Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຜົນສໍາເລັດກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງແນວລາວສ້າງຊາດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 26/11/2021 16:29:43 ຈຳ​ນວນ​​ຢ້ຽມ​ຊົມ 1798 ຄັ້ງ

ກອງປະຊຸມໃຫຍ່ຜູ້ແທນ ທົ່ວປະເທດ ຄັ້ງທີ XI ຂອງແນວລາວສ້າງຊາດ ເປີດຂຶ້ນຢ່າງເປັນທາງການ ໃນວັນທີ 25 ພະຈິກ 2021 ແລະ ໄດ້ປິດລົງ ດ້ວຍຜົນສໍາເລັດອັນຈົບງາມ ໃນວັນທີ 26 ພະຈິກ 2021 ນີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ພາຍໃຕ້ຫົວຂໍ້ “ເສີມຂະຫຍາຍມູນເຊື້ອອັນດີງາມຂອງແນວລາວສ້າງຊາດ, ເພີ່ມທະວີຄວາມສາມັກຄີເປັນປຶກແຜ່ນຂອງປວງຊົນລາວທັງຊາດ, ເຕົ້າໂຮມກໍາລັງແຮງຂອງປະຊາຊົນທຸກຊັ້ນຄົນ, ປະກອບສ່ວນຢ່າງແຂງແຮງເຂົ້າໃນພາລະກິດປົກປັກຮັກສາ-ສ້າງສາປະເທດຊາດ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ ໃຫ້ບັນລຸຜົນເປັນຈິງ”.

ກອງປະຊຸມໃຫຍ່ຄັ້ງນີ້ໄດ້ຈັດເປັນສອງຮູບແບບຄື: ຮູບແບບປົກກະຕິຢູ່ນະຄອນຫຼວງວຽງຈັນ ແລະ ຮູບແບບທາງໄກຢູ່ບັນດາແຂວງທົ່ວປະເທດ  ເນື່ອງຈາກສະພາບການແຜ່ລະບາດຂອງພະຍາດໂຄວິດ-19 ໂດຍການເປັນປະທານກອງປະຊຸມຂອງ ສະຫາຍ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ; ເປັນກຽດເຂົ້າຮ່ວມມີພະເຖລານຸເຖລະ, ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ, ມີບັນດາສະຫາຍການນຳພັກ-ລັດຂັ້ນສູງ, ອະດີດການນຳຂັ້ນສູງ ພ້ອມດ້ວຍຜູ້ແທນ ແລະ ແຂກທີ່ຖືກເຊີນທັງໝົດທົ່ວປະເທດ 581 ສະຫາຍ, ພະສົງ 20 ອົງ ແລະ ເພດຍິງ 133 ສະຫາຍ, ໃນນີ້ມີແຂກຮັບເຊີນທັງໝົດ 229 ທ່ານ ຍິງ 63 ທ່ານ.

ກອງປະຊຸມໃຫຍ່ໄດ້ຄົ້ນຄວ້າຢ່າງເລິກເຊິ່ງ ແລະ ຮັບຮອງເອົາຮ່າງລາຍງານການເມືອງທັງ 2 ພາກ ຂອງຄະນະກໍາມະການສູນກາງແນວລາວສ້າງຊາດ ສະໄໝທີ X ທີ່ສະເໜີໂດຍສະຫາຍປະທານສູນກາງແນວລາວສ້າງຊາດ ຕໍ່ກອງປະຊຸມໃຫຍ່ ຄັ້ງທີ XI ຊຶ່ງໄດ້ຍົກໃຫ້ເຫັນຜົນງານ-ດ້ານດີ, ດ້ານອ່ອນ- ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ທິດທາງແຜນການວຽກງານຈຸດສຸມ 5 ປີຕໍ່ໜ້າໂດຍມີ 5 ແຜນງານ 41 ໂຄງການ; ຮັບຟັງການລາຍງານກ່ຽວກັບການປັບປຸງກົດລະບຽບຂອງແນວລາວສ້າງຊາດ ສະໄໝທີ XI ເພື່ອເປັນແນວທາງໃນການຈັດຕັ້ງປະຕິບັດໃນຕໍ່ໜ້າ. ນອກຈາກນັ້ນຍັງໄດ້ຮັບຟັງບົດປະກອບຄໍາຄິດຄໍາເຫັນຈາກຕາງໜ້າກະຊວງພາຍໃນ, ກະຊວງປ້ອງກັນຄວາມສະຫງົບ, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ໂຄງການທົດລອງສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບການແກ້ໄຂຄວາມທຸກຍາກ ຢູ່ເຂດຈຸດສຸມ 516 ເມືອງລ້ອງຊານ ແຂວງໄຊສົມບູນ ແລະ ຄອບຄົວຕົວແບບ.

ກອງປະຊຸມໄດ້ຮັບຮອງເອົາການແຕ່ງຕັ້ງ ຄະນະກໍາມະການສູນກາງແນວລາວສ້າງຊາດ ສະໄໝທີ XI ຈໍານວນ 238 ສະຫາຍ. ໃນນີ້ ມີຕາງໜ້າອົງການ ອພສ  16 ອົງ; ເພດຍິງ 51 ສະຫາຍ. ກອງປະຊຸມຄັ້ງປະຖົມມະລືກໄດ້ເປັນເອກະສັນເລືອກເອົາສະຫາຍ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ເປັນປະທານສູນກາງແນວລາວສ້າງຊາດ, ສະຫາຍ ຄໍາເຜີຍ ບຸດດາວຽງ ກໍາມະການສູນກາງພັກ, ສະຫາຍ ຈັນທະວົງ ແສນອາມາດມົນຕີ, ທ່ານ ເຍ່ຍເກີຢ່າ ໜໍຈໍ່ຈົງຕົວ, ສະຫາຍ ນາງ ສີພະຈັນ ນັນທະວົງສາ ແລະ ສະຫາຍ  ຈັນເພັງ ສຸດທິວົງ ເປັນຮອງປະທານສູນກາງແນວລາວສ້າງຊາດ; ຮັບຮອງເອົາການແຕ່ງຕັ້ງຮອງປະທານສູນກາງແນວລາວສ້າງຊາດ ບໍ່ປະຈໍາການ ຈໍານວນ 4 ສະຫາຍ; ຄະນະປະຈໍາສູນກາງແນວລາວສ້າງຊາດ ຈໍານວນ 9 ສະຫາຍ ແລະ ປະທານກວດກາ 1 ສະຫາຍ.

ໃນໂອກາດອັນມີຄວາມໝາຍສໍາຄັນນີ້ ກອງປະຊຸມໄດ້ຮັບຟັງການໂອ້ລົມເພື່ອເປັນເຂັ້ມທິດເຍື່ອງທາງຂອງສະຫາຍ ທອງລຸນ ສີສຸລິດ ຊຶ່ງໄດ້ເໜັ້ນ 6 ບັນຫາສໍາຄັນ ທີ່ເປັນແນວທາງໃຫ້ແກ່ຄະນະກຳມະການສູນກາງແນວລາວສ້າງຊາດ ສະໄໝທີ XI ໃນການຈັດຕັ້ງປະຕິບັດໃນຕໍ່ໜ້າ ຊຶ່ງກ່ອນອື່ນສະຫາຍໄດ້ສະແດງຄວາມຊົມເຊີຍຕໍ່ການກະກຽມ ແລະ ຜົນສໍາເລັດຂອງກອງປະຊຸມ ແລະ ໄດ້ເນັ້ນ 6 ເນື້ອໃນສໍາຄັນດັ່ງນີ້: ໜຶ່ງ: ສືບຕໍ່ຕັ້ງໜ້າເສີມຂະຫຍາຍບົດບາດ ຂອງແນວລາວສ້າງຊາດ ໃນການເຕົ້າໂຮມຄວາມເປັນປຶກແຜ່ນຂອງຊາດ, ເຊີດຊູສະຕິເປັນເຈົ້າ ແລະ ຄວາມຮັບຜິດຊອບ ຂອງຄົນລາວ ຕໍ່ຊາຕາກໍາ ຂອງປະເທດຊາດ. ກ່ອນອື່ນໝົດ ຕ້ອງສ້າງຄວາມຮັບຮູ້ເຂົ້າໃຈຕໍ່ວຽກງານແນວໂຮມ ແລະ ວຽກງານມະຫາຊົນຂອງພັກ ໃນໄລຍະໃໝ່ ໃຫ້ເລິກເຊິ່ງ ແລະ ກໍາໃຫ້ໄດ້ທັດສະນະພື້ນຖານ ທີ່ວ່າ: " ພາລະກິດປະຕິວັດ ຍາມໃດກໍ່ແມ່ນພາລະກິດຂອງມະຫາຊນົ ແລະ ຕ້ອງຖືມະຫາຊົນເປັນກົກ ແລະ ເປັນຈຸດເລີ່ມ, ວຽກງານມະ ຫາຊົນຂອງພັກ ແມ່ນວຽກງານສຶກສາອົບຮົມ, ເຕົ້າໂຮມຄວາມສາມັກຄີເປັນປຶກແຜ່ນ ແລະ ແມ່ນການເສີມຂະຫຍາຍສິດເປັນເຈົ້າຂອງປະຊາຊົນ". ສະນັ້ນ ແນວລາວສ້າງ ຊາດແຕ່ລະຂັ້ນ ຕ້ອງກໍາໃຫ້ໄດ້ແນວຄິດຈິດຕະສາດ, ວັດທະນະທໍາຮີດຄອງປະເພນີ ຂອງປະຊາຊົນລາວບັນດາເຜົ່າ, ຄວາມຕ້ອງການອັນແທ້ຈິງຂອງປະຊາຊົນ, ແຕ່ລະກຸ່ມຄົນ, ແຕ່ລະສາ ຂາອາຊີບ ຂອງທຸກຊັ້ນຄົນໃນທົ່ວສັງຄົມ ເພື່ອເຕົ້າໂຮມຄວາມສາມັກຄີ ແລະ ສ້າງເປັນກໍາລັງແຮງສັງລວມ ເພື່ອປະຕິບັດແນວທາງ, ແຜນນະໂຍບາຍຂອງພັກ, ລັດຖະທໍາມະນູນ, ກົດໝາຍຂອງລັດ ແລະ ຮູ້ນໍາເອົາແຜນພັດທະນາເສດຖະກິດ-ສັງຄົມ ໃນແຕ່ລະໄລຍະ ໄປຈັດຕັ້ງຜັນຂະຫຍາຍ ແລະ ສຶກສາອົບຮົມ ໃຫ້ແທດເໝາະກັບຈຸດພິເສດ ຂອງແຕ່ລະຄົນ, ແຕ່ລະກຸ່ມຄົນ ແລະ ແຕ່ລະທ້ອງຖິ່ນ.  ການສ້າງຄວາມສາມັກຄີປອງດອງ ແມ່ນໝາກຫົວໃຈສໍາຄັນ ເພື່ອຕ້ານ ແລະ ສະກັດກັ້ນ ຄວາມແຕກແຍກໃນສັງຄົມ ເພາະວ່າຄວາມແຕກແຍກໃນສັງຄົມ ມັນເປັນໄພອັນຕະລາຍ ຕໍ່ສະຖຽນລະພາບຂອງປະ ເທດຊາດ, ຕໍ່ຜົນປະໂຫຍດອັນຊອບທໍາຂອງປະຊາຊົນ. ດັ່ງນັ້ນ, ການສຶກສາອົບຮົມ ໃຫ້ປະຊາຊົນລາວທຸກຊົນເຜົ່າ ມີຄວາມສະໝານສາມັກຄີທີ່ແໜ້ນແກ່ນ ເພື່ອສ້າງສະຕິຊາດ ທີ່ເປັນເອກະພາບ, ມີຄວາມຖະໜອມຫອມຮັກ ແລະ ຊ່ວຍ ເຫຼືອຊຶ່ງກັນ ແລະ ກັນ. ຈາກຂະບວນການສ້າງບ້ານ ແລະ ຄອບຄົວສາມັກຄີປອງດອງ, ຂະບວນການພັດທະນາຊົນນະບົດໃໝ່ ຕິດພັນກັບການລຶບລ້າງຄວາມທຸກຍາກຂອງຄອບຄົວ, ຂອງບ້ານ, ຂອງເມືອງ, ຈຶ່ງຈະກາຍເປັນຊຸມຊົນ ທີ່ກ້າວໜ້າ, ພັດທະນາໄດ້, ເຮັດວຽກນີ້ໄດ້ດີເທົ່າໃດ ປະຊາຊົນເຮົາ ຈຶ່ງສາມາດປະລະໄດ້ ຄວາມເຊື່ອຖືງົມງວາຍ, ຮີດ ຄອງປະເພນີຫຼ້າຫຼັງ ທີ່ປັນການກົດໜ່ວງການພັດທະນາຊີວິດຄວາມເປັນຢູ່ທີ່ດີກວ່າ, ກ້າວໜ້າກວ່າຂອງປະຊາຊົນ ບັນດາເຜົ່າຂອງພວກເຮົາ. ສອງ: ສືບຕໍ່ຍົກລະດັບຄວາມສາມາດ ຂອງຄະນະກໍາມະການແນວລາວສ້າງຊາດ ຕໍ່ວຽກງານແນວໂຮມ ເປັນຕົ້ນໃນການນຳພາສຶກສາອົບຮົມ ແລະ ຍົກລະດັບຄວາມຕື່ນຕົວທາງການເມືອງ, ການເຂົ້າຮ່ວມການຄຸ້ມຄອງ, ການປະຕິບັດກົນໄກທາງການເມືອງ-ສັງຄົມ ຂອງລະບອບປະຊາທິປະໄຕປະຊາຊົນ ໃຫ້ເຂັ້ມແຂງ, ຮັບປະກັນສິດເປັນເຈົ້າ ຂອງປະຊາຊົນ, ຄວາມເປັນປະຊາທິປະໄຕ ແລະ ຍຸດຕິທຳໃນສັງຄົມ ບົນພື້ນຖານທຸກໆແນວທາງນະໂນບາຍພັກ ລະບຽບກົດໝາຍຂອງລັດ ຕ້ອງໃຫ້ປະຊາຊົນຮູ້, ປະຊາຊົນປຶກສາຫາລື, ປະຊາຊົນເຂົ້າຮ່ວມປະຕິບັດ, ປະຊາຊົນກວດກາ ແລະ ປະຊາຊົນໄດ້ຮັບຜົນປະໂຫຍດ ເຮັດໄດ້ແນວນີ້, ຈຶ່ງເຮັດໃຫ້ການຄຸ້ມຄອງລັດ-ຄຸ້ມຄອງສັງຄົມ ດ້ວຍກົດ                       ໝາຍ ໄດ້ຮັບການຈັດຕັ້ງປະຕິບັດ ຢ່າງຖືກຕ້ອງ, ເກີດໝາກຜົນ ແລະ ເປັນຮູບປະທໍາຕົວຈິງ; ຕ້ານໄດ້ບັນດາປັດໄຈໜໍ່ແໜງ, ສວຍໃຊ້ສາສະໜາ, ບັນຫາສິດທິມະນຸດ, ບັນຫາປະຊາທິປະໄຕແບບຈອມປອມເຂົ້າມ້າງຄວາມສາມັກຄີປອງດອງຂອງປະຊາ ຊົນ ເພື່ອຫັນເອົາແນວຄິດ ຂອງຄົນລາວເຜົ່າຕ່າງໆ ໄປສູ່ຄວາມແຕກແຍກ, ແບ່ງຊັ້ນວັນນະ, ແບ່ງເຜົ່າ ແລະ ອື່ນໆ.  ສາມ: ຕ້ອງຍົກສູງບົດບາດຕິດຕາມ, ກວດກາ ຂອງແນວລາວສ້າງຊາດໃຫ້ແຂງແຮງ ໂດຍຜ່ານຄໍາເຫັນ-ຄໍາສະເໜີ ຂອງປະຊາຊົນບັນດາເຜົ່າຕໍ່ການຈັດຕັ້ງປະຕິບັດແນວທາງ, ນະໂຍບາຍຂອງພັກໃນແຕ່ລະໄລຍະ, ທັງຕິດຕາມ, ກວດກາ ການ ເຄື່ອນໄຫວ ຂອງອົງການອໍານາດລັດ ຂອງສູນກາງ ແລະ ທ້ອງຖິ່ນ, ເບິ່ງແຍງ່ດູແລ ແລະ ຕິດຕາມກວດກາການປະຕິບັດໜ້າທີ່ຂອງຜູ້ທີ່ປະຊາຊົນເລືອກມາໃຫ້ເປັນຜູ້ຮັບໃຊ້ຊາດ, ຮັບໃຊ້ປະຊາຊົນນັ້ນວ່າ ເປັນຜູ້ບໍລິສຸດຜຸດຜ່ອງ ຫຼື