊຶ່ງ​ຈະ​ເດີນທາງມາຢ້ຽມ ຢາມ ແລະ ເຂົ້າ​ຮ່ວມ​ກອງປະຊຸມ​ ດັ່ງກ່າວ ທີ່ ສປປ ລາວ ໃນຕອນ ​ທ້າຍ,  ສະຫາຍ   ສະເຫຼີມໄຊ     ກົມ​ມະ​ສິດ   ກໍໄດ້​ອວຍພອນໃຫ້ ສະ ຫາຍ ຟ້າມ ບິ່ງ ມິງ ຈົ່ງປະສົບ ຜົນ​ສໍາ​ເລັດ ໃນ​ການເຂົ້າ​ຮ່ວມ​ກອງ ປະຊຸມ​ບັນດາ​ລັດຖະມົນຕີ​ຕ່າງປະເທດຂອບ​ການ​ຮ່ວມ ມືແມ່​ນໍ້າ​ຂອງ​-​ແມ່​ນໍ້າ​ລ້ານ​ຊ້າງ  ແລະ ກອງ​ປະຊຸມ​ລັດຖະມົນຕີ​ ຕ່າງປະເທດ​ອາ​ຊຽ​ນ-​ຈີນສະ ໄໝ​ພິເສດຢ່າງ​ຈົບ​ງາມ.
  ໃນ​ໂອກາດ​ດຽວ​ກັນ, ສະ ຫາຍ ຟ້າມ ບິ່ງ ມິງ ກໍ​ໄດ້​ສະແດງ​ຄວາມ​ຂອບໃຈ​ເປັນ​ຢ່າງ​ສູງມາ​ຍັງ​ລັດຖະບານ ແຫ່ງ ສປປ ລາວ ກໍ​ຄືກະຊວງ​ການ​ຕ່າງປະເທດທີ່​ ໄດ້​ໃຫ້ການ​ຕ້ອນຮັບ​ຢ່າງ​ອົບ ອຸ່ນ ໃນ​ການ​ເຂົ້າ​ຮ່ວມ​ກອງ​ປະ ຊຸມ​ຕ່າງໆ ໃນ​ຄັ້ງ​ນີ້ ແລະ ອວຍ ພອນ​ໃຫ້ ສປປ ລາວ ໄດ້​ຮັບ​ຜົນ ສຳເລັດ​ຢ່າງ​ຈົບງາມໃນ​ການ​ເປັນ​ເຈົ້າພາບ​ຈັດ​ກອງ​ປະຊຸມ​ຕ່າງໆ. 
(ຂ່າວ: ກະຊວງ​ການ​ຕ່າງ​ປະ​ເທດ​-​ພາບ: ສຸກ​ສາຄອນ

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110