ຫົວ​ຂໍ້ : ວິໄສທັດກ່ຽວກັບເສົາຄ້ຳຄວາມໝັ້ນຄົງໃໝ່ຂອງເອີຣົບ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 21/02/2020 09:19:09 ຈຳ​ນວນ​ຜູ້​ເຂົ້າ​ຢ້ຽມ​ຊົມ 363 ຄັ້ງ

ຮຽງ​ຮຽງ​ໂດຍ: ສີ​ວັນ
  ໃນ​ກອງ​ປະຊຸມ​ຄວາມ​ໝັ້ນຄົງ​ມິ​ວ​ນິກ (Munich), ທ່ານ ເອັມ​ມາ​ນູ​ແອວ ມາ​ຄຣອງ ປະ​ທາ​ນາ​ທິບໍດີ​ຝຣັ່ງ ໄດ້​ວາງ​ຄາດໝາຍ​ການ​ຄາດ​ຄະເນ​ວິໄສ​ທັດ​ກ່ຽວ​ກັບ​ເອີ​ຣົບ ດ້ວຍ​ກຳລັງ​ແຮງ​ດ້ານ​ການ​ປ້ອງ​ກັນ​ຊາດ ຊຶ່ງ​ເປັນ​ບາດກ້າວ​ຕໍ່​ໄປ ເພື່ອ​ປັບປຸງ​ຄວາມ​ໝັ້ນຄົງ, ເປັນ​ການ​ຊີ້​ບອກ​ເຖິງ​ຄວາມ​ເປັນ​ເຈົ້າ​ຕົນ​ເອງ​ກວ່າ​ຂອງ​ເອີ​ຣົບ ໃນ​ບັນຫາ​ຄວາມ​ໝັ້ນຄົງ ກໍ​ຄື​ແຜນການ​ສ້າງຕັ້ງ​ກອງທັບ​ລວມ​ເອີ​ຣົບ ກ່ອນ​ໜ້າ​ນີ້. ວິໄສ​ທັດ​ກ່ຽວ​ກັບ​ເສົາຄ້ຳ​ຄວາມ​ໝັ້ນຄົງ​ໃໝ່ ຊຶ່ງ​ທ່ານ ປະທານາທິບໍດີ​ຝຣັ່ງ ທີ່​ຍົກ​ອອກ​ມາ​ນັ້ນ ໄດ້​ເຮັດ​ໃຫ້​ອົງການ​ສົນທິສັນຍາ​ມະຫາ​ສະ​ໝຸດ​ອັດ​ລັງ​ຕິກ​ເໜືອ (NATO) ມີ​ຄວາມ​ວິຕົກ​ກັງ​ວົນ.
  ທ່ານ ມາ​ຄຣອງ ເຄີຍ​ຢືນຢັນ​ວ່າ: ເອີ​ຣົບ ບໍ່​ອາດ​ສາ ມາດ​ອີງໃສ່​ອາ​ເມ​ຣິ​ກາ ກ່ຽວ​ກັບ​ບັນຫາ​ຄວາມ​ໝັ້ນຄົງ​ຕື່ມ​ອີກ. ພວກ​ເຮົາ​ຕ້ອງ​ອີງໃສ່​ຕົນ​ເອງ ແລະ ບັນດາ​ການ​ຄາດ​ຄະເນ​ວິໄສ​ທັດ​ກ່ຽວ​ກັບ​ເອີ​ຣົບ ມີ​ກຳລັງ​ແຮງ​ດ້ານ​ການ​ທະຫານ​ໃໝ່ ຊຶ່ງ​ທ່ານ ມາ​ຄຣອງ ຍົກ​ອອກ​ມາ​ທີ່​ກອງ​ປະຊຸມ​ຄວາມ​ໝັ້ນຄົງ Munich ໃນ​ອາທິດ​ຜ່ານ​ມາ ເປັນ​ການ​ພິສູດ​ໃຫ້​ເຫັນ​ຄວາມ​ເປັນ​ເຈົ້າ​ຕົນ​ເອງ​ຂອງ​ເອີ​ຣົບ ກ່ຽວ​ກັບ​ຄວາມ​ໝັ້ນຄົງ.
