Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເຈົ້າແຂວງຫຼວງພະບາງ ກວດກາຄວາມພ້ອມສະຖານີຂົນສົ່ງໂດຍສານທາງລົດໄຟລາວ-ຈີນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 29/11/2021 10:26:38 ຈຳ​ນວນ​​ຢ້ຽມ​ຊົມ 480 ຄັ້ງ

ວັນທີ 28 ພະຈິກ ຜ່ານ​ມານີ້ ທ່ານ ຄໍາຂັນ ຈັນທະວີສຸກ ເຈົ້າແຂວງຫຼວງພະບາງ ພ້ອມດ້ວຍຄະນະ ແລະ ພາກແນການກ່ຽວຂ້ອງໄດ້ເຄື່ອນໄຫວຢ້ຽມຢາມ ແລະ ກວດກາຄວາມພ້ອມ ສະຖານີລົດໄຟລາວ-ຈີນ ຊຶ່ງຕັ້ງຢູ່ເຂດບ້ານຊຽງລ້ອມ ນະຄອນ-ຫຼວງພະບາງ ໂດຍມີ ທ່ານ ຫຼີ່ ຈື່ ກົງ ຫົວໜ້າກົງສູນໃຫຍ່ ພ້ອມດ້ວຍຄະນະ ແລະ ຄະນະຮັບຜິດຊອບທາງລົດໄຟລາວ-ຈີນ ໃຫ້ການຕ້ອນຮັບ.

     ໃນການເຄື່ອນໄຫວກວດກາຄັ້ງນີ້ ເພື່ອກຽມຄວາມພ້ອມຂອງສະຖານທີ່ສະຖານີ ເພື່ອກຽມເປີດເສັ້ນທາງລົດໄຟລາວ-ຈີນ ທີ່ຈະໄດ້ຈັດຂຶ້ນໃນເດືອນທັນວາ 2021 ທີ່ຈະມາເຖິງນີ້ ໂດຍຄະນະການນໍາແຂວງຫຼວງພະບາງ ນໍາໂດຍທ່ານເຈົ້າແຂວງຫຼວງພະບາງ ກໍໄດ້ເດີນສໍາຫຼວດກວດກາຕາມສະຖານທີ່ຕ່າງໆຢູ່ສະຖານີດັ່ງກ່າວ ເປັນຕົ້ນແມ່ນຫ້ອງໂຖງຮັບຜູ້ໂດຍສານ ຫຼື ຫ້ອງລໍຖ້າຂອງຜູ້ໂດຍສານ, ຫ້ອງນໍ້າ, ຈຸດບໍລິການອາຫານ-ເຄື່ອງດື່ມ, ຫ້ອງຮັບແຂກ, ສະ ຖານທີ່ກໍ່ສ້າງອ້ອມຮອບສະຖານີ ແລະ ຍັງໄດ້ຂຶ້ນຊົມຫ້ອງໂດຍສານເທິງລົດໄຟຕື່ມອີກ.

