Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ນາຍົກລັດຖະມົນຕີ ແຫ່ງ ສປປ ລາວ ຢ້ຽມຢາມ ຣາຊະອານາຈັກກໍາປູເຈຍ ຢ່າງເປັນທາງການ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 30/11/2021 10:33:22 ຈຳ​ນວນ​​ຢ້ຽມ​ຊົມ 1096 ຄັ້ງ

ໂດຍຕອບສະໜອງຕາມຄຳເຊີນຂອງ ສົມເດັດ ອັກຄະມະຫາເສນາບໍດີ ເຕໂຈ ຮຸນແຊນ ນາຍົກລັດຖະມົນຕີ ແຫ່ງ ຣາຊະອານາຈັກກໍາປູເຈຍ, ທ່ານ ພັນຄໍາ ວິພາວັນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍຄະນະໄດ້ເດີນທາງຢ້ຽມຢາມ ຣາຊະອານາຈັກກຳປູເຈຍ ຢ່າງເປັນທາງການ ໃນລະຫວ່າງ ວັນທີ 29-30 ພະຈິກ 2021.

ຄະນະຜູ້ແທນຂັ້ນສູງຂອງ ສປປ ລາວ, ທີ່ນໍາໂດຍທ່ານ ພັນຄໍາ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ໄດ້ເດີນທາງເຖິງນະຄອນຫຼວງພະນົມເປັນ ໃນວັນທີ 29 ພະຈິກ 2021 ແລະ ໄດ້ມີພິທີຕ້ອນຮັບຢ່າງເປັນທາງການຢ່າງສົມກຽດ ໂດຍ ສົມເດັດ ອັກຄະມະຫາ ເສນາບໍດີ ເຕໂຈ ຮຸນ ແຊນ ນາຍົກລັດຖະມົນຕີ ແຫ່ງ ຣາຊະອານາຈັກກໍາປູເຈຍ ທີ່ ຫໍສັນຕິພາບ.

ຫຼັງຈາກສໍາເລັດພິທີຕ້ອນຮັບຢ່າງເປັນທາງການ, ສອງນາຍົກລັດຖະມົນຕີ ພ້ອມດ້ວຍຄະນະຜູ້ແທນທັງສອງຝ່າຍ ໄດ້ມີການປະຊຸມພົບປະສອງຝ່າຍຮ່ວມກັນ. ໃນໂອກາດດັ່ງກ່າວນີ້, ທ່ານ ພັນຄໍາ ວິພາວັນ ນາຍົກລັດຖະມົນຕີ ໄດ້ສະແດງຄວາມຂອບໃຈຢ່າງຈິງໃຈຕໍ່ການຕ້ອນຮັບອັນອົບອຸ່ນດ້ວຍໄມຕີຈິດມິດຕະພາບອັນດູດດື່ມ, ຄວາມສາມັກຄີຮັກແພງອັນສະໜິດສະໜົມ ແລະ ຄວາມໄວ້ເນື້ອເຊື່ອໃຈຊຶ່ງກັນ ແລະ ກັນ ຂອງລັດຖະບານ ແລະ ປະຊາຊົນສອງຊາດ ລາວ-ກໍາປູເຈຍ. ການຢ້ຽມຢາມ ຣາຊະອານາຈັກກໍາປູເຈຍຄັ້ງນີ້ ແມ່ນການເຄື່ອນໄຫວຢ້ຽມຢາມຄັ້ງທໍາອິດ ແລະ ປະເທດທໍາອິດ ນັບແຕ່ດໍາລົງຕໍາແໜ່ງເປັນນາຍົກລັດຖະມົນຕີ, ພ້ອມທັງເປັນການຢືນຢັນອີກເທື່ອໜຶ່ງເຖິງຄວາມມຸ່ງໝັ້ນ ແລະ ເຈດຈໍານົງທີ່ສະເໝີຕົ້ນສະເໝີປາຍ ຂອງລັດຖະບານ ແລະ ປະຊາຊົນລາວ ໃນການສືບຕໍ່ເສີມຂະຫຍາຍມູນເຊື້ອສາຍພົວພັນມິດຕະພາບ ຖານເພື່ອນມິດສະໜິດສະໜົມ, ຖານບ້ານໃກ້ເຮືອນຄຽງ ບ້ານພີ່ເມືອງນ້ອງ ບ້ານແກ່ວເມືອງດອງ ມາແຕ່ບູຮານນະການ ກໍຄື ຄູ່ຮ່ວມມືຍຸດທະສາດຮອບດ້ານ ໝັ້ນຄົງຍາວນານ ລະຫວ່າງ ສອງປະເທດ ລາວ-ກໍາປູເຈຍ.