ຕາມ​ແຫຼ່ງ​ຂ່າວ​ຈາກ​ຂ່າວ ສານ​ຫວຽດນາມ, ວິໄສ​ທັດ​ກ່ຽວ​ກັບ​ເອີ​ຣົບ ດ້ວຍ​ກຳລັງ​ແຮງ​ດ້ານ​ການ​ທະຫານ​ໃໝ່ ໂດຍ​ແມ່ນ​ປະເທດ​ມະຫາ​ອຳນາດ​ດ້ານ​ນິວ​ເຄ​ລຍ​ໜຶ່ງ​ດຽວ​ຢູ່​ສະ ຫະພາບ​ເອີ​ຣົບ (ອີ​ຢູ), ທ່ານ ມາ​ຄຣອງ ໄດ້​ທົບ​ທວນ​ເຖິງ​ຊັບ​ສົມ​ບັດ​ດ້ານ​ນິວ​ເຄ​ລຍ​ຂອງ​ເອີ​ຣົບ ຢ່າງ​ລະອຽດ ແລະ ຊີ້​ໃຫ້​ເຫັນ​ຄວາມ​ແຕກ​ຕ່າງ​ກັນ​ຕົ້ນຕໍ​ໃນ​ສັງກາດ​ສົງຄາມ​ເຢັນ. ທ່ານ ປະທານາທິບໍດີ​ຝຣັ່ງ ເຊື່ອ​ໝັ້ນ​ວ່າ: ເອີ​ຣົບ ຕ້ອງ​ມີ​ມາດ​ຕະການ​ແຂງ​ກວ່າ​ໃນ​ການ​ປ້ອງ​ກັນ. ການ​ເພີ່ມ​ທະວີ​ການ​ປ້ອງ​ກັນ ແມ່ນ​ສິ່ງ​ທີ່​ຈຳເປັນ​ເພື່ອ​ອະທິປະ​ໄຕ, ຫາກ​ບໍ່​ແມ່ນ​ແຜນການ​ຕ້ານ​ຄືນ ຫຼື ປ່ຽນ​ແທນ NATO. ທ່ານ ມາ​ຄຣອງ ເຊື່ອ​ໝັ້ນ​ວ່າ: ເອີ​ຣົບ ຈະ​ຮຽກຮ້ອງ​ຄວາມ​ສາມາດ​ໃນ​ການ​ກະທຳ ທີ່​ເປັນ​ເອກະລາດ, ບັນດາ​ບັນຫາ​ນິວ​ເຄ​ລຍ ຕ້ອງ​ໄດ້​ຮັບ​ການ​ຄຸ້ມ​ຄອງ ເມື່ອ​ມີ​ການ​ຮ່ວມ​ມື​ກັບ NATO.
  ທ່ານ ມາ​ຄຣອງ ໄດ້​ກ່າວ​ໃນ​ກອງ​ປະຊຸມ ໂດຍ​ເຊື່ອມ​ຕໍ່​ບັນດາ​ແນວ​ຄວາມ​ຄິດ​ກ່ຽວ​ກັບ​ການ​ປົກ​ປັກ​ຮັກສາ​ຄວາມ​ໝັ້ນຄົງ ເອີ​ຣົບ ໄດ້​ສ່ວນ​ໃດ​ສ່ວນ​ໜຶ່ງ ຊຶ່ງ​ທ່ານ ແຟຣງ ວອດ​ເຕີ ສະ​ເຕ​ອິນ​ເມ​ເອີ ປະທານາທິບໍດີ​ເຢຍ​ລະ​ມັນ ແລະ ທ່ານ ເຮ​ອິ​ໂກະ ມາສ ລັດຖະມົນຕີ​ການ​ຕ່າງປະເທດ​ເຢຍ​ລະ​ມັນ ໄດ້​ຍົກ​ອອກ​ມາ​ກ່ອນ​ໜ້າ​ນັ້ນ ຢູ່​ກອງ​ປະຊຸມ​ຄວາມ​ໝັ້ນຄົງ Munich. ການ​ນຳ​ປະເທດ​ເຢຍ​ລະ​ມັນ ໄດ້​ຮຽກຮ້ອງ​ຕ້ອງ​ສ້າງຕັ້ງ “ສຳພັນ​ທະ​ມິດ​ຄວາມ​ໝັ້ນຄົງ ແລະ ປ້ອງ​ກັນ​ຊາດ​ເອີ​ຣົບ”, ນີ້​ແມ່ນ​ເສົາຄ້ຳ​ທີ່​ມີ​ຄວາມ​ແຂງ​ແກ່ນ​ຂອງ​ເອີ​ຣົບ ໃນ NATO. ໃນ​ຂະນະ​ນັ້ນ, ທ່ານ ອັນ​ເນ​ກຣິດ ແຄ​ຣມ ຄາ​ເຣນ​ບໍ​ເອີ ລັດຖະມົນຕີ​ປ້ອງ​ກັນ​ປະເທດ​ເຢຍ​ລະ​ມັນ ໄດ້​ຮຽກຮ້ອງ​ໃຫ້ ແບັກ​ແລັງ ຕ້ອງ​ປະກອບສ່ວນ​ຫຼາຍ​ກວ່າ​ໃນ​ນະໂຍບາຍ​ຄວາມ​ໝັ້ນຄົງ.
  ເຖິງ​ຢ່າງໃດ​ກໍຕາມ, ການ​ປ້ອງ​ກັນ​ຊາດ​ຂອງ ເອີ​ຣົບ ແຂງ ແຮງ​ກວ່າ​ແມ່ນ​ແນວ​ຄວາມ​ຄິດ​ເຮັດ​ໃຫ້ NATO ບໍ່​ເພິ່ງ​ພໍ​ໃຈ. ກ່ອນ​ນີ້, ນັບ​ແຕ່​ເອີ​ຣົບ ເລີ່ມ​ມີ​ແນວ​ຄິດ​ສ້າງຕັ້ງ​ກອງທັບ​ຮ່ວມ, ທ່ານ ເຈນ ສະ​ໂຕນ​ເທ​ນ​ເບີກ ເລຂາທິການ​ໃຫຍ່ NATO ເຄີຍ​ເນັ້ນ​ໜັກ​ວ່າ: ບັນຫາ​ທີ່​ເອີ​ຣົບ ຕ້ອງ​ຮັບຜິດຊອບ​ຫຼາຍ​ກວ່າ​ໃນ​ບັນຫາ​ຄວາມ​ໝັ້ນຄົງ ບໍ່​ແມ່ນ​ວ່າ​ຈະ​ມີ​ຄວາມ​ໝາຍ​ດຽວ​ກັນ​ກັບ​ເລື່ອງ​ເອີ​ຣົບ ຈະ​ປະຕິບັດ​ໜ້າທີ່​ນັ້ນ​ພຽງ​ລຳພັງ​ຝ່າຍ​ດຽວ. ທ່ານ ເຈນ ຊີ້​ອອກ​ວ່າ: ຄວາມ​ພະຍາຍາມ​ເປັນ​ເຈົ້າ​ການ​ກ່ຽວ​ກັບ​ຄວາມ​ໝັ້ນຄົງ​ຂອງ​ເອີ​ຣົບ ຫຼາຍ​ກວ່າ ອາດ​ຈະ​ເຮັດ​ໃຫ້ການ​ພົວພັນ​ຂ້າມ​ມະຫາ​ສະ​ໝຸດ​ອັດ​ລັງ​ຕິກ ຖືກ​ຫຼຸດ​ລົງ, ເຮັດ​ໃຫ້​ກຳລັງ​ຄວາມ​ສາມາດ​ຂອງ NATO ອ່ອນ​ລົງ.
