ສຊປລ ເຜີຍແຜ່ເອກະສານສຳຄັນຂອງກົມການເມືອງສູນກາງພັກ

   ສູນ​ກາງ​ຊາວ​ໜຸ່ມ​ປະຊາ ຊົນ​ປະຕິວັດ​ລາວ (ສຊປລ) ໄດ້​ຈັດ​ກອງ​ປະຊຸມ​ເຜີຍແຜ່​ເຊື່ອມ​ຊຶມ​ມະຕິ​ຂອງ​ກົມ​ການເມືອງ​ສູນ​ກາງ​ພັກ ຂຶ້ນ​ໃນ​ວັນ​ທີ 20 ກຸມພາ​ນີ້ ທີ່ ສຊປລ. ເຜີຍແຜ່​ໂດຍ​ທ່ານ ອາ​ລຸນ​ໄຊ ສູນ​ນະ ລາດ ເລຂາຄະນະ​ບໍລິຫານງານ ພັກ​ ສູນ​ກາງ​ຊາວ​ໜຸ່ມ​ປະຊາຊົນ​ປະຕິວັດ​ລາວ ຊຶ່ງ​ມີ​ພະນັກງານ ການ ​ນຳ ແລະ ວິຊາ​ການ  ສຊປລ ເຂົ້າ​ຮ່ວມ.
   ໃນ​ການ​ເຜີຍແຜ່​ຄັ້ງ​ນີ້, ຜູ້​ເຂົ້າ​ຮ່ວມ​ໄດ້​ຮັບ​ຟັງ​ເຜີຍແຜ່​ມະຕິ​ຂອງ​ກົມ​ການເມືອງ​ສູນ​ກາງ​ພັກ ສະບັບ​ເລກ​ທີ 063/ກມສພ,ລົງ​ວັນ​ທີ 12 ມີນາ 2019 ວ່າ​ດ້ວຍ​ການ​ແຕ່ງຕັ້ງ​ຄະນະ​ຮັບຜິດຊອບ​ການ​ຄົ້ນຄວ້າ​ແນວ​ຄິດ ໄກສອນ ພົມວິຫານ; ມະຕິ​ຂອງ​ກົມ​ການເມືອງ​ສູນ​ກາງ​ພັກ ສະບັບ ເລກ​ທີ 058/ກມສພ, ລົງ​ວັນ​ທີ 13  ທັນວາ  2018 ວ່າ​ ດ້ວຍການ​ຄົ້ນຄວ້າ​ແນວ​ຄິດ ​ໄກສອນ ພົມວິຫານ; ມະຕິເລກທີ 072/ກມສພ   ວ່າ​ດ້ວຍ​ລະບອບ​ການ​ຮາ​ໍ່ຮຽນ​ທິດ​ສະ​ດີ​ການເມືອງ; ເຜີຍແຜ່​ເຊື່ອມ​ຊຶມ​ຄໍາ​ສັ່ງ​ຂອງ​ກົມ​ການເມືອງ​ສູນ​ກາງ​ພັກ​ສະ ບັບ​ເລກ​ທີ 064/ກມສພ, ລົງ​ວັນ​ທີ 9 ເມສາ 2019 ວ່າ​ດ້ວຍ ວຽກ​ງານ​ຂະຫຍາຍ​ພັກຜັນ​ຂະ ຫຍາຍ​ເນື້ອ​ໃນ​ກອງ​ປະຊຸມ​ສະ ຫຼຸບ​ວຽກ​ງານ​ຈັດ​ຕັ້ງ, ກໍ່ສ້າງ​ພັກ-​ພະນັກງານ ທົ່ວ​ປະເທດ ປີ 2019.
   ຈຸດປະສົງ​ການ​ເຜີຍແຜ່​ເພື່ອ​ສ້າງ​ຄວາມ​ຮັບ​ຮູ້​ເຂົ້າໃຈ​ຢ່າງ​ເປັນ​ເອກະ​ພາບ​ກ່ຽວກັບ​ລະບອບ​ການ​ຮາໍ່ຮຽນ​ທິດສະ ​ດີ​ການເມືອງ, ສ້າງຄວາມເຊື່ອ ​ໝັ້ນ​ຕໍ່​ອຸດົມ​ການ​ຂອງ​ພັກ, ສ້າງ​ ທັດສະນະ​ຫຼັກ​ໝັ້ນ​ການເມືອງ ທີ່​ຖືກຕ້ອງ​ໃຫ້​ສະມາຊິກ​ພັກ, ພະນັກ​ງານ​ນໍາພາ​-​ຄຸ້ມ​ຄອງ, ພະນັກ​ງານ​-​ລັດຖະກອນ, ເພື່ອ​ເຮັດ​ໃຫ້​ທິດສະດີການເມືອງ​ກາຍເປັນ​ພື້ນຖານແນວຄິດ ແລະ ການ​ກະ​ທໍາ​ຂອງທົ່ວພັກ, ທົ່ວລັດ ແລະ ທົ່ວ​ປວງ​ຊົນ, ເຮັດ​ໃຫ້ທຸກຄົນ​ມີ​ຄວາມຮັບ​ ຮູ້ມີຄວາມເຊື່ອ​ໝັ້ນ, ສະໜັບ ສະໜູນ ແລະ ຕື່ນ​ຕົວ​ປະຕິບັດ​ແນວທາງ​ນະໂຍ​ບາຍ​ຂອງ​ພັກ​-​ລັດ, ເປັນບ່ອນ​ອີງ​ໃຫ້ຄະນະ​ພັກ​ແຕ່​ລະ​ຂັ້​ນດໍາ​ເນີນ​ການ​ສ້າງ​ແຜນການ ແລະ ຈັດ​ຕັ້ງຮາໍ່ຮຽນ​ ທິດ​ສະ​ດີ​ການເມືອງ​ໃຫ້​ສະມາ ຊິກ​ພັກ, ພະນັກ​ງານ​-​ລັດຖະ ກອນ​ຢ່າງ​ຖືກຕ້ອງ, ສອດຄ່ອງ​ກັບ​ແນວທາງ​ນະໂຍບາຍ​ຂອງ​ພັກ-ລັດ ໃນ​ແຕ່​ລະ​ໄລ​ຍະ.
(ຂ່າວ: ຍຸ​ພິນ, ພາບ: ບຸນ​ອູ້ມ)