ພ້ອມດຽວກັນນີ້, ທ່ານ ພັນຄໍາ ວິພາວັນ ກໍໄດ້ສະແດງຄວາມຂອບໃຈຢ່າງສູງ ມາຍັງ ສົມເດັດ ເຕໂຈ ຮຸນແຊນ ກໍຄື ລັດຖະບານ ແລະ ປະຊາຊົນ ກໍາປູເຈຍ ທີ່ໄດ້ໃຫ້ການຊ່ວຍເຫຼືອແກ່ ສປປ ລາວ ໃນການຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ພ້ອມທັງໃຫ້ການຊ່ວຍເຫຼືອຈາກລັດຖະບານ ໃນໄລຍະຜ່ານມາ ທັງອຸປະກອນການແພດ ແລະ ວັກຊິນ, ພ້ອມທັງປຸກລະດົມພາກເອກະຊົນຂອງກໍາປູເຈຍ ຊ່ວຍເຫຼືອຕື່ມອີກ.

ສອງຝ່າຍໄດ້ຮ່ວມກັນທົບທວນຄືນການພົວພັນຮ່ວມມືໃນໄລຍະຜ່ານມາ ແລະ ຮ່ວມກັນວາງທິດທາງຮ່ວມມືໃນຕໍ່ໜ້າ, ໂດຍສອງຝ່າຍໄດ້ຕີລາຄາສູງຕໍ່ການພົວພັນມິດຕະພາບ ແລະ ການຮ່ວມມືທີ່ເປັນມູນເຊຶ້ອຖານບ້ານໃກ້ເຮືອນຄຽງທີ່ມີມາແຕ່ດົນນານ ລະຫວ່າງ ລາວ ແລະ ກໍາປູເຈຍ ທີ່ນັບມື້ນັບໄດ້ຮັບການຂະຫຍາຍຕົວແໜ້ນແຟ້ນຍິ່ງໆຂຶ້ນ ໂດຍສະເພາະນັບຕັ້ງແຕ່ສອງປະເທດໄດ້ຍົກລະດັບສາຍພົວການຮ່ວມມືເປັນຄູ່ຮ່ວມຍຸດທະສາດ ຮອບດ້ານ ໝັ້ນຄົງຍາວນານ ໃນປີ 2019, ການພົວພັນຮ່ວມມືຂອງສອງປະເທດ ກໍມີບັນຍາກາດອັນໃໝ່ ເຖິງວ່າສະພາບການສາກົນ ແລະ ພາກພື້ນຍັງສືບຕໍ່ມີຄວາມສັບສົນ, ການແຜ່ລະບາດຂອງພະຍາດໂຄວິດ-19 ຢູ່ພາຍໃນແຕ່ລະປະເທດຍັງມີຄວາມຫຍຸ້ງຍາກ ແຕ່ການພົວພັນຂອງສອງປະເທດ ລາວ-ກໍາປູເຈຍ ຍັງສືບຕໍ່ໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ ແລະ ເຂົ້າສູ່ລວງເລິກໃນທຸກຂົງເຂດ ຊຶ່ງສະແດງອອກຄື: ຜູ້ນໍາສອງປະເທດ ລາວ-ກໍາປູເຈຍ ໄດ້ມີການພົບປະກັນຢ່າງເປັນປົກກະຕິ ທັງໃນໂອກາດເຂົ້າຮ່ວມກອງປະຊຸມສາກົນຕ່າງໆ ແລະ ພົບປະສອງຝ່າຍ ໃນຮູບແບບທາງໄກ. ການພົວພັນຮ່ວມມືຂອງສອງປະເທດໃນດ້ານຕ່າງໆແມ່ນໄດ້ຮັບການເສີມຂະ ຫຍາຍ, ເປັນຕົ້ນການຮ່ວມມືດ້ານການເມືອງແມ່ນຢູ່ໃນລະດັບດີ, ການຮ່ວມມືດ້ານວຽກງານປ້ອງກັນຊາດ-ປ້ອງການຄວາມສະຫງົບ ແລະ ວຽກງານຕ້ານຢາເສບຕິດ ກໍມີຄວາມໃກ້ຊິດ ແລະ ໄດ້ຮັບຄວາມເອົາໃຈໃສ່ຈາກການນໍາທັງສອງປະເທດ.

