Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສພຂ ສາລະວັນ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 2 ສພຊ ຊຸດທີ IX

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 24/11/2021 13:56:41 ຈຳ​ນວນ​​ຢ້ຽມ​ຊົມ 1334 ຄັ້ງ

ທ່ານ ສົມພອນ ແສງສຸລິຈັນ ເລຂາທິການສະພາປະຊາຊົນແຂວງ (ສພຂ) ສາລະວັນ ຖະແຫຼງຕໍ່ສື່ມວນຊົນແຂວງສາລະວັນ ໃນຄັ້ງວັນທີ 22 ພະຈິກ ຜ່ານມາວ່າ: ພາຍຫຼັງທີ່ດໍາເນີນກອງປະຊຸມມາເປັນເວລາ 15 ວັນ ລະຫວ່າງ ວັນທີ 1-17 ພະຈິກ 2021 ກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ (ສພຊ) ຊຸດທີ IX ໄດ້ປິດລົງດ້ວຍຜົນສໍາເລັດອັນຈົບງາມ ໃນຕອນເຊົ້າຂອງວັນທີ 17 ພະຈິກ 2021 ທີ່ ຫໍສະພາແຫ່ງຊາດ ນະຄອນຫຼວງວຽງຈັນ ໂດຍການກ່າວສູນທອນພົດປິດຂອງ ທ່ານ ໄຊສົມ ພອນ ພົມວິຫານ ປະທານສະພາແຫ່ງຊາດ, ເປັນກຽດເຂົ້າຮ່ວມຂອງ ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ, ມີ ທ່ານ ພັນຄໍາ ວິພາວັນ ນາຍົກລັດຖະມົນຕີ ຄະນະລັດຖະບານ ແລະ ສະມາຊິກສະພາແຫ່ງຊາດ (ສສຊ) ເຂົ້າຮ່ວມ.

