Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຍີ່ປຸ່ນ ສະໜອງອຸປະກອນການແພດ ໃຫ້ກະຊວງສາທາລະນະສຸກເພື່ອຕອບໂຕ້ການລະບາດຂອງພະຍາດໂຄວິດ-19

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 30/11/2021 14:43:11 ຈຳ​ນວນ​​ຢ້ຽມ​ຊົມ 1096 ຄັ້ງ

ເມື່ອບໍ່ດົນມານີ້, ລັດຖະບານຍີ່ປຸ່ນ ໄດ້ຊ່ວຍເຫຼືອອຸປະກອນການແພດທີ່ຈໍາເປັນ ລວມມູນຄ່າຫຼາຍກວ່າ 600.000 ໂດລາ ໃຫ້ກະຊວງສາທາລະນະສຸກ ເພື່ອຕອບໂຕ້ກັບການລະບາດຂອງພະຍາດໂຄວິດ-19 ໃນ ສປປ ລາວ ໂດຍແມ່ນອົງການສະຫະປະຊາຊາດ ເພື່ອການບໍລິການໂຄງການ (UNOPS) ເປັນຜູ້ດໍາເນີນການຈັດຊື້ອຸປະກອນດັ່ງກ່າວ. ເຄື່ອງຊ່ວຍເຫຼືອປະກອບມີ: ເຄື່ອງຈັກຜະລິດອົກຊີແຊນ 100 ໜ່ວຍ, ເຄື່ອງຕິດຕາມຄົນເຈັບພ້ອມລໍ້ 100 ໜ່ວຍ ແລະ ເຄື່ອງດູດຂີ້ສະເຫຼດ 100 ໜ່ວຍ.

      ປັດຈຸບັນນີ້, ອຸປະກອນດັ່ງກ່າວ ກໍາລັງນຳໄປແຈກຢາຍໄປຍັງໂຮງໝໍແຂວງ, ໂຮງໝໍຊຸມຊົນ ແລະ ໂຮງໝໍພາກສະໜາມ ໃນຂອບເຂດທົ່ວປະເທດ ຊຶ່ງຄາດວ່າຈະຈັດສົ່ງສໍາເລັດພາຍໃນກາງເດືຶອນທັນວານີ້. ອຸປະກອນເຫຼົ່ານີ້ ແມ່ນມີຄວາມຈໍາເປັນສໍາລັບບັນດາແພດໝໍດ່ານໜ້າ ໃນການປິ່ນປົວຄົນເຈັບທີ່ຕິດພະ ຍາດໂຄວິດ-19 ໂດຍສະເພາະໃນກໍລະນີທີ່ມີອາການຮຸນແຮງ.

      ທ່ານ ເຄນິຈິ ໂກບາຢາຊິ ເອກອັກຄະ​​ຣາ​ຊະທູດວິສາມັນ ຜູ້ມີອໍານາດເຕັມແຫ່ງຍີ່​ປຸ່ນ ປ​ະ​ຈຳ ສປປ ລາວ ໄດ້ກ່າວວ່າ: “ຍີ່ປຸ່ນໄດ້ໃຫ້ການຊ່ວຍເຫຼືອແກ່ ສປປ ລາວ ຫຼາຍກວ່າ 19 ລ້ານໂດລາ ໃນການສະກັດກັ້ນ ແລະ ຕອບໂຕ້ການລະບາດຂອງພະຍາດໂຄວິດ-19 ແລະ ຍັງໄດ້ສະໜອງວັກຊິນປ້ອງກັນໂຄວິດ-19 ຈໍານວນ 600.000 ໂດສ ໃນເດືອນສິງຫາທີ່ຜ່ານມາ. ອຸປະກອນການແພດ ທີ່ລັດຖະບານຍີ່ປຸ່ນໄດ້ສະໜອງໃຫ້ໃນຄັ້ງນີ້ ຈະໄດ້ແຈກຢາຍໄປເຖິງສະຖານບໍລິການທາງການແພດຕ່າງໆ ລວມທັງເຂດຫ່າງໄກ ທີ່ປະເຊີນກັບຄວາມສ່ຽງ ແລະ ມີຂໍ້ຈໍາກັດໃນຫຼາຍໆດ້ານ”.

