ເມືອງປາກຊ່ອງ ແຂວງຈຳປາສັກ ໄດ້ຈັດ​ກອງ​ປະ​ຊຸມປຶກສາຫາລື ວຽກ​ງານກໍ່ສ້າງສຸສານຂອງເມືອງ ແລະ ​ສິ່ງປຸກສ້າງຈຸດຫຼັກ 52 ຂຶ້ນເມື່ອບໍ່​ດົນ​ມານີ້ ທີ່ຫອ້ງປະຊຸມຊັ້ນ 2 ຂອງຫ້ອງວ່າການເມືອງ ໂດຍການເປັນປະທານຂອງ ທ່ານ ສົມພອນ ຂັນອາສາ ຄະນະປະຈຳພັກເມືອງ ປະທານແນວລາວສ້າງຊາດ, ມີທ່ານ ກໍລະກັນ ແສງສະເດັ່ນ ກຳມະການພັກເມືອງ ຫົວໜ້າຫ້ອງວ່າການເມືອງ ແລະ ພາກ​ສ່ວນ​ກ່ຽວ​ຂ້ອງເຂົ້າຮ່ວມ.

ໃນພີທີ, ທ່ານ ສົມພອນ ຂັນອາສາ ໄດ້ກ່່າວຈຸດປະສົງວ່າ: ເພື່ອເຮັດໃຫ້ການກໍ່ສ້າງສຸສານຂອງເມືອງ ແລະ ສິ່ງປຸກສ້າງອື່ນໆ ຢູ່ຈຸດຫຼັກ 52, ເພື່ອຮັບໃຊ້ ແລະ ບໍລິການໃຫ້ກັບພໍ່ແມ່ປະຊາຊົນ ໃຫ້ມີຄວາມສະດວກສະບາຍ, ສະອາດສວຍງາມ ແລະ ເປັນລະບຽບຮຽບຮອ້ຍ ຊຶ່ງມີເນື້ອທີ່ຂອງສຸສານທັງໝົດ 4 ເຮັກຕາ. ຜ່ານການປຶກສາຫາລື ປະ​ກອບຄຳເຫັນຂອງຄະນະກຳມະການ ​ໄດ້ເຫັນດີໃຫ້ເລີ່ມຈັດຕັ້ງປະຕິບັດໃນ 4 ໜ້າວຽກຄື: ວຽກບຸກເບີກດິນ, ສ້າງແຖນເຜົາສົບ, ສ້າງສະຖານທີ່ຈອດລົດ ແລະ ກໍ່ສ້າງສາລາພັກເຊົາແມ່ນຈະໄດ້ເລີ່ມລົງມືເຮັດໃນເບື້ອງຕົ້ນ.

(ຂ່າວ-ພາບ: ເມືອງປາກຊອ່ງ)