ຫົວ​ຂໍ້ : ຫປທ ສະຫຼຸບປີ 2019 ພ້ອມຍ້ອງຍໍ ພະນັກງານດີເດັ່ນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 20/02/2020 09:01:09 ຈຳ​ນວນ​ຜູ້​ເຂົ້າ​ຢ້ຽມ​ຊົມ 547 ຄັ້ງ

   ຫ້ອງ​ວ່າການ​ປະທານ​ປະເທດ (ຫປທ) ໄດ້​ຈັດ​ກອງ​ປະຊຸມ​ ສະຫຼຸບ​ວຽກ​ງານ​ປະ​ຈໍາ​ປີ 2019 ຂຶ້ນ​ໃນ​ວັນ​ທີ 18 ກຸມພາ​ ທີ່ ຫປທ ພາຍ​ໃຕ້​ການ​ເປັນ​ປະທານ​ຂອງ​ທ່ານ  ຄໍາ​ເມິງ  ພົງທະດີ  ລັດຖະ ມົນຕີ   ຫົວໜ້າຫ້ອງ​ວ່າການປະ ທານ​ປະເທດ, ມີ​ພາກສ່ວນ​ກ່ຽວ ຂ້ອງ​ເຂົ້າ​ຮ່ວມ.
   ທ່ານ  ກິ່ງ​ມະໂນ  ພົມ​ມະຫາໄຊ ຮອງ​ລັດຖະມົນຕີ   ຮອງ​ຫົວໜ້າ​ຫ້ອງ​ວ່າການ​ປະທານ​ປະເທດ ໄດ້​ຂຶ້ນ​ຜ່ານ​ບົດ​ສະຫຼຸບ​ການປະ ຕິບັດ​ວຽກ​ງານ ​ໃນ​ໄລຍະ 1 ປີທີ່​ ຜ່ານ​ມາ  ຊຶ່ງ​ໄດ້​ຍົກ​ໃຫ້​ເຫັນດ້ານ ​ດີ, ດ້ານ​ອ່ອນ, ຂໍ້​ຂາດຕົກ​ບົກ​ຜ່ອງ, ບົດຮຽນທີ່ຖອດ​ຖອນໄດ້ ແລະ ແຜນການ​ໃນຕໍ່ໜ້າ ເປັນ ຕົ້ນ​ແມ່ນໄດ້​ສຸມ​ໃສ່​ວຽກ​ງານສຶກ ສາ​ອົບຮົມ​ການ​ເມືອງ​-​ແນວ ຄິດ;  ວຽກ​ງານ​ວິຊາ​ສະເພາະ  ຊຶ່ງ​ໄດ້​ຕິດຕາມ​ກວດກາ​ເອກະສານ​ຂາ​ເຂົ້າ​-​ຂາ​ອອກ ແລະ ໄຈ້ແຍກ ​ເອກະສານ, ໜັງສືພິມ, ວາລະ ສານ​ຕ່າງໆນໍາ​ສົ່ງ​ໃຫ້​ຂັ້ນ​ເທິງ ແລະ  ພາກສ່ວນ​ທີ່​ກ່ຽວຂ້ອງ​ເປັນ​ປົກກະຕິ;  ຂຽນ​ບົດ​ສະເໜີ​ໂຄງການ​ຄືນ​ໃໝ່​ຈໍາ​ນວນ  3 ໂຄງການ​ທີ່​ບໍ່​ທັນ​ຜ່ານ​ການປະ ​ເມີນ​ຜົນ; ປະສານ​ສົມທົບ​ກັບ​ອົງການ​ທີ່​ກ່ຽວຂ້ອງກ່ຽວ​ກັບ​ງົບ ປະມານ ແລະ ການ​ດໍາເນີນ ​ງານ​ການ​ສໍາ​ຫຼວດ​ລະອຽດຮອຍ​ ແຕກ​ແຫງ ແລະ ໂດກ​ຂອງ​ອາ ຄານ​ຫໍ​ຄໍາ ພ້ອມ​ທັງ​ອອກຂໍ້​ຕົກ ລົງ​ແຕ່ງຕັ້ງ​ຄະນະ​ຮັບຜິດຊອບ​ໂຄງ​ການ.