ສໍາລັບຄວາມພ້ອມສະຖານີ ແລະ ເສັ້ນທາງ ຄະນະຮັບຜິດຊອບກຸ່ມ ບໍລິສັດກໍ່ສ້າງທາງລົດໄຟ ລາວ-ຈີນ ກໍໄດ້ລາຍງານໃຫ້ຮູ້ວ່າ: ສະຖານທີ່ອ້ອມຮອບ ແລະ ສະຖານີຂົນສົ່ງໂດຍສານຂອງທາງລົດໄຟລາວ-ຈີນ ທີ່ບ້ານຊຽງລ້ອມ ນະຄອນ-ຫຼວງພະບາງ ໄດ້ສໍາເລັດເປັນຈໍານວນຫຼາຍແລ້ວ ຫຼ້າສຸດແມ່ນການກໍ່ສ້າງສະຖານີຫຼວງພະບາງແມ່ນສໍາເລັດແລ້ວ ຊຶ່ງການຕົບແຕ່ງສະຖານີຫຼວງພະບາງ ແມ່ນມີລັກສະນະໂດດເດັ່ນທາງດ້ານວັດທະນະທໍາ ທີ່ປະສົມປະສານກັບແບບຕົ້ນໂພ ວັດຊຽງທອງ ແລະ ລວດລາຍດອກບົວ ຈາກຫໍພິພິທະພັນ (ພະລາດຊະວັງ) ແລະ ຈາກບ່ອນອື່ນໆ, ທັງຍັງເປັນເຄື່ອງໝາຍໃນການສໍາເລັດອາຄານສະຖານີ 10 ແຫ່ງ ຂອງເສັ້ນທາງລົດໄຟລາວ-ຈີນ ໄລ​ຍະບໍ່ເຕ່ນ-ນະຄອນຫຼວງວຽງຈັນ ແລະ ໄດ້ເປັນພື້ນຖານອັນໜັກແໜ້ນໃຫ້ແກ່ການເປີດນຳໃຊ້ທາງລົດໄຟລາວ-ຈີນ ທີ່ມີຄຸນນະພາບສູງ. ສະເພາະຫຼັງຄາຂອງອາຄານສະຖານີມີໂຄງສ້າງແບບ ສາມລວງຕັ້ງໜຶ່ງລວງຂວາງຊຶ່ງມີຄວາມໂຄ້ງຫຼາຍ ແລະ ປະສົມປະສານກັບຫຼັງຄາແບບຊົງຈົ່ວ ຊຶ່ງໂຄງສ້າງເຫຼັກນັ້ນມີຫຼາຍເຖິງ 5 ຊັ້ນ ແລະ ໃຊ້ວັດສະດຸຫຼາຍກວ່າ 500 ຊະນິດ, ມີຫຼາຍຂັ້ນຕອນການປະກອບ ແລະ ຕິດຕັ້ງ ຖືໄດ້ວ່າມີຄວາມຫຍຸ້ງຍາກໃນການກໍ່ສ້າງເປັນອັນດັບຕົ້ນໆ ແລະ ຕໍ່ກັບບັນຫາດັ່ງກ່າວທາງໂຄງການຈຶ່ງໄດ້ສ້າງແຜນງານພິເສດຂຶ້ນ ໄດ້ນໍາໃຊ້ເຕັກໂນໂລຊີ BIMຈໍາລອງແບບກໍ່ສ້າງ ເພື່ອປັບຈຸດເຊື່ອມຕໍ່ລະຫວ່າງໂຄງເຫຼັກກັບໂຄງເບຕົງ ສາມາດຊ່ວຍໃນການກໍ່ສ້າງໃຫ້ມີປະສິດ ທິພາບສູງ,ຊຶ່ງໃຊ້ເວລາ 161 ວັນ ຈຶ່ງສໍາ​ເລັດການກໍ່ສ້າງຂອງພາກສ່ວນຫຼັງຄາ.

  ປັດຈຸບັນທາງລົດໄຟລາວ-ຈີນ ໄດ້ສໍາເລັດການກໍ່ສ້າງ ແລະ ຢູ່ໃນໄລ​ຍະການກວດກາຄວາມພ້ອມເພື່ອຮັບຮອງ ຊຶ່ງຈະເປີດການນໍາໃຊ້ໃນເດືອນທັນວາຂອງປີນີ້.

      ສະຖານີດັ່ງກ່າວຕັ້ງຢູ່ເມືອງມໍລະດົກໂລກ ເປັນເມືອງທີ່ມີຊື່ສຽງທາງດ້ານວັດທະນະທໍາ ແລະ ສະຖານທີ່ທ່ອງທ່ຽວທີ່ຂຶ້ນຊື່ຂອງປະເທດລາວ ຊຶ່ງເອີ້ນຂານວ່າເມືອງຫຼວງພະບາງ “ນະຄອນຫຼວງບູຮານພັນປີ”, ສະຖານີແຫ່ງນີ້ມີເນື້ອທີ່ກໍ່ສ້າງທັງໝົດ 7.970 ຕາແມັດ ແລະ ມີຂະໜາດໃຫຍ່ຮອງລົງມາຈາກສະຖານີນະຄອນຫຼວງວຽງຈັນ ແລະ ໄດ້ຕິດຕັ້ງເປັນ 2 ບ່ອນຂຶ້ນລົງລົດ ແລະ 4 ເສັ້ນທາງລົດໄຟ ຊຶ່ງຈະເປີດເປັນບ່ອນຂົນສົ່ງໂດຍສານ ແລະ ຂົນສົ່ງສິນຄ້າ.

(ຂ່າວ-ພາບ: ເພັດສາຄອນ ສິມມະວົງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com