Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຫົວ​ໜ້າ ຄ​ຕ​ພ ຕ້ອນ​ຮັບທູດ​ຫວຽດ​ນາມ ​ເຂົ້າອວຍ​ພອນ ເນື່ອງ​ໃນ​ໂອ​ກາດ​ວັນ​ຊາດ​ຄົບ​ຮອບ 46 ປີ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 30/11/2021 09:40:46 ຈຳ​ນວນ​​ຢ້ຽມ​ຊົມ 745 ຄັ້ງ

ໃນຕອນບ່າຍວັນທີ 29 ພະຈິກ 2021 ທີ່ສຳນັກງານ ຄະນະພົວພັນຕ່າງປະເທດສູນກາງພັກ (), ສະຫາຍ ທອງສະຫວັນ ພົມວິຫານ ກຳມະການສູນກາພັກ ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດລາວ ໄດ້ຕ້ອນຮັບ ສະຫາຍ ຫງວຽນ ບ໋າ ຮຸ່ງ ເອກອັກຄະລັດຖະທູດວິສາມັນຜູ້ມີອຳນາເຕັມແຫ່ງ ສາທາລະນະລັດ ສັງຄົມນິຍົມຫວຽດນາມ ປະຈຳ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍອ້າຍນ້ອງພະນັກງານສະຖານທູດ ເຂົ້າອວຍພອນເນື່ອໃນໂອກາດວັນສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 46 ປີ.

ໃນໂອກາດດັ່ງກ່າວສະຫາຍ ຫງວຽນ ບ໋າ ຮຸ່ງ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ບັນດາຜົນສຳເລັດໃນການສ້າງສາພັດທະນາເສດຖະກິດ-ສັງຄົມ ຂອງປະຊາຊົນລາວອ້າຍນ້ອງ ຍາດມາໄດ້ຕະຫຼອດໄລຍະ 46 ປີຜ່ານມາ, ຊົມເຊີຍຜົນສຳເລັດ ກອງປະຊຸມຄົບຄະນະບໍລິຫານງານສູນກາງພັກ ລາວ ຄັ້ງທິ 3 ສະໄໝທີ XI ກໍຄືກອງປະຊຸມສະໄໝສາມັນ ເທື່ອທີ 2 ​ຂອງສະພາແຫ່ງຊາດ ຊຸດທີ IX ທີ່ສຳເລັດລົງເມື່ອບໍ່ດົນຜ່ານມານີ້ ແລະ ການຮັບມືກັບການແຜ່ລະບາດພະຍາດ ໂຄວິດ-19 ໃນປັດຈຸບັນ ພາຍໃຕ້ການນຳພາອັນຖືກຕ້ອງແລະ ສະຫຼາດສ່ອງໃສຂອງພັກ ປະຊາຊົນ ປະຕິວັດລາວ ອັນໄດ້ເຮັດໃຫ້ ລາວ ສືບຕໍ່ມີສະຖຽນລະພາບທາງດ້າການເມືອງຢ່າງໜັກແໜ້ນ, ສັງຄົມມີຄວາມເປັນລະບຽບຮຽບຮ້ອຍ, ວຽກງານປ້ອງກັນຊາດ, ປ້ອງກັນຄວາມສະຫງົບມີຄວາມເຂັ້ມແຂງ, ຖານະບົດບາດ ແລະ ອິດທິພົນຂອງພັກ, ລັດ ລາວ ສູງເດັ່ນໃນເວທີພາກພື້ນ ແລະ ສາກົນ.

ສະຫາຍ ທອງສະຫວັນ ພົມວິຫານ ໄດ້ສະແດງວາມຂອບໃຈຕໍ່ສະຫາຍ ຫງວຽນ ບ໋າ ຮຸ່ງ ທີ່ໄດ້ນຳພາຄະນະມາອວຍພອນ ເນື່ອງໃນໂອກາດວັນສະຖາປະນາ ລາວ ຄົບຮອບ 46 ປີ ໃນຄັ້ງນີ້ ແລະ ສະແດງຄວາມຊົມເຊີຍຕໍ່ບັນດາຜົນສຳເລັດອັນໃຫຍ່ຫຼວງ ແລະ ຮອບດ້ານ ທີ່ປະຊາຊົນຫວຽດນາມອ້າຍນ້ອງຍາດມາໄດ້ ພາຍໃຕ້ການນຳພາອັນປີຊາສາມາດ ແລະ ສະຫຼາດສ່ອງໃສຂອງ ພັກກອມມູນິດຫວຽດນາມ, ໂດຍສະເພາະ ຜົນສຳເລັດໃນການສະກັດກັ້ນການແຜ່ລະບາດຂອງພະຍາດ ໂຄວິດ-19, ການສືບຕໍ່ຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ XIII  ຂອງພັກ ເພື່ອນຳເອົາ ຫວຽດນາມ ກ້າວຂຶ້ນສູ່ທ່ວງທ່າໃໝ່ ທີ່ເຂັ້ມແຂງ ແລະ ໜັກແໜ້ນຮອບດ້ານ, ເຊື່ອໝັ້ນວ່າ ພາຍໃຕ້ການຊີ້ນຳ-ນຳພາອັນຖືກຕ້ອງ ແລະ ສະຫຼາດສ່ອງໃສຂອງພັກກອມມູນິດຫວຽດນາມ, ປະຊາຊົນຫວຽດນາມ ອ້າຍນ້ອງຈະສາມາດຍາດໄດ້ໄຊຊະນະໃໝ່ ໃຫຍ່ຫຼວງກວ່າເກົ່າ ໃນການປົກປັກຮັກສາ, ພັດທະນາ ແລະ ສ້າງສ້າງປະເທດຊາດ ກໍ່ຄືການຕໍ່ສູ້ຕ້ານ ແລະ ສະກັດກັ້ນການແຜ່ລະບາດຂອງພະຍາດ ໂຄວິດ-19 ຢູ່ ຫວຽດນາມ.

ສະຫາຍ ທອງສະຫວັນ ພົມວິຫານ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການປະກອບສ່ວນຂອງສະຖານທູດ, ໂດຍສະເພາະ ການປະກອບສ່ວນຂອງສະຫາຍທູດ ເຂົ້າໃນການຊຸກຍູ້ ແລະ ເສີມຂະຫຍາຍສາຍພົວພັນມິດຕະພາບ ລາວ-ຫວຽດນາມ ໃນໄລຍະການປະຕິບັດໜ້າທີ່ການທູດຢູ່ ລາວ. ພ້ອມນັ້ນ, ສະຫາຍຍັງໄດ້ຕາງໜ້າ ພັກ, ລັດຖະບານ ກໍຄືປະຊາຊົນລາວບັນດາເຜົ່າ ສະແດງຄວາມຂອບໃຈແລະ ຮູ້ບຸນຄຸນ ຕໍ່ພັກ, ລັດແລະ ປະຊາຊົນຫວຽດນາມອ້າຍນ້ອງ ທີ່ໄດ້ໃຫ້ການຊ່ວຍເຫຼືອອັນລ້ຳຄ່າ, ທັນການ ແລະ ມີປະສິທິຜົນ ແກ່ພາລະກິດຕໍ່ສູ່ປົດປ່ອຍຊາດໃນເມື່ອກ່ອນ ກໍຄືໃນພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດຂອງລາວ ໃນປັດຈຸບັນ, ໂດຍສະເພາະແມ່ນການຊ່ວຍເຫຼືອໃນການຮັບມື ຕ້ານການລະບາດຂອງພະຍາດ ໂຄວິດ - 19 ໃນ​​ປັດຈຸບັນ.

ສອງຝ່າຍ ໄດ້ຕີລາຄາສູງຕໍ່ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານຫວ່າງ ສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ທີ່ໄດ້ຮັບການເສີມຂະຫຍາຍຢ່າງຮອບດ້ານ ແລະ ເຂົ້າສູ່ລວງເລິກໃນທຸກຂົງເຂດ, ຊຶ່ງການນຳຂັ້ນສູງຂອງສອງຝ່າຍ ໄດ້ມີການໄປມາຫາສູ່ກັນຢ່າງເປັນປະຈຳ, ການຮ່ວມມືກໍ່ສ້າງພະນັກງານ, ການແລກປ່ຽນບົດຮຽນທາງດ້ານທິດສະດີ-ພຶດຕິກຳ, ການພົວພັນຮ່ວມມືດ້ານເສດຖະກິດ, ການຄ້າ-ການລົງທຶນ, ສຶກສາ, ວັດທະນະທຳ-ທ່ອງທ່ຽວ ແລະ ອື່ນໆ ກໍໄດ້ຂະຫຍາຍຕົວເຂົ້າສູ່ລວງເລິກ ແລະ ນັບມື້ມີຄວາມໝາຍໜັກໜ້ນເປັນກ້າວໆ.

ສອງຝ່າຍ ຍິນດີຈະສືບຕໍ່ປະສານສົມທົບກັນຢ່າງແໜ້ນແຟ້ນລະຫວ່າງ ຄະນະພົວພັນຕ່າງປະເທດສູນກາງພັກ ລາວ ກັບສະຖານເອກອັກຄະລັດຖະທູດ ໃນການເປັນເສນາທິການໃຫ້ແກ່ສອງສູນກາງພັກ ລາວ-ຫວຽດນາມ ແລະ ເປັນຂົວເຊື່ອມຕໍ່ອັນສຳຄັນ ໃນການປະກອບສ່ວນເຂົ້າໃນການ ເພີ່ມທະວີສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານຫວ່າງ ສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ໃຫ້ຈະເລີນງອກງາມຍິ່ງໆຂຶ້ນ, ດຍສະເພາະ​​ ຈະປະສານສົມທົບຢ່າງແໜ້ນແຟ້ນໃນການກະກຽມ ໃຫ້ແກ່ການພົບປະ ແລະ ຢ້ຽມຢາມ ລະຫວ່າງການນຳຂັ້ນສູງສອງພັກລາວ-ຫວຽດນາມ, ການຝຶກອົບຮົມພະນັກງານລາວ ແລະ ການສະເຫຼີມສະຫຼອງ ສອງວັນປະຫວັດສາດ ລາວ-ຫວຽດນາມ ໃນປີ 2022 ທີ່ຈະມາເຖິງນີ້.

ສະຫາຍ ທອງສະຫວັນ ພົມວິຫານ ໄດ້ອວຍພອນໃຫ້ ສະຫາຍທູດ ພ້ອມດ້ວຍຄະນະ ຈົ່ງປະສົບຜົນສຳເລັດໃນການເປັນຂົວເຊື່ອມຕໍ່ມິດຕະພາບທີ່ດີງາມ ລະຫວ່າງສອງພັກ, ສອງລັດ ລາວ-ຫວຽດນາມ ເພື່ອນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ໃຫ້ນັບມື້ນັບຫຼາຍຂຶ້ນ ກໍຄືເພື່ອສັນຕິພາບ, ມິດຕະພາບ ແລະ ການຮ່ວມມືໃນພາກພື້ນ ແລະ ໃນໂລກ.

ຂ່າວ-ພາບ:


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com