  ເພື່ອ​ສ້າງ​ຄວາມ​ອຸ່ນ​ອ່ຽນ​ໃຈ​ໃຫ້​ແກ່ NATO, ທ່ານປະ ທານາທິບໍດີ ຝຣັ່ງ ຢືນຢັນ​ວ່າ: ນີ້​ບໍ່​ແມ່ນ​ແຜນການ​ຕ້ານ​ຄືນ NATO ຫຼື ປ່ຽນ​ແທນ NATO. ເອີ​ຣົບ ພຽງ​ແຕ່​ຢາກ​ສ້າງ​ເສົາຄ້ຳ​ຄວາມ​ໝັ້ນຄົງ​ຕື່ມ​ອີກ​ໃຫ້​ແກ່​ເອີ​ຣົບ. ເສົາຄ້ຳ​ນີ້​ລ້ວນ​ແຕ່​ມຸ້ງ​ໄປ​ເຖິງ​ເປົ້າ​ໝາຍ​ລວມ​ແມ່ນ “ຮັບປະກັນ​ອະທິປະ​ໄຕ​ຂອງ​ເອີ​ຣົບ”. ສຳລັບ​ເອີ​ຣົບ, ໜ້າທີ່​ຄວາມ​ຮັບຜິດຊອບ​ກ່ຽວ​ກັບ​ຄວາມ​ໝັ້ນຄົງ ບໍ່​ພຽງ​ແຕ່​ແມ່ນ​ເລື່ອງ​ເພີ່ມ​ລາຍ​ຈ່າຍ​ດ້ານ​ການ​ປ້ອງ​ກັນ​ຊາດ​ເທົ່າ​ນັ້ນ, ແຕ່​ຫາກ​ຍັງ​ແມ່ນ​ຄວາມ​ສາມາດ​ເປັນ​ເຈົ້າ​ຕົນ​ເອງ​ຂອງ​ເອີ​ຣົບ ໃນ​ບັນຫາ​ຄວາມ​ໝັ້ນຄົງ​ຮີບ​ດ່ວນ​ຕື່ມ​ອີກ.
  ຕາມ​ແຫຼ່ງ​ຂ່າວ​ຕ່່າງ​ປະ ເທດ: ປັດຈຸບັນ, ເອີ​ຣົບ ນັບ​ມື້​ຢາກ​ເປັນ​ເຈົ້າ​ຕົນ​ເອງ​ກ່ຽວ​ກັບ​ຄວາມ​ໝັ້ນຄົງ. ສິ່ງ​ດັ່ງກ່າວ​ໄດ້​ສ່ອງ​ແສງ​ເຖິງ​ການ​ພົວພັນ ລະຫວ່າງ ເອີ​ຣົບ ກັບ ອາ​ເມ​ຣິ​ກາ ນັບ​ມື້​ຈືດຈາງ​ລົງ. ເຖິງ​ວ່າ ເອີ​ຣົບ ແລະ ອາ​ເມ​ຣິ​ກາ ໄດ້​ແບ່ງປັນ​ຄຸນຄ່າ​ລວມ​ຫຼາຍ​ຢ່າງ, ເຄີຍ​ຄຽງ​ບ່າ​ຄຽງ​ໄຫຼ່​ກັນ​ໃນ​ບັນດາ​ບັ້ນ​ຮົບ​ໃຫຍ່, ແຕ່ “ຄູ່​ຮ່ວມ​ມື​ຢູ່ 2 ຝັ່ງ​ມະຫາ​ສະ​ໝຸດ​ອັດ​ລັງ​ຕິກ” ຍັງ​ມີ​ບັນດາ​ຜົນ​ປະໂຫຍດ​ທີ່​ແຕກ​ຕ່າງ​ກັນ, ພາ​ໄປ​ເຖິງ​ການ​ປະຕິບັດ​ໜ້າທີ່​ວຽກ​ງານ​ທີ່​ນັບ​ມື້​ນັບ​ແຕກ​ຕ່າງ​ກັນ​ໃນ​ຫຼາຍ​ບັນ​ຫາ. ພິເສດ, ນັບ​ແຕ່​ທ່ານ ໂດ​ໂນ ທຣໍາ ປະທານາທິບໍດີ​ອາ​ເມ​ຣິ​ກາ ຂຶ້ນ​ກຳ​ອຳນາດ, ການ​ພົວພັນລະຫວ່າງ ອາ​ເມ​ຣິ​ກາ ແລະ ເອີ​ຣົບ ຖືກ​ຕົກ​ເຂົ້າ​ສູ່​ສະພາບ​ແຕກ​ແຫງ. ອາ​ເມ​ຣິ​ກາ ໄດ້​ສ້າງ​ຄວາມ​ກົດ​ດັນ​ຢ່າງ​ຕໍ່​ເນື່ອງ ຕໍ່​ບັນດາ​ປະເທດ​ເອີ​ຣົບ ຊຶ່ງ​ຕ້ອງ​ໄດ້​ແບ່ງ​ກັນ​ແບກ​ຫາບ​ຫຼາຍ​ກວ່າ​ໃນ​ກຸ່ມ​ສຳພັນ​ທະ​ມິດ​ຂ້າມ​ມະຫາ​ສະ​ໝຸດ​ອັດ​ລັງ​ຕິກ. ພ້ອມ​ກັນ​ນັ້ນ, ບັນດາ​ການ​ພົບ​ປະ​ຂອງ​ທ່ານ ທຣໍາ ແລະ ການ​ນຳ​ບັນດາ​ປະເທດ​ເອີ​ຣົບ ໃນ​ຂອບ​ເຂດ NATO ລ້ວນ​ແຕ່​ສິ້ນ​ສຸດ​ລົງ​ດ້ວຍ​ການ​ປະ​ລາ​ໄຊ.
  ສ່ວນ​ບັນດາ​ປະເທດ​ເອີ​ຣົບ ບໍ່​ເຫັນ​ດີ​ກ່ຽວ​ກັບ​ເລື່ອງ ອາ​ເມ​ຣິ​ກາ ໄດ້​ຖອນ​ຕົວ​ອອກ​ຈາກ​ຂໍ້​ຕົກລົງ​ນິວ​ເຄລຍ ການເຄື່ອນໄຫວ​ຮ່ວມ​ຮອບດ້ານ (JCPOA) ກັບ​ອີ​ຣານ, ສັນຍາ​ບັນດາ​ກຳລັງ​ນິວ​ເຄ​ຼຍ​ໄລຍະ​ກາງ (IMF) ກັບ​ຣັດ​ເຊຍ ພຽງ​ລຳພັງ​ຝ່າຍ​ດຽວ, ກໍ​ຄື​ບັນດາ​ບັນຫາ​ລັດທິ​ຫຼາຍ​ຝ່າຍ. ເອີ​ຣົບ ກໍມີ​ຄວາມ​ເປັນ​ຫ່ວງ​ຕໍ່​ເລື່ອງ ອາ​ເມ​ຣິ​ກາ ຈະ​ຄ່ອຍໆ​ຖອນ​ໜ້າທີ່​ຄວາມ​ຮັບຜິດຊອບ​ອອກ​ຈາກ​ພາກ​ພື້ນ​ນີ້.
ສະນັ້ນ, ຫາງ​ສຽງ​ສາກົນ​ເຫັນ​ວ່າ: ເລື່ອງ​ເອີ​ຣົບ ເປັນ​ເຈົ້າ​ການ​ໃນ​ການ​ປ້ອງ​ກັນ​ຄວາມ​ສະຫງົບ ເພື່ອ​ຫຼຸດ​ຜ່ອນ​ການ​ອາ​ໄສ ອາ​ເມ​ຣິ​ກາ ​ຄື​ໃນ​ປັດ​ຈຸ​ບັນ. ສິ່ງ​ດັ່ງກ່າວ​ໄດ້​ຊີ້​ໃຫ້​ເຫັນ​ວ່າ: ເອີ​ຣົບ ຫຼື ບັນດາ​ປະເທດ​ນຳ​ໜ້າ, ມີ​ບົດບາດ​ສຳຄັນ​ຢູ່​ເອີ​ຣົບ​ຄື: ຝຣັ່ງ, ເຢຍ​ລະ​ມັນ ພວມ​ມີ​ການ​ປ່ຽນແປງ​ດ້ານ​ຈິນຕະນາການ​ໃນ​ການ​ເປັນ​ເຈົ້າ​ການ​ປ້ອງ​ກັນ​ຄວາມ​ໝັ້ນຄົງ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110