ການຮ່ວມມືດ້ານການລົງທຶນ, ດ້ານເສດຖະກິດ, ການຄ້າ, ວັດທະນະທໍາ-ສັງຄົມ, ສຶກສາ ແລະ ການຮ່ວມມືໃນທ້ອງຖິ່ນ ກໍເຫັນວ່າມີການຂະຫຍາຍຕົວເປັນກ້າວໆ, ສອງຝ່າຍສະແດງຄວາມຍິນດີທີ່ເຫັນວ່າ ການຄ້າ ການລົງທຶນ ສອງຝ່າຍ ມີທ່າຂະຫຍາຍຕົວດີຂຶ້ນ, ການລົງທຶນຂອງກໍາປູເຈຍຢູ່ລາວ ແລະ ຂອງນັກລົງທຶນ ລາວ ຢູ່ ກໍາປູເຈຍ ກໍນັບມື້ນັບເພີ່ມຂຶ້ນ, ພ້ອມທັງ ຢືນຢັນຈະຮ່ວມກັນສືບຕໍ່ ສ້າງເງື່ອນໄຂສະດວກ ໃຫ້ແກ່ການສົ່ງເສີມການຮ່ວມມືດ້ານເສດຖະກິດ, ການຄ້າ ຂອງສອງຝ່າຍ ໃຫ້ນັບມື້ນັບຫຼາຍຂຶ້ນ. ພິເສດແມ່ນ ເສີມຂະຫຍາຍການຮ່ວມມືດ້ານພະລັງງານ ທີ່ລາວມີທ່າແຮງໃນການຜະລິດ ແລະ ສົ່ງອອກ ແລະ ກໍາປູເຈຍ ກໍມີຄວາມຕ້ອງການສູງ. ນອກນີ້, ສອງຝ່າຍຍັງໄດ້ແຈ້ງໃຫ້ຊາບ ກ່ຽວກັບ ສະພາບການພັດທະນາເສດຖະກິດ-ສັງຄົມ ແລະ ການສະກັດກັ້ນການແຜ່ລະບາດຂອງພະຍາດໂຄວິດ-19. ສອງຝ່າຍ ໄດ້ສະເໜີໃຫ້ມີການປຶກສາຫາລືກັນກ່ຽວກັບການຟື້ນຟູເສດຖະກິດ ຫຼັງການແຜ່ລະບາດ ຂອງພະຍາດໂຄວິດ-19 ໂດຍສະເພາະການຟື້ນຟູການທ່ອງທ່ຽວ.

