ໜັງສືພິມ ປະຊາຊົນ

ກຸ່ມບໍລິສັດພົງທະວີຊັບ ມອບຜ້າອັດປາກ 2 ແສນກວ່າອັນ ປ້ອງກັນເຊື້ອໄວຣັດໂຄໂຣນາ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 20/02/2020 08:56:55 ຈຳນວນຢ້ຽມຊົມ 794 ຄັ້ງ

ວັນທີ 19 ກຸມພານີ້ ທີ່ສຳ ນັກງານນາຍົກລັດຖະມົນຕີ, ທ່ານ ສົມດີ ດວງດີ ຮອງນາຍົກ ລັດຖະມົນຕີ ລັດຖະມົນຕີກະ ຊວງການເງິນໄດ້ຮັບເຄື່ອງຊ່ວຍ ເຫຼືອເປັນຜ້າອັດປາກແບບທີ່ໃຊ້ທາງການແພດຈຳນວນ 200.000 ອັນ ແລະ ຜ້າປິດປາກ ແບບ (N 95) ຈໍານວນ 10.000 ອັນ ລວມມູນຄ່າ 1,250 ຕື້ກີບ ຈາກທ່ານ ພົງສະຫວັດ ເສນາພວນ ປະທານກຸ່ມບໍລິສັດພົງທະວີຊັບ ຈໍາກັດຜູ້ດຽວ ເພື່ອນໍາ ໄປມອບໃຫ້ບັນດາແພດ-ໝໍ ແລະ ປະຊາຊົນລາວ ເພື່ອໃຊ້ ປ້ອງກັນພະຍາດອັກເສບປອດ ຈາກເຊື້ອຈຸລະໂຣກສາຍພັນໃໝ່ໂຄໂຣນາ.
ໂອກາດນີ້, ທ່ານຮອງນາ ຍົກລັດຖະມົນຕີໄດ້ກ່າວຄວາມຂອບໃຈ ແລະ ຍ້ອງຍໍຊົມເຊີຍ ຕໍ່ທ່ານ ພົງສະຫວັດ ເສນາພວນ ທີ່ໄດ້ມີນໍ້າໃຈຊ່ວຍເຫຼືອ ແລະ ປະ ກອບສ່ວນສໍາຄັນເຂົ້າໃນການ ຕິດຕາມເຝົ້າລະວັງ, ຄວບຄຸມ ແລະ ປ້ອງກັນພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ໂຄໂຣນາ.
ທ່ານ ພົງສະຫວັດ ເສນາພວນ ໄດ້ກ່າວວ່າ: ການມອບເຄື່ອງເຊື່ອເຫຼືອຄັ້ງນີ້ເປັນພຽງ ສ່ວນໜຶ່ງເທົ່ານັ້ນ ຊຶ່ງກຸ່ມບໍລິສັດ ພົງທະວີຊັບຍັງຈະສືບຕໍ່ສ້າງ ເງື່ອນໄຂໃຫ້ໄດ້ມີການຊ່ວຍເຫຼືອ ຕື່ມອີກ.
(ຂ່າວ-ພາບ: ສຸກສະຫວັນ)