ຕະຫຼອດໄລຍະ 15 ວັນ ໃນການດໍາເນີນກອງປະຊຸມ ສະມາຊິກສະພາແຫ່ງຊາດໄດ້ຄົ້ນຄວ້າ, ປະກອບຄໍາເຫັນຢ່າງກົງໄປກົງມາຕໍ່ເນື້ອໃນທີ່ນໍາມາພິຈາລະນາ ແລະ ຮັບຮອງເອົາໃນກອງປະຊຸມທີ່ເຕັມໄປດ້ວຍບັນຍາກາດສ້າງສັນ ແລະ ມີຄວາມເປັນເອກະພາບສູງ, ທັງຮັບປະກັນການຈັດຕັ້ງປະຕິບັດມາດຕະການປ້ອງກັນການແຜ່ລະບາດຂອງພະຍາດໂຄວິດ-19 ການປະກອບຄໍາເຫັນຂອງບັນດາທ່ານສະມາ ຊິກສະພາແຫ່ງຊາດ ຕໍ່ບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະ ກິດ-ສັງຄົມ, ແຜນງົບປະມານແຫ່ງລັດ, ແຜນເງິນຕາ ປະຈໍາປີ 2021 ແລະ ແຜນການປະຈໍາປີ 2022, ການປະກອບຄໍາເຫັນໃສ່ບັນດາຮ່າງກົດໝາຍ ແມ່ນໄດ້ຈັດຮູບແບບກອງປະຊຸມທາງໄກ ຊຶ່ງໄດ້ແຍກຫ້ອງປະຊຸມອອກເປັນ 9 ຫ້ອງ. ໃນນັ້ນສະມາຊິກສະພາແຫ່ງຊາດປະຈໍາເຂດເລືອກຕັ້ງ 14 ແຂວງສາລະວັນ ໃນຈຳນວນ 9 ທ່ານ ໄດ້ຄົ້ນຄວ້າ, ກະກຽມເນື້ອໃນປະກອບຄໍາຄິດຄໍາເຫັນຕໍ່ແຕ່ລະວຽກ ຖືວ່າທຸກໆທ່ານໄດ້ປະກອບຄໍາເຫັນຢ່າງເປັນຂະບວນການຟົດຟື້ນ ກ່ອນລົງຄະແນນສຽງຮັບເອົາເອກະສານສໍາຄັນຕ່າງໆ ດ້ວຍຄວາມເປັນເອກກະພາບສູງ ທັງໝົດນັ້ນເຮັດໃຫ້ກອງປະຊຸມໄດ້ສໍາເລັດຕາມຈຸດປະສົງ ແລະ ລະດັບຄາດໝາຍທີ່ວາງໄວ້. ກອງປະຊຸມສະໄໝສາມັນເທືື່ອທີ 2 ຂອງສະພາແຫ່ງຊາດ ຊຸດທີ IX ໄດ້ພິຈາລະນາ ແລະ ຮັບຮອງເອົາບັນຫາສໍາຄັນຂອງຊາດ ອອກເປັນມະຕິກອງປະຊຸມສະພາແຫ່ງຊາດ ລວມມີ 21 ສະບັບ ໃນນັ້ນວຽກງານຂອງລັດຖະບານມີ 4 ມະຕິ, ວຽກງານອົງການກວດສອບແຫ່ງລັດ ແລະ ອົງການກວດກາແຫ່ງລັດມີ 2 ມະຕິ, ວຽກງານສານປະຊາຊົນສູງສຸດ ແລະ ອົງການໄອຍະການປະຊາຊົນສູງສຸດມີ 3 ມະຕິ ແລະ ມະຕິຂອງສະພາແຫ່ງຊາດ ວ່າດ້ວຍການຮັບຮອງເອົາກົດໝາຍ ຈໍານວນ 11 ສະບັບ, ໃນນີ້ ມີກົດໝາຍສ້າງໃໝ່ຈຳນວນ 4 ສະບັບ ຄື: ກົດໝາຍວ່າດ້ວຍຍານພາຫະນະທາງບົກ, ກົດໝາຍວ່າດ້ວຍຊາຍແດນແຫ່ງຊາດ, ຮ່າງກົດໝາຍວ່າດ້ວຍເຕັກໂນໂລຊີລະດັບສູງ, ກົດໝາຍວ່າດ້ວຍການສໍາຫຼວດວັດແທກ ແລະ ສ້າງແຜນທີ່ ແລະ ກົດໝາຍປັບປຸງຈໍານວນ 7 ສະບັບ ຄື: ກົດໝາຍວ່າດ້ວຍລັດຖະບານ, ກົດໝາຍວ່າດ້ວຍງົບປະມານແຫ່ງລັດ, ກົດໝາຍວ່າດ້ວຍການສ້າງນິຕິກໍາ, ກົດໝາຍວ່າດ້ວຍການປະຕິ ບັດຄໍາຕັດສິນຂອງສານ, ກົດໝາຍວ່າດ້ວຍການຄວບຄຸມຢາສູບ, ກົດໝາຍວ່າດ້ວຍໂທລະຄົມມະນາຄົມ ແລະ ກົດໝາຍວ່າດ້ວຍມໍລະດົກແຫ່ງຊາດ. ການພິຈາລະນາຮັບຮອງເອົາບັນດາກົດໝາຍດັ່ງກ່າວ ເປັນການຈັດຕັ້ງປະຕິບັດແຜນການສ້າງ ແລະ ປັບປຸງກົດໝາຍ 5 ປີ ຂອງສະພາແຫ່ງຊາດ ຊຸດທີ IX, ເປັນການສືບຕໍ່ຫັນປ່ຽນແຂງແຮງ ແລະ ຮອບດ້ານໃນການສ້າງລັດທີ່ປົກຄອງດ້ວຍກົດໝາຍໃຫ້ເປັນຮູບປະທໍາ ແລະ ເຂົ້າສູ່ວຽກງານຕົວຈິງເທື່ອລະກ້າວ, ເຮັດໃຫ້ການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມດ້ວຍກົດໝາຍ ນັບມື້ເປັນລະບົບຄົບຊຸດ ແລະ ມີປະສິດທິຜົນ.

ທັງນີ້ເພື່ອເປັນການຜັນຂະຫຍາຍຜົນສໍາເລັດກອງປະຊຸມຄັ້ງນີ້ໃຫ້ປະກົດຜົນເປັນຈິງ ຄະນະສະມາ ຊິກສະພາແຫ່ງຊາດ ປະຈໍາເຂດເລືອກຕັ້ງທີ 14 ແຂວງສາລະວັນ ຈະໄດ້ພ້ອມກັນສືບຕໍ່ນໍາເອົາເນື້ອໃນຜົນສໍາເລັດຂອງກອງປະຊຸມດັ່ງກ່າວ ໄປເຜີຍແຜ່ໃຫ້ປະຊາຊົນທຸກຊັ້ນຄົນໃນສັງຄົມທົ່ວແຂວງສາລະວັນ ໄດ້ຮັບຮູ້ເຂົ້າໃຈ ແນໃສ່ເພື່ອເຮັດໃຫ້ທຸກຄົນໄດ້ປະກອບສ່ວນເຂົ້າຮ່ວມໃນການຈັດຕັ້ງປະຕິບັດຢ່າງພ້ອມພຽງກັນ ແລະ ກວ້າງຂວາງອອກໃນທົ່ວສັງຄົມ ໃຫ້ກາຍເປັນຮູບປະທໍານັບມື້ນັບຫຼາຍຂຶ້ນ.

(ພາບ-ຂ່າວ: ທິດລານີ ໂຄດໂຍທາ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com