ສອງຝ່າຍ ຈະສືບຕໍ່ຮ່ວມກັນເຮັດໃຫ້ສໍາເລັດແຜນແມ່ບົດການຈັດຕັ້ງປະຕິບັດ ຄູ່ຮ່ວມຍຸດທະສາດຮອບດ້ານໝັ້ນຄົງຍາວນານ ເພື່ອຈະເປັນບ່ອນອີງ ໃນການຈັດຕັ້ງຜັນຂະຫຍາຍ ໃຫ້ເປັນຮູບປະທໍາ, ພ້ອມທັງຮ່ວມກັນຊຸກຍູ້ໃຫ້ມີການພົບປະກັນຫຼາຍຂຶ້ນຕື່ມ ລະຫວ່າງ ຂະແໜງການກ່ຽວຂ້ອງ ບົນພື້ນຖານກົນໄກທີ່ທັງສອງຝ່າຍມີແລ້ວ ເປັນຕົ້ນການຮ່ວມມືສອງຝ່າຍ (JC), .........(JBC) ແລະ ອື່ນໆ ແນໃສ່ປຶກສາຫາລື ແລະ ຈັດຕັ້ງປະຕິບັດບັນດາຂໍ້ຕົກລົງທີ່ການນໍາຂອງສອງປະເທດໄດ້ລົງນາມ ແລະ ຕົກລົງເປັນເອກະພາບກັນແລ້ວ ລວມທັງບັນຫາຊາຍແດນ ລະຫວ່າງ 2 ປະເທດ.

ໃນໂອກາດດຽວກັນນີ້, ທ່ານ ພັນຄໍາ ວິພາວັນ ນາຍົກລັດຖະມົນຕີ ໄດ້ຖືໂອກາດນີ້ເຊື້ອເຊີນ ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ ພ້ອມດ້ວຍພັນລະຍາ ໄປຢ້ຽມຢາມ ສປປ ລາວ ໃນເວລາທີ່ເໝາະສົມ.

ໃນມື້ຕໍ່ມາ, ທ່ານ ພັນຄໍາ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ຍັງໄດ້ເຂົ້າຢ້ຽມຂໍ່ານັບ ພຣະບາດ ສົມເດັດ ພຣະບໍຣົມມະນຽດ ໂນໂຣດົມ ສີຫາມຸນີ ເຈົ້າຊີວິດແຫ່ງ ຣາຊະອານາຈັກກໍາປູເຈຍ, ພົບປະກັບ ສົມເດັດ ອັກຄະມະຫາ ໂປເນຍ ຈັກໄກຣ ເຮັງ ຊໍາຣິນ ປະທານສະພາແຫ່ງຊາດ ແລະ ສົມເດັດ ວິບຸນ ເສນາ ພຽກໄດ ຊາຍ ຊຸມ ປະທານສະພາສູງ ແຫ່ງ ຣາຊະອານາຈັກກໍາປູເຈຍ. ນອກນີ້, ທ່ານ ນາຍົກລັດຖະມົນຕີ ແຫ່ງ ສປປ ລາວ ໄດ້ນໍາພາຄະນະເຂົ້າວາງພວງມາລາ ທີ່ອະນຸສາວະລີນັກຮົບນິລະນາມ ແລະ ອະນຸສາວະລີເຈົ້າໂນໂຣດົມສີຫານຸ.

ໃນໂອກາດການຢ້ຽມຢາມຄັ້ງນີ້, ລັດຖະບານ ແລະ ປະຊາຊົນກໍາປູເຈຍ ໄດ້ມອບເງິນສົດເພື່ອຊ່ວຍ ສປປ ລາວ ໃນການຕ້ານໂຄວິດ-19 ຈໍານວນ 3.000.000 ໂດລາ, ວັກຊິນ 500.000 ໂດສ ແລະ ລົດຂົນສົ່ງວັກຊິນ 2 ຄັນ, ນອກນີ້ ພາກເອກະຊົນຂອງກໍາປູເຈຍຫຼາຍບໍລິສັດກໍໄດ້ມອບເງິນສົມທົບເພີ່ມອີກ 10.000.000 ໂດລາ ລວມເປັນເງິນທັງໝົດຈໍານວນ 13.000.000 ໂດລາ.

ຂ່າວ-ພາບ: ກະຊວງການຕ່າງປະເທດ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com