ໄດ້​ອະນຸມັດ​ໂຄງການ​ລົງ ທຶນ​ຂອງ​ລັດ​ທັງ​ໝົດ ຈໍາ​ນວນ 3 ໂຄງການ  ດ້ວຍ​ງົບປະມານ​ການ​ລົງທຶນ 1,8 ຕື້​ກວ່າ​ກີບ, ໃນ​ນັ້ນ  ມີ​ທຶນ​ສົມທົບ​ໂຄງການ ສ້າງ​ຫໍ​ຮັບແຂກ​ປະມຸກ​ລັດ ຈໍາ​ນວນ 2 ໂຄງການ ມູນ​ຄ່າ 1,6 ຕື້​ກວ່າ​ກີບ,   ໂຄງການ​ທຶນປົກກະຕິຈໍາ​ ນວນ 1 ໂຄງການ  ມູນ​ຄ່າ 250 ລ້ານ​ກວ່າ​ກີບ  ທຽບໃສ່​ແຜນ ການ​ປີ​ປະຕິບັດ​ໄດ້ 99,99%;  ຄຸ້ມ​ຄອງ​ປົກ​ປັກຮັກສາ​ຊັບ​ສົມ ບັດ​ລວມເຊັ່ນ: ຕຶກ​ອາຄານ, ພາຫະນະ​ຮັບ​ໃຊ້​ຕ່າງໆ.
   ສ່ວນ​ທິດ​ທາງ​ ປີ 2020 ຫປທ ຈະ​ເພີ່ມ​ທະວີ​ສຶກສາ​ອົບ ຮົມ​ການ​ເມືອງ​-​ແນວ​ຄິດໃຫ້ພະ ນັກ​ງານ​-​ລັດຖະກອນ​ຢູ່​ພາຍ ​ໃນ ຫປທ ເພື່ອ​ໃຫ້​ເຂົ້າໃຈ ແລະ ເຊື່ອມ​ຊຶມ​ແນວທາງ​ນະໂຍບາຍ​ຂອງ​ພັກ​-​ລັດ​ວາງ​ອອກ​ ໃນ​ແຕ່​ ລະ​ໄລຍະທັງ​ເປັນ​ການເສີມ​ຂະ ຫຍາຍ​ມູນເຊື້ອ​ອັນ​ດີງາມຂອງ​ຊາດ  ແນໃສ່​ສ້າງທັດສະນະພື້ນ ຖານ​ທີ່​ຖືກຕ້ອງມີ​ຄວາມ​ຈົງ​ຮັກ​ພັກດີ​ຕໍ່​ພັກ​-​ລັດກໍ​ຄື​ປະເທດ​ຊາດ; ເອົາໃຈໃສ່​ວຽກ​ງານກົງ ຈັກ​ການຈັດຕັ້ງ ແລະ ບຸກຄະ ລາ​ກອນ, ສະເໜີ​ຂໍທຶນ​ນໍາພາກ ສ່ວນ​ທີ່​ກ່ຽວຂ້ອງໃຫ້​ພະນັກງານ ​ໄປ​ບໍາ​ລຸງ​ຍົກ​ລະດັບ ແລະ ກໍ່ ສ້າງ​ພະນັກງານໃຫ້ມີຄວາມ​ຮູ້​ ຄວາມ​ສາມາດຕອບ​ສະໜອງ ​ຄວາມ​ຮຽກຮ້ອງຕ້ອງການ​ ຂອງ​ ວຽກ​ງານຢູ່​ພາຍ​ໃນ​-​ຕ່າງປະ ເທດ ແລະ ສືບຕໍ່​ເອົາໃຈໃສ່ວຽກ ​ງານ​ວິຊາ​ສະເພາະ​ຢ່າງ​ເຂັ້ມ​ ງວດ.
   ໃນ​ພິທີ​ດັ່ງກ່າວ  ຍັງ​ໄດ້​ຍ້ອງຍໍ​ພະນັກງານ ແລະ ກົມ​ກອງ​ດີເດັ່ນຈໍາ​ນວນ  5  ກົມກອງ ຄື: ກົມ​ບໍລິຫານ​ ແລະ ຄຸ້ມຄອງ, ກົມ​ຄົ້ນຄວ້າ​ສັງ​ລວມ;  ກົມ​ພົວ ພັນ​ຕ່າງປະເທດ;  ກົມ​ກົດໝາຍ ແລະ ກົມ​ຈັດ​ຕັ້ງ; ກົມ​ກວດກາ ແລະ ໂຄສະນາ  ແລະ ຍ້ອງຍໍປະ ເພດ​ບຸກຄົນ​ດີເດັ່ນ​ປະເພດ 1 ຈໍາ​ນວນ 89 ທ່ານ ຍິງ 39 ທ່ານ ແລະ ປະເພດ 2 ຈໍາ​ນວນ 20 ທ່ານ ຍິງ 10 ທ່ານ.  
  (ຂ່າວ: ແສງ​ຈັນ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110