   ທ່ານ ເຄນິຈິ ໄດ້ກ່າວຕື່ມວ່າ: “ການຊ່ວຍເຫຼືອນີ້ ເປັນຕົວບົ່ງບອກເຖິງ ຄວາມມຸ່ງມາດປາຖະໜາ ຂອງຍີ່ປຸ່ນ ໃນການຊ່ວຍເຫຼືອ ສປປ ລາວ ແກ້ໄຂສະຖານະການໂຄວິດ-19 ພາຍໃນປະເທດ ແລະ ຫວັງຢ່າງຍິ່ງວ່າອຸປະກອນດັ່ງກ່າວຈະສາມາດປິ່ນປົວ ແລະ ຊ່ວຍຊີວິດປະຊາຊົນລາວ ຜູ້ທີ່ໄດ້ຮັບຜົນກະທົບ ຈາກການລະບາດຂອງພະຍາດໂຄວິດ-19.

      ທ່ານ ບຸນແຝງ ພູມມະໄລສິດ ລັດຖະມົນຕີວ່າການກະຊວງສາທາລະນະສຸກ ຕາງໜ້າລັດຖະບານ ສປປ ລາວ ກ່າວສະແດງຄວາມຂອບໃຈເປັນຢ່າງສູງ ຕໍ່ ລັດຖະບານ ແລະ ປະຊາຊົນຍີ່ປຸ່ນ ກໍຄື ອົງການ UNOPS ສໍາລັບການສະໜັບສະໜູນຢ່າງຕໍ່ເນື່ອງ ໃນການແກ້ໄຂບັນຫາພະຍາດໂຄວິດ-19 ໃນ ສປປ ລາວ. ການປະກອບສ່ວນໃນຄັ້ງນີ້ ສະແດງໃຫ້ເຫັນເຖິງສາຍພົວພັນມິດຕະພາບ ແລະ ການພົວພັນຮ່ວມມື ລະຫວ່າງສອງຊາດ ລາວ-ຍີ່ປຸ່ນ.

      ທ່ານກ່າວຕື່ມວ່າ: ເຄື່ອງຊ່ວຍເຫຼືອນີ້ ຈະຊ່ວຍໃຫ້ພະນັກງານແພດໝໍ ສາມາດປິ່ນປົວຄົນເຈັບທີ່ຕິດໂຄວິດ-19 ແລະ ສ້າງຄວາມເຂັ້ມແຂງໃຫ້ແກ່ລັດຖະບານ ໃນການຕອບໂຕ້ກັບການລະບາດຂອງພະຍາດໂຄວິດ-19 ເພື່ອນໍາໄປສູ່ການມີຈໍານວນຜູ້ປິ່ນປົວຫາຍຂາດຫຼາຍຂຶ້ນ.

ທ່ານ ນາງ ແຄໂຣລາຍ ສະປາຍເກວສກີ ຜູ້ຈັດການໂຄງການ ປະຈໍາອົງການ UNOPS ໄດ້ກ່າວວ່າ: ການສະໜອງອຸປະກອນຊ່ວຍເຫຼືອດັ່ງກ່າວເປັນຕົວຢ່າງອັນລ່າສຸດ ຂອງຄໍາໝັ້ນສັນຍາຂອງອົງການ UNOPS ທີ່ມີຕໍ່ປະຊາຊົນລາວ ແລະ ການຮັດແໜ້ນການຮ່ວມມື ກັບລັດຖະບານຍີ່ປຸ່ນ. ນັບແຕ່ມີການລະບາດຂອງພະຍາດໂຄວິດ-19 ໃນທົ່ວໂລກ, ອົງການພວກເຮົາ ແລະ ລັດຖະບານຍີ່ປຸ່ນ ໄດ້ປະ ສົບຄວາມສໍາເລັດ ໃນການເຮັດວຽກຮ່ວມກັນ ເພື່ອສົ່ງ-ມອບອຸປະກອນການແພດ ທີ່ສາມາດກູ້ຊີວິດຄົນເຈັບ ໃຫ້ແກ່ປະເທດຕ່າງໆໃນທົ່ວໂລກ. ອົງການ UNOPS ພວກເຮົາຮູ້ສຶກພາກພູມໃຈ ທີ່ໄດ້ສະໜອງເຄື່ອງຊ່ວຍເຫຼືອອີກຄັ້ງ ແລະ ຫວັງຢ່າງຍິ່ງວ່າ ເຄື່ອງເຫຼົ່ານີ້ ຈະມີປະໂຫຍດຕໍ່ບັນດາແພດໝໍດ່ານໜ້າ ແລະ ຄົນເຈັບຕ່າງໆ ໂດຍໄວທີ່ສຸດເທົ່າທີ່ຈະເປັນໄປໄດ້.

(ຂ່າວ-ພາບ: ນາງ ທະນາພອນ ທອງມະນີວົງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com