ບໍ່, ເປັນຜູ້ຈົ່ງຮັກພັກດີຕໍ່ພັກ, ຕໍ່ປະເທດ ແລະ ມີນໍ້າໃຈຮັບໃຊ້ປະຊາຊົນ ຫຼື ບໍ່, ຖ້າເຫັນຜູ້ທີ່ດີ, ຜູ້ທີ່ເດັ່ນ ກໍ່ຕ້ອງສະໜັບສະໜູນ, ອູ້ມຊູຊ່ວຍເຫຼືອ ແລະ ຖືໄດ້ວ່າເປັນຜູ້ທີ່ປະຊາຊົນໃຫ້ຄວາມເຊື່ອໝັ້ນ, ເຄົາລົບນັບຖື. ແຕ່ຖ້າເຫັນຜູ້ທີ່ອ່ອນ ກໍຕອ້ງກໍ່ສ້າງຊ່ວຍເຫຼືອ ຕໍານິຕິຊົມໄດ້, ແຕ່ຖ້າເຫັນຜູ້ກະທໍາຜິດ ກໍສາມາດສະເໜີໃຫ້ຜູ້ມີໜ້າທີ່, ມີສິດອໍານາດແກ້ໄຂຢ່າງທັນການ, ບໍ່ປະປ່ອຍໃຫ້ເປັນຊ່ອງວ່າງໃຫ້ແກ່ຄົນບໍ່ດີ ເອົາເປັນຂໍ້ອ້າງ ເພື່ອສ້າງຄວາມແຕກແຍກໃນສັງຄົມເຮົາ... ພ້ອມດຽວກັນນີ້,   ອົງການແນວລາວສ້າງຊາດ ຕ້ອງລົງຕິດຕາມເກັບກໍາຫາງສຽງ, ຄວາມມຸ່ງມາດປາຖະໜາ ທັງສັງລວມເອົາຄໍາຄິດຄໍາເຫັນ, ຄໍາສະເໜີຂອງປະຊາຊົນບັນດາເຜົ່າ, ຕົວແທນຊັ້ນຄົນ, ສາສະໜາ, ນັກທຸລະກິດ ແລະ ຜູ້ປະກອບການ ເພື່ອສ່ອງແສງ ໃຫ້ອົງການຈັດຕັ້ງ ພັກ, ລັດ ແລະ ຂະແໜງການ ທີ່ກ່ຽວຂ້ອງ ຄົ້ນຄວ້າແກ້ໄຂ ສິ່ງທີ່ປະກົດເຫັນວ່າ ຈະສ້າງຄວາມເສຍຫາຍນັ້ນ ໃຫ້ທັນການ ແລະ ຖືກກາລະເທສະ.  ນອກຈາກນັ້ນ, ແນວລາວສ້າງຊາດ ຍັງຕ້ອງປະຕິບັດ ບົດບາດເຂົ້າຮ່ວມໄກ່ເກ່ຍ, ແກ້ໄຂຂໍ້ຂັດແຍ່ງ, ປະກົດການຫຍໍ້ທໍ້ຕ່າງໆ ທີ່ເກີດຂຶ້ນໃນສັງຄົມ ຕາມພາລະບົດບາດຂອງຕົນ ສີ່: ອົງການແນວໂຮມແຕ່ລະຂັ້ນ ສືບຕໍ່ປັບປຸງແບບແຜນ ແລະ ກົນໄກ ການເຄື່ອນໄຫວເຮັດວຽກຂອງຕົນ ໃຫ້ຄ່ອງຕົວ ແລະ ສາມາດຮັບປະກັນປະສິດທິຜົນ ຂອງການປະຕິບັດໜ້າທີ່ການເມືອງ ເປັນຕົ້ນ: ກົນໄກການເຄື່ອນໄຫວເຮັດວຽກ ລະຫວ່າງ ຄະນະກໍາມະການສູນກາງແນວລາວສ້າງຊາດ ກັບ ແນວລາວສ້າງຊາດ ຂັ້ນທ້ອງຖິ່ນ-ຮາກຖານ; ກົນໄກການເຄື່ອນໄຫວເຮັດວຽກ ລະຫວ່າງ ແນວລາວສ້າງຊາດ ກັບ ບັນດາອົງການພາຄີ ອົງການແນວໂຮມແຕ່ລະຂັ້ນ ສືບຕໍ່ປັບປຸງແບບແຜນ ແລະ ກົນໄກ ການເຄື່ອນໄຫວເຮັດວຽກຂອງຕົນ ໃຫ້ຄ່ອງຕົວ ແລະ ສາມາດຮັບປະກັນປະສິດທິຜົນ ຂອງການປະຕິບັດໜ້າທີ່ການເມືອງ ເປັນຕົ້ນ: ກົນໄກການເຄື່ອນໄຫວເຮັດວຽກ ລະຫວ່າງ ຄະນະກໍາມະການສູນກາງແນວລາວສ້າງຊາດ ກັບ ແນວລາວສ້າງຊາດ ຂັ້ນທ້ອງຖິ່ນ-ຮາກຖານ; ກົນໄກການເຄື່ອນໄຫວເຮັດວຽກ ລະຫວ່າງ ແນວລາວສ້າງຊາດ ກັບ ບັນດາອົງການພາຄີ, ລັດຖະບານ ແລະ ອົງການເສນາທິການສູນກາງພັກ (ສະຖາບັນເສດຖະກິດ-ສັງຄົມແຫ່ງຊາດ). ເຮັດວຽກໃຫ້ສອດຄ່ອງກັນ, ທັງສ້າງກົນໄກປະສານງານ ຊຶ່ງກັນ ແລະ ກັນ, ຫາລືຖອດຖອນບົດ ຮຽນ ແລະ ອາດຈະຕັ້ງຫົວຂໍ້ສໍາມະນາແລກປ່ຽນຄໍາເຫັນກັນເປັນແຕ່ລະກໍລະນີ, ຖ້າເຮັດໄດ້ແນວນີ້, ຈະຊ່ວຍໃຫ້ການນໍາພາຂອງພັກ, ການບໍລິຫານລັດ ຂັ້ນຕ່າງໆ ມີຄວາມສະໜັບສະໜູນຊ່ວຍເຫຼືອ ແລະ ຢືນຢູ່ຄຽງຂ້າງພັກ, ລັດເຮົາ ແລະ ປະຊາຊົນ ຢ່າງເປັນປຶກແຜ່ນ. ຫ້າ: ຄະນະກໍາມະການສນູກາງແນວລາວສ້າງຊາດຊຸດໃໝ່ ທີ່ໄດ້ຮັບຮອງເອົານີ້ ເພີ່ມທະວີ ຄວາມສາມັກຄີພາຍໃນ ແລະ ເຮັດວຽກຮ່ວມມືສາກົນ ແລະ ເປີດກວ້າງສາຍພົວພັນການທູດປະຊາຊົນ ຕາມແນວທາງການຕ່າງປະເທດ ຂອງພັກ-ລັດເຮົາ, ຮັດແໜ້ນສາຍພົວພັນມິດຕະພາບ ແລະ ການຮ່ວມມືກັບອົງການແນວໂຮມ ແລະ ອົງການຈັດຕັ້ງປະຊາຊົນ ຂອງປະເທດເພື່ອນມິດ ທີ່ມີມູນເຊື້ອ, ປະເທດເພື່ອນບ້ານໃກ້ຄຽງ, ປະເທດເພື່ອນມິດອື່ນໆ, ອົງການຈັດຕັ້ງສາກົນ ເພື່ອຍາດແຍ່ງການສະໜັບສະໜູນຊ່ວຍເຫຼືອ ປະກອບສ່ວນເຂົ້າໃນໂຄງການພັດທະນາເສດຖະ ກິດ-ສັງຄົມ ຢູ່ປະເທດເຮົາ. ສໍາລັບແນວລາວສ້າງຊາດຂັ້ນທ້ອງຖິ່ນ ຕ້ອງໄດ້ເພີ່ມທະວີສາຍພົວພັນມິດຕະພາບ, ຄວາມສາມັກຄີກັບປະຊາຊົນປະເທດເພື່ອນບ້ານ ທີ່ມີຊາຍແດນຕິດກັບປະເທດເຮົາ ແນ່ໃສ່ ຂົນຂວາຍປະຊາຊົນ ປະຕິບັດແນວທາງ, ນະໂຍບາຍ ໃນການປົກປັກຮັກສາຊາຍແດນ, ເຂດນໍ້າ ແດນດິນ ຂອງຕົນ, ສ້າງຊາຍແດນແຫ່ງສັນຕິພາບ, ມິດ ຕະພາບ ແລະ ການຮ່ວມມື ທີ່ຕ່າງຝ່າຍ ຕ່າງໄດ້ຮັບຜົນປະໂຫຍດ.  ແນວລາວສ້າງຊາດ ສຸມໃສ່ການຄົ້ນຄວ້າ ແລະ ແລກປ່ຽນບົດຮຽນອັນດີຂອງວຽກງານແນວໂຮມ ຈາກປະເທດອ້າຍນ້ອງ ເພື່ອສືບຕໍ່ປບັປຸງດ້ານການຈັດຕັ້ງ, ເນື້ອໃນ ແລະ ຮູບການ ເຄື່ອນໄຫວຕົວຈິງ ຂອງແນວລາວສ້າງຊາດ ໃຫ້ສອດຄ່ອງກັບສະພາບຈຸດພິເສດ ຂອງວຽກງານນີ້ ໃນເງື່ອນໄຂໃໝ່ ບົນຈິດໃຈສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານ ເພື່ອຮັບປະກັນປະສິດທິຜົນ ໃນການເຄື່ອນໄຫວໃຫ້ສູງຂຶ້ນເລື້ອຍໆ.  ບັນຫາສໍາຄັນໜຶ່ງອີກອັນໜຶ່ງ ຂອງການເຄື່ອນໄຫວວຽກງານແນວລາວສ້າງຊາດ ໃນໄລ ຍະນີ້ ແລະ ຕໍ່ໄປ ແມ່ນສືບຕໍ່ປັບປຸງຮູບການເຄື່ອນໄຫວການທູດພາກປະຊາຊົນ ໃຫ້ເຂົ້າສູ່ລວງເລິກ ເປັນຕົ້ນແມ່ນ ການນໍາເອົາມູນເຊື້ອທີ່ເປັນເອກະລັກ ຂອງຊາດ, ຜະລິດຕະພັນ, ວັດທະນະທໍາ, ອາຫານການກິນ ແລະ ສິນຄ້າອື່ນໆ ທີ່ເປັນເອກະລັກ ແລະ ຜະລິດຈາກປະຊາຊົນຂອງຊາດເຮົາ... ໄປສູ່ສາກົນ ໃຫ້ກວ້າງຂວາງ ແລະ ມີຊີວິດຊີວາ ເພື່ອດຶງດູດການລົງທຶນ, ການຢ້ຽມຢາມ, ທ່ອງທ່ຽວ ມາສູ່ປະເທດຊາດ ໃຫ້ຫຼາຍຂຶ້ນ. ຫົກ: ສືບຕໍ່ສ້າງເງື່ອນໄຂ ແລະ ຊຸກຍູ້ສິ່ງອໍານວຍຄວາມສະດວກຕ່າງໆ ໃຫ້ແກ່ພີ່ນ້ອງເຊື້ອສາຍລາວ ທີ່ຢູ່ຕ່າງປະເທດ ທີ່ຍັງຮັກເຊື້ອແພງຊາດ ໄດ້ອວ່າຍໜ້າມາຫາປະເທດຊາດທີ່ເປັນບ້ານເກີດເມືອງນອນຂອງຕົນ ເພື່ອຮ່ວມກັນສ້າງສາພັດທະນາປະເທດ ເທົ່າທີ່ມີເງື່ອນໄຂ ແລະ ຄວາມສາມາດຂອງຕົນ ເພື່ອຮ່ວມກັບປະຊາຊົນພາຍໃນປະເທດ ສ້າງສາພັດທະນາຊາດບ້ານເມືອງ ໃຫ້ຈະເລີນຮຸ່ງເຮືອງ ສືບຕໍ່ໄປ.

          ( ຂ່າວ-ພາບ: ສນຊ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com